ਸ਼੍ਰੋਮਣੀ ਅਕਾਲੀ ਦਲ ਦੇ ਸੀਨੀਅਰ ਆਗੂ ਦੀਪਇੰਦਰ ਸਿੰਘ ਢਿੱਲੋਂ ਨੇ ਕਿਹਾ ਕਿ ਲੋਕ ਸਭਾ ਚੋਣਾਂ ਵਿੱਚ ਕਾਂਗਰਸ ਪਾਰਟੀ ਨੂੰ ਪਟਿਆਲਾ ਲੋਕ ਸਭਾ ਹਲਕੇ ਤੋਂ ਵੀ ਤੂਰਦਾ ਕਰ ਦਿਆਂਗੇ ਅੱਜ ਇੱਥੇ ਕਿਲਾ ਮੂਬਾਰਕ ਵਿੱਖੇ ਸਵਰਨਕਾਰ ਵੈਲਫੇਅਰ ਐਸੋਸ਼ੀਏਸ਼ਨ ਵੱਲੋਂ ਰੱਖੇ ਖੂਨ ਦਾਨ ਕੈਂਪ ਵਿੱਚ ਸ਼ਾਮਲ ਹੋਣ ਲਈ ਆਏ ਸ੍ਰੀ ਢਿੱਲੋਂ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਤੋਂ ਲੋਕਾਂ ਦਾ ਮੋਹ ਭੰਗ ਹੋ ਚੁੱਕਿਆ ਹੈ ਤੇ ਮਹਿਲਾਂ ਵਾਲਿਆਂ ਨੇ ਪਟਿਆਲਾ ਵਾਸੀਆਂ ਦੀ ਕਦੇ ਸਾਰ ਨਹੀ ਲਈ। ਉਨਾਂ ਕਿਹਾ ਕਿ ਜਿੰਨਾਂ ਲੋਕਾਂ ਕੋਲ ਪਟਿਆਲਾ ਵਾਸੀਆਂ ਦੇ ਦੁੱਖ ਸੁਖ ਵਿੱਚ ਸ਼ਾਮਲ ਹੋਣ ਦਾ ਵੀ ਸਮਾਂ ਨਹੀ ਉਹ ਪਟਿਆਲਾ ਵਾਸੀਆਂ ਦੀਆਂ ਵੋਟਾਂ ਦੇ ਵੀ ਹੱਕਦਾਰ ਨਹੀ । ਸ੍ਰੀ ਢਿੱਲੋਂ ਨੇ ਕਿਹਾ ਕਿ ਪਟਿਆਲਾ ਸ਼ਹਿਰ ਦੇ ਲੋਕਾਂ ਤੋਂ ਜੋ ਰੋਜ਼ ਸੁਣ ਰਹੇ ਹਾਂ ਉਸ ਨੂੰ ਵੇਖ ਕੇ ਮੈਂ ਵਿਸ਼ਵਾਸ ਨਾਲ ਕਿਹ ਸਕਦਾ ਹਾਂ ਕਿ ਪਟਿਆਲਾ ਸ਼ਹਿਰ ਵਿੱਚੋਂ ਜਿਵੇ ਪਹਿਲਾਂ ਕਾਂਗਰਸ ਨੂੰ ਵੋਟਾਂ ਮਿਲਦੀਆਂ ਸਨ ਹੁਣ ਅਕਾਲੀ ਦਲ ਨੂੰ ਉਵੇਂ ਹੀ ਵੋਟਾਂ ਮਿਲਣਗੀਆਂ । ਸ੍ਰੀ ਢਿੱਲੋਂ ਨੇ ਕਿਹਾ ਕਿ ਪਟਿਆਲਾ ਵਾਸੀ ਇਹ ਸਮਝ ਚੁੱਕੇ ਹਨ ਕਿ ਪਟਿਆਲੇ ਸ਼ਹਿਰ ਦਾ ਅਸਲ ਵਿਕਾਸ ਅਕਾਲੀ ਭਾਜਪਾ ਸਰਕਾਰ ਵਿੱਚ ਹੀ ਹੋਇਆ ਹੈ ਉਨਾਂ ਕਿਹਾ ਕਿ ਕਾਂਗਰਸ ਪਾਰਟੀ ਦੇ ਦੇਸ਼ ਵਿੱਚ ਹੁਣ ਸੁਰਜ ਡੁੱਬ ਰਿਹਾ ਹੈ ਤੇ ਸਿਆਣੇ ਆਗੂ ਤੇ ਵਰਕਰ ਛਾਲਾਂ ਮਾਰ ਕੇ ਇਸ ਡੁੱਬਦੇ ਜਹਾਜ ਤੋਂ ਉਤਰ ਰਹੇ ਹਨ। ਕਾਂਗਰਸ ਪਾਰਟੀ ਨੂੰ ਭ੍ਰਿਸ਼ਟਾਚਾਰੀਆਂ ਦਾ ਗੜ ਆਖਦਿਆਂ ਸ੍ਰੀ ਢਿੱਲੋਂ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਦੇ ਆਗੂ ਨੋਟ ਇਕੱਠੇ ਕਰਨ ਵਿੱਚ ਲੱਗੇ ਹੋਏ ਹਨ ਇਹਨਾਂ ਨੂੰ ਲੋਕ ਸੇਵਾ ਨਾਲ ਕੋਈ ਲੈਣ ਦੇਣ ਨਹੀ । ਕੈਂਪ ਵਿੱਚ ਇੱਕ ਸੌ ਦੋ ਦਾਨੀਆਂ ਨੇ ਖੂਨਦਾਨ ਕੀਤਾ । ਇਸ ਸਮਾਗਮ ਵਿੱਚ ਜਿਲਾ ਪੁਲਿਸ ਕਪਤਾਨ ਗੁਰਪ੍ਰੀਤ ਸਿੰਘ ਗਿੱਲ ਇਪਰੂਮੈਂਟ ਟਰੱਸਟ ਦੇ ਸਾਬਕਾ ਚੇਆਰਮੈਨ ਇੰਦਰਮੋਹਨ ਸਿੰਘ ਬਜਾਜ, ਨਗਰ ਨਿਗਮ ਦੇ ਪ੍ਰਧਾਨ ਜਸਪਾਲ ਸਿੰਘ ਪ੍ਰਧਾਨ, ਸੀਨੀਆਰ ਡਿਪਟੀ ਮੇਅਰ ਜਗਦੀਸ਼ ਚੌਧਰੀ,ਡਿਪਟੀ ਮੇਅਰ ਹਰਿੰਦਰ ਕੋਹਲੀ, ਐਸੋਸ਼ੀਏਸ਼ਨ ਦੇ ਪ੍ਰਧਾਨ ਭੀਮ ਸੈਨ,ਸੀਨੀਅਰ ਮੀਤ ਪ੍ਰਧਾਨ ਸ਼ਾਮ ਲਾਲ ਵਰਮਾਂ, ਤਰਲੋਚਨ ਸਿੰਘ , ਕਿਰਪਾਲ ਸਿੰਘ , ਪ੍ਰਵੀਨ ਕੁਮਾਰ ਲੱਕੀ , ਸ਼ੁਸ਼ੀਲ ਸੇਠ,ਅਸ਼ੋਕ ਕੁਮਾਰ ਭੱਪ, ਨਰਿੰਦਰ ਜੌੜਾ, ਹਰਜਿੰਦਰ ਸਿੰਘ ਭੰਗੂ ਅਤੇ ਭਾਜਪਾ ਦੇ ਜਿਲਾ ਪ੍ਰਧਾਨ ਅਰੂਣ ਗੁੱਪਤਾ ਸਮੇਤ ਕਈ ਹੋਰ ਆਗੂ ਵੀ ਹਾਜਰ ਸਨ।