ਪੰਜਾਬ ਸਰਕਾਰ ਰਾਜ ਦੇ ਕਿਸਾਨਾਂ ਨੂੰ ਮਿੱਟੀ ਪਰਖ ਲੈਬਾਟਰੀਆਂ ਅਤੇ ਮੁਬਾਇਲ ਮਿੱਟੀ ਪਰਖ ਪ੍ਰਯੋਗਸ਼ਾਲਾਵਾਂ ਤੋ ਮਿੱਟੀ ਅਤੇ ਪਾਣੀ ਦੀ ਪਰਖ ਛੇਤੀ ਕਰਵਾਉਣ ਲਈ ਨਿਰਧਾਰਿਤ ਸਮੇਂ ਵਿੱਚ ਮਿੱਟੀ ਸਿਹਤ ਕਾਰਡ ਜ਼ਾਰੀ ਕਰਵਾਏਗੀ।ਇਸ ਗੱਲ ਦੀ ਜਾਣਕਾਰੀ ਦਿੰਦਿਆਂ ਪੰਜਾਬ ਦੇ ਖੇਤੀਬਾੜੀ ਮੰਤਰੀ ਜਥੇਦਾਰ ਤੋਤਾ ਸਿੰਘ ਨੇ ਦਿੰਦਿਆਂ ਦੱਸਿਆ ਕਿ ਰਾਜ ਸਰਕਾਰ ਨੇ ਇਕ ਐਕਸ਼ਨ ਪਲਾਨ ਤਿਆਰ ਕਰਨ ਦਾ ਫ਼ੈਸਲਾ ਕੀਤਾ ਹੈ ਜਿਸ ਤਹਿਤ ਰਾਜ ਦੇ ਸਮੂਹ ਜਿਲਿਆਂ ਵਿਚੋ ਸਿੰਜਾਈ ਅਧੀਨ ਅਤੇ ਮੀੱਹ ਤੇ ਨਿਰਭਰ ਜ਼ਮੀਨ ਤੇ ਇਕੱਤਰ ਕੀਤੇ ਮਿੱਟੀ ਅਤੇ ਪਾਣੀ ਦੇ ਨਮੂਨੇ ਅਤੇ ਪਰਖ ਕੀਤੇ ਗਏ ਨਮੂਨਿਆ ਬਾਰੇ ਜਾਣਕਾਰੀ ਇਕੱਤਰ ਕਰੇਗਾ।ਉਨ੍ਹਾਂ ਦੱਸਿਆ ਕਿ ਖੇਤਾਂ ਵਿੱਚੋ ਮਿੱਟੀ ਦੇ ਨਮੂਨੇ ਇੱਕਠੇ ਕਰਨ ਲਈ ਏਜੰਸੀਆਂ ਜਿਵੇ ਖੇਤੀਬਾੜੀ ਯੂਨੀਵਰਸਿਟੀਆਂ, ਮਿੱਟੀ ਪਰਖ ਲੈਬਾਰਟਰੀਆਂ ਸਾਇੰਸ ਕਾਲਜ ਦੇ ਸਟਾਫ,ਵਿਦਿਆਰਥਿਆਂ ਤੋ ਇਲਾਵਾ ਪ੍ਰਾਈਵੇਟ ਏਜੰਸੀਆਂ ਵੀ ਟੈਸਟਿੰਗ ਪ੍ਰਕ੍ਰਿਆ ਲਈ ਟੈਡੰਰਾਂ ਰਾਂਹੀ ਸ਼ਮੂਲਿਅਤ ਲਈ ਜਾਵੇਗੀ ਜਿਸ ਦੁਆਰਾ ਕਿਸਾਨਾਂ ਨੂੰ ਉਨ੍ਹਾਂ ਦੀ ਜ਼ਮੀਨ ਬਾਰੇ ਜਾਣਕਾਰੀ ਮਿਲ ਸਕੇ।ਉਨ੍ਹਾਂ ਦੱਸਿਆ ਕਿ ਖੇਤੀਬਾੜੀ ਵਿਭਾਗ ਵਲੋ ਕਿਸਾਨਾਂ ਨੂੰ ਖਾਦਾਂ ਦੀ ਲੌੜੀਦੀ ਮਾਤਰਾ ਸਬੰਧੀ ਜਾਣਕਾਰੀ ਅਤੇ ਵਾਹੀ ਅਧੀਨ ਜ਼ਮੀਨ ਦੇ ਵੱਧ ਝਾੜ ਲਈ ਮਿੱਟੀ ਸਿਹਤ ਕਾਰਡ ਜ਼ਾਰੀ ਕੀਤੇ ਜਾ ਰਹੇ ਹਨ।ਉਨ੍ਹਾਂ ਅੱਗੇ ਦੱਸਿਆ ਕਿ ਮਿੱਟੀ ਸਿਹਤ ਕਾਰਡ ਮਿੱਟੀ ਦੇ ਉਪਜਾਉਪਨ ਦੇ ਸਟੇਟਸ ਦਾ ਇੱਕ ਰਿਪੋਰਟ ਹੈ ਜਿਸ ਰਾਂਹੀ ਕਿਸਾਨਾਂ ਨੂੰ ਖਾਦਾਂ ਦੀ ਵਰਤੋਂ,ਰਸਾਇਣਕ ਤੱਤਾਂ ਦੇ ਸਿੱਟਿਆਂ ਅਤੇ ਸੁਧਾਰ ਸਬੰਧੀ ਵਿਗਿਆਨਕ ਢੰਗ ਨਾਲ ਜਾਣੂ ਕਰਵਾਇਆ ਜਾਦਾ ਹੈ।