Web Admin

5 ਦਰਿਆ ਨਿਊਜ਼

ਲੁਧਿਆਣਾ , 16 May 2014

ਲੋਕ ਸਭਾ ਹਲਕਾ ਲੁਧਿਆਣਾ ਤੋ ਆਜ਼ਾਦ ਉਮੀਦਵਾਰ ਵਜ਼ੋ ਚੋਣ ਲੜਨ ਵਾਲੇ ਵਿਧਾਇਕ ਸਿਮਰਜੀਤ ਸਿੰਘ ਬੈਂਸ ਅਤੇ ਉਹਨਾਂ ਦੇ ਭਰਾ 'ਤੇ ਵਿਧਾਇਕ ਬਲਵਿੰਦਰ ਸਿੰਘ ਬੈਂਸ ਨੇ ਅੱਜ ਵੋਟਾਂ ਦੀ ਗਿਣਤੀ ਬਾਅਦ ਲੋਕ ਸਭਾ ਹਲਕਾ ਲੁਧਿਆਣਾ ਦੀ ਸੰਗਤ ਦਾ ਵਿਸ਼ੇਸ ਧੰਨਵਾਦ ਕੀਤਾ। ਬੈਂਸ ਭਰਾਵਾਂ ਨੇ ਸੰਗਤ ਦਾ ਦਿਲੋ ਧੰਨਵਾਦ ਕਰਦਿਆਂ ਕਿਹਾ ਕਿ ਬੈਂਸ ਭਰਾ ਹਮੇਸ਼ਾ ਹੀ ਹਲਕਾ ਆਤਮ ਨਗਰ ਅਤੇ ਹਲਕਾ ਦੱਖਣੀ ਨਿਵਾਸੀਆਂ ਦੇ ਵਿਸ਼ੇਸ ਤੌਰ ਤੇ ਕਰਜ਼ਦਾਰ ਰਹਿਣਗੇ ਜਿੰਨ੍ਹਾਂ ਲੋਕ ਸਭਾ ਹਲਕੇ ਅਧੀਨ ਪੈਂਦੇ ਵੱਖ-ਵੱਖ ਇਲਾਕਿਆਂ 'ਚ ਜਾ ਕੇ ਲੋਕਾਂ ਨੂੰ ਜਾਗਰੂਕ ਕੀਤਾ।  ਬੈਂਸ ਨੇ ਕਿਹਾ ਕਿ ਚੋਣ ਦੌਰਾਨ ਹਰ ਉਸ ਵਿਅਕਤੀ ਦਾ ਮੈਂ ਕਰਜ਼ਦਾਰ ਰਹਾਂਗਾ ਜਿਸਨੇ ਬੈਂਸ ਭਰਾਵਾਂ ਨੂੰ ਆਪਣੀ ਕੀਮਤੀ ਵੋਟ ਦਾ ਅਸਲੀ ਹੱਕਦਾਰ ਸਮਝਿਆ। ਸ. ਸਿਮਰਜੀਤ ਸਿੰਘ ਬੈਂਸ ਨੇ ਕਿਹਾ ਕਿ ਲੋਕ ਸਭਾ ਉਹਨਾਂ ਦਾ ਮਿਸ਼ਨ ਨਹੀ ਸੀ ਉਹਨਾਂ ਦਾ ਮਿਸ਼ਨ ਤਾਂ ਪੰਜਾਬ 'ਚੋ ਨਸ਼ਾ ਖੋਰੀ, ਰੇਤ ਮਾਫੀਆ ਅਤੇ ਭ੍ਰਿਸ਼ਟਾਚਾਰ ਦਾ ਖਾਤਮਾ ਹੈ ਜਿਸਲਈ ਉਹਨਾਂ ਦੀ ਲੜਾਈ ਹਮੇਸ਼ਾ ਜਾਰੀ ਰਹੇਗੀ।