68ਵਾਂ ਸਰਬ ਭਾਰਤੀ ਸਹਿਕਾਰਤਾ ਹਫਤਾ ਤਹਿਤ ਮਿਲਕ ਪਲਾਂਟ ਵੇਰਕਾ ਵਿੱਚ ਕਰਵਾਏ ਸਮਾਗਮ ਨੂੰ ਸੰਬੋਧਨ ਕਰਦੇ ਡਾ ਨਵਜੋਤ ਕੌਰ ਸਿੱਧੂ ਨੇ ਕਿਸਾਨਾਂ ਨੂੰ ਸੱਦਾ ਦਿੱਤਾ ਕਿ ਆਰਥਿਕ ਮਜਬੂਤੀ ਲਈ ਸਹਿਕਾਰਤਾ ਲਹਿਰ ਨਾਲ ਜੁੜਨ। ਉਨ੍ਹਾਂ ਕਿਹਾ ਕਿ ਮਾਰਕੀਟ ਵਿਚ ਕਾਮਯਾਬ ਹੋਣ ਅਤੇ ਖੇਤੀ ਖਰਚੇ ਘੱਟ ਕਰਨ ਲਈ ਆਪਸੀ ਸਾਥ ਦੀ ਵੱਡੀ ਲੋੜ ਹੈ ਅਤੇ ਸਹਿਕਾਕਤਾ ਇਹ ਪੂਰਾ ਕਰ ਸਕਦੀ ਹੈ।ਇਸ ਮੌਕੇ ਤੇ ਸ. ਗੁਰਦੇਵ ਸਿੰਘ ਜਨਰਲ ਮੈਨੇਜਰ ਮਿਲਕ ਪਲਾਂਟ ਵੇਰਕਾ ਵਲੋਂ ਆਏ ਹੋਏ ਹਾਜਿਰ ਹੋਏ ਮਹਿਮਾਨਾ, ਡਿਪਟੀ ਰਜਿਸਟਰਾਰ ਸਹਿਕਾਰੀ ਸਭਾਵਾਂ ਅੰਮ੍ਰਿਤਸਰ, ਏ ਆਰ ਸਹਿਕਾਰੀ ਸਭਾਵਾਂ ਅੰਮ੍ਰਿਤਸਰ, ਬੋਰਡ ਆਫ ਡਾਇਰੈਕਟਰਜ਼, ਵੱਖ ਵੱਖ ਸਹਿਕਾਰੀ ਅਦਾਰਿਆਂ ਦੇ ਜਿਲ੍ਹਾ ਮੁੱਖੀ, ਦੁੱਧ ਉਤਪਾਦਕਾਂ ਅਤੇ ਮੁੱਖ ਮਹਿਮਾਨ ਡਾ. ਨਵਜੋਤ ਕੋਰ ਸਿੱਧੂ ਦਾ ਉਚੇਚੇ ਤੌਰ ਤੇ ਪਹੁੰਚਣ ਤੇ ਜੀ ਆਇਆ ਕੀਤਾ ਗਿਆ। ਉਹਨਾਂ ਵਲੋ ਦਸਿਆ ਗਿਆ ਕਿ ਵੇਰਕਾ ਪੰਜਾਬ ਦੇ ਸਹਿਕਾਰੀ ਅਦਾਰਿਆ ਵਿੱਚੋ ਇੱਕ ਅਹਿਮ ਅਦਾਰਾ ਹੈੈ ਅਤੇ ਪੰਜਾਬ ਦੇ ਦੁੱਧ ਉਤਪਾਦਕਾਂ ਦੀ ਪ੍ਰਤੀਨਿੱਧਤਾ ਕਰਦਾ ਹੈ। ਇਸ ਅਦਾਰੇ ਦਾ ਮੁੱਖ ਮੰਤਵ ਲਾਭ ਕਮਾਉਣਾ ਨਹੀ ਸਗੋਂ ਇਸ ਖਿੱਤੇ ਦੇ ਦੁੱਧ ਉਤਪਾਦਕਾਂ ਅਤੇ ਖਪਤਕਾਰਾਂ ਦੇ ਹਿੱਤਾਂ ਦੀ ਰਾਖੀ ਕਰਨਾ ਹੈ। ਉਨ੍ਹਾਂ ਦੱਸਿਆ ਕਿ ਕਿਸ ਤਰ੍ਹਾ ਵੇਰਕਾ ਨੇ ਕੋਵਿਡ ਮਹਾਮਾਰੀ ਦੌਰਾਨ ਦੁੱਧ ਉਤਪਾਦਕਾਂ ਦੀ ਬਾਂਹ ਫੜੀ ਅਤੇ ਉਹਨਾ ਨੂੰ ਦੁੱਧ ਵਾਜਬ ਰੇਟ ਦੇਣ ਦੇ ਨਾਲ ਨਾਲ ਪਿਛਲੇ ਸਾਲ ਦੇ ਮੁਕਾਬਲੇ ਸਰਪਲਸ ਦੁੱਧ ਵੀ ਖਰੀਦ ਕੀਤਾ ਗਿਆ। ਉਹਨਾਂ ਵਲੋ ਦਸਿਆਂ ਗਿਆ ਕਿ ਇਸ ਮਹਾਂਮਾਰੀ ਦੇ ਸਮੇਂ ਦੌਰਾਨ ਵੀ ਵੇਰਕਾ ਵੱਲੋ ਮਾਨਯੋਗ ਸ. ਸੁਖਜਿੰਦਰ ਸਿੰਘ ਰੰਧਾਵਾ ਡਿਪਟੀ ਸੀ ਐਮ ਅਤੇ ਮੈਨੇਜਿੰਗ ਡਾਇਰੈਕਟਰ ਸ. ਕਮਲਦੀਪ ਸਿੰਘ ਸੰਘਾ ਜੀ ਵਲੋਂ ਕੀਤੇ ਗਏ ਉਪਰਾਲਿਆਂ ਸੱਦਕਾ ਟੈਂਕਰ ਮੂਵਮੈਂਟ, ਪੈਕਿੰਗ ਮੈਟੀਰੀਅਲ, ਕੋਲੇ ਦੀ ਸਪਲਾਈ, ਪਲਾਂਟ ਦੀਆਂ ਗੱਡੀਆਂ ਦੀ ਆਵਾਜਾਈ ਨੂੰ ਸੁਨਿਸ਼ਚਿਤ ਕੀਤਾ ਗਿਆ ਅਤੇ ਪਲਾਂਟ ਪੱਧਰ ਤੇ ਵੀ ਸਬੰਧਿਤ ਜਨਰਲ ਮੈਨੇਜਰਾਂ ਵੱਲੋ ਜਿਲ੍ਹਾ ਪ੍ਰਸ਼ਾਸਨ ਨਾਲ ਤਾਲਮੇਲ ਬਣਾ ਕੇ ਰਖਿਆ ਗਿਆ। ਇਸ ਤੋਂ ਇਲਾਵਾਂ ਅਧਿਕਾਰੀਆਂ/ ਕਰਚਾਰੀਆਂ ਨੂੰ ਵੀ ਮੂਵਮੈਂਟ ਪਾਸ ਮੁਹੱਈਆਂ ਕਰਵਾ ਕੇ ਦਿੱਤੇ ਗਏ, ਜਿਸ ਨਾਲ ਸਾਰੇ ਕਰਮਚਾਰੀ ਇਸ ਮਹਾਮਾਰੀ ਦੌਰਾਨ ਵੀ ਡਿਊਟੀ ਤੇਂ ਹਾਜਿਰ ਹੁੰਦੇ ਰਹੇ ਅਤੇ ਪਲਾਂਟ ਵੀ 24 ਘੰਟੇ ਕੰਮ ਕਰਦੇ ਰਹੇ, ਜਿਸ ਨਾਲ ਖਪਤਕਾਰਾ ਤੱਕ ਨਿਰਵਿੱਘਣ ਦੁੱਧ ਅਤੇ ਦੁੱਧ ਪਦਾਰਥ ਸਪਲਾਈ ਹੁੰਦੇ ਰਹੇ।
ਇਸ ਮੌਕੇ ਤੇ ਬੋਲਦਿਆ ਸ. ਹਰਮਿੰਦਰ ਸਿੰਘ ਸੰਧੂ ਜਨਰਲ ਮੈਨੇਜਰ ਮਾਰਕੀਟਿੰਗ ਮਿਲਕਫੈਡ, ਪੰਜਾਬ ਨੇ ਦੱਸਿਆ ਕਿ ਕੋਵਿਡ-19 ਦੀ ਮਹਾਮਾਰੀ ਕਾਰਨ ਪੰਜਾਬ ਦੇ ਕਿਸਾਨਾ ਨੂੰ ਆਰਥਿਕ ਤੰਗੀ ਦਾ ਸਾਹਮਣਾ ਕਰਨਾ ਪਿਆ ਸੀ ਜਿਸ ਨਾਲ ਡੇਅਰੀ ਉਦਯੋਗ ਨੂੰ ਕਾਫੀ ਨੁਕਸਾਲ ਝੱਲਣਾ ਪਿਆ ਸੀ ਪਰ ਮਿਲਕਫੈਡ ਪੰਜਾਬ ਵੱਲੋ ਕੋਵਿਡ-19 ਮਹਾਮਾਰੀ ਦੋਰਾਨ ਦੁੱਧ ਉਤਪਾਦਕਾਂ ਅਤੇ ਖਪਤਕਾਰਾਂ ਦੇ ਹਿੱਤਾਂ ਦੀ ਰਾਖੀ ਕਰਦੇ ਹੋਏ ਪਿਛਲੇ ਸਾਲ ਦੇ ਮੁਕਾਬਲੇ ਮਿਲਕਫੈਡ ਵੱਲੋ ਲਗਭਗ 40% ਵੱਧ ਦੁੱਧ ਦੀ ਖਰੀਦ ਕਰਕੇ ਅਤੇ ਦੁੱਧ ਵਾਜਬ ਮੁੱਲ ਦੇ ਕਿ ਦੁੱਧ ਉਤਪਾਦਕਾਂ ਦੀ ਇਸ ਮੁਸ਼ਕਿਲ ਸਮੇਂ ਵਿੱਚ ਬਾਂਹ ਫੜੀ ਗਈ ਅਤੇ ਖਪਤਕਾਰਾਂ ਨੂੰ ਚੰਗੀ ਗੁਣਵੱਤਾ ਵਾਲੇ ਦੁੱਧ ਅਤੇ ਦੁੱਧ ਪਦਾਰਥ ਵੀ ਮੁਹੱਈਆ ਕਰਵਾ ਕੇ ਦਿੱਤੇ ਗਏ। ਕੋਵਿਡ- 19 ਦੇ ਮੱਦੇਨਜਰ ਚਲਦੇ ਕਰਫਿਓ ਦੌਰਾਨ ਮਾਰਕਿਟ ਬੰਦ ਰਹਿਣ ਕਾਰਨ ਦੁੱਧ ਉਤਪਾਦਾਂ ਦੀ ਮਾਰਕਿਟ ਵਿੱਚ ਡਿਮਾਂਡ ਘੱਟ ਗਈ ਜਿਸ ਕਾਰਨ ਘੱਟ ਖਪਤ ਹੋਣ ਕਾਰਨ ਮਿਲਕਫੈਡ ਵੱਲੋ ਇਸ ਵੱਧ ਦੁੱਧ ਨੂੰ ਸੰਭਾਲਣ ਲਈ 4 ਪ੍ਰਾਈਵੇਟ ਪਲਾਂਟ ਵੀ ਕਿਰਾਏ ਤੇ ਲਏ ਗਏ ਤਾਂ ਜੋ ਵਾਧੂ ਦੁੱਧ ਨੂੰ ਪਾਉਡਰ ਅਤੇ ਚਿੱਟੇ ਮੱਖਣ ਵਿੱਚ ਤਬਦੀਲ ਕਰਕੇ ਸੰਭਾਲਿਆਂ ਜਾ ਸਕੇ। ਮਾਰਕਿਟ ਵਿੱਚ ਲਗਾਤਾਰ ਗਿਰਾਵਟ ਰਹਿਣ ਅਤੇ ਦੁੱਧ ਉਤਪਾਦਾਂ ਵੇਰਕਾ ਵੱਨੋ ਲਾਹੇਵੰਦ ਭਾਅ ਰੱਖਣ ਕਾਰਨ ਮਿਲਕਫੈਡ ਨੂੰ ਵਿੱਤੀ ਬੋਝ ਵੀ ਝੱਲਣਾ ਪਿਆ। ਇਸ ਤੋਂ ਇਲਾਵਾਂ ਉਹਨਾਂ ਦਸਿਆਂ ਕਿ ਕਿਸਾਨਾਂ ਦਾ ਪੱਧਰ ਉੱਚਾ ਚੁੱਕਣ ਅਤੇ ਉਨ੍ਹਾਂ ਨੂੰ ਲਾਭ ਦੇਣ ਵਾਸਤੇ ਅਤੇ ਦੁੱਧ ਦੀ ਪੈਦਾਵਾਰ ਤੇ ਹੋਣ ਵਾਲੇ ਖਰਚਿਆਂ ਨੂੰ ਧਿਆਨ ਵਿਚ ਰੱਖਦੇ ਹੋੲ ਮਿਲਕਫੈਡ ਵਲੋਂ ਇਸ ਸਾਲ ਦੋਰਾਨ ਦੁੱਧ ਦੇ ਖਰੀਦ ਭਾਅ ਵਿਚ ਰਿਕਾਰਡ ਵਾਧਾ ਕੀਤਾ ਗਿਆ ਹੈ।ਇਹਨਾ ਤੋ ਇਲਾਵਾਂ ਪੰਜਾਬ ਕੋਆਪ੍ਰੇਟਿਵ ਬੈਂਕ ਅਤੇ ਪੰਜਾਬ ਖੇਤੀਬਾੜੀ ਡਿਵੈਲਪਮੈਂਟ ਬੈਂਕ ਦੇ ਜਿਲ੍ਹਾ ਮੁਖੀਆਂ ਵਲੋ ਬੈਕਾਂ ਵਲੋ ਦਿੱਤੀ ਜਾ ਰਹੀ ਸਕੀਮਾਂ ਅਤੇ ਸਹੂਲਤਾਵਾਂ ਬਾਰੇ ਵੀ ਕਿਸਾਨਾ ਅਤੇ ਦੁੱਧ ਉਤਪਾਦਕਾਂ ਨੂੰ ਜਾਣੂ ਕਰਵਾਇਆ ਗਿਆ।ਸ. ਗੁਰਦੇਵ ਸਿੰਘ, ਜਨਰਲ ਮੈਨੇਜਰ, ਵੇਰਕਾ ਅੰਮ੍ਰਿਤਸਰ ਡੇਅਰੀ ਨੇ ਸਮਾਗਮ ਵਿਚ ਸ਼ਾਮਿਲ ਹੋਏ ਮੁੱਖ ਮਹਿਮਾਨ ਡਾ ਨਵਜੋਤ ਕੋਰ ਸਿਧੂ, ਡਿਪਟੀ ਰਜਿਸਟਰਾਰ ਸਹਿਕਾਰੀ ਸਭਾਵਾਂ ਅੰਮਿਤਸਰ, ਸ. ਹਰਮਿੰਦਰ ਸਿੰਘ ਸੰਧੂ ਜਨਰਲ ਮੈਨੇਜਰ ਮਾਰਕੀਟਿੰਗ ਮਿਲਕਫੈਡ, ਪੰਜਾਬ, ਏ ਆਰ ਸਹਿਕਾਰੀ ਸਭਾਵਾਂ ਅੰਮ੍ਰਿਤਸਰ, ਬੋਰਡ ਆਫ ਡਾਇਰੈਕਟਰਜ਼ ਮਿਲਕ ਯੂਨੀਅਨ ਅੰਮ੍ਰਿਤਸਰ, ਜਿਲ੍ਹਾ ਮੁੱਖੀ ਪੰਜਾਬ ਕੋਆਪ੍ਰੇਟਿਵ ਬੈਂਕ, ਜਿਲ੍ਹਾ ਮੁੱਖੀ ਪੰਜਾਬ ਖੇਤੀਬਾੜੀ ਡਿਵੈਲਪਮੈਂਟ ਬੈਂਕ ਤੋ ਇਲਾਵਾਂ ਵੱਖ-ਵੱਖ ਸਭਾਵਾਂ ਤੋ ਪ੍ਰਧਾਨ, ਕਮੇਟੀ ਮੈਂਬਰ ਅਤੇ ਦੁੱਧ ਉਤਪਾ ਦਕ ਅਤੇ ਵੇਰਕਾ ਦੇ ਕਰਮਚਾਰੀ/ ਅਧਿਕਾਰੀ ਆਦਿ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਵੇਰਕਾ ਅੰਮ੍ਰਿਤਸਰ ਡੇਅਰੀ ਹਮੇਸ਼ਾ ਹੀ ਦੁੱਧ ਉਤਪਾਦਕਾਂ ਦੀ ਬਿਹਤਰੀ ਲਈ ਹਰ ਤਰ੍ਹਾ ਦੇ ਉਪਰਾਲੇ ਕਰਦੀ ਰਹੇਗੀ ਅਤੇ ਸਹਿਕਾਰੀ ਖੇਤਰ ਵਿਚ ਡੇਅਰੀ ਦੇ ਕਿੱਤੇ ਨੁੰ ਹੋਰ ਲਾਹੇਵੰਦ ਬਣਾਉਣ ਲਈ ਯਤਨਸ਼ੀਲ ਰਹੇਗੀ ਅਤੇ ਡਿਸਟ੍ਰੀਬਿਊਟਰ ਅਤੇ ਰਿਟੈਲਰ ਨੈਟਵਰਕ ਦਾ ਵਿਸਥਾਰ ਕਰਦੇ ਹੋਏ ਵੱਧ ਤੋ ਵੱਧ ਚੰਗੀ ਗੁਣਵੱਤਾ ਵਾਲਾ ਦੁੱਧ ਅਤੇ ਦੁੱਧ ਪਦਾਰਥਾਂ ਨੂੰ ਖਪਤਕਾਰਾ ਤੱਕ ਪਹੁੰਚਾਉਣ ਲਈ ਵੱਚਣਬੱਧ ਰਹੇਗੀ।