ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਅੱਜ ਪੰਚਕੂਲਾ ਦੇ ਸੈਕਟਰ-5 ਸਥਿਤ ਯਵਨਿਕਾ ਪਾਰਕ ਤੋਂ ਹਰਿਆਣਾ ਪੁਲਿਸ ਦੇ ਬੈਚ ਨੰਬਰ-93 ਦੇ ਜਵਾਨਾਂ ਵੱਲੋਂ ਆਯੋਜਿਤ ਅਟਲ ਜਨਸੇਵਾ ਨੂੰ ਸਮਰਪਿਤ ਦੌੜ ਨੂੰ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕੀਤਾ।ਇਸ ਮੌਕੇ 'ਤੇ ਮੁੱਖ ਮੰਤਰੀ ਨੇ ਕਿਹਾ ਕਿ ਭਾਰਤ ਰਤਨ, ਸਾਬਕਾ ਪ੍ਰਧਾਨ ਮੰਤਰੀ ਮਾਣਯੋਗ ਸ੍ਰੀ ਅਟਲ ਬਿਹਾਰੀ ਵਾਜਪੇਈ ਜੀ ਦੀ ਜੈਯੰਤੀ ਦੀ ਯਾਦ ਵਿੱਚ ਆਯੋਜਿਤ ਇਹ ਦੌੜ ਏਕਤਾ, ਅਨੁਸ਼ਾਸਨ ਅਤੇ ਰਾਸ਼ਟਰਸੇਵਾ ਦੀ ਭਾਵਨਾ ਦਾ ਪ੍ਰਤੀਕ ਹੈ।
ਉਨ੍ਹਾਂ ਨੇ ਦੱਸਿਆ ਕਿ ਅੱਜ ਸ਼ਾਮ ਕੇਂਦਰੀ ਗ੍ਰਹਿ ਅਤੇ ਸਹਿਕਾਰਤਾ ਮੰਤਰੀ ਸ੍ਰੀ ਅਮਿਤ ਸ਼ਾਹ ਭਾਰਤੀ ਪੁਲਿਸ ਦੇ ਇਤਿਹਾਸ ਦੇ ਸਭ ਤੋਂ ਵੱਡੇ ਪੁਲਿਸ ਪਾਸਿੰਗ-ਆਉਟ ਬੈਚ ਨੂੰ ਸਾਮੂਹਿਕ ਸ਼ਪਥ ਦਿਲਵਾਉਣਗੇ। ਇਸ ਇਤਿਹਾਸਕ ਬੈਚ ਵਿੱਚ ਕੁੱਲ੍ਹ 5,061 ਜਵਾਨ ਸ਼ਾਮਲ ਹਨ, ਜਿਨ੍ਹਾਂ ਵਿੱਚੋਂ 4,191 ਪੁਰੱਖ ਅਤੇ 870 ਮਹਿਲਾ ਜਵਾਨ ਹਨ। ਇਸ ਤਰ੍ਹਾਂ ਇਸ ਬੈਚ ਵਿੱਚ 20.75 ਫੀਸਦੀ ਮਹਿਲਾ ਭਾਗੀਦਾਰੀ ਯਕੀਨੀ ਹੋਈ ਹੈ, ਜੋ ਮਹਿਲਾ ਸਸ਼ਕਤੀਕਰਨ ਦੀ ਦਿਸ਼ਾ ਵਿੱਚ ਇੱਕ ਮਹੱਤਵਪੂਰਨ ਉਪਲਬਧੀ ਹੈ।
ਹਰਿਆਣਾ ਪੁਲਿਸ ਵਿੱਚ ਮਹਿਲਾਵਾਂ ਦੀ ਭਾਗੀਦਾਰੀ 25 ਫੀਸਦੀ ਤੱਕ ਕਰਨ ਦਾ ਟੀਚਾ
ਉਨ੍ਹਾਂ ਨੇ ਕਿਹਾ ਕਿ ਸਾਲ 2014 ਵਿੱਚ ਹਰਿਆਣਾ ਪੁਲਿਸ ਵਿੱਚ ਮਹਿਲਾਵਾਂ ਦੀ ਭਾਗੀਦਾਰੀ ਸਿਰਫ਼ 3 ਫੀਸਦੀ ਸੀ ਜੋ ਅੱਜ ਵੱਧ ਕੇ 10 ਫੀਸਦੀ ਤੋਂ ਵੱਧ ਹੋ ਚੁੱਕੀ ਹੈ। ਰਾਜ ਸਰਕਾਰ ਨੇ ਇਸ ਨੂੰ ਆਗਾਮੀ ਸਾਲਾਂ ਵਿੱਚ 25 ਫੀਸਦੀ ਤੱਕ ਲੈ ਜਾਣ ਦਾ ਟੀਚਾ ਨਿਰਧਾਰਿਤ ਕੀਤਾ ਹੈ।ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਇਹ ਵੀ ਕਿਹਾ ਕਿ ਸੂਬੇ ਵਿੱਚ ਨਸ਼ੇ ਦੇ ਵਿਰੁਧ ਚਲਾਏ ਜਾ ਰਹੇ ਵਿਆਪਕ ਅਭਿਆਨ ਵਿੱਚ ਹਰਿਆਣਾ ਪੁਲਿਸ ਦੀ ਭੂਮਿਕਾ ਬਹੁਤਾ ਸਲਾਂਘਾਯੋਗ ਰਹੀ ਹੈ। ਨਵੇਂ ਟ੍ਰੇਂਡ ਜਵਾਨ ਇਸ ਅਭਿਆਨ ਜਵਾਨ ਇਸ ਅਭਿਆਨ ਦੇ ਬ੍ਰਾਂਡ ਐਮਬੈਸਡਰ ਵੱਜੋਂ ਸਮਾਜ ਵਿੱਚ ਜਾਗਰੂਕਤਾ ਫੈਲਾਉਣ ਦਾ ਕੰਮ ਕਰਨਗੇ।
ਉਨ੍ਹਾਂ ਨੇ ਕਿਹਾ ਕਿ ਇਹ ਦੌੜ 39 ਹਫ਼ਤਿਆਂ ਦੀ ਸਖ਼ਤ ਟ੍ਰੇਨਿੰਗ ਦਾ ਨਤੀਜਾ ਹੈ ਅਤੇ ਪੁਲਿਸਿੰਗ ਅਤੇ ਕਰਮਯੋਗ ਕੋਰਸ ਦੇ ਉਨ੍ਹਾਂ ਮੁੱਲਾਂ ਨੂੰ ਵਿਵਹਾਰ ਵਿੱਚ ਉਤਾਰਨ ਦੀ ਸ਼ੁਰੂਆਤ ਹੈ ਜੋ ਜਵਾਨਾਂ ਨੇ ਟ੍ਰੇਨਿੰਗ ਦੌਰਾਨ ਸਿੱਖਿਆ ਹੈ। ਇਸ ਦੌੜ ਵਿੱਚ ਪਿੰਡਾਂ ਤੋਂ 4252 ਜਵਾਨ ਅਤੇ ਸ਼ਹਿਰਾਂ ਤੋਂ ਆਏ 809 ਜਵਾਨ ਇੱਕ ਸਾਥ ਕਦਮਤਾਲ ਕਰ ਰਹੇ ਹਨ ਜੋ ਪੂਰੇ ਹਰਿਆਣਾ ਦੀ ਸਮਾਜਿਕ ਏਕਤਾ ਅਤੇ ਸਮਰਸਤਾ ਦਾ ਸਸ਼ਕਤ ਸੰਦੇਸ਼ ਦਿੰਦਾ ਹੈ।
ਮੁੱਖ ਮੰਤਰੀ ਨੇ ਦੱਸਿਆ ਕਿ ਇਸ ਬੈਚ ਦੀ ਇੱਕ ਹੋਰ ਵਰਣਯੋਗ ਵਿਸ਼ੇਸ਼ਤਾ ਇਹ ਹੈ ਕਿ ਲਗਭਗ 85 ਫੀਸਦੀ ਜਵਾਨ ਬੀ.ਏ ਅਤੇ ਐਮ. ਏ ਹਨ। ਇਨ੍ਹਾਂ ਵਿੱਚੋਂ 2390 ਜਵਾਨ 26 ਸਾਲ ਤੋਂ ਘੱਟ ਉਮਰ ਦੇ ਹਨ ਜੋ ਹਰਿਆਣਾ ਪੁਲਿਸ ਵਿੱਚ ਨਵੀਂ ਊਰਜਾ, ਆਧੁਨਿਕ ਨਜਰਿਆ ਅਤੇ ਕਾਰਜ ਕੁਸ਼ਲਤਾ ਦਾ ਸੰਚਾਰ ਕਰਨਗੇ।ਉਨ੍ਹਾਂ ਨੇ ਕਿਹਾ ਕਿ ਇਹ ਦੌੜ ਸਿਰਫ਼ ਇੱਕ ਸ਼ਾਰੀਰਿਕ ਗਤੀਵਿਧੀ ਨਹੀਂ ਸਗੋਂ ਯੋਗ, ਪੀ.ਟੀ. ਅਤੇ ਸਵੈ-ਰੱਖਿਆ ਜਿਹੀ ਟ੍ਰੇਨਿੰਗ ਪੋ੍ਰਗਰਾਮਾਂ ਨਾਲ ਵਿਕਸਿਤ ਆਤਮਬਲ ਅਤੇ ਅਨੁਸ਼ਾਸਨ ਦਾ ਨਤੀਜਾ ਹੈ।
ਵਰਨਯੋਗ ਹੈ ਕਿ ਇਨ੍ਹਾਂ ਜਵਾਨਾਂ ਨੇ 9 ਅਪ੍ਰੈਲ 2025 ਨੂੰ ਉਤਸਾਹ ਨਾਲ 1356 ਯੂਨਿਟ ਖੂਨਦਾਨ ਕਰ ਸਮਾਜਸੇਵਾ ਦਾ ਸ਼ਾਨਦਾਰ ਉਦਾਹਰਨ ਵੀ ਪੇਸ਼ ਕੀਤਾ।ਇਸ ਮੌਕੇ 'ਤੇ ਕਾਲਕਾ ਵਿਧਾਇਕ ਸ਼ਕਤੀ ਰਾਨੀ ਸ਼ਰਮਾ, ਸਾਬਕਾ ਵਿਧਾਨਸਭਾ ਸਪੀਕਰ ਗਿਆਨਚੰਦ ਗੁਪਤਾ, ਜ਼ਿਲ੍ਹਾ ਪ੍ਰਧਾਨ ਅਜੈ ਮਿੱਤਲ, ਪੁਲਿਸ ਡਾਇਰੈਕਟਰ ਓ.ਪੀ.ਸਿੰਘ, ਹਰਿਆਣਾ ਪੁਲਿਸ ਅਕਾਦਮੀ ਦੇ ਨਿਦੇਸ਼ਕ ਡਾ. ਅਰਸ਼ਿੰਦਰ ਸਿੰਘ ਚਾਵਲਾ, ਡਿਪਟੀ ਕਮੀਸ਼ਨਰ ਸਤਪਾਲ ਸ਼ਰਮਾ, ਪੁਲਿਸ ਇੰਸਪੈਕਟਰ ਪੰਕਜ ਨੈਨ, ਭਾਜਪਾ ਦੀ ਸੂਬਾ ਉਪ ਪ੍ਰਧਾਨ ਬੰਤੋ ਕਟਾਰਿਆ, ਓਮ ਪ੍ਰਕਾਸ਼ ਦੇਵੀਨਗਰ, ਦੀਪਕ ਸ਼ਰਮਾ ਸਮੇਤ ਹੋਰ ਮਾਣਯੋਗ ਵੀ ਮੌਜ਼ੂਦ ਸਨ।