ਡੇਰਾਬੱਸੀ ਵਿਨੈ ਕੁਮਾਰ ਜੈਨ ਸ੍ਰੋਮਣੀ ਅਕਾਲੀ ਦਲ ਦੇ ਸਰਗਰਮ ਆਗੂ ਦੀਪਇੰਦਰ ਸਿੰਘ ਢਿੱਲੋਂ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਵਿੱਖ ਮੁਫਤ ਤਾਂ ਸਤਿ ਸ੍ਰੀ ਅਕਾਲ ਦਾ ਜਵਾਬ ਵੀ ਨਹੀਂ ਮਿਲਦਾ। ਟਿਕਟਾਂ ਤੇ ਅਹੁਦੇ ਤਾਂ ਦੂਰ ਦੀ ਗੱਲ ਹੈ। ਇਥੋਂ ਨੇੜਲੇ ਪਿੰਡ ਕਾਰਕੌਰ ਵਿਖੇ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਸ੍ਰੀ ਦੀਪਇੰਦਰ ਸਿੰਘ ਢਿੱਲੋਂ ਨੇ ਕਿਹਾਕਿ ਜਿਸ ਪਾਰਟੀ ਵਿੱਚ ਆਮ ਵਰਕਰਾਂ ਨੂੰ ਮਾਣ ਤੇ ਸਨਮਾਨ ਵੀ ਮੁੱਲ ਮਿਲਦਾ ਹੋਵੇ ਉਸ ਪਾਰਟੀ ਨੂੰ ਵਰਕਰਾਂ ਤੋਂ ਕੋਈ ਆਸ ਨਹੀ ਰੱਖਣੀ ਚਾਹੀਦੀ ਤੇ ਜਿਹੜੀ ਪਾਰਟੀ ਦੇ ਲੀਡਰਾਂ ਕੋਲ ਆਮ ਲੋਕਾਂ ਲਈ ਸਮਾਂ ਨਹੀ, ਉਸ ਪਾਰਟੀ ਨੂੰ ਲੋਕਾਂ ਤੋਂ ਵੋਟਾਂ ਦੀ ਆਸ ਵੀ ਛੱਡ ਦੇਣੀ ਚਾਹੀਦੀ ਹੈ। ਉਨ੍ਹਾਂ ਕਿਹਾ ਕਿ ਕਾਂਗਰਸ ਪਾਰਟੀ ਦੀ ਮੌਜੂਦਾ ਲੀਡਰਸਿਪ ਨੇ ਜੋ ਦੁਰਗਤ ਡੇਰਾਬੱਸੀ ਹਲਕੇ ਦੇ ਲੋਕਾਂ ਦੀ ਕੀਤੀ ਹੈ ਉਸ ਨੂੰ ਹਲਕੇ ਦੇ ਲੋਕ ਕਦੇ ਵੀ ਨਹੀ ਭੁੱਲ ਸਕਦੇ। ਇਤਿਹਾਸ ਗਵਾਹ ਹੈ ਕਿ ਕਾਂਗਰਸ ਪਾਰਟੀ ਨੇ ਡੇਰਾਬੱਸੀ ਹਲਕੇ ਦੇ ਆਪਣੇ ਵਰਕਰਾਂ ਦੀਆਂ ਭਾਵਨਾਵਾਂ ਨੂੰ ਹਮੇਸਾਂ ਹੀ ਨਜਰਅੰਦਾਜ ਕਰਕੇ ਥੈਲੀਆਂ ਵਾਲਿਆਂ ਦਾ ਸਾਥ ਦਿੱਤਾ ਹੈ।
ਕਾਂਗਰਸ ਪ੍ਰਧਾਨ ਕੈਪਟਨ ਅਮਰਿੰਦਰ ਸਿੰਘ ਤੇ ਹਮਲਾ ਕਰਦਿਆਂ ਸ੍ਰੀ ਦੀਪਇੰਦਰ ਸਿੰਘ ਢਿੱਲੋਂ ਨੇ ਕਿਹਾ ਕਿ ਰਾਜਨੀਤੀ ਵਿੱਚ ਹੁਣ ਰਾਜਾਸਾਹੀ ਦੀ ਕੋਈ ਥਾਂ ਨਹੀ, ਲੋਕ ਨੇਤਾ ਤੇ ਉਸ ਪਾਰਟੀ ਦਾ ਹੀ ਸਾਥ ਦੇਣਗੇ ਜਿਹੜੀ ਪਾਰਟੀ ਤੇ ਨੇਤਾ ਲੋਕਾਂ ਦਾ ਸਾਥ ਦੇਣਗੇ। ਕਾਂਗਰਸ ਪਾਰਟੀ ਦੀ ਲੀਡਰਸਿਪ ਨੂੰ ਮੌਕਾ ਪ੍ਰਸਤਾਂ ਤੇ ਵਪਾਰੀਆਂ ਦਾ ਟੋਲਾਂ ਕਰਾਰ ਦਿੰਦਿਆਂ ਉਨ੍ਹਾਂ ਕਿਹਾ ਕਿ ਕਾਂਗਰਸ ਦਾ ਨਾਂ ਬਹੁਤ ਤੇਜੀ ਨਾਲ ਪੰਜਾਬ ਦੇ ਨਕਸੇ ਤੋਂ ਮਿਟਦਾ ਜਾ ਰਿਹਾ ਹੈ ਤੇ ਉਹ ਦਿਨ ਦੂਰ ਨਹੀਂ ਜਦੋਂ ਪੰਜਾਬ ਵਿੱਚ ਕਾਂਗਰਸ ਦਾ ਹਾਲ ਯ. ਪੀ. ਤੇ ਬਿਹਾਰ ਵਰਗਾ ਹੋ ਜਾਵੇਗਾ। ਇਸ ਮੌਕੇ ਯੂਥ ਅਕਾਲੀ ਦਲ ਦੇ ਸੀਨੀਅਰ ਆਗੂ ਰਣਜੀਤ ਸਿੰਘ ਰੈਡੀ, ਸਾਬਕਾ ਸਰਪੰਚ ਗੁਰਬਚਨ ਸਿੰਘ ਕਾਰਕੌਰ, ਧਰਮਿੰਦਰ ਸਿੰਘ ਕਾਰਕੌਰ, ਜਗੀਰ ਸਿੰਘ ਪ੍ਰਧਾਨ ਗੁੱਗਾ ਮਾੜੀ ਕਮੇਟੀ ਆਦਿ ਹਾਜਰ ਸਨ।