ਗੁਰਦੁਆਰਾ ਬੇਰ ਸਾਹਿਬ ਨੇੜੇ ਪਵਿੱਤਰ ਕਾਲੀ ਵੇਈਂ ਕਿਨਾਰੇ ਇਸ਼ਨਾਨ ਘਾਟ ਬਣਾਉਣ ਦੀ ਤੀਜੇ ਪੜਾਅ ਦੀ ਕਾਰ ਸੇਵਾ ਦੌਰਾਨ ੧੭੫ ਫੁੱਟ ਲੱਬੇ ਘਾਟ ਬਣਾਏ ਜਾ ਰਹੇ ਹਨ। ਇੰਨ੍ਹਾਂ ਘਾਟਾਂ 'ਤੇ ਵੇਈਂ 'ਚ ਇਸ਼ਨਾਨ ਕਰਨ ਲਈ ਬਣਾਈਆਂ ਜਾ ਰਹੀਆ ੧੩ ਪੌੜੀਆ ਦੀ ਕਾਰ ਸੇਵਾ ਦਾ ਕੰਮ ਅੱਧੇ ਤੋਂ ਵੱਧ ਮੁਕੰਮਲ ਹੋ ਗਿਆ ਹੈ। ਪਿਛਲੇ ੧੪ ਸਾਲਾਂ ਤੋਂ ਪਵਿੱਤਰ ਕਾਲੀ ਵੇਈਂ ਦੀ ਕਾਰ ਸੇਵਾ ਕਰਦੇ ਆ ਰਹੇ ਸੰਤ ਬਲਬੀਰ ਸਿੰਘ ਸੀਚੇਵਾਲ ਜੀ ਦੀ ਅਗਵਾਈ ਹੇਠ ਘਾਟਾਂ ਦੀ ਚੱਲ ਰਹੀ ਕਾਰ ਸੇਵਾ 'ਚ ਇਲਾਕੇ ਭਰ ਦੀਆਂ ਸੰਗਤਾਂ ਹਿੱਸਾ ਲੈ ਰਹੀਆ ਹਨ।ਪਵਿੱਤਰ ਕਾਲੀ ਵੇਈ ਦੀ ਕਾਰ ਸੇਵਾ ਦੌਰਾਨ ਸੰਸਾਰ ਭਰ ਵੱਸਦੀਆਂ ਗੁਰੂ ਨਾਨਕ ਨਾਮ ਲੇਵਾ ਸੰਗਤਾਂ ਹਿੱਸਾ ਲੈ ਰਹੀਆਂ ਹਨ।ਜਿਕਰਯੋਗ ਹੈ ਕਿ ਪਿਛਲੇ ਸਾਲ ਸ੍ਰੀ ਗੁਰੁ ਨਾਨਕ ਦੇਵ ਜੀ ਦੇ ਗੁਰਪੁਰਬ ਮੌਕੇ ਸੰਤ ਬਲਬੀਰ ਸਿੰਘ ਸੀਚੇਵਾਲ ਜੀ ਵੱਲੋਂ ਪੱਥਰਾਂ ਨਾਲ ਬਣਾਏ ਗਏ ੬੦੦ ਫੁੱਟ ਲੰਮੇ ਇਸ਼ਨਾਨ ਘਾਟ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਜੀ ਨੇ ਸੰਗਤਾਂ ਨੂੰ ਸਮਰਪਿਤ ਕੀਤੇ ਸਨ। ਜਦ ਕਿ ਪਹਿਲੇ ਪੜਾਅ ਦੇ ਇਸ਼ਨਾਨ ਘਾਟ ਵਿਸਾਖੀ ਮੌਕੇ ਸੰਗਤਾਂ ਨੂੰ ਸਮਰਪਿਤ ਕਰਕੇ ਪਵਿੱਤਰ ਕਾਲੀ ਵੇਈਂ ਦਾ ਨਾਤਾ ਦਹਾਕਿਆ ਬਾਆਦ ਗੁਰਦੁਆਰਾ ਸ੍ਰੀ ਬੇਰ ਸਾਹਿਬ ਦੇ ਉਸ ਅਸਥਾਨ ਨਾਲ ਜੋੜਿਆ ਗਿਆ ਸੀ ਜਿੱਥੇ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਬੇਰੀ ਥੱਲੇ ਬੈਠਕੇ ਅਕਾਲ ਪੁਰਖ ਨਾਲ ਲਿਵ ਜੋੜ੍ਹਿਆ ਕਰਦੇ ਸਨ। ਦਹਾਕਿਆਂ ਤੋਂ ਇਸ ਪਵਿੱਤਰ ਵੇਈਂ 'ਚ ਇੰਨ੍ਹੀ ਜ਼ਿਆਦਾ ਗੰਦਗੀ ਪਾਈ ਜਾ ਰਹੀ ਸੀ ਕਿ ਲੋਕ ਇਸ ਨੂੰ ਗੰਦਾ ਨਾਲਾ ਹੀ ਸਮਝਣ ਲੱਗ ਪਏ ਸਨ। ਸਿੱਖੀ ਦੀ ਇਸ ਧ੍ਰੋਹਰ ਨੂੰ ਬਚਾਉਣ ਲਈ ਸੰਤ ਸੀਚੇਵਾਲ ਸੰਗਤਾਂ ਨੂੰ ਨਾਲ ਲੈਕੇ ਇਸ ਵੇਈਂ ਦੀ ਸੁਰਜੀਤੀ ਲਈ ਕਾਰਜ ਕਰ ਰਹੇ ਹਨ ਜਿਸ 'ਚ ਕਾਫੀ ਹੱਦ ਤੱਕ ਕਾਮਜਾਬੀ ਵੀ ਮਿਲੀ ਹੈ।ਇਸ ਮੌਕੇ ਸੰਤ ਸੀਚੇਵਾਲ ਨੇ ਸੰਗਤਾਂ ਨੂੰ ਇਸ ਕਾਰ ਸੇਵਾ 'ਚ ਹਿੱਸਾ ਲੇਣ ਦੀ ਅਪਲਿ ਕਰਦਿਆ ਕਿਹਾ ਕਿ ਸਰਬਤ ਦੇ ਭਲੇ ਦਾ ਹੋਕਾ ਦੇਣ ਵਾਲੇ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਇਤਿਹਾਸ ਨਾਲ ਜੁੜੀ ਇਸ ਕਾਲੀ ਵੇਈਂ ਨੇ ਪੰਜਾਬ ਵਿੱਚ ਵਾਤਾਵਰਣ ਦੀ ਲਹਿਰ ਖੜੀ ਕਰਨ 'ਚ ਵੱਡੀ ਭੂਮਿਕਾ ਨਿਭਾਈ ਹੈ। ਉਨ੍ਹਾਂ ਕਿਹਾ ਕਿ ਬਾਬੇ ਨਾਨਕ ਦੀ ਇਸ ਵੇਈਂ 'ਚੋਂ ਹੀ ਸੰਗਤਾਂ ਦੇ ਸਹਿਯੋਗ ਨਾਲ ਪਾਣੀਆਂ ਨੂੰ ਬਚਾਉਣ ਦੀ ਚੱਲੀ ਇਸ ਮਹੁੰਮ ਦਾ ਸੂਬੇ ਭਰ ਦੇ ਲੋਕਾਂ ਨੇ ਹੁੰਗਾਰਾ ਭਰਿਆ ਹੈ। ਉਨ੍ਹਾਂ ਕਿਹਾ ਜੇ ਪਾਣੀ ਨਾ ਬਚਾਇਆ ਗਿਆ ਤਾਂ ਹਰਿਆ – ਭਰਿਆ ਪੰਜਾਬ ਰੇਗਸਿਤਾਨ ਬਣ ਜਾਵੇਗਾ।