ਪੂਰੇ ਜੋਸ਼ ਅਤੇ ਉਤਸ਼ਾਹ ਦੇ ਨਾਲ ਕੰਨਟੀਨੇਂਟਲ ਗਰੁੱਪ ਆਫ ਇੰਸਟੀਚਿਊਟਸ (ਸੀ. ਜੀ. ਆਈ.) ਨੇ ਆਪਣਾ 14ਵਾਂ ਸਥਾਪਨਾ ਦਿਵਸ ਮਨਾਇਆ। ਗਰੁੱਪ ਦੀ ਗਵਰਨਿੰਗ ਕਾਉਂਸਿਲ ਦੇ ਮਾਣਯੋਗ ਮੈਂਬਰਾਂ ਨੇ ਇਸ ਪ੍ਰੋਗਰਾਮ ਵਿਚ ਆਪਣੀ ਮੌਜੂਦਗੀ ਦੇ ਨਾਲ ਚਾਰ-ਚੰਨ ਲਗਾਏ ਅਤੇ ਇਨਾਂ 14 ਸਾਲਾਂ ਵਿਚ ਗਰੁੱਪ ਦੇ ਸਫਲਤਾਪੂਰਵਕ ਸਫਰ ਦੀ ਸਲਾਘਾ ਕੀਤੀ। ਸੈਲੀਬ੍ਰੇਸ਼ਨ ਦੀ ਸ਼ੁਰੂਆਤ ਟ੍ਰੇਡੀਸ਼ਨਲ ਤਰੀਕੇ ਨਾਲ ਦੀਪ ਜਲਾ ਕੇ ਅਤੇ ਸਰਸਵਤੀ ਵੰਦਨਾ ਦੀ ਪ੍ਰਫਾਰਮੈਂਸ ਦੇ ਨਾਲ ਹੋਈ।ਗਰੁੱਪ ਦੇ ਐਗਜ਼ੀਕਿਊਟਿਵ ਡਾਇਰੈਕਟਰ ਬ੍ਰਿਗੇਡੀਅਰ ਜੇ. ਕੇ. ਝਾਅ ਨੇ ਮੁਖ ਮਹਿਮਾਨਾਂ ਪੰਜਾਬ ਦੇ ਸਾਬਕਾ ਰਾਜਪਾਲ ਲੈ. ਜਨਰਲ (ਰਿਟਾਇਰਡ) ਬੀ. ਕੇ. ਐਨ. ਛਿੱਬੜ, ਸੀ. ਜੀ. ਆਈ. ਦੇ ਲੈ. ਕਰਨਲ (ਰਿਟਾਇਰਡ) ਬੀ. ਐਸ. ਸੰਧੂ ਅਤੇ ਮੌਕੇ 'ਤੇ ਮੌਜੂਦ ਬਾਕੀ ਉਚ ਅਧਿਕਾਰੀਆਂ ਦਾ ਸਵਾਗਤ ਕੀਤਾ। ਉਨ੍ਹਾਂ ਨੇ ਮਹਿਮਾਨਾਂ ਦੇ ਨਾਲ ਸੀ. ਜੀ. ਆਈ. ਵਿਚ ਦਿੱਤੀ ਜਾਣ ਵਾਲੀ ਕੁਆਲਿਟੀ ਐਜੂਕੇਸ਼ਨ 'ਤੇ ਗੱਲਬਾਤ ਕੀਤੀ। ਉਨ੍ਹਾਂ ਕਿਹਾ ਕਿ ਚੰਗਾ ਅਨੁਸ਼ਾਸਨ, ਚੰਗੀ ਸਿੱਖਿਆ ਅਤੇ ਚੰਗੀਆਂ ਸਹੂਲਤਾਂ ਹਰ ਕਿਸੇ ਦੇ ਜੀਵਨ ਵਿਚ ਜਰੂਰੀ ਹਨ ਅਤੇ ਅਸੀਂ ਆਪਣੇ ਵਿਦਿਆਰਥੀਆਂ ਨੂੰ ਉਹ ਮੁਹੱਈਆ ਕਰਵਾਉਂਦੇ ਹਾਂ।
ਇਸ ਦੇ ਬਾਅਦ ਸੀ. ਐਮ. ਡੀ. ਸੰਧੂ ਨੇ 14 ਸਾਲ ਪਹਿਲਾਂ ਸ਼ੁਰੂ ਹੋਏ ਇਸ ਸਫਰ ਦੀ ਸ਼ੁਰੂਆਤ ਦੀ ਗੱਲਬਾਤ ਕੀਤੀ। ਉਨ੍ਹਾਂ ਕਿਹਾ ਕਿ ਅਸੀਂ ਮੋਹਾਲੀ ਵਿਚ ਕੈਨੇਡੀਅਨ ਇੰਸਟੀਚਿਊਟ ਆਫ ਇੰਟਰਨੈਸ਼ਨਲ ਸਟੱਡੀ ਦੇ ਨਾਲ ਫਾਰੇਨ ਪ੍ਰੋਗਰਾਮ ਦੀ ਸ਼ੁਰੂਆਤ ਕੀਤੀ ਸੀ। ਫਿਰ ਅਸੀਂ ਇਸ ਜਗ੍ਹਾ 'ਤੇ ਦੁਬਾਰਾ ਸਥਾਪਿਤ ਹੋਏ ਅਤੇ ਨਵਾਂ ਨਾਮ ਕੰਨਟੀਨੇਂਟਲ ਗਰੁੱਪ ਆਫ ਇੰਸਟੀਚਿਊਟਸ ਰੱਖਿਆ। ਨਾਲ ਹੀ ਅਸੀਂ ਜਲੰਧਰ ਦੀ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਅਤੇ ਪਟਿਆਲਾ ਦੀ ਪੰਜਾਬੀ ਯੂਨੀਵਰਸਿਟੀ ਨਾਲ ਸਬੰਧਤ ਭਾਰਤੀ ਪ੍ਰੋਗਰਾਮ ਵੀ ਸ਼ੁਰੂ ਕੀਤੇ। ਉਨ੍ਹਾਂ ਕਿਹਾ ਕਿ ਪੇਰੇਂਟ ਗਰੁੱਪ ਡਬਲਯੂ. ਡਬਲਯੂ. ਆਈ. ਸੀ. ਐਸ. ਵੀ ਆਪਣੀ 21ਵੀਂ ਵਰ੍ਹੇਗੰਢ ਮਨਾ ਰਿਹਾ ਹੈ। ਉਨ੍ਹਾਂ ਨੇ ਸਾਰੇ ਵਿਦਿਆਰਥੀਆਂ ਨੂੰ ਸਫਲਤਾ ਦਾ ਆਸ਼ੀਰਵਾਦ ਦਿੱਤਾ। ਜਨਰਲ ਛਿੱਬੜ ਨੇ ਕਿਹਾ ਕਿ ਅਸੀਂ ਖੁਸ਼ਕਿਸਮਤ ਹਾਂ ਕਿ 21ਵੀਂ ਸਦੀ ਵਿਚ ਜਨਮੇ। ਇਹ ਯੁੱਗ ਕੰਪਿਊਟਰ ਅਤੇ ਇੰਟਨੈਟ ਦਾ ਹੈ, ਜਿਸ ਨੇ ਚੀਜ਼ਾਂ ਨੂੰ ਬੇਹੱਦ ਆਸਾਨ ਕਰ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਦੂਸਰਿਆਂ ਦੀ ਸੇਵਾ ਕਰਨ ਵਿਚ ਰੁਚੀ ਹੋਣ ਨਾਲ ਵਿਅਕਤੀ ਬੇਹਤਰ ਪੜ੍ਹਾਈ ਕਰ ਸਕਦਾ ਹੈ ਅਤੇ ਆਪਣੀ ਮੰਜਿਲ ਜਲਦੀ ਹਾਸਲ ਕਰ ਸਕਦਾ ਹੈ।
ਚੰਗੀ ਸਿੱਖਿਆ ਦੇ ਨਾਲ ਚੰਗਾ ਵਿਅਕਤੀਗਤ ਵੀ ਹੋਣਾ ਜਰੂਰੀ ਹੈ। ਸਟੇਜ 'ਤੇ ਕਾਲਜ ਦੇ ਸਟੂਡੈਂਟਸ ਨੇ ਮਾਡਲਿੰਗ ਕੀਤੀ ਅਤੇ ਨਾਲ ਹੀ ਡਾਂਸ ਪ੍ਰਫਾਰਮੈਂਸ ਵੀ ਦਿੱਤੀ। ਸਾਰੇ ਵਿਦਿਆਰਥੀ ਪੰਜਾਬੀ ਪਹਿਰਾਵੇ ਵਿਚ ਸਜੇ-ਧੱਜੇ ਨਜ਼ਰ ਆਏ ਅਤੇ ਪੰਜਾਬੀ ਸੱਭਿਆਚਾਰ ਦੀ ਝਲਕ ਪੇਸ਼ ਕੀਤੀ। ਸਕਿੱਟ, ਸੋਲੋ ਸਾਂਗ, ਫੋਕ ਡਾਂਸ ਪ੍ਰਫਾਰਮੈਂਸ ਵੀ ਹੋਈ। ਇਸ ਮੌਕੇ ਸਾਰੇ ਪ੍ਰਿੰਸੀਪਲ, ਐਚ. ਓ. ਡੀ. ਅਤੇ ਫੈਕਲਟੀ ਮੈਂਬਰਸ ਮੌਜੂਦ ਸਨ। ਅੰਤ ਵਿਚ ਬ੍ਰਿਗੇਡੀਅਰ ਝਾਅ ਨੇ ਮੁਖ ਮਹਿਮਾਨਾਂ ਦਾ ਧੰਨਵਾਦ ਕੀਤਾ। ਉਨ੍ਹ੍ਹਾਂ ਕਿਹਾ ਕਿ ਕਾਲਜ ਤੋਂ ਪਾਸ ਆਉਟ ਹੋਏ ਕਈ ਵਿਦਿਆਰਥੀਆਂ ਨੇ ਆਪਣੀ ਜਿੰਦਗੀ ਵਿਚ ਉਚਾਈਆਂ ਛੂਹੀਆਂ ਹਨ। ਵਰਤਮਾਨ ਵਿਦਿਆਰਥੀਆਂ ਨੂੰ ਉਨ੍ਹਾਂ ਨੇ ਦੇਸ਼ ਦੀ ਤਰੱਕੀ ਲਈ ਸਖਤ ਮਿਹਨਤ ਕਰਨ ਲਈ ਉਤਸ਼ਾਹਿਤ ਕੀਤਾ।