ਪੰਜਾਬ ਸਰਕਾਰ ਵੱਲੋਂ ਰਾਜ ਦੀ ਬੀਜ ਉਤਪਾਦਨ ਸਮਰੱਥਾ ਨੂੰ 1.5 ਲੱਖ ਕੁਇੰਟਲ ਤੋਂ ਵਧਾ ਕੇ ਤਿੰਨ ਲੱਖ ਕੁਇੰਟਲ ਕਰਨ ਦੇ ਮਕਸਦ ਨਾਲ ਜਲਦ ਹੀ ਪਨਸੀਡ ਪ੍ਰੋਸੈਸਿੰਗ ਪਲਾਂਟ ਦੀ ਸਮਰੱਥਾ ਨੂੰ ਵਧਾਇਆ ਜਾ ਰਿਹਾ ਹੈ ਉਕਤ ਪ੍ਰ੍ਰਗਟਾਵਾ ਪੰਜਾਬ ਦੇ ਖੇਤੀਬਾੜੀ ਮੰਤਰੀ ਸ਼੍ਰੀ ਤੋਤਾ ਸਿੰਘ ਨੇ ਅੱਜ ਇੱਥੇ ਕੀਤਾ। ਉਨ੍ਹਾ ਕਿਹਾ ਕਿ ਸਰਕਾਰ ਵੱਲੋਂ ਹਾੜੀ ਸੀਜਨ 2015-16 ਦੋਰਾਨ ਕਿਸਾਨਾਂ ਨੂੰ ਕਣਕ ਦੇ ਬੀਜ ਦੀ ਸਮੇਂ ਸਿਰ ਸਪਲਾਈ ਯਕੀਨ ਬਨਾਉਣ ਲਈ ਆਦੇਸ਼ ਕਰ ਦਿੱਤੇ ਗਏ ਹਨ ਤੋਂ ਜੋ ਇਸ ਸਬੰਧੀ ਸਮਾਂ ਰਹਿੰਦਿਆ ਅਗੇਤੇ ਪ੍ਰਬੰਧ ਕਰ ਲਏ ਜਾਣ।ਉਨ੍ਹਾਂ ਕਿਹਾ ਕਿ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਨੂੰ ਆਦੇਸ਼ ਜਾਰੀ ਕਰਕੇ ਕਿਹਾ ਗਿਆ ਹੈ ਕਿ ਉਹ ਇਨ੍ਹਾਂ ਬੀਜਾਂ ਦੇ ਕੀਮਤ ਅਤੇ ਸਰਕਾਰੀ ਖ੍ਰੀਦ ਏਜੰਸੀਆਂ ਪਨਸੀਡ,ਇਫਕੋ,ਕਰਿਭਕੋ, ਨੇਸ਼ਨਲ ਸੀਡ ਕਾਰਪੋਰੇਸ਼ਨ ਅਤੇ ਪੀ.ਏ.ਯੂ ਵੱਲੋਂ ਹਾੜੀ ਦੇ ਸੀਜਨ ਦੋਰਾਨ ਬੀਜ ਦੀ ਵਿਕਰੀ ਬਾਰੇ ਇੱਕ ਵਿਸਥਾਰਤ ਰਿਪੋਰਟ ਪੇਸ਼ ਕਰੇ ਅਤੇ ਨਾਲ ਹੀ ਕਿਸਾਨਾਂ ਨੂੰ ਕਣਕ ਦੀ ਬਿਜਾਈ ਲਈ ਨਵੀਆਂ ਵਿਕਸਤ ਤਕਨੀਕ, ਬਿਜਾਈ ਲਈ ਡਰਿੱਲ ਮਸ਼ੀਨ ਦੀ ਵਰਤੋਂ, ਵੱਧ ਝਾੜ ਦੇਣ ਵਾਲੇ ਬੀਜ ਦੀ ਕਿਸਮ, ਬੀਜਾਈ ਉਪਰੰਤ ਕਣਕ ਦੀ ਫਸਲ ਨੂੰ ਬੀਮਾਰੀ ਤੋਂ ਬਚਾਉਣ ਸਬੰਧੀ ਜਾਣਕਾਰੀ ਦੇਣ ਦੇ ਨਾਲ ਨਾਲ ਕਿਸਨਾਂ ਨੂੰ ਖੇਤੀ ਮਾਹਰਾਂ ਤੋਂ ਸਿੱਧੀ ਸਲਾਹ ਲੈਣ ਸਬੰਧੀ ਪੀ.ਏ.ਯੂ ਵੱਲੋਂ ਸ਼ੂਰੂ ਕੀਤੀ ਗਈ ਸੇਵਾ ਬਾਰੇ ਜਾਣੂ ਕਰਵਾਉਣ ਤੋਂ ਇਲਾਵਾ ਸਮੈਂ ਸਿਰ ਬਜਾਈ ਕਰਨ ਬਾਰੇ ਲੀਫਲੈਟ, ਪੰਫਲੈਟ ਆਦਿ ਛਪਵਾ ਕੇ ਵੰਡੇ ਜਾਣ ਲਈ ਕਿਹਾ ਗਿਆ ਹੈ, ਤਾਂ ਜੋ ਫਸਲ ਦਾ ਝਾੜ ਅਤੇ ਗੁਣਵੰਤਾ ਨੂੰ ਵਧਾਇਆ ਜਾ ਸਕੇ।
ਉਨ੍ਹਾ ਕਿਹਾ ਕਿ ਖੇਤੀਬਾੜੀ ਵਿਭਾਗ ਵੱਲੋਂ ਕਿਸਾਨਾਂ ਨੂੰ ਵੱਧ ਝਾੜ ਦੇਣ ਵਾਲੇ ਉਤਮ ਕਿਸਮ ਦੇ ਬੀਜਾਂ ਵਰਤੋਂ ਕਰਨ ਲਈ ਉਤਸ਼ਾਹਤ ਕਰਨ ਤੋਂ ਇਲਾਵਾ ਕੁਝ ਪਿੰਡਾਂ ਦੀ ਨਿਸ਼ਾਨਦੇਹੀ ਸੀਡ ਵੀਲੇਜ ਵੱਜੋਂ ਕੀਤੀ ਜਾ ਰਹੀ ਹੈ ।ਇਸ ਤੋਂ ਇਲਾਵਾ ਬੀਜ ਤਿਆਰ ਕਰਨ ਦੇ ਇੱਛੁਕ ਕਿਸਾਂਨਾਂ ਨੂੰ ਪੂਰੀ ਸਿਖਲਾਈ ਦਿੱਤੀ ਜਾਵੇਗੀ ਕਿ ਕਿਸ ਤਰ੍ਹਾ ਵਧੀਆ ਕਿਸਮ ਦਾ ਬੀਜ ਤਿਆਰ ਕੀਤਾ ਜਾ ਸਕਦਾ ਹੈ ।ਖੇਤੀਬਾੜੀ ਮੰਤਰੀ ਨੇ ਅਪਣੀ ਗੱਲ ਜਾਰੀ ਰੱਖਦਿਆਂ ਕਿਹਾ ਕਿ ਪੰਜਾਬ ਅਤੇ ਹਰਿਆਣਾ ਦੀ ਜਮੀਨ ਅਤੇ ਪੋਣ ਪਾਣੀ ਅਨੁਸਾਰ ਕਣਕ ਦੀਆਂ ਐਚ.ਡੀ-3086,ਐਚ.ਡੀ -2967 ਅਤੇ ਡਬਲਿਊ ਐਚ -1105 ਕਿਸਮਾਂ ਬਹੁਤ ਲਾਭਕਾਰੀ ਹਨ ਅਤੇ ਰਾਜ ਦੇ ਕਿਸਾਨਾਂ ਨੂੰ ਇਹ ਬੀਜ ਉਪਲੰਬਧ ਕਰਵਾਉਣ ਲਈ ਇਨ੍ਹਾ ਕਿਸਮਾਂ ਦੇ ਬੀਜਾਂ ਦੀ ਖ੍ਰੀਦ ਕਰਨ ਲਈ ਕਿਹਾ ਗਿਆ ਹੈ । ਇਸ ਤੋਂ ਇਲਾਵਾ ਬੀਜਾਂ ਦੀ ਗੁਣਵੰਤਾ ਨੂੰ ਬਣਾਈ ਰੱਖਣ ਲਈ ਪੰਜਾਬ ਖੇਤੀ ਬਾੜੀ ਯੂਨੀਵਰਸਿਟੀ ਵਿਖੇ ਏਅਰ ਕੰਡੀਸ਼ਨਡ ਗੁਦਾਮ ਦੀ ਉਸਾਰੀ ਕੀਤੀ ਜਾਵੇਗੀ।ਉਨ੍ਹਾਂ ਕਿਹਾ ਕਿ ਬੀਜ ਉਤਪਾਦਕ ਕਿਸਾਨਾਂ ਨੂੰ ਕਣਕ ਦੀ ਸਫਾਈ ਕਰਨ ਵਾਲੀਆਂ ਮਸ਼ੀਨਾਂ ਸਸਤੀਆਂ ਦਰਾਂ ਤੇ ਮੁਹੱਈਆ ਕਰਵਾਈਆ ਜਾਣਗੀਆਂ। ਉਨ੍ਹਾਂ ਕਿਹਾ ਕਿ ਪਨਸੀਡ ਵੱਲੋਂ ਬੀਜ ਉਤਪਾਦਕ ਕਿਸਾਨਾਂ ਨੂੰ ਰਜਿਸਟਰ ਕੀਤਾ ਜਾਵੇਗਾ ਅਤੇ ਉਨ੍ਹਾਂ ਨੂੰ 400/-ਰੁਪਏ ਪ੍ਰਤੀ ਕੁਇੰਟਲ ਪ੍ਰੀਮੀਅਮ ਦਿੱਤਾ ਜਾਵੇਗਾ ਜੋ ਕਿ ਸਰਕਾਰ ਵੱਲੋਂ ਮਿੱਥੇ ਗਏ ਭਾਅ ਤੋਂ ਇਲਾਵਾ ਹੋਵੇਗਾ ।ਇਸ ਕਾਰਜ ਦੀ ਨਿਗਰਾਨੀ ਸੀਡ ਸਰਟੀਫੀਕੇਸ਼ਨ ਅਥਾਰਟੀ ਵੱਲੋਂ ਕੀਤੀ ਜਾਵੇਗੀ । ਉਨਾਂ੍ਹ ਇਹ ਵੀ ਐੈਲਾਨ ਕੀਤਾ ਕਿ ਫਰੀਦਕੋਟ ਵਿਚ ਬੀਜ ਟੈਸਟਿੰਗ ਲੈਬਾਟਰੀ ਜਲਦ ਹੀ ਸਥਾਪਤ ਕੀਤੀ ਜਾ ਰਹੀ ਹੈ ।