ਹਰਿਆਣਾ ਦੀ ਸਿਹਤ ਮੰਤਰੀ ਆਰਤੀ ਸਿੰਘ ਰਾਓ ਨੇ ਫੇਰ ਦੋਹਰਾਇਆ ਕਿ ਸੂਬੇ ਦੇ ਨੌਜੁਆਨਾਂ ਨੂੰ ਨਸ਼ੇ ਦੇ ਦਲਦਲ ਵਿੱਚ ਧਕੇਲਣ ਵਾਲਿਆਂ ਵਿਰੁਧ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ। ਉਨ੍ਹਾਂ ਨੇ ਸੂਬੇ ਨੂੰ ਨਸ਼ਾ ਮੁਕਤ ਕਰਨ ਦੇ ਅਭਿਆਨ ਵਿੱਚ ਅਧਿਕਾਰਿਆਂ ਨੂੰ ਗੈਰ-ਕਾਨੂੰਨੀ ਨਸ਼ੀਲੀ ਦਵਾਵਾਂ ਵੇਚਣ ਵਾਲਿਆਂ ਵਿਰੁਧ ਅਭਿਆਨ ਵਿੱਚ ਤੇਜੀ ਲਿਆਉਣ ਦੇ ਨਿਰਦੇਸ਼ ਦਿੱਤੇ ਹਨ।
ਸਿਹਤ ਮੰਤਰੀ ਦੇ ਨਿਰਦੇਸ਼ਾਂ ਦੀ ਪਾਲਨਾ ਵਿੱਚ ਨਸ਼ਾ ਮੁਕਤ ਭਾਰਤ ਅਭਿਆਨ ਤਹਿਤ ਹਰਿਆਣਾ ਦੇ ਫੂਡ ਐਂਡ ਡ੍ਰਗਸ ਐਡਮਿਨੀਸਟੇ੍ਰਸ਼ਨ ਵੱਲੋਂ ਸਿਰਸਾ ਜ਼ਿਲ੍ਹਾ ਵਿੱਚ ਕਈ ਮੇਡੀਕਲ ਸਟੋਰਾਂ 'ਤੇ ਛਾਪੇ ਮਾਰੇ ਗਏ। ਇਸ ਦੌਰਾਨ ਨਿਯਮਾਂ ਦੀ ਉੁਲੰਘਣਾ ਮਿਲਣ 'ਤੇ 20 ਮੇਡੀਕਲ ਸਟੋਰ ਸੰਚਾਲਕਾ ਵਿਰੁਧ ਕਾਰਵਾਈ ਕੀਤੀ ਗਈ।
ਹਰਿਆਣਾ ਦੇ ਸਟੇਟ ਡ੍ਰਗ ਕੰਟੋ੍ਰਲਰ ਡਾ. ਲਲਿਤ ਗੋਇਲ ਨੇ ਦੱਸਿਆ ਕਿ ਫੂਡ ਐਂਡ ਡ੍ਰਗਸ ਐਡਮਿਨੀਸਟੇ੍ਰਸ਼ਨ ਦੇ ਕਮੀਸ਼ਨਰ ਸ੍ਰੀ ਮਨੋਜ ਕੁਮਾਰ ਦੇ ਨਿਰਦੇਸ਼ਾਂ ਅਨੁਸਾਰ ਸਿਰਸਾ ਜ਼ਿਲ੍ਹੇ ਵਿੱਚ ਅਚਾਨਕ ਛਾਪੇਮਾਰੀ ਕਰਨ ਲਈ ਸਿਰਸਾ ਜੋਨ ਦੇ ਸੀਨੀਅਰ ਡ੍ਰਗੋ ਕੰਟ੍ਰੋਲ ਅਫ਼ਸਰ ਦੀ ਨਿਗਰਾਨੀ ਵਿੱਚ 6 ਡ੍ਰਗਸ ਕੰਟ੍ਰੋਲ ਅਫ਼ਸਰ ਨੂੰ ਜਾਂਚ ਕਰਨ ਦੀ ਜਿੰਮੇਦਾਰੀ ਦਿੱਤੀ ਗਈ।
ਇਸ ਤੋਂ ਬਾਅਦ ਸਿਰਸਾ ਦੇ ਡਿਪਟੀ ਕਮੀਸ਼ਨਰ ਸ੍ਰੀ ਸ਼ਾਂਤਨੁ ਸ਼ਰਮਾ ਦੀ ਅਗਵਾਈ ਵਿੱਚ ਅਤੇ ਸਿਰਸਾ ਅਤੇ ਡਬਵਾਲੀ ਦੇ ਪੁਲਿਸ ਸੁਪਰਡੈਂਟ ਤੋਂ ਮਿਲੀ ਜਾਣਕਾਰੀ ਅਤੇ ਗੁਪਤ ਸੂਚਨਾ ਦੇ ਅਧਾਰ 'ਤੇ ਪਿੰਡ ਸਿੰਘਪੁਰਾ ਗੰਗਾ, ਅਬੂਬਸ਼ਹਿਰ, ਚੌਟਾਲਾ, ਸਕਤਾ ਖੇੜਾ, ਮਲਿਕਪੁਰਾ, ਬੂਢੀ ਮਾਰੀ, ਦਰਬੀ, ਭਾਵਦੀਨ ਨਾਲ ਨਾਲ ਸਿਰਸਾ ਸ਼ਹਿਰ ਵਿੱਚ ਛਾਪੇਮਾਰੀ ਕੀਤੀ ਗਈ। ਇਸ ਜਾਂਚ ਅਭਿਆਨ ਵਿੱਚ ਕੋਈ ਨਸ਼ੀਲੀ ਦਵਾਈ ਤਾਂ ਨਹੀ ਮਿਲੀ ਪਰ 20 ਮੇਡੀਕਲ ਸਟੋਰਾਂ ਵਿੱਚ ਕੁੱਝ ਛੋਟੇ-ਮੋਟੇ ਨਿਯਮਾਂ ਦੀ ਉਲੰਘਨਾ ਕੀਤੀ ਗਈ ਸੀ, ਉਨ੍ਹਾਂ ਵਿਰੁਧ ਰਿਪੋਰਟ ਤਿਆਰ ਕਰਕੇ ਉੱਚ ਅਧਿਕਾਰਿਆਂ ਨੂੰ ਭੇਜ ਦਿੱਤੀ ਗਈ ਹੈ, ਇਨ੍ਹਾਂ 'ਤੇ ਨਿਯਮ ਅਨੁਸਾਰ ਕਾਰਵਾਈ ਕੀਤੀ ਜਾ ਰਹੀ ਹੈ।
ਡਾ. ਲਲਿਤ ਗੋਇਲ ਨੇ ਦੱਸਿਆ ਕਿ ਨਸ਼ਾ ਮੁਕਤ ਭਾਰਤ ਅਭਿਆਨ ਤਹਿਤ ਹਰਿਆਣਾ ਦੇ ਫੂਡ ਐਂਡ ਡ੍ਰਗਸ ਐਡਮਿਨਿਸਟ੍ਰੇਸ਼ਨ ਵੱਲੋਂ ਗੈਰ-ਕਾਨੂੰਨੀ ਦਵਾਇਆਂ ਅਤੇ ਵੇਚਣ ਵਾਲਿਆਂ ਵਿਰੁਧ ਜਾਂਚ ਅਤੇ ਛਾਪੇਮਾਰੀ ਅਭਿਆਨ ਜਾਰੀ ਰਵੇਗਾ।