ਕੁਐਸਟ ਗਰੁੱਪ ਆਫ਼ ਇੰਸਟਿਚਊਸ਼ਨਜ਼ ਵਿਚ ਭਾਰਤ ਦੇ ਪ੍ਰਮੁੱਖ ਬੈਂਕ ਐਕਸਿਜ ਬੈਂਕ ਵੱਲੋਂ ਕੈਂਪਸ ਪਲੇਸਮੈਂਟ ਦਾ ਆਯੋਜਨ ਕੀਤਾ ਗਿਆ। ਇਸ ਦੌਰਾਨ ਬੀ ਟੈੱਕ ਅਤੇ ਐਮ ਬੀ ਏ ਦੇ 500 ਦੇ ਕਰੀਬ ਵਿਦਿਆਰਥੀਆਂ ਨੇ ਹਿੱਸਾ ਲੈਦੇ ਹੋਏ ਨੌਕਰੀ ਹਾਸਿਲ ਕਰਨ ਆਪਣੀ ਪ੍ਰਤਿਭਾ ਦਾ ਜੌਹਰ ਵਿਖਾਇਆ। ਅਸਿਸਟੈਂਟ ਮੈਨੇਜਰ ਦੇ ਅਹੁਦੇ ਲਈ ਐਕਸਿਜ ਬੈਂਕ ਦੇ ਅਧਿਕਾਰੀਆਂ ਵੱਲੋਂ ਸਭ ਤੋਂ ਪਹਿਲਾਂ ਹਾਜ਼ਰ ਉਮੀਦਵਾਰਾਂ ਨੂੰ ਸਬੰਧਿਤ ਨੌਕਰੀ ਦੇ ਪ੍ਰੋਫਾਈਲ, ਬੈਂਕ ਦੇ ਭਵਿਖ ਦੇ ਉਲੀਕੇ ਟੀਚੇ ਅਤੇ ਮੌਜੂਦਾ ਨਿਯਮਾਂ ਨਾਲ ਜਾਣਕਾਰੀ ਦਿਤੀ ਗਈ। ਇਸ ਤੋਂ ਆਨ ਲਾਈਨ ਲਿਖਤੀ ਟੈੱਸਟ, ਗਰੁੱਪ ਡਿਸਕਸ਼ਨ ਵਿਚ 380 ਉਮੀਦਵਾਰਾਂ ਨੂੰ ਸ਼ਾਰਟ ਲਿਸਟ ਕੀਤਾ ਗਿਆ। ਇਸ ਤੋਂ ਬਾਅਦ ਨਿੱਜੀ ਇੰਟਰਵਿਊ ਦਾ ਦੌਰ ਸ਼ੁਰੂ ਹੋਇਆ, ਜਿਸ ਵਿਚ ਫਾਈਨਲ ਵਿਚ ਕੁਐਸਟ ਗਰੁੱਪ ਦੇ 139 ਵਿਦਿਆਰਥੀਆਂ ਦੀ ਚੋਣ ਕੀਤੀ ਗਈ। ਇਨ੍ਹਾਂ ਉਮੀਦਵਾਰਾਂ ਨੂੰ 3.24 ਲੱਖ ਤੱਕ ਦੇ ਪੈਕੇਜ ਤੇ ਚੁਣਿਆਂ ਗਿਆ ਹੈ।
ਇਸ ਮੌਕੇ ਤੇ ਕੁਐਸਟ ਦੇ ਚੇਅਰਮੈਨ ਡੀ ਐੱਸ ਸੇਖੋਂ ਨੇ ਚੁਣੇ ਗਏ ਉਮੀਦਵਾਰਾਂ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਕਿ ਕੁਐਸਟ ਗਰੁੱਪ ਦਾ ਪਹਿਲਾ ਅਤੇ ਅਹਿਮ ਟੀਚਾ ਆਪਣੇ ਵਿਦਿਆਰਥੀਆਂ ਨੂੰ ਮਿਆਰੀ ਸਿੱਖਿਆਂ ਦੇ ਨਾਲ ਨਾਲ ਵਧੀਆਂ ਨੌਕਰੀਆਂ ਤੇ ਲਗਵਾਉਣਾ ਵੀ ਹੈ। ਇਸੇ ਕਾਰਨ ਕੈਂਪਸ ਵਿਚ ਲਗਾਤਾਰ ਪਲੇਸਮੈਂਟ ਕਰਵਾਈ ਜਾਂਦੀ ਹੈ ਤਾਂ ਕਿ ਸਾਡੇ ਵਿਦਿਆਰਥੀ ਡਿਗਰੀ ਪੂਰੀ ਕਰਦੇ ਹੀ ਵਧੀਆਂ ਨੌਕਰੀਆਂ ਹਾਸਿਲ ਕਰਨ ਸਕਣ। ਵਾਈਸ ਚੇਅਰਮੈਨ ਜੇ ਪੀ ਐੱਸ ਧਾਲੀਵਾਲ ਅਤੇ ਐੱਚ ਪੀ ਐੱਸ ਕਾਂਡਾ ਅਨੁਸਾਰ ਸਾਡਾ ਟੀਚਾ ਆਪਣੇ ਵਿਦਿਆਰਥੀਆਂ ਨੂੰ ਡਿਗਰੀ ਪੂਰੀ ਹੁੰਦੇ ਹੀ ਨੌਕਰੀਆਂ ਤੇ ਲਗਵਾਉਣਾ ਹੈ ਅਤੇ ਇਸ ਟੀਚੇ ਲਈ ਕੁਐਸਟ ਗਰੁੱਪ ਮੈਨੇਜਮੈਂਟ ਪੂਰੀ ਤਰਾਂ ਲਾਮਬੰਦ ਹੈ।