ਹਰਿਆਣਾ ਦੇ ਮਾਲਿਆ ਅਤੇ ਸ਼ਹਿਰੀ ਮੰਤਰੀ ਵਿਪੁਲ ਗੋਇਲ ਨੇ ਰੇਵਾੜੀ ਵਿੱਚ ਜ਼ਿਲ੍ਹਾ ਸ਼ਿਕਾਇਤ ਨਿਵਾਰਣ ਕਮੇਟੀ ਦੀ ਮੀਟਿੰਗ ਦੌਰਾਨ 14 ਸ਼ਿਕਾਇਤਾਂ ਸੁਣਇਆ ਅਤੇ ਇਨ੍ਹਾਂ ਵਿੱਚੋਂ 11 ਮਾਮਲਿਆਂ ਦਾ ਮੌਕੇ 'ਤੇ ਹੀ ਨਿਪਟਾਰਾ ਕੀਤਾ। ਮੰਤਰੀ ਨੇ ਰੇਵਾੜੀ ਨਗਰ ਪਰਿਸ਼ਦ ਦੇ ਕਾਰਜਕਾਰੀ ਅਧਿਕਾਰੀ ਨੂੰ ਨਿਰਦੇਸ਼ ਦਿੱਤੇ ਗਏ ਕਿ ਸ਼ਹਿਰ ਵਿੱਚ ਪਰਿਸ਼ਦ ਦੀ ਜਮੀਨ ਦੀ ਨਿਸ਼ਾਨਦੇਈ ਕਰਾ ਕੇ ਉਨ੍ਹਾਂ ਦੀ ਚਾਰਦੀਵਾਰੀ ਲਈ ਜਲਦ ਟੇਂਡਰ ਪ੍ਰਕਿਰਿਆ ਸ਼ੁਰੂ ਕੀਤੀ ਜਾਵੇ।
ਮੀਟਿੰਗ ਵਿੱਚ ਇੱਕ ਸ਼ਿਕਾਇਤ ਕਰਤਾ ਨੇ ਦੱਸਿਆ ਕਿ ਨਯਾਗਾਂਵ ਦੌਲਤਪੁਰ ਸਥਿਤ ਨਗਰ ਪਰਿਸ਼ਦ ਦੀ ਜਮੀਨ 'ਤੇ ਕੁੱਝ ਲੋਕਾਂ ਵੱਲੋਂ ਗੈਰ-ਕਾਨੂੰਨੀ ਕਬਜਾ ਕੀਤਾ ਗਿਆ ਹੈ ਜਿਸ ਨੂੰ ਹੁਣ ਤੱਕ ਪੂਰੀ ਤਰਾਂ੍ਹ ਨਾਲ ਹਟਾਇਆ ਨਹੀਂ ਜਾ ਸਕਿਆ ਹੈ ਅਤੇ ਮਾਮਲਾ ਕਮੀਸ਼ਨਰ ਕੋਰਟ ਵਿੱਚ ਹੈ। ਇਸ 'ਤੇ ਮੰਤਰੀ ਨੇ ਕਿਹਾ ਕਿ ਨਗਰ ਪਰਿਸ਼ਦ ਵੱਲੋਂ ਕੋਰਟ ਵਿੱਚ ਪ੍ਰਭਾਵੀ ਪੈਰਵੀ ਲਈ ਇੱਕ ਅਧਿਕਾਰੀ ਨਿਯੁਕਤ ਕੀਤਾ ਜਾਵੇ ਅਤੇ ਈਓ ਨਗਰ ਪਰਿਸ਼ਦ ਸ਼ਹਿਰ ਵਿੱਚ ਪਰਿਸ਼ਦ ਜੀ ਸਾਰੀ ਜਮੀਨ ਨੂੰ ਨਿਸ਼ਾਨਦੇਈ ਕਰ ਉਨ੍ਹਾਂ ਦੀ ਚਾਰਦੀਵਾਰੀ ਯਕੀਨੀ ਕਰਨ।
ਜਿਨ੍ਹਾਂ ਜਮੀਨਾਂ 'ਤੇ ਫੈਸਲਾ ਹੋ ਚੁੱਕਾ ਹੈ ਉਨ੍ਹਾਂ ਦੀ ਚਾਰਦੀਵਾਰੀ ਲਈ ਸੱਤ ਦਿਨ ਦੇ ਅੰਦਰ ਟੇਂਡਰ ਲਗਾਇਆ ਜਾਵੇ। ਪੀਣ ਦੇ ਪਾਣੀ ਦੀ ਸਪਲਾਈ ਨਾਲ ਸਬੰਧਿਤ ਸ਼ਿਕਾਇਤ 'ਤੇ ਮੰਤਰੀ ਨੇ ਨਿਰਦੇਸ਼ ਦਿੱਤੇ ਕਿ ਜਦੋਂ ਤੱਕ ਹਰਿਆਣਾ ਸ਼ਹਿਰੀ ਵਿਕਾਸ ਅਥਾਰਿਟੀ ਵੱਲੋਂ ਕਲੋਨੀ ਵਿੱਚ ਪਾਣੀ ਦਾ ਸਥਾਈ ਪ੍ਰਬੰਧ ਨਹੀ ਹੋ ਜਾਂਦਾ ਤਦ ਤੱਕ ਬਿਲਡਰ ਨਿਵਾਸਿਆਂ ਨੂੰ ਸ਼ੁੱਧ ਪੀਣ ਦਾ ਪਾਣੀ ਮੁਹੱਈਆ ਕਰਵਾਉਣਾ ਯਕੀਨੀ ਕਰਨ।
ਜੇਕਰ ਪਾਣੀ ਵਿੱਚ ਟੀਡੀਐਸ ਦੀ ਮਾਤਰਾ ਵੱਧ ਪਾਈ ਗਈ ਤਾਂ ਬਿਲਡਰ ਵਿਰੁਧ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ। ਇੱਕ ਜਮੀਨ ਵੇਚਣ ਮਾਮਲੇ ਵਿੱਚ ਮੰਤਰੀ ਨੇ ਤੁਰੰਤ ਤਹਿਸੀਲਦਾਰ ਨੂੰ ਚਾਰਜਸ਼ੀਟ ਕਰਨ ਅਤੇ ਸੌਦਾ ਕਰਨ ਵਾਲੇ ਵਿਅਕਤੀ ਵਿਰੁਧ ਮੁਕਦਮਾ ਦਰਜ ਕਰਨ ਦੇ ਆਦੇਸ਼ ਦਿੱਤੇ।
ਪਿੰਡ ਬਾਲਧਨ ਖੁਰਦ ਦੇ ਨਿਵਾਸੀ ਨੇ ਸ਼ਿਕਾਇਤ ਕੀਤੀ ਕਿ ਉਨ੍ਹਾਂ ਦੇ ਖੇਤ ਨੇੜੇ ਸੱਤ ਅੱਠ ਫੁਟ ਤੱਕ ਅਵੈਧ ਮਿੱਟੀ ਦੀ ਖੁਦਾਈ ਕਰ ਲਈ ਗਈ ਹੈ। ਇਸ 'ਤੇ ਮੰਤਰੀ ਨੇ ਐਸਡੀਐਮ ਨੂੰ ਮਾਮਲੇ ਦੀ ਜਾਂਚ ਕਰਨ ਦੇ ਨਿਰਦੇਸ਼ ਦਿੱਤੇ। ਮੀਟਿੰਗ ਵਿੱਚ ਰੇਵਾੜੀ ਦੇ ਵਿਧਾਇਕ ਲਛਮਣ ਸਿੰਘ ਯਾਦਵ, ਡਿਪਟੀ ਕਮੀਸ਼ਨਰ ਅਭਿਸ਼ੇਕ ਮੀਣਾ, ਪੁਲਿਸ ਸੁਪਰਡੈਂਟ ਹੇਮੇਂਦਰ ਮੀਣਾ ਸਮੇਤ ਵੱਖ ਵੱਖ ਵਿਭਾਗਾਂ ਦੇ ਅਧਿਕਾਰੀ, ਸ਼ਿਕਾਇਤ ਨਿਵਾਰਣ ਕਮੇਟੀ ਦੇ ਮੈਂਬਰ ਅਤੇ ਮਾਣਯੋਗ ਨਾਗਰਿਕ ਮੌਜ਼ੂਦ ਰਹੇ।