Web Admin

5 ਦਰਿਆ ਨਿਊਜ਼ (ਅਜੈ ਪਾਹਵਾ)

ਲੁਧਿਆਣਾ , 29 Apr 2014

ਲੋਕ ਸਭਾ ਹਲਕਾ ਲੁਧਿਆਣਾ ਤੋਂ ਅਜਾਦ ਉਮੀਦਵਾਰ ਸਿਮਰਜੀਤ ਸਿੰਘ ਬੈਂਸ ਨੇ ਲੋਕ ਸਭਾ ਹਲਕਾ ਲੁਧਿਆਣਾ ਦੇ ਸੂਝਵਾਨ ਵੋਟਰਾ ਨੂੰ ਅਪੀਲ ਕਰਦੇ ਹੋਏ ਕਿਹਾ ਕਿ ਲੁਧਿਆਣਾ ਦੀਆ ਸੰਗਤਾਂ ਬਹੁਤ ਹੀ ਸੂਝਵਾਨ ਤੇ ਪੱਰਖੂ ਅੱਖਾ ਵਾਲੀਆ ਹਨ ਜੋ ਅਕਾਲੀ ਉਮੀਦਵਾਰ ਦੀਆ ਕੋਝੀਆਂ ਚਾਲਾ ਤੋਂ ਹਮੇਸ਼ਾ ਸੁਚੇਤ ਰਹਿੰਦੀਆ ਹਨ। ਅਕਾਲੀ ਉਮੀਦਵਾਰ ਇਆਲੀ ਵਲੋਂ ਲੋਕ ਸਭਾ ਹਲਕਾ ਲੁਧਿਆਣਾ ਦੇ ਸੂਝਵਾਨ ਵੋਟਰਾ ਨੂੰ ਗੁੰਮਰਾਹ ਕਰਨ ਲਈ ਜੋ ਮੇਰੇ ਹਮਨਾਮ ਉਣੀਦਵਾਰ ਨੂੰ ਆਪਣੇ ਸਮਰਥਨ ਵਿੱਚ ਬੈਠਾ ਕੇ ਲੋਕ ਸਭਾ ਹਲਕਾ ਲੁਧਿਆਣਾ ਦੀਆਂ ਸੰਗਤਾਂ ਨਾਲ ਧ੍ਰੋਹ ਕਮਾਇਆ ਹੈ। ਸਿਮਰਜੀਤ ਸਿੰਘ ਬੈਂਸ ਨੇ ਦੱਸਿਆ ਕਿ ਮੇਰੇ ਹਮਨਾਮ ਉਮੀਦਵਾਰ ਨੂੰ ਮੇਰੇ ਚੋਣ ਨਿਸ਼ਾਨ ਲੈਟਰ ਬਾਕਸ ਦੇ ਬਟਨ ਨੰਬਰ 14 ਦੇ ਨਾਲ ਵਾਲਾ ਬਟਨ ਨੰਬਰ ਤੇ ਚੋਣ ਨਿਸ਼ਾਨ ਬੈਟਰੀ ਦਿੱਤੀ ਗਈ। ਸ. ਸਿਮਰਜੀਤ ਸਿੰਘ ਬੈਂਸ ਨੇ ਕਿਹਾ ਕਿ ਲੁਧਿਆਣਾ ਸੀਟ ਵੱਡੇ ਫਰਕ ਨਾਲ ਹਾਰਦੀ ਵੇਖਕੇ ਅਕਾਲੀ ਸਰਕਾਰ ਪੂਰਨ ਰੂਪ ਤੇ ਧੱਕੇਸ਼ਾਹੀ ਅਤੇ ਔਛੀਆਂ ਹਰਕਤਾਂ ਪਰ ਉੱਤਰ ਆਈ ਹੈ। ਸ. ਬੈਂਸ ਨੇ ਕਿਹਾ ਕਿ ਮੇਰਾ ਮੁੱਖ ਟੀਚਾ ਪੰਜਾਬ ਦੀ ਧਰਤੀ ਤੇ ਵਗ ਰਹੇ ਛੇਵੇ ਨਸ਼ਿਆਂ ਦੇ ਦਰਿਆ ਨੂੰ ਬੰਦ ਕਰਨਾ ਹੈ ਅਤੇ ਸੰਗਤਾਂ ਨੂੰ ਭ੍ਰਿਸ਼ਟਾਚਾਰ ਮੁਕਤ ਸਮਾਜ ਅਤੇ ਭ੍ਰਿਸ਼ਟ ਰਾਜਸੀ ਆਗੂਆਂ ਤੋ ਰਾਹਤ ਦਵਾਉਣਾ ਹੈ। ਉਨਾਂ ਸੰਗਤਾਂ ਨੂੰ ਅਪੀਲ ਕੀਤੀ ਕਿ ਸ. ਸਿਮਰਜੀਤ ਸਿੰਘ ਬੈਂਸ ਹਮੇਸ਼ਾ ਮੈਦਾਨ ਵਿਚ ਵਿਰੋਧੀਆ ਨੂੰ ਦੋੜਾਦਾਂ ਰਿਹਾ ਹੈ ਤੇ ਆਪ ਕਿਵੇ ਮੈਦਾਨ ਛੱਡਕੇ ਜਾ ਸਕਦਾ ਹੈ ਵਿਰੋਧੀ ਅਕਾਲੀ ਉਮੀਦਵਾਰ ਇਆਲੀ ਆਪਣੀ ਹਾਰ ਵੇਖਕੇ ਬਰਦਾਸ਼ ਨਹੀ ਕਰ ਸਕਿਆ ਇਸ ਲਈ ਬੋਖਲਾ ਗਿਆ ਹੈ । ਸ. ਬੈਸ ਨੇ ਕਿਹਾ ਕਿ ਇਆਲੀ ਦੇ ਖੇਮੇ ਵਿਚ ਬੈਠਣ ਵਾਲਾ ਉਹ ਸਿਮਰਜੀਤ ਸਿੰਘ ਬੈਂਸ ਨਹੀ ਕੇਵਲ ਇਆਲੀ ਦੇ ਝੂਠ ਦਾ ਪੁੰਲਦਾ ਹੈ ਸੰਗਤਾਂ ਦੇ ਉਮੀਦਵਾਰ ਸਿਮਰਜੀਤ ਸਿੰਘ ਬੈਂਸ ਚਟਾਂਨ ਵਾਗੂ ਮੈਦਾਨ ਵਿਚ ਖੜੇ ਹਨ ਜੋ ਸੰਗਤ ਦੇ ਆਸ਼ੀਰਵਾਦ ਨਾਲ ਇਆਲੀ ਨੂੰ ਭਜਾਕੇ ਹੀ ਮੈਂਬਰ ਪਾਰਲੀਮੈਂਟ ਵਿਚ ਬੈਠਣਗੇ। ਇਸ ਕਰਕੇ ਸੰਗਤਾਂ ਨੂੰ ਹੱਥ ਜੋੜ ਕੇ ਅਪੀਲ ਲੇਟਰ ਬਾਕਸ ਦਾ 14 ਨੰਬਰ ਬਟਨ ਦਬਾਉ ਤੇ ਨਸ਼ਾ ਤਸ਼ਕਰ ਇਆਲੀ ਤੋਂ ਮੇਰਾ ਖੁਸ਼ਹਾਲ ਲੁਧਿਆਣਾ ਮੁਕਤ ਕਰਵਾਉਣੁ।