ਕੁਐਸਟ ਗਰੁੱਪ ਆਫ਼ ਇਨਸੀਟਿਊਸ਼ਨਜ਼ ਵਲੋਂ ਵਿਸ਼ਵ ਕੰਪਿਊਟਰ ਸੁਰੱਖਿਆ ਦਿਵਸ ਮੌਕੇ ਕੈਂਪਸ ਵਿਚ ਇਕ ਸੈਮੀਨਾਰ ਦਾ ਆਯੋਜਨ ਕੀਤਾ ਗਿਆ । ਇਸ ਮੌਕੇ ਤੇ ਗਰੁੱਪ ਦੇ ਆਈ ਟੀ ਵਿਭਾਗ ਦੇ ਸਮੂਹ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਨੇ ਇਸ ਸੈਮੀਨਾਰ ਵਿਚ ਹਿੱਸਾ ਲੈ ਕੇ ਆਪਣੇ ਵਿਚਾਰ ਸਾਂਝੇ ਕੀਤੇ । ਇਸ ਸੈਮੀਨਾਰ ਦਾ ਮੁੱਖ ਮੰਤਵ ਰੋਜ਼ਾਨਾ ਜੀਵਨ ਦਾ ਜ਼ਰੂਰੀ ਹਿੱਸਾ ਬਣ ਚੁੱਕੇ ਕੰਪਿਊਟਰ ਡਾਟਾ ਨੂੰ ਸੁਰੱਖਿਅਤ ਰੱਖਣ ਦੇ ਤਰੀਕਿਆਂ ਅਤੇ ਪੇਸ਼ ਆਉਣ ਵਾਲੀਆਂ ਮੁਸ਼ਕਲਾਂ ਤੇ ਵਿਚਾਰ ਚਰਚਾ ਕੀਤੀ ਗਈ। ਇਸ ਦੌਰਾਨ ਨਿੱਤ ਨਵੇਂ ਵਾਇਰਸ,ਕੰਪਿਊਟਰ ਦੀ ਸੁਰਖਿਆਂ,ਫਾਇਰਵਾਲ,ਮਜ਼ਬੂਤ ਪਾਸਵਰਡ,ਸ਼ੌਸ਼ਲ ਸਾਇਟਸ ਦੀ ਸੁਰੱਖਿਅਤ ਵਰਤੋਂ, ਜ਼ਰੂਰੀ ਡਾਟਾ ਇਕ ਤੋਂ ਵੱਧ ਥਾਂ ਤੇ ਸੁਰੱਖਿਅਤ ਰੱਖਣਾ ਆਦਿ ਟਾਪਿਕਸ ਤੇ ਵਿਚਾਰ ਚਰਚਾ ਕੀਤੀ ਗਈ । ਇਸ ਦੇ ਨਾਲ ਹੀ ਆਈ ਟੀ ਵਿਭਾਗ ਦੇ ਅਧਿਆਪਕਾਂ ਨੇ ਦੱਸਿਆ ਕਿ ਕੰਪਿਊਟਰ ਜਾਂ ਲੈਪਟਾਪ ਤੇ ਇਕ ਤੋਂ ਪਾਸਵਰਡ ਲਾਉਣ ਦੇ ਤਰੀਕਿਆਂ,ਆਨ ਲਾਈਨ ਅਤੇ ਆਫ਼ ਲਾਈਨ ਡਾਟਾ ਸੇਵ ਕਰਨ ਦੇ ਤਰੀਕੇ,ਨਵੀਆਂ ਆਨ ਲਾਈਨ ਡਾਟਾ ਸੇਵ ਕਰਨ ਵਾਲੀਆਂ ਵੈਬਸਾਈਟ ਦੀ ਜਾਣਕਾਰੀ,ਵਾਇਰਸ ਦੇ ਖ਼ਤਰੇ ਤੋਂ ਬਚਣ ਦੇ ਤਰੀਕੇ,ਡਾਟਾ ਡਲੀਟ ਹੋਣ ਤੇ ਦੁਬਾਰਾ ਹਾਸਿਲ ਕਰਨ ਦੇ ਤਰੀਕਿਆਂ ਦੇ ਇਲਾਵਾ ਕੰਪਿਊਟਰ ਜਾਂ ਲੈਪਟਾਪ ਦੇ ਸੁਰੱਖਿਅਤ ਰੱਖ ਰਖਾਓ ਦੇ ਤਰੀਕਿਆਂ ਤੇ ਵੀ ਜਾਣਕਾਰੀ ਸਾਂਝੀ ਕੀਤੀ ਗਈ ।ਇਸ ਮੌਕੇ ਤੇ ਕੁਐਸਟ ਗਰੁੱਪ ਦੇ ਵਾਇਸ ਚੇਅਰਮੈਨ ਐਚ ਪੀ ਐਸ ਕਾਂਡਾ ਨੇ ਵਿਦਿਆਰਥੀਆਂ ਨਾਲ ਆਪਣੇ ਵਿਚਾਰ ਸਾਂਝੇ ਕਰਦੇ ਹੋਏ ਕਿਹਾ ਕਿ ਅੱਜ ਦੀ ਦੌੜ ਭੱਜ ਭਰੀ ਜਿੰਦਗੀ ਦੇ ਚਲਦਿਆਂ ਜ਼ਿਆਦਾਤਰ ਲੋਕ ਮੋਬਾਇਲ,ਲੈਪਟਾਪ ਅਤੇ ਕੰਪਿਊਟਰ ਤੇ ਨਿਰਭਰ ਹੋ ਚੁੱਕੇ ਹਨ । ਉਨ੍ਹਾਂ ਅੱਗੇ ਕਿਹਾ ਕਿ ਇਸ ਨਾਲ ਜਿਥੇ ਇਨ੍ਹਾਂ ਗੈਜ਼ਟਸ ਵਿਚਲਾ ਡਾਟਾ ਬਹੁਤ ਮਹੱਤਵ ਹੋ ਜਾਂਦਾ ਹੈ ਉਥੇ ਹੀ ਆਨ ਲਾਈਨ ਦੌਰਾਨ ਇਹ ਡਾਟਾ ਕਿਸੇ ਵਲੋਂ ਹੈਕ ਕਰਕੇ ਸਬੰਧਿਤ ਡਾਟੇ ਦੀ ਦੁਰਵਰਤੋਂ ਹੋ ਸਕਦੀ ਹੈ । ਇਸ ਲਈ ਹਰ ਤਰਾਂ ਨਾਲ ਡਾਟਾ ਸੁਰੱਖਿਆ ਬਹੁਤ ਜ਼ਰੂਰੀ ਹੋ ਜਾਂਦਾ ਹੈ । ਇਸ ਮੌਕੇ ਤੇ ਵਾਇਸ ਚੇਅਰਮੈਨ ਕਾਂਡਾ ਨੇ ਵਿਦਿਆਰਥੀਆਂ ਨੂੰ ਡਾਟਾ ਸੁਰੱਖਿਅਤ ਰੱਖਣ ਦੇ ਕਈ ਸਫਲ ਤੇ ਕਾਰਗਰ ਤਰੀਕੇ ਵੀ ਦੱਸੇ ।