ਇਲਾਕਾ ਬੀਤ ਦੇ ਅੱਡਾ ਝੂੰਗੀਆ ਵਿਖੇ ਡਾਂ ਬਲਵੀਰ ਸਿੰਘ ਸ਼ੇਰਗਿੱਲ ਦੇ ਗ੍ਰਹਿ ਵਿਖੇ ਸਾਧਰਨ ਪਰ ਪ੍ਰਭਾਵਸ਼ਾਲੀ ਸਮਾਗਮ ਕਰਵਾਇਆ ਗਿਆ ਜਿਸ 'ਚ ਪਿੰਡ ਮੈਰਾ ਦੇ ਜੰਮਪਲ ਜੋਗਰਾਜ ਪੁੱਤਰ ਸਰਵਣ ਰਾਮ ਨੇ ਆਈ.ਏ.ਐਸ ਦੀ ਪ੍ਰੀਖਿਆ 'ਚ ਦੇਸ਼ ਭਰ 'ਚ 1213 ਵਾਂ ਰੈਕ ਪ੍ਰਾਪਤ ਕੀਤਾ ਉਹਨਾ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ।ਇਸ ਸਮਾਗਮ 'ਚ ਹਲਕਾਂ ਵਿਧਾਇਕ ਠੇਕੇਦਾਰ ਸੁਰਿੰਦਰ ਸਿੰਘ ਭੁੱਲੇਵਾਲ ਰਾਠਾ ਨੇ ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕੀਤੀ। ਇਸ ਮੌਕੇ ਇੱਕਠੇ ਹੋਏ ਬੀਤ ਦੇ ਲੋਕਾਂ ਨੂੰ ਸੰਬੋਧਨ ਕਰਦਿਆ ਹਲਕਾਂ ਵਿਧਾਇਕ ਨੇ ਕਿਹਾ ਕਿ ਜੋਗਰਾਜ ਨੇ ਆਈ.ਏ.ਐਸ ਦੀ ਪ੍ਰੀਖਿਆ 'ਚ ਵਧੀਆ ਰੈਕ ਪ੍ਰਾਪਤ ਕਰਕੇ ਜਿਥੇ ਜਿਲਾ ਹੁਸ਼ਿਆਰਪੁਰ ਦਾ ਸਿਰ ਮਾਣ ਨਾਲ ਉੱਚਾ ਕੀਤਾ ਹੈ ਉਥੇ ਬੀਤ ਇਲਾਕੇ ਲਈ ਵੀ ਇਹ ਬਹੁਤ ਮਾਣ ਵਾਲੀ ਗੱਲ ਹੈ। ਉਹਨਾ ਨੇ ਕਿਹਾ ਕਿ ਪਿਛੜੇ ਇਲਾਕੇ ਬੀਤ 'ਚ ਰਹਿ ਕੇ ਵੀ ਜੋਗਰਾਜ ਨੇ ਮੁਸ਼ਕਲਾ ਅਤੇ ਔਕੜਾ ਦਾ ਡੱਟਕੇ ਮੁਕਾਬਲਾ ਕਰਦਿਆ ਅੱਜ ਉਹ ਮੁਕਾਮ ਹਾਸਲ ਕੀਤਾ ਹੈ ਜਿਥੇ ਪਹੁੰਚਣਾ ਬਹੁਤ ਔਖਾ ਹੈ। ਪਰ ਅਗਰ ਮਨ 'ਚ ਕੁਝ ਕਰ ਗੁਜਰਣ ਦੀ ਤੰਮਨਾ ਹੋਵੇ ਤਾ ਉਸ ਮੁਕਾਮ ਨੂੰ ਹਾਸਲ ਕੀਤਾ ਜਾ ਸਕਦਾ ਹੈ। ਉਹਨਾ ਨੇ ਬੀਤ ਇਲਾਕੇ ਦੇ ਲੋਕਾਂ ਅਤੇ ਪਰਿਵਾਰਕ ਮੈਬਰਾਂ ਨੂੰ ਇਸ ਮੁਕਾਮ ਤੇ ਪੁੱਜਣ ਵਾਲੇ ਜੋਗਰਾਜ ਲਈ ਵਧਾਈ ਦਿਤੀ। ਇਸ ਮੌਕੇ ਨਗਰ ਕੋਸ਼ਲ ਦੇ ਪ੍ਰਧਾਨ ਰਜਿੰਦਰ ਸਿੰਘ ਸੂਕਾਂ, ਚੇਅਰਮੈਨ ਬਲਾਕ ਸੰਮਤੀ ਸੁਖਦੇਵ ਸਿੰਘ, ਤਰਲੋਕ ਸਿੰਘ ਨਾਗਪਾਲ, ਉਘੇ ਟਰਾਸਪੋਟਰ ਸਰਪੰਚ ਸੋਮਨਾਥ ਰਾਣਾ, ਸਮਾਜ ਸੇਵੀ ਅਵਤਾਰ ਸਿੰਘ ਨਾਨੋਵਾਲ, ਸਰਪੰਚ ਜਗਦੇਵ ਸਿੰਘ ਗੜੀਮਾਨਸੋਵਾਲ, ਸਰਪੰਚ ਪ੍ਰਦੀਪ ਰੰਗੀਲਾ, ਡਾਂ ਬਲਵੀਰ ਸਿੰਘ ਸ਼ੇਰਗਿੱਲ, ਰਜਨੀਸ਼ ਜੋਸ਼ੀ, ਜਗਤਾਰ ਧੀਮਾਨ, ਪਰਮਜੀਤ ਪੰਮੀ ਅਤੇ ਪਰਿਵਾਰ ਵਲੋ ਵੱਡਾ ਭਰਾ ਸਰਪੰਚ ਉਮ ਪ੍ਰਕਾਂਸ ਤੇ ਮਾਤਾ ਜੀਤੋ ਦੇਵੀ ਤੇ ਪਤਨੀ ਤੇ ਬੱਚੇ ਹਾਜਰ ਸਨ।