ਸਿਹਤ ਤੇ ਪਰਿਵਾਰ ਭਲਾਈ ਮੰਤਰੀ ਪੰਜਾਬ ਸੁਰਜੀਤ ਕਮਾਰ ਜਿਆਣੀ ਵੱਲੋਂ ਡਾਕਟਰਾਂ ਦੀਆਂ ਜਾਇਜ਼ ਮੰਗਾਂ ਨੂੰ ਮੁੱਖ ਮੰਤਰੀ ਜੀ ਦੇ ਪੱਧਰ ਤੇ ਵਿਚਾਰੇ ਜਾਣ ਦੇ ਭਰੋਸੇ ਤੋਂ ਉਪਰੰਤ ਰਾਜ ਦੇ ਕਰੀਬ 1200 ਮਾਹਿਰ ਡਾਕਟਰਾਂ ਨੇ ਆਪਣੀ ੧੮ ਦਿਨ ਪੁਰਾਣੀ ਹੜਤਾਲ ਖਤਮ ਕਰਨ ਦਾ ਐਲਾਨ ਕਰ ਦਿੱਤਾ।ਡਾਕਟਰਾ ਨਾਲ ਮੁਲਾਕਾਤ ਉਪਰੰਤ ਕਿਹਾ ਕਿ ਡਾਕਟਰਾਂ ਦੀਆ ਜਿਆਦਾਤਰ ਮੰਗ ਸਬੰਧੀ ਪਹਿਲਾ ਹੀ ਕਾਰਵਾਈ ਆਰੰਭੀ ਹੋਈ ਹੈ ਅਤੇ ਜਿਹੜੀਆ ਮੰਗਾਂ ਵਿੱਤ ਵਿਭਾਗ ਨਾਲ ਸਬੰਧਿਤ ਹਨ ਜਿਵੇ ਕਿ ਉਚੇਰੀ ਵਿੱਦਿਆ ਭੱਤਾ, ਅਕਾਦਮਿਕ ਭੱਤਾ ਅਤੇ ਹੋਰ ਭੱਤਿਆ ਸਬੰਧੀ ਫਾਈਲ ਮੁੱਖ ਮੰਤਰੀ ਦਫਤਰ ਰਾਹੀ ਵਿੱਤ ਵਿਭਾਗ ਨੂੰ ਭੇਜੀ ਜਾ ਰਹੀ ਹੈ । ਸਿਹਤ ਮੰਤਰੀ ਨੇ ਡਾਕਟਰਾਂ ਨੂੰ ਇਹ ਵੀ ਭਰੋਸਾ ਦਿਵਾਇਆ ਕਿ ਸਪੈਸਲਿਸਟ ਡਾਕਟਰਾਂ ਦੇ ਵੱਖਰਾ ਕਾਡਰ ਬਨਾਉਣ ਸਬੰਧੀ ਪਹਿਲਾ ਜਾਰੀ ਕੀਤੇ ਗਏ ਨੋਟੀਫੀਕੇਸ਼ਨ ਨੂ ਜਲਦ ਤੋਂ ਜਲਦ ਲਾਗੂ ਕੀਤਾ ਜਾਵੇਗਾਅਤੇ ਇਸ ਸਬੰਧੀ ਉਨ੍ਹਾਂ ਮੁੱਖ ਪਾਰਲੀਮਾਨੀ ਸਕੱਤਰ ਡਾ. ਨਵਜੋਤ ਕੋਰ ਸਿੱਧੂ ਨੂੰ ਕਿਹਾ ਕਿ ਉਹ ਨਿੱਜੀ ਤੋਰ ਤੇ ਦਿਲਚਸਪੀ ਲੈ ਕੇ ਇਸ ਨੂੰ ਜਲਦ ਤੋਂ ਜਲਦ ਲਾਗੂ ਕਰਵਾਉਣ।
ਡਾਕਟਰਾਂ ਨੂੰ 4-9-14 ਸਕੇਲ ਸਮੇਂ ਸਿਰ ਦੇਣ ਬਾਰੇ ਸ਼੍ਰੀ ਜਿਆਣੀ ਨੇ ਕਿਹਾ ਕਿ ਇਸ ਨਾਲ ਸਬੰਧਿਤ ਜਿਆਦਤਰ ਮਾਮਲੇ ਨਜਿੱਠੇ ਜਾ ਚੁੱਕੇ ਹਨ ਅਤੇ ਰਹਿੰਦੇ ਮਾਮਲੇ ਵੀ ਅਗਲੇ ਇਕ ਮਹੀਨੇ ਦੇ ਅੰਦਰ ਅੰਦਰ ਹੱਲ ਕਰ ਦਿੱਤੇ ਜਾਣਗੇ ।ਸ਼੍ਰੀ ਜਿਆਣੀ ਨੇ ਡਾਕਟਰਾਂ ਵੱਲੋਂ ਨੋਕਰੀ ਦੋਰਾਨ ਪੋਸਟ ਗ੍ਰਜੂਏਸ਼ਨ ਕਰਨ ਲਈ ਜਾਣ ਵਾਲੇ ਡਾਕਟਰਾਂ ਨੂੰ ਐਨ.ਪੀ.ਏ. ਬੰਦ ਕਰਨ ਸਬੰਧੀ ਗਈ ਮੰਗ ਬਾਰੇ ਕੋਈ ਕਾਰਵਾਈ ਨਾ ਕਰਨ ਦੀ ਭਰੋਸਾ ਨਾ ਦਿੱਤਾ ਗਿਆ ਇਸਦੇ ਨਾਲ ਹੀ ਡਾਕਟਰਾਂ ਨੂੰ ਭਰੋਸਾ ਦਿੱਤਾ ਕਿ ਉਨ੍ਹਾਂ ਦੀ ਐਨ.ਪੀ.ਏ ਦਾ ਨਾਮ ਬਦਲ ਕੇ ਸਪੈਸ਼ਲ ਮੈਡੀਕਲ ਅਲਾਉਂਸ ਕਰਨ ਬਾਰੇ ਮੰਗ ਜਲਦ ਕਰਵਾਈ ਆਰੰਭੀ ਜਾਵੇਗੀ ।ਸਿਹਤ ਤੇ ਪਰਿਵਾਰ ਭਲਾਈ ਮੰਤਰੀ ਪੰਜਾਬ ਸ਼੍ਰੀ ਸੁਰਜੀਤ ਕੁਮਾਰ ਜਿਆਣੀ ਅਤੇ ਮੁੱਖ ਪਾਰਲੀਮਾਨੀ ਸਕੱਤਰ ਡਾ. ਨਵਜੋਤ ਕੋਰ ਸਿੱਧੂ ਨਾਲ ਮੰਗਾਂ ਸਬੰਧੀ ਮੁਲਾਕਾਤ ਉਪਰੰਤ ਸ਼ਪੈਸਲਿਸਟ ਡਾਕਟਰ ਐਸੋਸ਼ੀਏਸ਼ਨ ਦੇ ਪ੍ਰਧਾਨ ਡਾ. ਕਸਮੀਰਾ ਸਿੰਘ ਅਤੇ ਸੈਕਟਰੀ ਜਨਰਲ ਸੁਰਿੰਦਰ ਪਾਲ ਭਗਤ ਅਤੇ ਹੋਰ ਮੈਂਬਰਾਂ ਨੇ ਪੰਜਾਬ ਸਰਕਾਰ ਦੇ ਫੈਸਲੇ ਤੇ ਪੂਰਾ ਭਰੋਸਾ ਪ੍ਰਗਟਾਉਦਿਆਂ ਆਸ ਪ੍ਰਗਟਾਈ ਕਿ ਉਂਨਾਂ੍ਹ ਦੀਆ ਰਹਿੰਦੀਆਂ ਮੰਗਾਂ ਵੀ ਸਰਕਾਰ ਹਮਦਰਦੀ ਨਾਲ ਵਿਚਾਰੇਗੀ।