ਪਿੰਡ ਨਰੂਆਣਾ ਵਿਖੇ 1.25 ਏਕੜ ਇਲਾਕੇ ਵਿੱਚ ਸਥਿਤ ਸੂਬੇ ਦਾ ਪਹਿਲਾ ਸਵੈਚਾਲਤ ਡਰਾਇਵਿੰਗ ਟੈਸਟ ਅਤੇ ਟ੍ਰੇਨਿੰਗ ਕੇਂਦਰ ਸੜਕ ਸੁਰੱਖਿਆ ਵਿੱਚ ਇਕ ਨਵਾਂ ਅਧਿਆਏ ਹੈ। ਜਿਸ ਤਹਿਤ ਬਿਨਾਂ ਕਿਸੇ ਖਜੱਲ ਖੁਆਰੀ ਤੋਂ ਸਿਰਫ ਸਿੱਖਿਅਤ ਡਰਾਇਵਰਾਂ ਨੂੰ ਹੀ ਲਾਈਸੈਂਸ ਜਾਰੀ ਕੀਤੇ ਜਾਂਦੇ ਹਨ। ਇਹ ਜਾਣਕਾਰੀ ਪੰਜਾਬ ਦੇ ਟਰਾਂਸਪੋਰਟ ਮੰਤਰੀ ਅਜੀਤ ਸਿੰਘ ਕੋਹਾੜ ਨੇ ਅੱਜ ਇਥੇ ਦਿੰਦਿਆਂ ਕਿਹਾ ਕਿ ਪੰਜਾਬ ਸਰਕਾਰ ਦਾ 2 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣਿਆ ਇਹ ਪ੍ਰੋਜੈਕਟ ਹੁਣ ਸੂਬੇ ਵਿੱਚ 32 ਥਾਵਾਂ ਤੇ ਬਣਾਇਆ ਜਾ ਰਿਹਾ ਹੈ ਜਿੱਥੇ ਵਾਹਨਾਂ ਦੀ ਰਜਿਸਟਰੇਸ਼ਨ ਤੋ ਲੈਕੇ ਡਰਾਇੰਵਿੰਗ ਲਾਈਸੈਂਸ ਜਾਰੀ ਕਰਨ ਤੱਕ ਦੇ ਸਾਰੇ ਕੰਮ ਇੱਕ ਹੀ ਛੱਤ ਹੇਠ ਕੀਤੇ ਜਾਣਗੇ। ਕੋਹਾੜ ਨੇ ਕਿਹਾ ਕਿ ਅਪ੍ਰੈਲ 2015 ਵਿੱਚ ਉਪ ਮੁੱਖ ਮੰਤਰੀ ਸ: ਸੁਖਬੀਰ ਸਿੰਘ ਬਾਦਲ ਦੁਆਰਾ ਉਦਘਾਟਨ ਕੀਤੇ ਗਏ ਇਸ ਕੇਂਦਰ ਵੱਲੋਂ ਹੁਣ ਤੱਕ 27027 ਡਰਇੰਵਿਗ ਲਾਈਸੈਂਸ ਜਾਰੀ ਕੀਤੇ ਗਏ ਹਨ ਜਿੰਨ੍ਹਾਂ ਵਿੱਚੋ 5440 ਡਰਾਇਵਿੰਗ ਲਾਈਸੈਂਸ ਮਹੀਨਾ ਦਸੰਬਰ 2015 ਵਿੱਚ ਜਾਰੀ ਕੀਤੇ ਗਏ। ਇਸ ਕੇਂਦਰ ਦੀ ਪ੍ਰਸਿੱਧੀ ਦਾ ਅਨੁਮਾਨ ਇਸ ਗੱਲ ਤੋ ਲਗਾਇਆ ਜਾ ਸਕਦਾ ਹੈ ਕਿ ਦਸੰਬਰ 2015 ਦੇ 21 ਕੰਮ ਵਾਲੇ ਦਿਨਾਂ ਵਿੱਚ 5440 ਡਰਾਇਵਿੰਗ ਲਾਈਸੈਂਸ ਜਾਰੀ ਕੀਤੇ ਗਏ। ਇਸ ਹਿਸਾਬ ਨਾਲ ਪ੍ਰਤੀ ਦਿਨ 259 ਡਰਾਇਵਿੰਗ ਲਾਈਸੈਂਸ ਜਾਰੀ ਹੋਏ ਜਿਸ ਦਾ ਮਤਲਬ ਹੈ ਕਿ ਪ੍ਰਤੀ 1.84 ਮਿੰਟ 1 ਨਵਾਂ ਡਰਾਇਵਿੰਗ ਲਾਈਸੈਂਸ ਬਣਾਇਆ ਗਿਆ।ਉਨਾਂ ਨੇ ਕਿਹਾ ਕਿ ਪੰਜਾਬ ਸਰਕਾਰ ਨੇ ਮਾਰੂਤੀ ਨਾਲ ਇਕ ਸਮਝੌਤਾ ਕੀਤਾ ਹੈ ਜਿਸ ਤਹਿਤ ਮਾਰੂਤੀ ਕੰਪਨੀ ਦਾ ਸਟਾਫ ਇਸ ਕੇਂਦਰ ਵਿੱਚ ਡਰਾਇਵਿੰਗ ਸਿਖਾਂਦਾ ਹੈ। ਮਾਰੂਤੀ ਸਟਾਫ ਦੁਆਰਾ ਡਰਾਇਵਿੰਗ ਅਤੇ ਸੜਕ ਸੁਰਖਿਆ ਸਬੰਧੀ ਸਲੈਬਸ ਪੜਾਇਆ ਜਾਂਦਾ ਹੈ ਅਤੇ ਸਿਖਲਾਈ ਵੀ ਦਿੱਤੀ ਜਾਂਦੀ ਹੈ।ਇਸ 20 ਦਿਨਾਂ ਦੇ ਕੋਰਸ ਦੌਰਾਨ ਲੋਕਾਂ ਨੂੰ ਡਰਾਇਵਿੰਗ ਦੀ ਨਕਲ ਕਰਨ ਵਾਲੇ ਅਧੁਨਿਕ ਸੋਫਟਵੈਅਰ 'ਤੇ ਸਿਖਲਾਈ ਦਿੱਤੀ ਜਾਂਦੀ ਹੈ ਅਤੇ ਇਸ ਤੋ ਬਾਅਦ 10 ਦਿਨਾਂ ਦੀ ਅਮਲੀ ਸਿੱਖਿਆ ਦਿੱਤੀ ਜਾਂਦੀ ਹੈ। ਉਨ੍ਹਾਂ ਕਿਹਾ ਕਿ ਇਸ ਸੋਫਟਵੇਅਰ ਦੇ ਇਸਤੇਮਾਲ ਨਾਲ ਨਵੇਂ ਡਰਾਇਵਰ ਅਤੇ ਔਰਤਾਂ ਨੂੰ ਲਾਭ ਮਿਲਦਾ ਹੈ ਅਤੇ ਉਹ ਪੂਰੇ ਆਤਮ-ਵਿਸ਼ਵਾਸ ਨਾਲ ਗੱਡੀ ਚਲਾਉਣੀ ਸਿੱਖ ਜਾਂਦੇ ਹਨ।