ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਸ਼ਨੀਵਾਰ ਨੂੰ ਜ਼ਿਲ੍ਹਾ ਜੀਂਦ ਦੇ ਸਫੀਦੋਂ ਵਿੱਚ ਆਯੋਜਿਤ ਧੰਨਵਾਦ ਅਤੇ ਵਿਕਾਸ ਰੈਲੀ ਵਿੱਚ ਖੇਤਰ ਦੇ ਵਿਕਾਸ ਲਈ ਵੱਡੇ ਐਲਾਨ ਕਰਦਿਆਂ ਕਿਹਾ ਕਿ ਸਫੀਦੋਂ ਦੇ ਹਸਪਤਾਲ ਨੂੰ 100 ਬੈੱਡਾਂ ਵਿੱਚ ਅਪਗ੍ਰੇਡ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ ਸਿਵਾਨਾ ਮਾਲ ਪਿੰਡ ਅਤੇ ਪਿੰਡ ਖਾਤਲਾ ਵਿੱਚ ਪਸ਼ੂ ਹਸਪਤਾਲ ਦੀ ਨਵੀਂ ਬਿਲਡਿੰਗ ਬਣਾਈ ਜਾਵੇਗੀ।
ਸਫੀਦੋਂ ਵਿੱਚ ਰਾਮਸਰ ਪਾਰਕ ਅਤੇ ਆਡੀਟੋਰੀਅਮ ਦਾ ਨਿਰਮਾਣ ਕਰਵਾਇਆ ਜਾਵੇਗਾ ਅਤੇ ਸਫੀਦੋਂ ਸ਼ਹਿਰ ਵਿੱਚ ਵਿਦਿਆਰਥੀਆਂ ਲਈ ਈ-ਲਾਈਬ੍ਰੇਰੀ ਸਥਾਪਿਤ ਕੀਤੀ ਜਾਵੇਗੀ। ਇਸ ਦੇ ਨਾਲ ਹੀ ਪਾਣੀਪਤ ਰੋਡ ਤੋਂ ਨਗਰਪਾਲਿਕਾ ਦੀ ਹੱਦ ਵਿੱਚ ਮਹਾਤਮਾ ਜਯੋਤੀਬਾ ਫੂਲੇ ਦੇ ਨਾਮ 'ਤੇ ਪ੍ਰਵੇਸ਼ ਦੁਆਰ ਬਣਾਇਆ ਜਾਵੇਗਾ। ਸਫੀਦੋਂ ਵਿੱਚ ਬੀ.ਐਸ.ਸੀ. ਨਰਸਿੰਗ ਕਾਲਜ ਦੀ ਇਮਾਰਤ ਦਾ ਨਿਰਮਾਣ ਜਲਦੀ ਕਰਵਾਇਆ ਜਾਵੇਗਾ। ਸਫੀਦੋਂ ਵਿੱਚ ਮੈਮੋਰੀਅਲ ਕੰਨਿਆ ਸਰਕਾਰੀ ਕਾਲਜ ਦੀ ਚਾਰਦੀਵਾਰੀ ਦਾ ਮੁੜ ਨਿਰਮਾਣ ਕਰਵਾਇਆ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਸਫੀਦੋਂ ਸ਼ਹਿਰ ਦੇ ਪੀਪਲ ਵਾਲਾ ਮੁਹੱਲਾ ਵਾਰਡ ਨੰਬਰ ਸੱਤ ਗੁਲਜ਼ਾਰੀ ਚੌਕ, ਕਲੋਨੀ ਵਿੱਚ ਘਰਾਂ ਦੇ ਉੱਪਰੋਂ ਲੰਘ ਰਹੀ 33 ਕੇਵੀ ਲਾਈਨ ਨੂੰ ਨਿਯਮਾਂ ਅਨੁਸਾਰ ਹਟਾਇਆ ਜਾਵੇਗਾ। ਪਿੰਡ ਖੇੜਾ ਖੇਮਾਵਤੀ ਵਿੱਚ 33 ਕੇਵੀ ਸਬ ਸਟੇਸ਼ਨ ਵਿੱਚ ਲੱਗੇ ਪਾਵਰ ਟਰਾਂਸਫਾਰਮਰ ਦੀ ਸਮਰੱਥਾ ਨੂੰ 33 ਐਮ.ਵੀ.ਏ. ਕੀਤਾ ਜਾਵੇਗਾ ਅਤੇ ਪਿੰਡ ਦੇ ਪ੍ਰਾਇਮਰੀ ਸਕੂਲ ਅਤੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਦੀ ਪੁਰਾਣੀ ਖਸਤਾ ਹਾਲ ਇਮਾਰਤ ਨੂੰ ਕੰਡਮ ਐਲਾਨਣ ਬਾਅਦ ਨਵੇਂ ਕਮਰਿਆਂ ਦਾ ਨਿਰਮਾਣ ਕਰਵਾਇਆ ਜਾਵੇਗਾ।
ਮੁੱਖ ਮੰਤਰੀ ਨੇ ਕਿਹਾ ਕਿ ਖੇੜੀ ਤਲੌਡਾ ਸਥਿਤ 132 ਕੇਵੀਏ ਸਬ ਸਟੇਸ਼ਨ 'ਤੇ ਸਥਾਪਿਤ ਪਾਵਰ ਟਰਾਂਸਫਾਰਮਰ ਦੀ ਸਮਰੱਥਾ ਨੂੰ ਪੜਾਅਵਾਰ ਢੰਗ ਨਾਲ ਵਧਾ ਕੇ 40-45 ਐਮ.ਵੀ.ਏ. ਅਤੇ 132-33 ਕੇਵੀਏ ਕੀਤਾ ਜਾਵੇਗਾ। ਪਿੰਡ ਸਿਵਾਨ ਮਾਲਾ ਵਿੱਚ 33 ਕੇਵੀ ਸਬ ਸਟੇਸ਼ਨ ਬਣਾਇਆ ਜਾਵੇਗਾ। ਰਜ਼ਾਨਾ ਕਲਾਂ ਅਤੇ ਢਾਂਟਰਥ ਪਿੰਡਾਂ ਵਿੱਚ ਪੀ.ਐਚ.ਸੀ. ਦੀ ਨਵੀਂ ਇਮਾਰਤ ਬਣਾਈ ਜਾਵੇਗੀ। ਇਸ ਦੌਰਾਨ ਮੁੱਖ ਮੰਤਰੀ ਨੇ ਵੱਖ-ਵੱਖ ਪਿੰਡਾਂ ਦੇ ਸਰਕਾਰੀ ਸਕੂਲਾਂ ਵਿੱਚ ਇੱਕ ਕਰੋੜ ਰੁਪਏ ਦੀ ਲਾਗਤ ਨਾਲ ਸਿਵਲ ਵਰਕ ਕਰਵਾਉਣ ਦਾ ਐਲਾਨ ਕੀਤਾ।
ਉਨ੍ਹਾਂ ਕਿਹਾ ਕਿ ਪਿੱਲੂਖੇੜਾ ਵਿੱਚ ਜ਼ਮੀਨ ਉਪਲਬਧ ਹੋਣ 'ਤੇ ਫਾਇਰ ਸਟੇਸ਼ਨ ਬਣਾਇਆ ਜਾਵੇਗਾ। ਇਸ ਤੋਂ ਇਲਾਵਾ, ਸਫੀਦੋਂ ਫਾਇਰ ਸਟੇਸ਼ਨ ਨੂੰ ਦੋ ਨਵੇਂ ਫਾਇਰ ਟੈਂਡਰ ਦਿੱਤੇ ਜਾਣਗੇ। ਸਫੀਦੋਂ ਵਿੱਚ ਵੱਖ-ਵੱਖ ਸਮਾਜਿਕ ਸੰਸਥਾਵਾਂ ਵੱਲੋਂ ਐਚ.ਐਸ.ਵੀ.ਪੀ. ਦੇ ਸੈਕਟਰ ਵਿੱਚ ਪਲਾਟ ਅਲਾਟਮੈਂਟ ਲਈ ਅਰਜ਼ੀ ਦੇਣ ਬਾਅਦ ਨਿਯਮਾਂ ਅਨੁਸਾਰ ਪਲਾਟ ਅਲਾਟਮੈਂਟ ਪ੍ਰਕਿਰਿਆ ਜਲਦੀ ਪੂਰੀ ਕਰਵਾਈ ਜਾਵੇਗੀ।
ਮੁੱਖ ਮੰਤਰੀ ਨੇ ਐਲਾਨ ਕਰਦਿਆਂ ਕਿਹਾ ਕਿ ਗੰਗੋਲੀ, ਕਾਲਵਾ, ਭੜਤਾਨਾ, ਸਬ-ਮਾਈਨਰ ਅਤੇ ਸਿਵਾਨਾ ਮਾਲ ਡਿਸਟ੍ਰੀਬਿਊਟਰੀ ਦੀ 12.50 ਕਰੋੜ ਰੁਪਏ ਦੀ ਲਾਗਤ ਨਾਲ ਮੁਰੰਮਤ (ਰੀਹੈਬਲੀਟੇਸ਼ਨ) ਕਰਵਾਈ ਜਾਵੇਗੀ ਅਤੇ ਪਿੰਡ ਵਿੱਚ ਗ੍ਰਾਮ ਸਕੱਤਰੇਤ ਵੀ ਬਣਾਇਆ ਜਾਵੇਗਾ। ਇਸ ਦੇ ਨਾਲ ਹੀ ਅੰਟਾ ਵਿੱਚ ਕੈਨਾਲ ਰੈਸਟ ਹਾਊਸ ਦੀ ਮੁਰੰਮਤ ਕਰਵਾਈ ਜਾਵੇਗੀ।ਉਨ੍ਹਾਂ ਕਿਹਾ ਕਿ ਪਿੱਲੂਖੇੜਾ ਵਿੱਚ ਜ਼ਮੀਨ ਉਪਲਬਧ ਹੋਣ 'ਤੇ ਆਈ.ਟੀ.ਆਈ. ਦਾ ਨਿਰਮਾਣ ਕਰਵਾਇਆ ਜਾਵੇਗਾ। ਕੁਰੂਕਸ਼ੇਤਰ ਵਿਕਾਸ ਬੋਰਡ ਦੇ ਅਧੀਨ ਆਉਣ ਵਾਲੇ ਸਫੀਦੋਂ ਖੇਤਰ ਦੇ ਧਾਰਮਿਕ ਸਥਾਨਾਂ ਦਾ 2 ਕਰੋੜ ਰੁਪਏ ਦੀ ਲਾਗਤ ਨਾਲ ਨਵੀਨੀਕਰਨ ਕੀਤਾ ਜਾਵੇਗਾ।
ਗ੍ਰਾਮ ਪੰਚਾਇਤ ਮੁਆਨਾ ਦੀ ਸ਼ਾਮਲਾਤ ਜ਼ਮੀਨ ਵਿੱਚ ਬਾਇਓ ਗੈਸ ਪਲਾਂਟ ਲਗਾਇਆ ਜਾਵੇਗਾ। ਮੋਰਖੀ ਪਿੰਡ ਵਿੱਚ ਕਮਿਊਨਿਟੀ ਸੈਂਟਰ ਦਾ ਨਿਰਮਾਣ ਕਰਵਾਇਆ ਜਾਵੇਗਾ। ਕਾਲਵਾ ਪਿੰਡ ਦੇ ਯਯਾਤੀ ਸੂਰਿਆ ਕੁੰਡ ਇਤਿਹਾਸਕ ਮੰਦਰ ਦੀ ਰੀਟੇਨਿੰਗ ਵਾਲ (ਸੁਰੱਖਿਆ ਕੰਧ) ਬਣਵਾਈ ਜਾਵੇਗੀ। ਬੀ.ਡੀ.ਪੀ.ਓ. ਸਫੀਦੋਂ ਦੇ ਦਫ਼ਤਰ ਦਾ ਨਿਰਮਾਣ ਕਾਰਜ ਕਰਵਾਇਆ ਜਾਵੇਗਾ। ਵੱਖ-ਵੱਖ ਪਿੰਡਾਂ ਵਿੱਚ 10 ਕਰੋੜ ਰੁਪਏ ਦੀ ਲਾਗਤ ਦੇ ਜਨ ਸਿਹਤ ਇੰਜੀਨੀਅਰਿੰਗ ਵਿਭਾਗ ਦੇ ਅਧੀਨ ਕੀਤੇ ਜਾਣ ਵਾਲੇ ਕਾਰਜ ਕਰਵਾਏ ਜਾਣਗੇ।
ਉਨ੍ਹਾਂ ਕਿਹਾ ਕਿ ਅਨਾਜ ਮੰਡੀ ਸਫੀਦੋਂ ਵਿੱਚ ਸੜਕ ਦੀ ਮੁਰੰਮਤ ਅਤੇ ਨਵੇਂ ਸ਼ੈਡ ਕਵਰ ਤੇ ਹੋਰ ਕੰਮ ਕਰਵਾਏ ਜਾਣਗੇ। ਇਸ ਦੇ ਲਈ ਉਨ੍ਹਾਂ ਨੇ 5 ਕਰੋੜ ਰੁਪਏ ਦੇਣ ਦਾ ਐਲਾਨ ਕੀਤਾ। ਪਿੱਲੂਖੇੜਾ ਵਿੱਚ ਜ਼ਮੀਨ ਉਪਲਬਧ ਹੋਣ 'ਤੇ ਸਬਜ਼ੀ ਮੰਡੀ ਦਾ ਨਿਰਮਾਣ ਕੀਤਾ ਜਾਵੇਗਾ। ਉਨ੍ਹਾਂ ਨੇ ਸਫੀਦੋਂ ਅਤੇ ਪਿੱਲੂਖੇੜਾ ਦੇ ਵੱਖ-ਵੱਖ ਪਿੰਡਾਂ ਨੂੰ ਜੋੜਨ ਵਾਲੀਆਂ ਸੜਕਾਂ ਦੇ ਨਿਰਮਾਣ, ਚੌੜਾ ਕਰਨ ਅਤੇ ਮੁਰੰਮਤ ਲਈ 6 ਕਰੋੜ ਰੁਪਏ ਦੇਣ ਦਾ ਐਲਾਨ ਕੀਤਾ।
ਨਵੀਂ ਅਨਾਜ ਮੰਡੀ ਪਿੱਲੂਖੇੜਾ ਦਾ ਜ਼ਮੀਨ ਉਪਲਬਧ ਹੋਣ 'ਤੇ ਵਾਧੂ ਵਿਸਥਾਰ ਕੀਤਾ ਜਾਵੇਗਾ। ਸਫੀਦੋਂ ਵਿੱਚ ਨਵਾਂ ਰੈਸਟ ਹਾਊਸ ਬਣਾਇਆ ਜਾਵੇਗਾ, ਜਿਸ 'ਤੇ ਲਗਭਗ 9.50 ਕਰੋੜ ਰੁਪਏ ਖਰਚ ਹੋਣਗੇ। ਭੰਭੇਵਾ ਵਿੱਚ ਡਰੇਨ ਦੇ ਪੁਲਾਂ ਦਾ ਨਿਰਮਾਣ ਕਰਵਾਇਆ ਜਾਵੇਗਾ।ਮੁੱਖ ਮੰਤਰੀ ਨੇ ਐਲਾਨ ਕਰਦਿਆਂ ਕਿਹਾ ਕਿ ਲਗਭਗ 19 ਕਰੋੜ ਰੁਪਏ ਦੀ ਲਾਗਤ ਨਾਲ ਪੀ.ਡਬਲਿਊ.ਡੀ. ਵਿਭਾਗ ਦੀਆਂ 12 ਸੜਕਾਂ ਦਾ ਮੁੜ ਨਿਰਮਾਣ ਕੀਤਾ ਜਾਵੇਗਾ।
ਸਫੀਦੋਂ ਵਿਧਾਨ ਸਭਾ ਖੇਤਰ ਦੀਆਂ 203.5 ਕਿਲੋਮੀਟਰ ਲੰਬਾਈ ਦੀਆਂ 49 ਸੜਕਾਂ, ਜੋ ਅਜੇ ਡੀ.ਐਲ.ਪੀ. ਵਿੱਚ ਹਨ, ਉਨ੍ਹਾਂ ਨੂੰ ਵੀ ਸਬੰਧਤ ਏਜੰਸੀ ਤੋਂ ਮਜ਼ਬੂਤ ਅਤੇ ਰੱਖ-ਰਖਾਅ ਕਰਵਾਇਆ ਜਾਵੇਗਾ। ਉਨ੍ਹਾਂ ਕਿਹਾ ਕਿ 22.89 ਕਰੋੜ ਰੁਪਏ ਦੀ ਲਾਗਤ ਨਾਲ 39.36 ਕਿਲੋਮੀਟਰ ਲੰਬਾਈ ਦੀਆਂ ਸੜਕਾਂ ਦੀ ਵਿਸ਼ੇਸ਼ ਮੁਰੰਮਤ ਵੀ ਕਰਵਾਈ ਜਾਵੇਗੀ। ਮਾਰਕੀਟ ਕਮੇਟੀ ਦੀਆਂ 173.29 ਕਿਲੋਮੀਟਰ ਲੰਬਾਈ ਦੀਆਂ 63 ਸੜਕਾਂ ਜੋ ਅਜੇ ਡੀ.ਐਲ.ਪੀ. ਵਿੱਚ ਹਨ, ਉਨ੍ਹਾਂ ਨੂੰ ਵੀ ਸਬੰਧਤ ਏਜੰਸੀ ਤੋਂ ਮਜ਼ਬੂਤ ਅਤੇ ਰੱਖ-ਰਖਾਅ ਕਰਵਾਇਆ ਜਾਵੇਗਾ।
ਇਸੇ ਕੜੀ ਵਿੱਚ 56.70 ਕਿਲੋਮੀਟਰ ਲੰਬਾਈ ਦੀਆਂ ਅੱਠ ਸੜਕਾਂ ਦੀ ਵਿਸ਼ੇਸ਼ ਮੁਰੰਮਤ 5.86 ਕਰੋੜ ਰੁਪਏ ਦੀ ਲਾਗਤ ਨਾਲ ਕੀਤੀ ਜਾਵੇਗੀ। ਸਫੀਦੋਂ ਵਿਧਾਨ ਸਭਾ ਖੇਤਰ ਵਿੱਚ 25 ਕਿਲੋਮੀਟਰ ਤੱਕ ਦੇ ਖੇਤਾਂ ਦੇ ਰਸਤਿਆਂ ਨੂੰ ਪੱਕਾ ਕੀਤਾ ਜਾਵੇਗਾ। ਮੁੱਖ ਮੰਤਰੀ ਨੇ ਵਿਧਾਨ ਸਭਾ ਖੇਤਰ ਦੇ ਪਿੰਡਾਂ ਦੇ ਵਿਕਾਸ ਲਈ ਵੱਖਰੇ ਤੌਰ 'ਤੇ 5 ਕਰੋੜ ਰੁਪਏ ਦੀ ਰਾਸ਼ੀ ਦੇਣ ਦਾ ਐਲਾਨ ਕੀਤਾ।