Web Admin

5 ਦਰਿਆ ਨਿਊਜ਼

ਐਸ.ਏ.ਐਸ.ਨਗਰ , 20 May 2014

Last updated on: May 20, 2014, 00:00 IST

ਪੀ.ਸੀ.ਏ ਸਟੇਡੀਅਮ ਮੋਹਾਲੀ ਵਿਖੇ 21, 23 ਅਤੇ 25 ਮਈ ਨੂੰ ਹੋਣ ਵਾਲੇ ਕ੍ਰਿਕਟ ਮੈਚਾਂ ਨੂੰ ਮੱਦੇਨਜ਼ਰ ਰੱਖਦਿਆਂ ਐਸ.ਏ.ਐਸ.ਨਗਰ ਸ਼ਹਿਰ ਅਤੇ ਇਸ ਦੇ ਨਾਲ ਲਗਦੇ ਇਲਾਕੇ ਵਿੱਚ ਰਹਿਣ ਵਾਲੇ ਲੋਕਾਂ ਦੀ ਸਹੂਲਤ ਲਈ ਪੁਲਿਸ ਪ੍ਰਸਾਸ਼ਨ ਵੱਲੋਂ ਰੂਟ ਪਲਾਨ ਜਾਰੀ ਕੀਤਾ ਗਿਆ ਹੈ ਤਾਂ ਜੋ ਲੋਕਾਂ ਨੂੰ ਆਉਣ ਜਾਣ ਲਈ ਟ੍ਰੈਫਿਕ ਦੀ ਸਮÎਸਿਆ ਦਾ ਸਾਹਮਣਾ ਨਾ ਕਰਨਾ ਪਵੇ ਅਤੇ ਟ੍ਰੈਫਿਕ ਸੁੰਚਾਰੂ ਢੰਗ ਨਾਲ ਚੱਲ ਸਕੇ। ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਜ਼ਿਲ੍ਹਾ ਪੁਲਿਸ ਮੁਖੀ ਗੁਰਸਰਨ ਸਿੰਘ ਸੰਧੂ ਨੇ ਦੱਸਿਆ ਕਿ ਆਵਾਜਾਈ ਨੂੰ ਨਿਰਵਿਗਨ ਰੱਖਣ ਲਈ ਕੁੱਝ ਰੂਟਾਂ ਵਿੱਚ ਤਬਦੀਲੀ ਕੀਤੀ ਗਈ ਹੈ। ਉਨ੍ਹਾਂ ਦੱਸਿਆ ਕਿ ਫੇਜ਼-7 ਮੋਹਾਲੀ ਸਾਇਡ ਤੋਂ ਫੇਜ-9, ਫੇਜ਼-10 ਜਾਂ ਫੇਜ-11 ਮੋਹਾਲੀ ਵੱਲ ਜਾਣ ਵਾਲੀ ਟ੍ਰੈਫਿਕ ਕੁੰਭੜਾ ਚੌਂਕ ਤੋਂ ਨਾਇਪਰ ਰੋਡ ਹੋ ਕੇ ਅੱਗੇ ਜਾ ਸਕਦੀ ਹੈ ਅਤੇ ਫੇਜ-9, ਫੇਜ-10 ਜਾਂ ਫੇਜ-11 ਮੋਹਾਲੀ ਸਾਇਡ ਤੋਂ ਫੇਜ-7 ਮੋਹਾਲੀ ਵੱਲ ਆਉਣ ਵਾਲੀ ਟ੍ਰੈਫਿਕ ਇਸੇ ਰੂਟ ਰਾਹੀਂ ਵਾਪਸ ਆ ਸਕਦੀ ਹੈ। ਸੰਧੂ ਨੇ ਦੱਸਿਆ ਕਿ ਫੇਜ-10 ਦੀ ਮਾਰਕੀਟ ਦੇ ਪਿਛਲੇ ਪਾਸੇ ਰਹਿੰਦੇ ਲੋਕਾਂ ਲਈ ਨਾਇਪਰ ਦੇ ਮੇਨ ਗੇਟ ਵਾਲੀ ਸੜਕ ਤੋਂ ਹੋ ਕੇ ਮੰਡੀਕਰਨ ਬੋਰਡ ਕੋਲ ਦੀ ਅੱਗੋਂ ਫੇਜ-10/11 ਮੋਹਾਲੀ ਦੀਆਂ ਲਾਈਟਾਂ ਤੋਂ ਸੈਕਟਰ 48/49 ਚੰਡੀਗੜ੍ਹ ਚੌਂਕ ਰਾਹੀਂ ਚੰਡੀਗੜ੍ਹ ਵੱਲ ਨੂੰ ਟ੍ਰੈਫਿਕ ਜਾ ਸਕਦੀ ਹੈ ਅਤੇ ਇਸੇ ਰੂਟ ਰਾਹੀਂ ਵਾਪਸ ਆ ਸਕਦੀ ਹੈ। ਉਨ੍ਹਾਂ ਦੱਸਿਆ ਕਿ ਜਿਨ੍ਹਾਂ ਲੋਕਾਂ ਨੇ ਫੇਜ਼-9 ਮੋਹਾਲੀ ਤੋਂ ਚੰਡੀਗੜ੍ਹ ਜਾਣਾ ਹੈ ਉਹ ਫੇਜ-8/9 ਮੋਹਾਲੀ ਦੀਆਂ ਲਾਈਟਾਂ ਵਾਲੇ ਚੌਂਕ ਤੋਂ ਬੁੜੈਲ ਨੂੰ ਜਾਣ ਵਾਲੀ ਸੜਕ ਰਾਹੀਂ ਸੈਕਟਰ 44/45 ਚੰਡੀਗੜ੍ਹ ਦੀਆਂ ਲਾਈਟਾਂ ਵਾਲੇ ਚੌਂਕ ਵੱਲ ਜਾ ਸਕਣਗੇ ਅਤੇ ਇਸੇ ਰਾਸਤੇ ਵਾਪਸ ਆ  ਸਕਣਗੇ। 21 ਅਤੇ 23 ਮਈ ਮੈੱਚਾਂ ਵਾਲੇ ਦਿਨ ਇਹ ਰੂਟ ਸ਼ਾਮ 3.00 ਵਜੇ ਸ਼ੁਰੂ ਹੋ ਕੇ ਮੈਚ ਖਤਮ ਹੋਣ ਤੱਕ ਜਾਰੀ ਰਹਿਣਗੇ  ਅਤੇ 25 ਮਈ ਨੂੰ ਮੈਚ ਜਲਦੀ ਸ਼ੁਰੂ ਹੋਣ ਕਰਕੇ ਇਹ ਰੂਟ ਦੁਪਹਿਰ 12.00 ਵਜੇ ਤੋਂ ਸ਼ੁਰੂ ਹੋ  ਮੈਚ ਖਤਮ ਹੋਣ ਤੱਕ ਜਾਰੀ ਰਹਿਣਗੇ। ਸੰਧੂ ਨੇ ਦੱਸਿਆ ਕਿ ਜਿਨ੍ਹਾਂ ਵਿਅਕਤੀਆਂ ਦੇ ਘਰ ਪੀ.ਸੀ.ਏ ਸਟੇਡੀਅਮ ਮੋਹਾਲੀ ਦੇ ਨੇੜੇ ਲਗਦੇ ਹਨ ਉਨ੍ਹਾਂ ਨੂੰ ਸਟੀਕਰ ਜਾਰੀ ਕੀਤੇ ਹੋਏ ਹਨ। ਉਹ ਆਉਣ-ਜਾਣ ਸਮੇਂ ਸਟੀਕਰਾਂ ਦੀ ਵਰਤੋਂ ਕਰਨ ਅਤੇ ਜਿਨ੍ਹਾਂ ਕੋਲ ਸਟੀਕਰ ਅਜੇ ਤੱਕ ਨਹੀਂ ਪੁੱਜੇ ਉਹ ਥਾਣਾ ਫੇਜ-8 ਮੋਹਾਲੀ ਤੋਂ ਅਪਣੇ ਸਟੀਕਰ ਹਾਸ਼ਿਲ ਕਰਨ ਦੀ ਖੇਚਲ ਕਰਨ। ਇਸ ਤੋਂ ਇਲਾਵਾ ਉਨ੍ਹਾਂ ਲੋਕਾਂ ਨੂੰ ਮੈੱਚਾਂ ਵਾਲੇ ਦਿਨ ਅਮਨ ਅਤੇ ਕਾਨੂੰਨ ਦੀ ਵਿਵਸਥਾਂ ਨੂੰ ਬਣਾਈ ਰੱਖਣ ਲਈ ਪੁਲਿਸ ਨੂੰ  ਸਹਿਯੋਗ ਦੇਣ ਦੀ ਅਪੀਲ ਵੀ ਕੀਤੀ।