ਹਰਿਆਣਾ ਦੇ ਵਿਕਾਸ ਅਤੇ ਪੰਚਾਇਤ ਮੰਤਰੀ ਸ੍ਰੀ ਕ੍ਰਿਸ਼ਣ ਲਾਲ ਪੰਵਾਰ ਨੇ ਕਿਹਾ ਕਿ ਸੂਬਾ ਸਰਕਾਰ ਪਿੰਡਾਂ ਦੇ ਰਿਵਾਇਤੀ ਤਾਲਾਬਾਂ ਦੀ ਸਫਾਈ, ਮੁਰੰਮਤ ਅਤੇ ਮੁੜ ਵਿਸਥਾਰ ਲਈ ਲਗਾਤਾਰ ਕੰਮ ਕਰ ਰਹੀ ਹੈ। ਰਿਵਾਇਤੀ ਜਲ੍ਹ ਸਰੋਤਾਂ ਦੇ ਸਰੰਖਣ ਅਤੇ ਸੁੰਦਰੀਕਰਣ ਰਾਹੀਂ ਜਲ੍ਹ ਸਰੰਖਣ ਨੂੰ ਪ੍ਰੋਤਸਾਹਨ ਦਿੱਤਾ ਜਾ ਰਿਹਾ ਹੈ, ਜਿਸ ਨਾਲ ਗ੍ਰਾਮੀਣ ਖੇਤਰਾਂ ਵਿੱਚ ਵਾਤਾਵਰਣ ਸੰਤੁਲਣ ਬਣਾਏ ਰੱਖਣ ਦੇ ਨਾਲ-ਨਾਲ ਜਲ੍ਹ ਉਲਬਧਤਾ ਵੀ ਯਕੀਨੀ ਹੋ ਸਕੇ।
ਸ੍ਰੀ ਪੰਵਾਰ ਅੱਜ ਹਰਿਆਣਾ ਵਿਧਾਨਸਭਾ ਵਿੱਚ ਚੱਲ ਰਹੇ ਬਜਟ ਸੈਨ ਦੌਰਾਨ ਸ੍ਰੀਮਤੀ ਗੀਤਾ ਭੁੱਕਲ ਵੱਲੋਂ ਪੁੱਛੇ ਗਏ ਸੁਆਲ ਦਾ ਜਵਾਬ ਦੇ ਰਹੇ ਸਨ। ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਦਾ ਉਦੇਸ਼ ਰਿਵਾਇਤੀ ਜਲ੍ਹ ਸਰੋਤਾਂ ਨੂੰ ਮੁੜ ਜਿੰਦਾ ਕਰ ਗ੍ਰਾਮੀਣ ਖੇਤਰਾਂ ਦੇ ਲਗਾਤਾਰ ਵਿਕਾਸ ਨੂੰ ਮਜਬੂਤੀ ਪ੍ਰਦਾਨ ਕਰਨਾ ਹੈ।
ਇਸੀ ਲੜੀ ਵਿੱਚ ਝੱਜਰ ਵਿਧਾਨਸਭਾ ਖੇਤਰ ਦੇ ਵੱਖ-ਵੱਖ ਪਿੰਡਾਂ ਵਿੱਚ ਤਾਲਾਬਾਂ ਦੀ ਸਫਾਈ, ਮੁਰੰਮਤ ਅਤੇ ਮੁੜ ਵਿਸਥਾਰ ਲਈ ਯੋਜਨਾਬੱਧ ਢੰਗ ਨਾਲ ਕੰਮ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਪਿੰਡ ਭੂਰਾਵਾਸ ਦੇ ਇਤਿਹਾਸਕ ਅਤੇ ਪੁਰਾਣੇ ਪਵਿੱਤਰ ਤਾਲਾਬ, ਪਿੰਡ ਤਲਾਵ ਵਿੱਚ ਬਗਲਾ ਚੌਪਾਲ ਦੇ ਕੋਲ ਸਥਿਤ ਗੁਹੀ ਜੋਹੜ, ਪਿੰਡ ਛੁਛਕਵਾਸ ਵਿੱਚ ਮੁੱਖ ਸੜਕ ਤੇ ਸਥਿਤ ਖਰਿਆ ਤਾਲਾਬ, ਪਿੰਡ ਖੇੜੀ ਖੁਮਾਰ ਵਿੱਚ ਰਾਮੇਸ਼ਵਰ ਤਾਲਾਬ ਅਤੇ ਪਿੰਡ ਮੁੱਡਾਹੇਰਾ ਵਿੱਚ ਬਾਬਾ ਖੂਬੀ ਦਾਸ ਆਸ਼ਰਮ ਦੇ ਨੇੜੇ ਸਥਿਤ ਹਰਜੀਵਾਲਾ ਤਾਲਾਬ ਦੀ ਸਫਾਈ, ਮੁਰੰਮਤ ਅਤੇ ਮੁੜ ਵਿਸਥਾਰ ਲਈ ਸਰਵੇ ਅਤੇ ਡਰਾਇੰਗ ਤਿਆਰ ਕਰਨ ਦਾ ਕੰਮ ਪੂਰਾ ਕਰ ਲਿਆ ਗਿਆ ਹੈ।
ਮੌਜੂਦਾ ਵਿੱਚ ਇੰਨ੍ਹਾਂ ਪਰਿਯੋਜਨਾਵਾਂ ਦੇ ਸ਼ੁਰੂਆਤੀ ਅੰਦਾਜਾ ਤਿਆਰ ਕੀਤੇ ਜਾ ਰਹੇ ਹਨ। ਵਿਕਾਸ ਅਤੇ ਪੰਚਾਇਤ ਮੰਤਰੀ ਨੇ ਦੱਸਿਆ ਕਿ ਪਿੰਡ ਜੋਂਧੀ ਵਿੱਚ ਸ਼ਿਵ ਮੰਦਿਰ ਦੇ ਨੇੜੇ ਸਥਿਤ ਤਾਲਾਬ ਦੇ ਮੁੜ ਵਿਸਥਾਰ ਲਈ 212.31 ਲੱਖ ਰੁਪਏ ਦੀ ਪ੍ਰਸਾਸ਼ਕੀ ਮੰਜੂਰੀ 7 ਦਸੰਬਰ, 2022 ਨੂੰ ਜਾਰੀ ਕੀਤੀ ਜਾ ਚੁੱਕੀ ਹੈ ਅਤੇ ਇਸ ਦੀ ਟੈਂਡਰ ਪ੍ਰਕ੍ਰਿਆ ਫਿਲਹਾਲ ਜਾਰੀ ਹੈ।
ਉਨ੍ਹਾਂ ਨੇ ਸਦਨ ਨੁੰ ਜਾਣੂ ਕਰਾਇਆ ਕਿ ਕੁੱਝ ਪਿੰਡਾਂ ਵਿੱਚ ਭੂਜਲ ਪੱਧਰ 1.70 ਮੀਟਰ ਜਾਂ ਉਸ ਤੋਂ ਵੱਧ ਹੋਣ ਦੇ ਕਾਰਨ ਕੰਮ ਵਿੱਚ ਤਕਨੀਕੀ ਮੁਸ਼ਕਲਾਂ ਆ ਰਹੀਆਂ ਸਨ। ਇਸ ਸਬੰਧ ਵਿੱਚ ਸਿੰਚਾਈ ਅਤੇ ਜਲ੍ਹ ਸੰਸਾਧਨ ਵਿਭਾਗ ਦੇ ਹਾਈਡਰੋਲਾਜਿਸਟ ਤੋਂ ਰਿਪੋਰਟ ਮੰਗੀ ਗਈ ਸੀ, ਜੋ ਹਾਲ ਹੀ ਵਿੱਚ ਪ੍ਰਾਪਤ ਹੋਈ ਹੈ।
ਉਨ੍ਹਾਂ ਨੇ ਦੱਸਿਆ ਕਿ ਇਸ ਵਿਸ਼ਾ 'ਤੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨਾਲ ਵੀ ਚਰਚਾ ਕੀਤੀ ਗਈ ਹੈ। ਮੁੱਖ ਮੰਤਰੀ ਨੇ ਨਿਰਦੇਸ਼ ਦਿੱਤੇ ਹਨ ਕਿ ਸਿੰਚਾਈ ਅਤੇ ਜਲ੍ਹ ਸੰਸਾਧਨ ਵਿਭਾਗ ਅਤੇ ਕਿਸਾਨ ਅਤੇ ਪੰਚਾਇਤ ਵਿਭਾਗ ਮਿਲ ਕੇ ਇਸ ਦਾ ਹੱਲ ਕੱਢਣ, ਤਾਂ ਜੋ ਇਤਿਹਾਸਕ ਅਤੇ ਧਾਰਮਿਕ ਮਹਤੱਵ ਵਾਲੇ ਇੰਨ੍ਹਾਂ ਤਾਲਾਬਾਂ ਦਾ ਜਲਦੀ ਮੁੜ ਵਿਸਥਾਰ ਕੀਤਾ ਜਾ ਸਕੇ।
ਸ੍ਰੀ ਪੰਵਾਰ ਨੇ ਕਿਹਾ ਕਿ ਸੂਬਾ ਸਰਕਾਰ ਗ੍ਰਾਮੀਣ ਤਾਲਾਬਾਂ ਦੇ ਸਰੰਖਣ ਨੂੰ ਪ੍ਰਾਥਮਿਕਤਾ ਦੇ ਰਹੀ ਹੈ। ਇਸੀ ਉਦੇਸ਼ ਨਾਲ ਪੌਂਡ ਅਥਾਰਿਟੀ ਦਾ ਗਠਨ ਕੀਤਾ ਗਿਆ ਹੈ। ਮੁੱਖ ਮੰਤਰੀ ਦੇ ਨਿਰਦੇਸ਼ਾਂ ਅਨੁਸਾਰ ਹੁਣ ਇਹ ਅਥਾਰਿਟੀ ਵਿਕਾਸ ਅਤੇ ਪੰਚਾਇਤ ਵਿਭਾਗ ਦੇ ਅਧੀਨ ਕੰਮ ਕਰੇਗੀ, ਜਿਸ ਦੇ ਰਾਹੀਂ ਗ੍ਰਾਮੀਣ ਤਾਲਾਬਾਂ ਦੀ ਸਫਾਈ, ਗਊਘਾਟ ਨਿਰਮਾਣ ਅਤੇ ਸੁੰਦਰੀਕਰਣ ਸਮੇਤ ਹੋਰ ਵਿਕਾਸ ਕੰਮ ਕੀਤੇ ਜਾ ਰਹੇ ਹਨ।