ਗਠਜੋੜ ਸਰਕਾਰ ਦੀਆਂ ਲੋਕ ਪੱਖੀ ਨੀਤੀਆਂ ਸਦਕਾ ਸੂਬੇ ਦਾ ਸਰਵਪੱਖੀ ਵਿਕਾਸ ਹੋ ਰਿਹਾ : ਗਰੇਵਾਲ
ਮੁਸਕਿਲਾਂ ਸੁਣਦੇ ਹੋਏ ਸੁਖਵਿੰਦਰਪਾਲ ਸਿੰਘ ਗਰੇਵਾਲ ਅਤੇ ਨਾਲ ਭਾਜਪਾ ਵਰਕਰ।
Web Admin
5 ਦਰਿਆ ਨਿਊਜ਼ (ਅਜੇ ਪਾਹਵਾ)
ਲੁਧਿਆਣਾ , 13 Sep 2014
ਜਿੱਥੇ ਸੂਬੇ ਵਿੱਚ ਅਕਾਲੀ ਭਾਜਪਾ ਗਠਜੋੜ ਸਰਕਾਰ ਦੀਆਂ ਲੋਕ ਪੱਖੀ ਨੀਤੀਆਂ ਸਦਕਾ ਸੂਬੇ ਦਾ ਸਰਵਪੱਖੀ ਵਿਕਾਸ ਹੋ ਰਿਹਾ ਹੈ ਉਥੇ ਹੀ ਹੁਣ ਕੇਦਰ ਦੀ ਭਾਜਪਾ ਸਰਕਾਰ ਦੀਆਂ ਸਕੀਮਾਂ ਜਿੱਥੇ ਦੇਸ ਵਿੱਚੋ ਗਰੀਬੀ, ਅਨਪੜ੍ਹਤਾ, ਬੇਰੁਜਗਾਰੀ ਅਤੇ ਭ੍ਰਿਸਟਾਚਾਰ ਖਤਮ ਕਰੇਗੀ ਉਥੇ ਹੀ ਦੇਸ ਦਾ ਸਰਵੱਪਖੀ ਵਿਕਾਸ ਕਰਵਾ ਕੇ ਲੋਕਾਂ ਦੀ ਆਪਣੀ ਸਰਕਾਰ ਹੋਣ ਦਾ ਸਬੂਤ ਦੇਵੇਗੀ ਇਹਨਾਂ ਸਬਦਾ ਦਾ ਪ੍ਰਗਟਾਵਾ ਸੁਖਵਿੰਦਰਪਾਲ ਸਿੰਘ ਗਰੇਵਾਲ ਆਲ ਇੰਡੀਆਂ ਸਕੱਤਰ ਭਾਰਤੀ ਜਨਤਾ ਪਾਰਟੀ ਕਿਸਾਨ ਮੋਰਚਾ ਅਤੇ ਇੰਚਾਰਜ ਹਿਮਾਚਲ ਪ੍ਰਦੇਸ ਨੇ ਅੱਜ ਆਪਣੀ ਰਹਾਇਸ ਲੋਧੀ ਇਨਕਲੈਵ ਬਾੜੇਵਾਲ ਰੋਡ ਵਿਖੇ ਲੋਕਾਂ ਦੀਆਂ ਮੁਸਕਿਲਾਂ ਸੁਣਦੇ ਹੋਏ ਹਾਜਰ ਪੱਤਰ ਨਾਲ ਗੱਲਬਾਤ ਦੋਰਾਨ ਕੀਤਾ। ਉਹਨਾਂ ਅੱਗੇ ਕਿਹਾ ਕਿ ਜਿਸ ਤਰੀਕੇ ਨਾਲ ਕੇਦਰ ਦੀ ਭਾਜਪਾ ਸਰਕਾਰ ਲੋਕਾਂ ਦੇ ਕੰਮ ਕਰ ਰਹੀ ਹੈ ਅੱਜ ਤੱਕ ਕੋਈ ਵੀ ਅਜਿਹੀ ਸਰਕਾਰ ਕੇਦਰ ਦੀ ਸੱਤਾ ਵਿੱਚ ਨਹੀ ਆਈ ਜੋ ਲੋਕਾਂ ਦੀਆਂ ਉਮੀਦਾਂ ਤੇ ਖਰੀ ਉਤਰ ਸਕਦੀ ਹੋਵੇ ਪਰ ਦੇਸ ਦੀ ਜਨਤਾ ਨੇ ਲੋਕ ਸਭਾ ਚੋਣਾਂ ਵਿੱਚ ਜੋ ਫਤਵਾ ਪਾਰਟੀ ਨੂੰ ਦਿੱਤਾ ਹੈ ਉਸ ਨਾਲ ਇੱਕ ਗੱਲ ਚਿੱਟੇ ਦਿਨ ਵਾਂਗ ਸਾਫ ਹੋ ਗਈ ਹੈ ਕਿ ਲੋਕ ਚੰਮ ਨਹੀ ਦੇਖਦੇ ਸਗੋ ਕੰਮ ਦੇਖਦੇ ਹਨ। ਇਸ ਮੌਕੇ ਉਹਨਾਂ ਹਲਕੇ ਦੇ ਲੋਕਾਂ ਅਤੇ ਪਾਰਟੀ ਵਰਕਰਾਂ ਦੀਆਂ ਸਮੱਸਿਆਵਾਂ ਸੁਣ ਕੇ ਹੱਲ ਕਰਨ ਦਾ ਭਰੋਸਾ ਵੀ ਦਿੱਤਾ। ਇਸ ਸਮੇ ਸੀਨੀਅਰ ਭਾਜਪਾ ਆਗੂ ਤਰਨਜੀਤ ਸਿੰਘ, ਵਿਜੈ ਸੂਰੀ, ਰਾਜ ਕੁਮਾਰ ਖਹਿਰਾ, ਡੂਗਰ ਸਿੰਘ, ਲੱਕੀ ਜਵਾਹਰ ਨਗਰ ਕੈਪ, ਜੱਜਵੀਰ ਮਨਚੰਦਾ, ਭੈਣ ਰਣਜੀਤ ਕੌਰ, ਕਾਲਾ ਟੋਪੀ ਸਾਹਨੇਵਾਲ, ਵਿੱਕੀ ਖਹਿਰਾ, ਸੁਖਵਿੰਦਰ ਸਿੰਘ ਰਿੰਕਾ ਮਾਛੀਵਾੜਾ, ਨਵਦੀਪ ਸਿੰਘ ਗਰੇਵਾਲ, ਰਮਨਦੀਪ ਸਿੰਘ ਪੀ ਐਸ, ਪ੍ਰਦੀਪ ਜੈਨ ਜੋਧਾਂ, ਜਸਪਾਲ ਸਿੰਘ ਪਾਲਾ ਆਸਾਪੁਰੀ ਤੋ ਇਲਾਵਾ ਵੱਡੀ ਗਿਣਤੀ ਵਿੱਚ ਭਾਜਪਾ ਵਰਕਰ ਹਾਜਰ ਸਨ।