ਪਿੰਡ ਝੰਜੇੜੀ ਦੇ ਸਰਕਾਰੀ ਪ੍ਰਾਇਮਰੀ ਸਕੂਲ ਦੇ ਵਿਦਿਆਰਥੀਆਂ ਨੂੰ ਅੱਜ ਆਪਣੇ ਸਕੂਲ ਜਾਣ ਲਈ ਇੱਕ ਤੋ ਦੋ ਫੁੱਟ ਪਾਣੀ ਵਿੱਚੋਂ ਲੰਘਕੇ ਸਕੂਲ ਜਾਣਾ ਪੈਂ ਰਿਹਾ ਹੈ । ਬਿਤੀ ਦਿਨੀ ਹੋਈ ਹਲਕੀ ਬਾਰਸ ਮਗਰੋਂ ਪਿੰਡ ਝੰਜੇੜੀ ਦੀਆਂ ਗਲੀਆਂ ਨੇ ਸਰਕਾਰੀ ਸਕੂਲ ਅਤੇ ਸਰਕਾਰੀ ਡਿਸਪੇਸਰੀ ਤੋ ਲੋਕਾ ਦੇ ਘਰਾ ਤੱਕ ਟੋਭੇ ਰੂਪ ਧਾਰ ਲਿਆ ਹੈ। ਜਿਸ ਨਾਲ ਸਕੂਲੀ ਵਿਦਿਆਰਥੀ, ਪਿੰਡ ਵਾਸੀ ਅਤੇ ਆਣ ਜਾਣ ਵਾਲੇ ਛੋਟੇ ਬੱਚੇ ਅਤੇ ਮਰੀਜ ਕਾਫੀ ਪ੍ਰਸਾਨ ਹਨ। ਕਈ ਵਾਰ ਵੇਖਣ ਨੂੰ ਮਿਲਿਆ ਹੈ ਕਿ ਕਈਂ ਛੋਟੇ ਸਕੂਲੀ ਬੱਚੇ ਗਲੀ ਵਿੱਚਲੇ ਪਾਣੀ ਵਿੱਚ ਡਿੱਗ ਵੀ ਗਏ। ਜਿਨ੍ਹਾ ਨੂੰ ਮੌਕੇ ਤੇ ਵਿਅਕਤੀਆਂ ਨੇ ਬਚਾਇਆ ਹੈ , ਬੱਚਿਆ ਨੂੰ ਅਕਸਰ ਬਰਸਾਤ ਵਾਲੇ ਦਿਨਾਂ ਵਿੱਚ ਕਾਫੀ ਗੰਦੇ ਪਾਣੀ ਵਿੱਚੋਂ ਲੰਘਣਾ ਪੈਂਦਾ ਹੈ , ਇਸ ਗੰਦੇ ਪਾਣੀ ਕਾਰਨ ਪਿੰਡ ਵਾਸੀ ਵੀ ਕਾਫੀ ਪ੍ਰੇਸਾਨ ਹਨ।
ਇਸ ਕਾਰਨ ਛੋਟੇ ਬੱਚਿਆਂ ਨੂੰ ਕਾਫੀ ਮੁਸਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਮੀਂਹ ਕਾਰਨ ਖੜਦੇ ਪਾਣੀ ਕਾਰਨ ਪ੍ਰਾਇਮਰੀ ਸਕੂਲ ਦੇ ਵਿਦਿਆਰਥੀ ਬਰਸਾਤ ਵਿੱਚ ਸਕੂਲ ਨਹੀਂ ਜਾ ਸਕਦੇ ਬਰਸਾਤ ਵਿੱਚ ਪਿੰਡ ਦੀਆਂ ਗਲੀਆਂ ਵਿੱਚ ਪਾਣੀ ਭਰਨ ਕਾਰਨ ਪਿੰਡ ਦੇ ਕਈ ਮਕਾਨਾਂ ,ਸਰਕਾਰੀ ਸਕੂਲ ਅਤੇ ਸਰਕਾਰੀ ਡਿਸਪੇਸਰੀ ਨੂੰ ਨੁਕਸਾਨ ਪੁਜ ਸਕਦਾ ਹੈ । ਇਸ ਕਾਰਨ ਕਈ ਮਕਾਨਾ ਵਿੱਚ ਤਰੇੜਾ ਆ ਗਈਆਂ ਹਨ ,ਪਿੰਡ ਦੇ ਵਸਨੀਕਾਂ ਨੇ ਰੋਸ ਪ੍ਰਗਟ ਕਰਦਿਆ ਕਿਹਾ ਕਿ ਪਿੰਡ ਦੇ ਟੋਭੇ ਨਾਲ ਲਗਦੀਆ ਗਲੀਆਂ ਵਿੱਚ ਖੜਾ ਪਾਣੀ ਬੱਚਿਆ ਲਈ ਜਾਨਲੇਵਾ ਹੋ ਸਕਦਾ ਹੈ । ਉਨ੍ਹਾ ਕਿਹਾ ਕਿ ਪਾਣੀ ਵਿੱਚੋਂ ਬਦਬੂ ਆ ਰਹੀ ਹੈ, ਜਿਸ ਨਾਲ ਪਿੰਡ ਵਿੱਚ ਕੋਈ ਮਹਾਮਾਰੀ ਵੀ ਫੈਲ ਸਕਦੀ ਹੈ । ਉਨ੍ਹਾ ਕਿਹਾ ਕਿ ਇਸ ਪਿੰਡ ਦੀ ਇਮਾਰਤਾਂ ਨੂੰ ਨੁਕਸਾਨ ਪੁੱਜ ਰਿਹਾ ਹੈ ਪਿੰਡ ਵਾਸੀਆਂ ਨੇ ਮੰਗ ਕੀਤੀ ਹੈ ਕਿ ਪਿੰਡ ਦੀਆਂ ਗਲੀਆਂ ਦੇ ਪਾਣੀ ਦਾ ਨਿਕਾਸ ਤੁਰੰਤ ਕੀਤਾ ਜਾਵੇ ।