ਸਮਾਜ ਭਲਾਈ ਦੇ ਕੰਮਾਂ ਲਈ ਨੌਜਵਾਨ ਵਰਗ ਅੱਗੇ ਆਉਣ-ਰਾਜੇਸ਼ ਬਾਘਾ
14 ਜੂਨ ਨੂੰ ਦੋ ਜਰੂਰਤਮੰਦ ਲੜਕੀਆਂ ਦੇ ਵਿਆਹ ਕਰਵਾਏ ਜਾਣਗੇ
Web Admin
5 Dariya News (ਅਜੇ ਪਾਹਵਾ)
ਲੁਧਿਆਣਾ , 04 Jun 2015
ਲੋਕ ਸੇਵਾ ਕੇਂਦਰ ਵੱਲੋਂ ਜਵਾਹਰ ਨਗਰ ਵਿਖੇ ਜਰੂਰਤਮੰਦ ਲੜਕੀਆਂ ਦੇ ਵਿਆਹ ਕਰਵਾਏ ਜਾ ਰਹੇ ਹਨ। ਇਹ ਜਾਣਕਾਰੀ ਦਿੰਦਿਆ ਲੋਕ ਸੇਵਾ ਕੇਂਦਰ ਦੇ ਪ੍ਰਧਾਨ ਵਿਨੋਦ ਕੁਮਾਰ ਵੀਨੂੰ ਨੇ ਦੱਸਿਆ ਕਿ ਭਗਤ ਕਬੀਰ ਜੀ ਦੇ ਜਨਮ ਉਤਸਵ ਦੇ ਸਬੰਧ ਵਿਚ 14 ਜੂਨ ਨੂੰ ਦੋ ਜਰੂਰਤਮੰਦ ਲੜਕੀਆਂ ਦੇ ਵਿਆਹ ਜਵਾਹਰ ਨਗਰ ਨਜਦੀਕ ਦੁਰਗਾ ਮਾਤਾ ਮੰਦਰ, ਮੇਘ ਧਰਮਸ਼ਾਲਾ ਵਿਖੇ ਕਰਵਾਏ ਜਾ ਰਹੇ ਹਨ। ਇਸ ਮੌਕੇ ਮੁੱਖ ਮਹਿਮਾਨ ਐਸ.ਸੀ ਕਮਿਸ਼ਨ ਰਾਜੇਸ਼ ਬਾਘਾ ਤੇ ਸੀਨੀਅਰ ਭਾਜਪਾ ਆਗੂ ਸੁਖਵਿੰਦਰ ਸਿੰਘ ਗਰੇਵਾਲ ਹੋਣਗੇ।ਉਹਨਾਂ ਦੱਸਿਆ ਕਿ ਅੱਜ ਸ੍ਰੀ ਰਾਜੇਸ਼ ਬਾਘਾ ਤੇ ਸੁਖਵਿੰਦਰ ਸਿੰਘ ਗਰੇਵਾਲ ਨੂੰ ਸਮਾਰੋਹ ਦਾ ਸੱਦਾ ਦੇਣ ਲਈ ਲੋਕ ਸੇਵਾ ਕੇਂਦਰ ਦਾ ਵਫਦ ਸਥਾਨਕ ਸਰਕਟ ਹਾਊਸ ਵਿਚ ਮਿਲਿਆ। ਜਿਥੇ ਉਹਨਾਂ ਨੇ ਸ੍ਰੀ ਰਾਜੇਸ਼ ਬਾਘਾ ਨੂੰ ਸੱਦਾ ਪੱਤਰ ਦਿੱਤਾ। ਇਸ ਮੌਕੇ ਸੀ੍ਰ ਬਾਘਾ ਨੇ ਕਿਹਾ ਕਿ ਇਹੋ ਸਮਾਜ ਭਲਾਈ ਦੇ ਕੰਮ ਨੌਜਵਾਨ ਵਰਗ ਵਲੋਂ ਕੀਤੇ ਜਾ ਰਹੇ ਹਨ। ਜੋ ਬਹੁਤ ਹੀ ਸ਼ਲਾਘਾਯੋਗ ਹਨ। ਅਗਰ ਇਸੇ ਤਰਾਂ ਦੇ ਹੀ ਨੌਜਵਾਨ ਸਮਾਜ ਭਲਾਈ ਦੇ ਕੰਮਾਂ ਵਿਚ ਪੰਜਾਬ ਦੀ ਨੌਜਵਾਨ ਪੀੜੀ ਲੱਗ ਜਾਵੇ ਤਾਂ ਉਹ ਦਿਨ ਦੂਰ ਨਹੀਂ ਜਦੋਂ ਪੰਜਾਬ ਨੂੰ ਨਸ਼ਿਆਂ ਦੇ ਛੇਵੇਂ ਦਰਿਆ ਵੱਲ ਧੱਕ ਰਹੇ ਸ਼ਰਾਰਤੀ ਅਨਸਰਾਂ ਨੂੰ ਮੂੰਹ ਦੀ ਖਾਣੀ ਪਵੇਗੀ। ਇਸ ਮੌਕੇ ਵਿਨੋਦ ਕੁਮਾਰ ਵੀਨੂੰ ਨਾਲ ਸੁਰਜੀਤ ਸਿੰਘ ਸਾਜਨ, ਤਰਸੇਮ ਲਾਲ ਪੱਪੀ, ਮਨੀਸ਼ ਭਗਤ, ਗੌਰਵ ਕੁਮਾਰ, ਲਵਦਤ ਕੁਮਾਰ, ਨਿਤਨ ਬੱਤਰਾ ਆਦਿ ਹਾਜ਼ਰ ਸਨ।