ਦੋ ਦਿਨਾ ਚੌਥਾ ਕੌਮਾਂਤਰੀ ਹਾਰਟ ਫੇਲਰ ਸਮਿੱਟ ਅਤੇ ਲਾਈਵ ਵਰਕਸ਼ਾਪ ਐਂਡ ਸਿਮਪੋਜ਼ੀਅਮ ਆਨ ਇੰਟਰਵੇਂਸ਼ਨਲ ਕਾਰਡੀਓਲੋਜੀ (ਐਲ. ਡਬਲਯੂ. ਐਸ. ਆਈ. ਸੀ.-2015) ਅੱਜ ਹੋਟਲ ਲਲਿਤ ਵਿਚ ਸ਼ੁਰੂ ਹੋਇਆ। ਇਹ ਹਾਰਟ ਫਾਉਂਡੇਸ਼ਨ, ਫੋਰਟਿਸ ਹਸਪਤਾਲ, ਆਈ. ਐਮ. ਏ. ਅਤੇ ਕਾਰਡੀਓਲੋਜੀ ਸੁਸਾਇਟੀ ਆਫ ਇੰਡੀਆ ਦਾ ਮਿਲਿਆ-ਜੁਲਿਆ ਯਤਨ ਹੈ।ਰਾਜ ਸਭਾ ਦੇ ਸੰਸਦ ਮੈਂਬਰ ਅਵਿਨਾਸ਼ ਰਾਏ ਖੰਨਾ ਨੇ ਸਮਾਰੋਹ ਦਾ ਉਦਘਾਟਨ ਕੀਤਾ ਜੋ ਕਿ ਹਾਰਟ ਫਾਉਂਡੇਸ਼ਨ ਵਲੋਂ ਭਾਰਤ ਦੇ ਨੌਜਵਾਨ ਕਾਰਡੀਓਲੋਜਿਸਟ ਨੂੰ ਦਿੱਤੇ ਜਾਣ ਵਾਲੀ ਇਹ ਚੌਥੀ ਅਕਾਦਮਿਕ ਪਹਿਲ ਹੈ। ਅੱਜ ਇੱਥੇ ਸ਼ੁਰੂਆਤ ਕਰਦੇ ਹੋਏ ਮੰਨੇ-ਪ੍ਰਮੰਨੇ ਅੰਤਰ ਰਾਸ਼ਟਰੀ ਕਾਰਡੀਓਲੋਜਿਸਟ ਅਤੇ ਹਾਰਟ ਫਾਉਂਡੇਸ਼ਨ ਦੇ ਚੀਫ ਪੈਟਰਨ ਡਾ. ਐਚ. ਕੇ. ਬਾਲੀ ਨੇ ਦੱਸਿਆ ਕਿ ਪਹਿਲੇ ਦਿਨ ਕਾਨਫਰੰਸ ਵਿਚ ਹਾਰਟ ਫੇਲਰ ਅਤੇ ਐਂਡੋਵਸਕੂਲਰ ਬੀਮਾਰੀਆਂ 'ਤੇ ਚਰਚਾ ਹੋਈ। ਐਸ. ਸੀ. ਏ. ਆਈ. ਦੇ ਸਹਿਯੋਗ ਨਾਲ ਨੌਜਵਾਨ ਇੰਟਰਵੇਂਸ਼ਨਲ ਕਾਰਡੀਓਲੋਜਿਸਟ ਦੇ ਲਈ ਇੱਥੇ ਦੋ ਦਿਨ ਦਾ ਕੋਰਸ ਵੀ ਸ਼ੁਰੂ ਹੋਇਆ ਹੈ ਜਿਸ ਵਿਚ ਕਰੀਬ 100 ਬੇਹਤਰੀਨ ਕਾਰਡੀਓਲੋਜਿਸਟ ਵਿਸ਼ੇਸ ਸੱਦੇ 'ਤੇ ਪ੍ਰਤੀਨਿਧੀਆਂ ਦੇ ਤੌਰ 'ਤੇ ਪਧਾਰੇ ਹਨ।
ਇਸ ਮੌਕੇ 'ਤੇ ਡਾ. ਬਾਲੀ ਦੇ ਨਾਲ ਯੂ. ਐਸ. ਏ. ਦੀ ਯੂਨੀਵਰਸਿਟੀ ਆਫ ਫਲੋਰਿਡਾ ਹੈਲਥ ਦੀ ਕਾਰਡੀਓਲੋਜੀ ਡਿਵੀਜਨ ਦੇ ਐਸੋਸੀਏਟ ਪ੍ਰੋਫੈਸਰ ਡਾ. ਲੂਈਸ ਏ. ਗਜਮੈਨ ਅਤੇ ਜਰਮਨੀ ਦੇ ਯੂਨੀਵਰਸਿਟੀ ਹਾਰਟ ਸੈਂਟਰ ਬੈਡ ਕ੍ਰੋਜਿੰਗਨ ਦੇ ਇੰਟਰਵੇਂਸ਼ਨਲ ਕਾਰਡੀਓਲੋਜੀ ਦੇ ਡਾ. ਮਿਰੋਸਲਾ ਫਰੈਂਕ ਵੀ ਮੌਜੂਦ ਸਨ।ਡਾ. ਬਾਲੀ ਨੇ ਅੱਗੇ ਦੱਸਿਆ ਕਿ ਦੇਸ਼ ਦੇ ਵੱਖ-ਵੱਖ ਹਿੱਸਿਆ ਤੋਂ ਕਰੀਬ 400 ਪ੍ਰਤੀਨਿਧੀਆਂ ਨੇ ਪਹਿਲੇ ਦਿਨ ਵਿਚਾਰ-ਵਟਾਂਦਰਾ ਸ਼ੈਸ਼ਨ ਵਿਚ ਭਾਗ ਲਿਆ। ਡਾ. ਬਾਲੀ ਅਤੇ ਉਨ੍ਹਾਂ ਦੀ ਟੀਮ ਨੇ ਫੋਰਟਿਸ ਹਸਪਤਾਲ ਦੀ ਕੈਥ ਲੈਬ ਵਿਚ ਲਾਈਵ ਇੰਟਰਵੇਸ਼ਨਲ ਪ੍ਰੀਕਿਰਿਆ ਕੀਤੀ ਜਿਸ ਨੂੰ ਵੇਨਯੂ 'ਤੇ ਦਿਖਾਇਆ ਗਿਆ। ਡਾ. ਬਾਲੀ ਨੇ ਦੱਸਿਆ ਕਿ ਕਿਸ ਤਰ੍ਹਾਂ ਹਾਰਟ ਕੇਅਰ ਪੇਸਮੇਕਰ ਇੰਪਲਾਂਟ ਕੀਤਾ ਜਾਂਦਾ ਹੈ।ਦੁਪਿਹਰ ਵਿਚ ਇਕ ਅਜਿਹਾ ਕੇਸ ਸਾਹਮਣੇ ਆਇਆ ਜਿਸ ਵਿਚ ਵੱਡੀ ਆਰਟਰੀ (ਏਆਰਟਾ) ਨੂੰ ਬਿਨਾ ਸਰਜਰੀ ਦੇ ਸਟੈਂਟ ਗ੍ਰਾਫਟ ਨਾਲ ਰਿਪੇਅਰ ਕੀਤਾ ਗਿਆ। ਇਸ ਰੀਜਨ ਵਿਚ ਅਜਿਹਾ ਪਹਿਲੀ ਵਾਰ ਹੋਇਆ ਜਦ ਸਟੈਂਟ ਗ੍ਰਾਫਟ ਦਾ ਲਾਈਵ ਦਿਖਾਇਆ ਗਿਆ।
ਕਾਨਫਰੰਸ ਦੇ ਦੌਰਾਨ ਯੂ. ਐਸ. ਦੇ ਕਲੇਵਲੈਂਡ ਕਲੀਨਿਕ ਤੋਂ ਆਏ ਡਾ. ਮੰਦੀਪ ਭਾਰਗਵ ਨੇ ਖਤਰਨਾਕ ਏਰਿਥਮੀਯਮ ਦੇ ਇਲਾਜ 'ਤੇ ਲੈਕਟਰ ਦਿੱਤਾ। ਯੂ. ਐਸ. ਦੇ ਹੀ ਕੇਡਰਸ ਸੇਨਾਈ ਹਸਪਤਾਲ ਦੇ ਡਾ. ਸੈਬਲ ਕਰ ਨੇ ਹਾਰਟ ਫੇਲਰ ਦੇ ਨਾਨ-ਫਾਰਮਾਕੋਲੋਜਿਕਲ ਟ੍ਰੀਟਮੈਂਟ ਦੇ ਬਾਰੇ ਵਿਚ ਗੱਲ ਕੀਤੀ। ਉਨ੍ਹਾਂ ਦੱਸਿਆ ਕਿ ਆਰਟੀਫੀਸ਼ੀਅਲ ਮੈਕਨੀਕਲ ਹਾਰਟ ਵਰਗੇ ਲੈਫਟ ਵੇਂਟ੍ਰਿਕੂਲਰ ਅਸਿਸਟ ਡਿਵਾਈਸ ਰਿਫ੍ਰੇਕਟਰੀ ਹਾਰਟ ਫੇਲਰ ਦੇ ਮਰੀਜਾਂ ਦੇ ਲਈ ਕਾਫੀ ਮਦਦਗਾਰ ਹੁੰਦਾ ਹੈ।ਡਾ. ਗਜਮੈਨ ਨੇ ਵੱਡੀ ਆਰਟਰੀ ਦੀਆਂ ਪੇਚੀਦਾ ਬੀਮਾਰੀਆਂ ਨੂੰ ਮੈਨੇਜ ਕਰਨ ਦੇ ਲਈ ਲੇਟੈਸਟ ਤਕਨੀਕ ਦੇ ਬਾਰੇ ਵਿਚ ਦੱਸਿਆ। ਅਜਿਹਾ ਪਾਇਆ ਗਿਆ ਕਿ ਪ੍ਰਤੀਨਿਧੀ ਬੇਹੱਦ ਧਿਆਨ ਨਾਲ ਇਸ ਚਰਚਾ ਵਿਚ ਭਾਗ ਲੈ ਰਹੇ ਸਨ ਅਤੇ ਇਲਾਜ ਦੇ ਨਵੇਂ ਵਿਕਲਪਾ ਦੇ ਬਾਰੇ ਵਿਚ ਆਪਣੇ ਵਿਚਾਰ ਸਪੱਸ਼ਟ ਕਰ ਰਹੇ ਸਨ।ਡਾ. ਬਾਲੀ ਨੇ ਦੱਸਿਆ ਕਿ ਕਾਨਫਰੰਸ ਦੇ ਅਗਲੇ ਅਤੇ ਆਖਰੀ ਦਿਨ ਕੋਰੋਨਰੀ ਆਰਟਰੀ ਬੀਮਾਰੀਆਂ ਅਤੇ ਉਨ੍ਹਾਂ ਦੇ ਇਲਾਜ ਲਈ ਨਵੇਂ ਡਿਵਾਈਸ 'ਤੇ ਫੋਕਸ ਹੋਵੇਗਾ। ਉਨ੍ਹਾਂ ਇਹ ਵੀ ਕਿਹਾ ਕਿ ਏਆਰਟਿਕ ਵਾਲਵ ਲਗਾਉਣ ਦੀ ਤਕਨੀਕ 'ਤੇ ਵੀ ਵਿਸਥਾਰ ਨਾਲ ਚਰਚਾ ਹੋਵੇਗੀ।