ਮਹਾਰਾਜ ਭੂਰੀਵਾਲੇ ਗੁਰਗੱਦੀ ਪ੍ਰੰਪਰਾ (ਗਰੀਬਦਾਸੀ ਸੰਪਰਦਾਇ) ਦੇ ਆਸਟ੍ਰੇਲੀਆ ਸਥਿਤ ਸ਼੍ਰੀ ਬ੍ਰਹਮ ਨਿਵਾਸ ਆਸ਼ਰਮ ਬੋਡਲਸ ਲਾਈਨ ਲਿਟਿਲ ਰਿਵਰ ਵਿਕਟੋਰੀਆ 3211(ਮੈਲਬੋਰਨ) ਵਿਖੇ ਮੋਜੂਦਾ ਗੱਦੀਨਸ਼ੀਨ ਵੇਦਾਂਤ ਅਚਾਰੀਆ ਸਵਾਮੀ ਸ਼੍ਰੀ ਚੇਤਨਾ ਨੰਦ ਜੀ ਭੂਰੀਵਾਲਿਆਂ ਦੀ ਰਹਿਨੁਮਾਈ ਹੇਠ ਦੂਸਰਾ ਸਾਲਾਨਾ ਤਿੰਨ ਰੋਜ਼ਾ ਸੰਤ ਸਮਾਗਮ ਸ਼ਰਧਾਪੂਰਵਕ ਸੰਪੰਨ ਹੋ ਗਿਆ।ਇਸ ਮੋਕੇ 'ਜਗਤਗੁਰੂ ਅਚਾਰੀਆ ਬਾਬਾ ਗਰੀਬਦਾਸ ਰਚਿਤ ਬਾਣੀ' ਦੇ ਆਖੰਡ ਪਾਠਾਂ ਦੇ ਭੋਗ ਵੇਦਾਂਤ ਅਚਾਰੀਆ ਸਵਾਮੀ ਸ਼੍ਰੀ ਚੇਤਨਾ ਨੰਦ ਜੀ ਭੂਰੀਵਾਲਿਆਂ ਦੀ ਸਰਪ੍ਰਸਤੀ ਹੇਠ ਸ਼ਰਧਾ ਪੂਰਵਕ ਪਾਏ ਗਏ।ਸਾਲਾਨਾ ਸਮਾਗਮ ਦੀ ਸਮਾਪਤੀ ਮੋਕੇ ਅਚਾਰੀਆ ਜੀ ਨੇ ਭਾਰਤ ਤੋ ਬਾਅਦ ਕੈਨੇਡਾ ਆਸ਼ਰਮ ਤੇ ਹੁਣ ਸ਼੍ਰੀ ਬ੍ਰਹਮ ਨਿਵਾਸ ਆਸ਼ਰਮ ਆਸਟ੍ਰੇਲੀਆ ਚ ਸਾਦਗੀ ਤੇ ਗੁਰੁ ਦਰਬਾਰ ਚ ਆਸਟ੍ਰੇਲੀਆ ਵਸਦੇ ਬਾਰਾ ਸਿੰਘ ਤੇ ਚਰਨਜੀਤ ਕੌਰ ਅ੍ਰਮਿੰਤਸਰ ਨਿਵਾਸੀ ਦੀ ਲਾਡਲੀ ਗੁਰਇੰਦਰ ਕੌਰ ਦਾ ਵਿਆਹ ਜਿਲਾ੍ਹ ਰੋਪੜ ਦੇ ਪਿੰਡ ਆਜਮਪੁਰ ਨਿਵਾਸੀ ਨਰੇਸ਼ ਕੁਮਾਰ ਤੇ ਸ਼ੁਕੰਤਲਾ ਦੇਵੀ ਦੇ ਸਪੁੱਤਰ ਜਗਦੀਪ ਨਾਲ ਵਿਆਹ ਬੰਧਨ ਚ ਬੱਝੀ ਸੁਭਾਗੀ ਜੋੜੀ ਨੂੰ ਆਸ਼ੀਰਵਾਦ ਦਿੰਦਿਆਂ ਆਖਿਆ ਕਿ ਗੁਰਮੁੱਖ ਪਾ੍ਰਣੀ ਹਰ ਕਾਰਜ ਗੁਰੂ ਆਦੇਸ਼ ਤੇ ਗੁਰ ਪ੍ਰਣਾਲੀ ਚ ਰਹਿ ਕੇ ਜਦੋ ਸਾਦਗੀ ਤੇ ਵਿਧੀ ਵਿਧਾਨ ਨਾਲ ਵਿਆਹ ਬੰਧਨ ਦੀ ਪਵਿੱਤਰ ਰਸਮ ਨੂੰ ਨਿਭਾਉਣ ਨਾਲ ਸ਼ਰਧਾਵਾਨ ਬੱਚੇ ਤੇ ਮਾਤਾ ਪਿਤਾ ਹਮੇਸ਼ਾ ਸੁੱਖਮਈ ਜੀਵਨ ਬਤੀਤ ਕਰਦੇ ਹਨ।ਅਚਾਰੀਆ ਜੀ ਨੇ ਕਿਹਾ ਕਿ ਮਨੁੱਖ ਦੁਆਰਾ ਕੀਤਾ ਜਾਂਦਾਂ ਕਰਮ ਹੀ ਉਸਦੀ ਕਿਸਮਤ ਬਣਦਾ ਹੈ ਕਿਉਂ ਕਿ ਜੀਵ ਖੁਦ ਹੀ ਆਪਣੀ ਕਿਸਮਤ ਦਾ ਨਿਰਮਾਤਾ ਹੈ।ਉਨਾ੍ਹ ਕਿਹਾ ਕਿ ਸੰਸਾਰ ਵਿੱਚ ਪਾਪ ਤੇ ਪੁੰਨ ਭਾਵ ਸ਼ੁੱਭ ਤੇ ਅਸ਼ੁੱਭ ਦੋ ਹੀ ਤਰਾਂ੍ਹ ਦੇ ਕਰਮ ਮਨੁੱਖ ਕਰਦਾ ਹੈ।
ਇਸ ਕਰਕੇ ਸ਼ੁੱਭ ਕਰਮਾਂ ਦਾ ਫਲ ਸੁੱਖ ਅਤੇ ਅਸ਼ੁੱਭ ਕਰਮਾਂ ਦਾ ਫਲ ਦੁੱਖ ਹੁੰਦਾ ਹੈ।ਅਚਾਰੀਆ ਜੀ ਨੇ ਕਿਹਾ ਕਿ ਜਿਸ ਦੇ ਜੀਵਨ ਚ ਸੁੱਖ, ਮਨ ਚ ਸ਼ਾਂਤੀ ਤੇ ਪਰਮਾਤਮਾ ਵਲੋ ਬਖਸ਼ਿਸ਼ ਹਰ ਦਾਤ ਤੇ ਸੁੰਤਸ਼ਟੀ ਹੈ।ਉਹੀ ਸਭ ਤੋ ਵੱਡਾ ਧੰਨਵਾਨ ਕਿਹਾ ਜਾਂਦੇ। ਉਨਾ੍ਹ ਵਿਦੇਸ਼ ਵਸਦੀਆ ਸੰਗਤਾਂ ਨੂੰ ਪ੍ਰੇਰਣਾ ਕੀਤੀ ਕਿ ਕਿ ਉਹ ਧਨ ਦਾ ਸਦਉਪਯੋਗ ਕਰਦੇ ਹੋਏ ਆਪਣੀ ਨੇਕ ਕਮਾਈ ਨੂੰ ਦੀਨ -ਦੁਖੀਆਂ ਦੀ ਭਲਾਈ ਤੇ ਸਮਾਜ ਸੇਵਾ ਲਈ, ਔਲਾਦ ਨੂੰ ਚੰਗੇ ਸੰਸਕਾਰ, ਚੰਗੀ ਐਜੂਕੇਸ਼ਨ ਦੇਣ ਲਈ ਖਰਚ ਕਰਨ ਤਾਂ ਜੋ ਸਮਾਜ ਦੇ ਭਲੇ ਦੇ ਨਾਲ -ਨਾਲ ਜੀਵ ਦਾ ਪੁੰਨ ਕਰਮ ਵੀ ਬਣਦਾ ਰਹੇ।ਵਿਦੇਸ਼ ਯਾਤਰਾ ਤੇ ਆਸਟ੍ਰੇਲੀਆ ਗਏ ਅਚਾਰੀਆ ਚੇਤਨਾ ਨੰਦ ਜੀ ਤੋ ਵਿਦੇਸ਼ ਵਸਦੀਆਂ ਵੱਡੂ ਗਿਣਤੀ ਚ ਸੰਗਤਾਂ ਨੇ 'ਨਾਮ ਸ਼ਬਦ' ਦੀ ਦਾਤ ਪਾ੍ਰਪਤ ਕਰ ਗੁਰੁ ਧਾਰਣਾ ਕੀਤੀ।ਦੱਸਣਯੋਗ ਹੈ ਕਿ ਅਚਾਰੀਆ ਜੀ ਨੇ ਮੈਲਬੋਰਨ ਤੋ ਪਹਿਲਾਂ ਸਿਡਨੀ ਦੇ ਵੱਖ -ਵੱਖ ਸ਼ਹਿਰਾਂ ਚ ਵੀ ਸਤਿਸੰਗ ਕੀਤੇ।
ਇਸ ਮੋਕੇ ਸੰਗਤਾਂ ਦਰਮਿਆਨ ਦੌਲਤ ਰਾਮ ਬਜਾੜ ਪ੍ਰਧਾਨ ਸ੍ਰੀ ਬ੍ਰਹਮ ਨਿਵਾਸ ਆਸ਼ਰਮ ਟਰੱਸਟ ਕੈਨੇਡਾ, ਜੈ ਆਨੰਦ ਪ੍ਰਧਾਨ ਭੁਰੀਵਾਲੇ ਟਰੱਸਟ ਆਸਟ੍ਰੇਲੀਆ, ਸ਼੍ਰੀ ਇੰਤਾਜ ਖਾਨ ਹੈਰੀਸਨ ਵਾਰਡ ਕੌਸਲਰ, ਸ਼੍ਰੀ ਗੌਤਮ ਗੁਪਤਾ ਸ਼ੈਫੀ ਵਾਰਡ ਕੌਸਲਰ ਵੀਅਨਦਮ(ਆਸਟ੍ਰੇਲੀਆ),ਨਰੇਸ਼ ਗੋਇਲ ਲੁਧਿਆਣਾ, ਪ੍ਰਿੰਸੀਪਲ ਜੋਗਿੰਦਰ ਸਿੰਘ ਰਾਣਾ ,ਸ਼੍ਰੀਰਾਮ ਰੇਂਜ ਅਫਸਰ, ਵਿਜੇ ਧੀਮਾਨ, ਅਮਰਜੀਤ ਖੇਲਾ ਚੀਫ ਐਗਜੂਕੇਟਿਵ ਯੂਨੀਕ ਇੰਟਰਨੈਸ਼ਨਲ ਕਾਲਜ ਸਿਡਨੀ, ਬਲਜੀਤ ਖੇਲਾ, ਚਰਨਪ੍ਰਤਾਪ ਸਿੰਘ ਟਿੰਕੂ,ਬਲਵਿੰਦਰ ਕੁਮਾਰ, ਪ੍ਰੇਮ ਕੁਮਾਰ,ਚੰਦਰਕਾਂਤ, ਸੰਜੀਵ ਚੇਚੀ, ਸੇਠੀ ਕਟਵਾਰਾ, ਅਸ਼ਵਨੀ ਸਿਡਨੀ, ਵਿਕਰਮ ਖੇਪੜ,ਰੁਪਿੰਦਰ ਕੁਮਾਰ,ਅਸ਼ਵਨੀ ਕਸਾਣਾ ਕਟਵਾਰਾ,ਸਮੇਤ ਬਹੁ ਗਿਣਤੀ ਚ ਸਤਿਗੁਰਾਂ ਦੀ ਲਾਡਲੀ ਸੰਗਤਾਂ ਹਾਜ਼ਰ ਸਨ।Àੋਪਰੋਕਤ ਜਾਣਕਾਰੀ ਆਸਟ੍ਰੇਲੀਆ ਭੂਰੀਵਾਲੇ ਆਸ਼ਰਮ ਤੋ ਟਰੱਸਟ ਮੈਂਬਰਾਨ ਨੇ ਫੋਨ ਦੁਆਰਾ ਦਿੱਤੀ।