ਅੱਜ ਇਥੇ ਪੰਜਾਬ ਦੇ ਟਰਾਂਸਾਪੋਰਟ ਮੰਤਰੀ ਅਜੀਤ ਸਿੰਘ ਕੋਹਾੜ ਦੀ ਪ੍ਰਧਾਨਗੀ ਹੇਠ ਪੰਜਾਬ ਸਟੇਟ ਰੋਡ ਸੇਫਟੀ ਕਾਊਂਸਲ ਦੀ ਮੀਟਿੰਗ ਪੰਜਾਬ ਭਵਨ ਵਿਖੇ ਹੋਈ ਜਿਸ ਵਿੱਚ ਸੜਕ ਸੁਰੱਖਿਆ ਨਿਯਮਾਂ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਲਾਗੂ ਕਰਨ ਬਾਰੇ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਮੀਟਿੰਗ ਵਿੱਚ ਟਰਾਂਸਪੋਰਟ ਵਿਭਾਗ ਦੇ ਸਕੱਤਰ ਸ੍ਰੀ ਆਰ.ਵੈਕਟਰਤਨਮ ਤੋਂ ਇਲਾਵਾ ਗ੍ਰਹਿ, ਵਿੱਤ, ਸਿੱਖਿਆ, ਲੋਕ ਨਿਰਮਾਣ, ਆਬਕਾਰੀ ਤੇ ਕਰ, ਸਿਹਤ, ਸਥਾਨਕ ਸਰਕਾਰ, ਉਚੇਰੀ ਸਿੱਖਿਆ ਅਤੇ ਪੰਜਾਬ ਪੁਲਿਸ ਵਿਭਾਗਾਂ ਦੇ ਸੀਨੀਅਰ ਅਧਿਕਾਰੀਆਂ ਨੇ ਹਿੱਸਾ ਲਿਆ।ਮੀਟਿੰਗ ਦੀ ਪ੍ਰਧਾਨਗੀ ਕਰਦਿਆਂ ਸ. ਅਜੀਤ ਸਿੰਘ ਕੋਹਾੜ ਨੇ ਗੱਡੀਆ ਵਿੱਚ ਲੱਗੇ ਪ੍ਰੈਸਰ ਹਾਰਨ ਹਟਾਉਣ ਅਤੇ ਟਰੈਕਟਰ ਟਰਾਲੀਆਂ ਵਲੋਂ ਕਮਰਸੀਅਲ ਤੌਰ ਤੇ ਚੱਲਣ ਬਾਰੇ ਇਨਫੋਰਸਮੈਂਟ ਅਧਿਕਾਰੀਆਂ ਨੂੰ ਸਖਤੀ ਨਾਲ ਕੰਮ ਕਰਨ ਦੀਆਂ ਹਦਾਇਤਾਂ ਦਿੱਤੀਆਂ।
ਮੰਤਰੀ ਨੇ ਰੋਜਾਨਾ ਵਾਪਰ ਰਹੇ ਸੜਕੀ ਹਦਸਿਆਂ ਤੇ ਚਿੰਤਾ ਪ੍ਰਗਟ ਕਰਦਿਆਂ ਸੁਰੱਖਿਅਤ ਸਕੂਲ ਵਾਹਨ ਸਕੀਮ ਤਹਿਤ ਸਕੂਲਾਂ ਲਈ ਸੜਕ ਸੁਰੱਖਿਆ ਨਿਯਮਾਂ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਲਾਗੂ ਕਰਨ ਲਈ ਜੋਰ ਦਿੱਤਾ ਅਤੇ ਇਹ ਆਦੇਸ਼ ਦਿੱਤੇ ਕਿ ਸਕੂਲ ਵਾਹਨ ਸਕੀਮ ਕਾਲਜਾਂ ਅਤੇ ਹੋਰ ਸਿਖਿਅਕ ਅਦਾਰਿਆਂ ਵੱਲੋਂ ਵਰਤੀਆਂ ਜਾਣ ਵਾਲੀਆਂ ਬੱਸਾਂ ਤੇ ਵੀ ਲਾਗੂ ਹੋਵੇਗਾ।ਜਿਥੋਂ ਤੱਕ ਬਲੈਕ ਸਪਾਟ ਦਾ ਸਬੰਧ ਹੈ ਉਨ੍ਹਾਂ ਨੇ ਆਦੇਸ਼ ਕੀਤੇ ਕਿ ਇਸ ਮਾਮਲੇ ਵਿੱਚ ਪੁਲਿਸ ਅਤੇ ਪੀ.ਡਬਲਿਊ.ਡੀ (ਬੀ.ਐਂਡ ਆਰ) ਵਿਭਾਗ ਰਲ ਕੇ ਉਚਿੱਤ ਕਾਰਵਾਈ ਕਰਨ ਤਾਂ ਜੋ ਜਿਆਦਾ ਹੋਣ ਵਾਲੇ ਐਕਸੀਡੈਂਟ ਸਪਾਟਾਂ ਤੇ ਸੜਕਾਂ ਠੀਕ ਕੀਤੀਆਂ ਜਾ ਸਕਣ ਅਤ ਹਾਦਸੇ ਘੱਟਣ।ਮੰਤਰੀ ਨੇ ਓਵਰ ਸਪੀਡ ਅਤੇ ਸਰਾਬ ਪੀ ਕੇ ਗੱਡੀ ਚਲਾਉਣ ਦੀ ਉਲਘੰਣਾ ਨੂੰ ਰੋਕਣ ਲਈ ਐਲਕੋ ਮਈਅਰ ਅਤੇ ਸਪੀਡ ਰਡਾਰਜ ਦੀ ਵਰਤੋਂ ਕਰਨ ਦਾ ਸੁਝਾਅ ਦਿੱਤਾ। ਮੀਟਿੰਗ ਵਿੱਚ ਪੰਜਾਬ ਪੁਲਿਸ ਨੂੰ ਰੋਡ ਐਕਸੀਡੈਂਟ ਦਾ ਡਾਟਾ ਰੋਜਾਨਾ website wwwpunjabroadsafety.org ਤੇ ਅਪਲੋਡ ਕਰਨ ਲਈ ਆਖਿਆ ਜੋ ਮੁੱਖ ਇੰਜੀਨੀਅਰ ਪੀ.ਆਰ ਬੀ ਡੀ ਬੀ ਵਲੋਂ ਰੋਡ ਐਕਸੀਡੈਂਟ ਡਾਟਾ ਬਣਾਏ ਮੈਨੇਜਮੈਟ ਸਿਸਟਮ ਬਣਾਇਆ ਗਿਆ ਹੈ।