ਚੰਡੀਗੜ
ਨਾ ਮਿਲਣ ਤੇ
ਨਾ ਘੁਮਣ ਤੇ
ਨਾ ਪਿਆਰ ਤੇ ਕੋਈ ਪਬੰਦੀ ਏ
ਇੱਸ ਸੁੰਦਰ ਸ਼ਹਿਰ ਦੀ
ਹੋ ਗਈ ਹਵਾ ਕਿੰਨੀ ਗੰਦੀ ਏ
ਨਾ ਸੱਭਿਆਚਾਰ ਏ
ਨਾ ਚੁਨੀ ਸਲਵਾਰ ਏ
ਚਾਰੇ ਪਾਸੇ ਟੀ-ਸਰਟ ਤੇ
ਜੀਨਾ ਦੀ ਭਰਮਾਰ ਏ
ਤਸਵੀਰ ਭਵਿਖ ਦੀ
ਬਿਲਕੁਲ ਨੰਗੀ ਏ
ਇੱਸ ਸੁੰਦਰ ਸ਼ਹਿਰ ਦੀ
ਹੋ ਗਈ ਹਵਾ ਕਿੰਨੀ ਗੰਦੀ ਏ
ਨਾ ਕੋਈ ਅਸਲੀਅਤ ਜਾਣਦਾ
ਨਾ ਕੋਈ ਪੜੋਸੀ ਨੂੰ ਪਹਿਚਾਣਦਾ
ਨਾ ਕਿਸੇ ਨੂੰ
ਮਾਂ ਦੀ ਅੱਖ ਦੀ ਸ਼ਰਮ
ਨਾ ਬਾਪ ਦੀ ਸੋਟੀ ਦਾ ਡਰ,
ਇਨ੍ਹਾ ਦਿਲਾ ਦੇ ਦਿਵਾਨੇਆ ਨੂੰ
ਝੀਲ ਲਗਦੀ ਠੰਡੀ ਏ
ਇੱਸ ਸੁੰਦਰ ਸ਼ਹਿਰ ਦੀ
ਹੋ ਗਈ ਹਵਾ ਕਿੰਨੀ ਗੰਦੀ ਏ
ਅੱਜ ਕੱਲ ਕਰੇਡਿਟ ਕਾਰਡ ਦਾ
ਆਇਆ ਤੁਫਾਨ ਏ
ਰੀਸੋ- ਰੀਸ ਸਾਡੀ
ਵਦੇਸੀ ਹੱਥ ਕਾਨ ਏ,
ਜਦੋ ਚੜਦਾ ਕਰਜਾ
ਖੁਦਕੁਸ਼ੀ ਵੀ ਲਗਦੀ ਚੰਗੀ ਏ
ਇੱਸ ਸੁੰਦਰ ਸ਼ਹਿਰ ਦੀ
ਹੋ ਗਈ ਹਵਾ ਕਿੰਨੀ ਗੰਦੀ ਏ
ਪੜਾਈਆ ਨੇ ਵੀ ਸਾਨੂ
ਬਣਾ ਲਿਆ ਬੰਦੀ ਏ
ਸੁਣ ਸੁਣ ਕੇ ਪੜ੍ਹਾਕੁਆ ਦੀ
ਮੋਤ ਦੀ ਖਬਰ
ਮੇਰੀ ਰੂਹ ਜਾਦੀ ਕੰਬੀ ਏ
ਛੱਡ "ਪਾਲ" ਧਰਤੀ ਦੇ ਰੰਗ ਮੰਚ ਉਤੇ
ਦੁਨੀਆ ਬਹੁਰੰਗੀ ਏ
ਪਤਾ ਹੀ ਨਾ ਲੱਗਾ,
ਇਸ ਪੱਥਰਾ ਦੇ ਸ਼ਹਿਰ ਵਿਚੋਂ
ਕਦੋ ਉਡ ਗਈ ਸੁਗੰਦੀ ਏ
ਇੱਸ ਸੁੰਦਰ ਸ਼ਹਿਰ ਦੀ
ਹੋ ਗਈ ਹਵਾ ਕਿੰਨੀ ਗੰਦੀ ਏ
ਕੋਈ ਰੰਬੀ ਬੰਦਾ ਆਵੇ
ਇਸ ਸੁੰਦਰ ਸ਼ਹਿਰ ਤੇ
ਲਾਲ ਮਿਰਚਾ ਘੁਮਾਵੇ
ਉਤਾਰੇ ਨਜਰ ਚੰਡੀਗੜ ਸ਼ਹਿਰ ਦੀ
ਇੱਹੋ ਗੱਲ ਚੰਗੀ ਏ
ਇਸ ਸੁੰਦਰ ਸ਼ਹਿਰ ਦੀ
ਹੋ ਗਈ ਹਵਾ ਕਿੰਨੀ ਗੰਦੀ ਏ