ਇੰਡੀਅਨ ਨੈਸ਼ਨਲ ਲੋਕ ਦਲ (ਇਨੈਲੋ) ਮੁਖੀ ਅਤੇ ਹਰਿਆਣਾ ਦੇ ਸਾਬਕਾ ਮੁੱਖ ਮੰਤਰੀ ਚੌਧਰੀ ਓਮ ਪ੍ਰਕਾਸ਼ ਚੌਟਾਲਾ ਨੇ ਸੂਬਾ ਵਾਸੀਆਂ ਦੇ ਨਾਮ ਇਕ ਅਪੀਲ ਕਰਦਿਆਂ 15 ਅਕਤੂਬਰ ਨੂੰ ਇਨੈਲੋ ਦੇ ਸਾਰੇ ਉਮੀਦਵਾਰਾਂ ਨੂੰ ਜੇਤੂ ਬਣਾਉਣ ਦਾ ਸੱਦਾ ਦਿੰਦਿਆਂ ਕਿਹਾ ਕਿ ਉਨ੍ਹਾਂ ਦੀ ਗ਼ੈਰਹਾਜ਼ਰੀ 'ਚ ਪਾਰਟੀ ਪ੍ਰਤੀ ਸਮਰਪਣ ਅਤੇ ਚੌਧਰੀ ਦੇਵੀਲਾਲ ਪ੍ਰਤੀ ਸਨਮਾਨ ਦੀ ਇੱਜ਼ਤ ਹੁਣ ਸੂਬਾ ਵਾਸੀਆਂ ਦੇ ਹੱਥਾਂ 'ਚ ਹੈ। ਬੀਤੀ ਰਾਤ ਤਿਹਾੜ ਜੇਲ੍ਹ ਜਾਣ ਤੋਂ ਪਹਿਲਾਂ ਸੂਬਾ ਵਾਸੀਆਂ ਦੇ ਨਾਮ ਲਿਖੀ ਅਪਣੀ ਚਿੱਠੀ 'ਚ ਇਨੈਲੋ ਮੁਖੀ ਨੇ ਕਿਹਾ ਕਿ ਦੁਨੀਆ ਦੇ ਇਕ ਬਹੁਤ ਵੱਡੇ ਦਾਰਸ਼ਨਿਕ ਨੇ ਕਿਹਾ ਹੈ ਕਿ ਇਤਿਹਾਸ ਖ਼ੁਦ ਨੂੰ ਦੁਹਰਾਉਂਦਾ ਹੈ। ਉਨ੍ਹਾਂ ਆਮ ਲੋਕਾਂ ਦੀ ਕ੍ਰਾਂਤੀ ਦੇ ਦੂਤ ਸਵ. ਜੈਪ੍ਰਕਾਸ਼ ਨਾਰਾਇਣ ਜੀ ਦੇ ਜਨਮਦਿਨ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਅੱਜ ਜੈਪ੍ਰਕਾਸ਼ ਨਾਰਾਇਣ ਜੀ ਦਾ ਜਨਮਦਿਨ ਹੈ, ਜਿਨ੍ਹਾਂ ਨੇ ਸੰਘਰਸ਼ ਕਰ ਕੇ ਕਾਂਗਰਸ ਦੇ ਕੁਸ਼ਾਸਨ ਤੋਂ ਦੇਸ਼ ਨੂੰ ਛੁਟਕਾਰਾ ਦਿਵਾਇਆ। ਉਨ੍ਹਾਂ ਦੇ ਦਿਖਾਏ ਰਾਹਤ 'ਤੇ ਚਲਦਿਆਂ ਅਸੀਂ ਹਰਿਆਣਾ 'ਤੋਂ ਕਾਂਗਰਸ ਦੀ ਭ੍ਰਿਸ਼ਟ ਸਰਕਾਰ ਦਾ ਅੰਤ ਕਰਨ ਦਾ ਅਹਿਦ ਲਿਆ ਜਿਸ ਲਈ ਅੱਜ ਅਸੀਂ ਸਜ਼ਾ ਕੱਟ ਰਹੇ ਹਾਂ।ਇਨੈਲੋ ਮੁਖੀ ਨੇ ਹਰਿਆਣਾ ਵਾਸੀਆਂ ਦੇ ਨਾਮ ਅਪਣੇ ਸੰਦੇਸ਼ 'ਚ ਕਿਹਾ ਕਿ ਲੰਮੇ ਸਮੇਂ ਤੋਂ ਬਾਅਦ ਅੰਜ ਅਸੀਂ ਆਪਸ 'ਚ ਮਿਲ ਰਹੇ ਹਾਂ ਜੋ ਪਿਆਰ ਅਤੇ ਸਨਮਾਨ ਤੁਸੀਂ ਦਿਤਾ ਉਸ ਨਾਲ ਮੇਰਾ ਦਿਲ ਬਾਗ਼-ਬਾਗ਼ ਹੋ ਗਿਆ ਅਤੇ ਮੈਨੂੰ ਮੇਰੇ ਵਰਕਰਾਂ ਅਤੇ ਮੇਰੇ ਚਾਹੁਣ ਵਾਲਿਆਂ ਦੇ ਅਟੁੱਟ ਸਬੰਧ 'ਤੇ ਮਾਣ ਹੈ। ਸਾਬਕਾ ਮੁੱਖ ਮੰਤਰੀ ਨੇ ਅਪਣੇ ਸੰਦੇਸ਼ 'ਚ ਕਿਹਾ, ''ਹੁਣ ਜੁਦਾਈ ਦਾ ਸਮਾਂ ਆ ਗਿਆ ਹੈ ਇਸ ਸਮੇਂ ਮੇਰੇ ਦਿਲ 'ਚ ਜੁਦਾਈ ਦੇ ਸਮੇਂ ਜੋ ਭਾਵਨਾਵਾਂ ਆ ਰਹੀਆਂ ਹਨ ਉਸ ਤੋਂ ਇਕ ਕਵਿਤਾ ਦੇ ਰਾਹੀਂ ਕਹਿਣਾ ਚਾਹੁੰਦਾ ਹਾਂ।
ਇਨੈਲੋ ਮੁਖੀ ਨੇ ਅਪਣੀ ਕਵਿਤਾ ਨੂੰ ਕੁੱਝ ਇਸ ਤਰ੍ਹਾਂ ਬਿਆਨ ਕੀਤਾ ਕਿ :
ਲੋ ਫਿਰ ਸੇ ਬੰਧ ਚਲੇ ਹੈਂ, ਫ਼ਰਜ਼ ਦੀ ਜ਼ੰਜੀਰੋਂ ਮੇਂ
ਇਕ ਕਤਰਾ ਆਂਸੂ ਨਾ ਗਿਰੇਗਾ ਚਾਹੇ ਦੇਖ ਲੇਨਾ ਤਸਵੀਰੋਂ ਮੇਂ
ਗ਼ਰੀਬ ਕੇ ਚੂਲਹੇ ਕੀ ਰੋਟੀ ਦੀ ਖਾਤਿਰ, ਖ਼ੁਦ ਕੋ ਹਮਨੇ ਜਲਾ ਦਿਆ
ਪਰ ਹਮੇਂ ਹੈ ਖੁਸ਼ੀ ਯਹੀ, ਕਿ ਦੁਸ਼ਮਨ ਦੀ ਜੜੋਂ ਕੋ ਹਿਲਾ ਦਿਆ
ਹਮਨੇ ਨਿਭਾਇਆ ਵਾਅਦਾ ਅਪਨਾ, ਅਬ ਤੁਮ ਭੀ ਅਪਨਾ ਵਾਦਾ ਨਿਭਾ ਦੇਨਾ
ਮਿਟਾ ਭੀ ਜਾਊਂ ਤੋਂ ਦੁਨਿਆ ਕੋ ਮੇਰਾ ਇਤਿਹਾਸ ਬਤਾ ਦੇਨਾ।
ਚੌਟਾਲਾ ਨੇ ਪਾਰਟੀ ਕਾਰਕੁਨਾਂ ਅਤੇ ਸੂਬਾ ਵਾਸੀਆਂ ਦੇ ਨਾਮ ਅਪਣੇ ਸੰਦੇਸ਼ 'ਚ ਕਿਹਾ ਕਿ ਉਨ੍ਹਾਂ ਦੀ ਗ਼ੈਰ-ਹਾਜ਼ਰੀ 'ਚ ਪਾਰਟੀ ਦੇ ਪ੍ਰਤੀ ਸਮਰਪਣ ਅਤੇ ਚੌਧਰੀ ਦੇਵੀਲਾਲ ਦੇ ਸਨਮਾਨ ਦੀ ਇੱਜ਼ ਹੁਣ ਉਨ੍ਹਾਂ ਦੇ ਹੱਥ 'ਚ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਪੱਗ ਦੀ ਇੱਜ਼ਤ 'ਤੇ ਦਾਗ਼ ਨਾ ਲੱਗੇ ਅਤੇ ਹਰਿਆਣਾ ਦਾ ਮਾਣ ਮੇਰੇ ਪ੍ਰਤੀ ਸਮਰਪਣ ਇਸ ਨੂੰ ਸਿੱਧ ਕਰਨ ਦਾ ਤੁਹਾਡਾ ਇਹ ਆਖ਼ਰੀ ਇਮਤਿਹਾਨ ਹੈ। ਮਿਹਨਤ ਨਾਲ ਪਾਰਟੀ ਦੇ ਇਕ-ਇਕ ਉਮੀਦਵਾਰ ਨੂੰ ਜਿਤਾਉਣਾ ਤੁਹਾਡੇ ਹੱਥ 'ਚ ਹੈ। ਸੂਬਾ ਵਾਸੀਆਂ ਤੋਂ ਤਿਹਾੜ ਜੇਲ੍ਹ ਲਈ ਵਿਦਾ ਲੈਂਦਿਆਂ ਉਨ੍ਹਾਂ ਚਿੱਠੀ ਦੇ ਅਖ਼ੀਰ 'ਚ ਸੂਬਾ ਵਾਸੀਆਂ ਦੇ ਖੁਸ਼ ਅਤੇ ਆਬਾਦ ਰਹਿਣ ਦੀ ਕਾਮਨਾ ਕਰਦਿਆਂ ਲਿਖਿਆ ਕਿ ਇਹ ਇਨ੍ਹਾਂ ਸ਼ਬਦਾਂ ਦੇ ਨਾਲ ਭਾਰੀ ਮਨ ਨਾਲ ਹੁਣ ਲੋਕਾਂ ਤੋਂ ਵਿਦਾ ਲੈਂਦੇ ਹਨ ਅਤੇ ਚਿੱਠੀ ਦੇ ਅਖ਼ੀਰ 'ਚ ਉਨ੍ਹਾਂ ਨੇ ਸੂਬਾ ਵਾਸੀਆਂ ਦੇ ਨਾਮ ਤੁਹਾਡਾ ਅਪਣਾ ਓਮ ਪ੍ਰਕਾਸ਼ ਚੌਟਾਲਾ ਲਿਖ ਕੇ 11 ਅਕਤੂਬਰ ਨੂੰ ਦੇਰ ਸ਼ਾਮ ਇਹ ਚਿੱਠੀ ਪਾਰਟੀ ਕਾਰਜਕਰਤਾਵਾਂ ਅਤੇ ਸੂਬਾ ਵਾਸੀਆਂ ਦੇ ਨਾਮ ਜਾਰੀ ਕਰਦਿਆਂ ਲੋਕਾਂ ਤੋਂ ਇਨੈਲੋ ਉਮੀਦਵਾਰਾਂ ਨੂੰ ਜੇਤੂ ਬਣਾਉਣ ਅਤੇ ਉਨ੍ਹਾਂ ਦੀ ਪੱਗ ਦੀ ਇੱਜ਼ਤ ਅਤੇ ਸਨਮਾਨ ਦੀ ਇੱਜ਼ਤ ਰੱਖਣ ਦਾ ਸੱਦਾ ਦਿਤਾ।