ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਗੜ੍ਹਸ਼ੰਕਰ ਵਿਖੇ ਵਿਸ਼ੇਸ਼ ਇਨਾਮ ਵੰਡ ਸਮਾਗਮ ਕਰਵਾਇਆ ਗਿਆ। ਇਸ ਮੌਕੇ ਅਵਿਨਾਸ਼ ਰਾਏ ਖੰਨਾ ਮਂੈਬਰ ਰਾਜ ਸਭਾ ਨੇ ਬਤੌਰ ਮੁੱਖ ਮਹਿਮਾਨ ਸ਼ਿਰਕਤ ਕੀਤੀ। ਇਸ ਸਮੇਂ ਜਿਲਾ੍ਹ ਸਿਖਿਆ ਅਫਸਰ ਸੈਕੰਡਰੀ ਹੁਸ਼ਿਆਰਪੁਰ ਸੁਖਵਿੰਦਰ ਕੌਰ, ਅਮਰਜੀਤ ਸਿੰਘ ਐਸ.ਡੀ.ਐਮ ਗੜ੍ਹਸ਼ੰਕਰ ਅਤੇ ਹੋਰ ਪਤਵੰਤੇ ਹਾਜਰ ਸਨ।ਸਕੂਲ ਪ੍ਰਿੰਸ਼ੀਪਲ ਹਰਚਰਨ ਸਿੰਘ ਨੇ ਆਏ ਮਹਿਮਾਨਾਂ ਨੂੰ ਜੀ ਆਇਆਂ ਕਿਹਾ ਤੇ ਸਕੂਲ ਦੀ ਕਾਰਗੁਜਾਰੀ ਰਿਪੋਰਟ ਪੇਸ਼ ਕੀਤੀ।ਇਥੇ ਇਹ ਜਿਕਰਯੋਗ ਹੈ ਕਿ ਇਸ ਵਾਰ ਬਾਰ੍ਹਵੀਂ ਜਮਾਤ ਦਾ ਨਤੀਜਾ ਸੌ ਫੀਸਦੀ ਰਿਹਾ ਹੈ।ਇਸ ਮੌਕੇ ਵੱਖ-ਵੱਖ ਗਰੁੱਪਾਂ ਦੇ ਪਹਿਲੇ, ਦੂਜੇ ਅਤੇ ਤੀਜੇ ਸਥਾਨ ਤੇ ਆਏ ਵਿਦਿਆਰਥੀਆਂ ਨੂੰ ਇਨਾਮਾਂ ਦੀ ਵੰਡ ਕਰਦਿਆਂ ਅਵਿਨਾਸ਼ ਰਾਏ ਖੰਨਾ ਨੇ ਮਿਹਨਤੀ ਸਟਾਫ ਤੇ ਹੋਣਹਾਰ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ ।
ਉਨਾਂ ਵਿਦਿਆਰਥੀਆਂ ਨੂੰ ਵਿਦਿਅਕ ਅਤੇ ਹੋਰ ਖੇਤਰਾਂ ਚ ਮੱਲਾਂ ਮਾਰਨ ਲਈ ਪ੍ਰੇਰਿਆ।ਖੰਨਾ ਨੇ ਆਪਣੇ ਸੰਬੋਧਨ ਚ ਕਿਹਾ ਕਿ ਅੱਜਕਲ ਸਰਕਾਰੀ ਸਕੂਲ ਦਾ ਮਿਆਰ ਮਿਹਨਤੀ ਸਟਾਫ ਦੀ ਬਦੌਲਤ ਪ੍ਰਾਈਵੇਟ ਸਕੂਲਾ ਨਾਲੋ ਕਾਫ ਉੱਚਾ ਹੈ ਇਸ ਲਈ ਵਿਦਿਆਰਥੀਆ ਨੂੰ ਪ੍ਰਾਈਵੇਟ ਸਕੂਲਾ ਚ ਵੱਧ ਫੀਸਾ ਖਰਚਣ ਨਾਲੋ ਸਰਕਾਰੀ ਸਕੂਲਾ ਚ ਦਾਖਲਾ ਲੈਣਾ ਚਾਹੀਦਾ ਹੈ ਅਤੇ ਸਰਕਾਰੀ ਸਕੂਲਾ ਦਾ ਰਿਜਲਟ ਵੀ ਅੱਗੇ ਨਾਲੋ ਵਧੀਆ ਅਤੇ ੧੦੦ਫੀਸਦੀ ਆ ਰਿਹਾ ਹੈ।ਜਿਸ ਦੀ ਮਿਸ਼ਾਲ ਇਸ ਸਕੂਲ ਤੋ ਲਈ ਜਾ ਸਕਦੀ ਹੈ।ਉਨਾਂ੍ਹ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਗੜ੍ਹਸ਼ੰਕਰ ਦੀ ਗਰਾਉਂਡ ਦੇ ਵਿਕਾਸ ਲਈ ਢਾਈ ਲੱਖ ਰੂਪਏ ਦੇਣ ਦਾ ਐਲਾਨ ਕੀਤਾ ।ਇਸ ਮੌਕੇ ਪ੍ਰਿੰਸ਼ੀਪਲ ਹਰਚਰਨ ਸਿੰਘ, ਲੈਕਚਰਾਰ ਵਿਜੇ ਕੁਮਾਰ, ਅਨੁਪਮ ਸ਼ਰਮਾ ,ਦਵਿੰਦਰ ਚੱਢਾ,ਦਰਬਾਰਾ ਰਾਮ,ਜਗਤਾਰ ਸਿੰਘ,ਦੇਸ ਰਾਜ,ਅਸ਼ੋਕ ਪਰਾਸ਼ਰ,ਕਰਨੈਲ ਸਿੰਘ ਆਦਿ ਹਾਜਰ ਸਨ।