ਐਨ.ਆਰ.ਆਈ.ਲੜਕੀ (ਹਾਲ ਵਾਸੀ ਅਮਰੀਕਾ) ਨੂੰ ਬਲੈਕਮੇਲ ਕਰਕੇ ਅਤੇ ਉਸ ਨੂੰ ਜਾਨੋ ਮਾਰਨ ਦੀਆਂ ਧਮਕੀਆ ਦੇ ਕੇ ਪੈਸੇ ਮੰਗਣ ਦੇ ਦੋਸ਼ ਵਿਚ ਹਰਮਨਪ੍ਰੀਤ ਸਿੰਘ ਸੰਧੂ ਪੁੱਤਰ ਇੰਦਰਜੀਤ ਸਿੰਘ ਵਾਸੀ ਰਾਏਪੁਰ ਜਿਲ੍ਹਾ ਐਸ.ਏ.ਐਸ ਨਗਰ ਨੂੰ ਥਾਣਾਂ ਐਨ.ਆਰ.ਆਈ ਪੁਲਿਸ ਮੋਹਾਲੀ ਵੱਲੋਂ ਗ੍ਰਿਫਤਾਰ ਕੀਤਾ ਗਿਆ । ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਇੰਸਪੈਕਟਰ ਸੰਜੀਵਨ ਗੁਰੂ ਮੁੱਖ ਅਫਸਰ ਥਾਣਾ ਐਨ.ਆਰ.ਆਈ ਐਸ.ਏ.ਐਸ.ਨਗਰ ਨੇ ਦੱਸਿਆ ਕਿ ਹਰਮਨਪ੍ਰੀਤ ਸਿੰਘ ਸੰਧੂ, ਐਨ.ਆਰੀ.ਆਈ ਲੜਕੀ ਦਾ ਪਹਿਲਾਂ ਤੋ ਹੀ ਜਾਣਕਾਰ ਸੀ ਉਸਨੇ ਲੜਕੀ ਦੇ ਰਿਸ਼ਤੇਦਾਰ ਦਾ ਹਸਪਤਾਲ ਵਿੱਚ ਦਾਖਲ ਹੋਣ ਦਾ ਬਹਾਨਾ ਬਣਾਕੇ ਉਸਨੂੰ ਅਮਰੀਕਾ ਤੋ ਧੋਖੇ ਨਾਲ ਇੰਡੀਆ ਬੁਲਾਕੇ ਸ਼ਿਮਲਾ ਲੈ ਗਿਆ ਅਤੇ ਉੱਥੇ ਜਾ ਕੇ ਲੜਕੀ ਨੂੰ ਕੋਲਡ੍ਰਿੰਕ ਵਿੱਚ ਕੋਈ ਨਸ਼ੀਲੀ ਚੀਜ ਮਿਲਾਕੇ ਪਿਲਾਈ ਅਤੇ ਉਸ ਨਾਲ ਸਰੀਰਕ ਸਬੰਧ ਬਣਾਏ ।
ਮੁੱਖ ਅਫਸਰ ਥਾਣਾ ਨੇ ਦੱਸਿਆ ਕਿ ਹਰਮਨਪ੍ਰੀਤ ਸਿੰਘ ਸੰਧੂ ਨੇ ਲੜਕੀ ਦੀਆਂ ਅਪੱਤੀਜਨਕ ਫੋਟੋਆ ਆਪਣੇ ਮੋਬਾਇਲ ਰਾਹੀ ਖਿੱਚੀਆਂ ਜਿਸ ਬਾਰੇ ਲੜਕੀ ਨੂੰ ਪਤਾ ਵੀ ਨਹੀ ਲੱਗਾ। ਜਦੋਂ ਲੜਕੀ ਵਾਪਸ ਅਮਰੀਕਾ ਚੱਲੀ ਗਈ ਤਾਂ ਹਰਮਨਪ੍ਰੀਤ ਸਿੰਘ ਸੰਧੂ ਨੇ ਉਸ ਨੂੰ ਪੈਸੇ ਭੇਜਣ ਲਈ ਬਲੈਕਮੇਲ ਕਰਨਾ ਸੁਰੂ ਕਰ ਦਿੱਤਾ ਅਤੇ ਪੈਸੇ ਨਾ ਦੇਣ ਦੀ ਸੂਰਤ ਵਿੱਚ ਉਸ ਦੀਆ ਅਸ਼ਲੀਲ ਫੋਟੋਆ ਨੈੱਟ ਰਾਹੀ ਫੇਸ ਬੁੱਕ ਸ਼ੋਸਲ ਵੈਬ ਸਾਈਟ ਤੇ ਪਾ ਦੇਣ ਦੀਆ ਧਮਕੀਆਂ ਦੇਣ ਲੱਗਾ। ਲੜਕੀ ਬਦਨਾਮੀ ਤੋ ਡਰਦੀ ਪਹਿਲਾਂ-ਪਹਿਲਾਂ ਵੈਸਟਰਨ ਯੂਨੀਅਨ ਰਾਂਹੀ ਹਰਮਨਪ੍ਰੀਤ ਸਿੰਘ ਸੰਧੂ ਨੂੰ ਪੈਸੇ ਭੇਜਦੀ ਰਹੀ । ਮੁਲਜ਼ਮ ਸੰਧੂ ਹੋਰ ਪੈਸੇ ਭੇਜਣ ਦੀ ਮੰਗ ਕਰਨ ਲੱਗਾ ਪਰ ਜਦੋ ਲੜਕੀ ਨੇ ਪੈਸੇ ਭੇਜਣੇ ਬੰਦ ਕਰ ਦਿੱਤੇ ਤਾਂ ਮੁਲਜ਼ਮ ਸੰਧੂ ਨੇ ਲੜਕੀ ਦੇ ਨਾਮ ਦੀ ਫੇਸ ਬੁੱਕ ਆਈ-ਡੀ ਬਣਾਕੇ ਉਸ ਵਿੱਚ ਉਸ ਦੀਆਂ ਅਸ਼ਲੀਲ ਅਪੱਤੀਜਨਕ ਫੋਟੋਆ ਅਪਲੋਡ ਕਰ ਦਿੱਤੀਆਂ। ਮੁਲਜ਼ਮ ਦੇ ਖਿਲਾਫ ਮੁਕੱਦਮਾ ਨੰਬਰ 08 ਮਿਤੀ 25-04-15 ਜੇਰੇ ਧਾਰਾ 328,376, 384,506,509 ਆਈ.ਪੀ.ਸੀ 67, 67 ਏ 66-ਈ, ਆਈ ਟੀ ਐਕਟ ਤਹਿਤ ਥਾਣਾ ਐਨ. ਆਰ. ਆਈ ਐਸ.ਏ.ਐਸ.ਨਗਰ ਵਿੱਚ ਦਰਜ ਕੀਤਾ ਗਿਆ ਹੈ। ਕਥਿਤ ਦੋਸ਼ੀ ਨੂੰ ਆਦਲਤ 'ਚ ਪੇਸ਼ ਕਰਕੇ ਪੁਲਿਸ ਰਿਮਾਂਡ ਲਿਆ ਗਿਆ ਹੈ।