ਵਿਸ਼ਵਕਪ ਵਿਜੇਤਾ ਭਾਰਤੀ ਮਹਿਲਾ ਕ੍ਰਿਕੇਟ ਟੀਮ ਦੀ ਖਿਡਾਰੀ ਸ਼ੈਫ਼ਾਲੀ ਵਰਮਾ ਦਾ ਐਂਤਵਾਰ ਨੂੰ ਰੋਹਤਕ ਪਹੁੰਚਣ 'ਤੇ ਸ਼ਾਨਦਾਰ ਸੁਆਗਤ ਕੀਤਾ ਗਿਆ। ਹਰਿਆਣਾ ਸਰਕਾਰ ਵੱਲੋਂ ਸਮਾਜਿਕ ਨਿਆਂ ਅਤੇ ਅਧਿਕਾਰਤਾ ਮੰਤਰੀ ਸ੍ਰੀ ਕ੍ਰਿਸ਼ਣ ਕੁਮਾਰ ਬੇਦੀ, ਸਾਬਕਾ ਮੰਤਰੀ ਮਨੀਸ਼ ਕੁਮਾਰ ਗ੍ਰੋਵਰ, ਡਿਪਟੀ ਕਮੀਸ਼ਨਰ ਸਚਿਨ ਗੁਪਤਾ, ਭਾਜਪਾ ਦੇ ਸੂਬਾ ਉਪ-ਪ੍ਰਧਾਨ ਸਤੀਸ਼ ਨਾਂਦਲ, ਜ਼ਿਲ੍ਹਾ ਪ੍ਰਧਾਨ ਰਣਬੀਰ ਢਾਕਾ, ਮਹਾਪੌਰ ਰਾਮ ਅਵਤਾਰ ਵਾਲਮੀਕਿ, ਸਾਬਕਾ ਮਹਾਪੌਰ ਮਨਮੋਹਨ ਗੋਇਲ ਅਤੇ ਸਬ-ਡਿਵਿਜ਼ਨਲ ਆਸ਼ੀਸ਼ ਕੁਮਾਰ, ਸਾਂਪਲਾ ਕਮੇਟੀ ਦੇ ਚੇਅਰਮੈਨ ਉਦਯਭਾਨ ਮਲਿਕ ਸਮੇਤ ਸਮਾਜ ਦੇ ਮੰਨ੍ਹੇ-ਪਰਮੰਨ੍ਹੇ ਵਿਅਕਤੀਆਂ ਨੇ ਸ਼ੈਫ਼ਾਲੀ ਵਰਮਾ ਦਾ ਫੁੱਲ-ਮਾਲਾਵਾਂ ਨਾਲ ਸ਼ਾਨਦਾਰ ਸੁਆਗਤ ਕੀਤਾ।
ਹਰਿਆਣਾ ਦੇ ਸਮਾਜਿਕ ਨਿਆਂ ਅਤੇ ਅਧਿਕਾਰਤਾ ਮੰਤਰੀ ਸ੍ਰੀ ਕ੍ਰਿਸ਼ਣ ਕੁਮਾਰ ਬੇਦੀ ਨੇ ਸਥਾਨਕ ਸਰਕਿਟ ਹਾਉਸ ਵਿੱਚ ਕ੍ਰਿਕੇਟ ਖਿਡਾਰੀ ਸ਼ੈਫ਼ਾਲੀ ਵਰਮਾ ਅਤੇ ਪਰਿਵਾਰ ਦਾ ਸਰਕਾਰ ਵੱਲੋਂ ਮਾਨ-ਸਨਮਾਨ ਦਾ ਪ੍ਰਤੀਕ ਪਗੜੀ ਅਤੇ ਸ਼ਾਲ ਭੇਂਟ ਕਰ ਅਭਿਨੰਦਨ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਸੂਬਾ ਸਰਕਾਰ ਵੱਲੋਂ ਕ੍ਰਿਕੇਟ ਖਿਡਾਰੀ ਸ਼ੈਫ਼ਾਲੀ ਵਰਮਾ ਦਾ ਪੂਰਾ ਮਾਨ-ਸਨਮਾਨ ਕੀਤਾ ਜਾਵੇਗਾ ਅਤੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ 12 ਨਵੰਬਰ ਨੂੰ ਸ਼ੈਫ਼ਾਲੀ ਵਰਮਾ ਨਾਲ ਮਿਲਣਗੇ। ਸ਼ੈਫ਼ਾਲੀ ਵਰਮਾ ਦੇ ਪਰਿਜਨ ਦਾਦਾ ਸੰਤਲਾਲ, ਪਿਤਾ ਸੰਜੀਵ ਵਰਮਾ, ਚਾਚਾ ਬਿੰਦਰ, ਭਾਈ ਸਾਹਿਲ ਵੀ ਮੌਜ਼ੂਦ ਰਹੇ।
ਸ਼ੈਫ਼ਾਲੀ ਵਰਮਾ ਨੇ ਦੇਸ਼ ਅਤੇ ਸੂਬੇ ਦਾ ਨਾਮ ਕੀਤਾ ਰੋਸ਼ਨ
ਮੰਤਰੀ ਸ੍ਰੀ ਬੇਦੀ ਨੇ ਕਿਹਾ ਕਿ ਭਾਰਤੀ ਮਹਿਲਾ ਕ੍ਰਿਕੇਟ ਟੀਮ ਵੱਲੋਂ ਵਿਸ਼ਵਕਪ ਜਿੱਤ ਕੇ ਤਿਰੰਗੇ ਨਾਲ ਨਾਲ ਦੇਸ਼ ਦਾ ਨਾਮ ਵੀ ਰੋਸ਼ਨ ਕੀਤਾ ਹੈ। ਸਾਰੇ ਕੌਮਾਂਤਰੀ ਕੰਪੀਟਿਸ਼ਨਾਂ ਵਿੱਚ ਸਭ ਤੋਂ ਵੱਧ ਤਗਮੇ ਪ੍ਰਾਪਤ ਕਰਨ ਵਾਲਿਆਂ ਵਿੱਚ ਹਮੇਸ਼ਾ ਹਰਿਆਣਾ ਦੇ ਖਿਡਾਰੀ ਅੱਗੇ ਰਹਿੰਦੇ ਹਨ।
ਉਨ੍ਹਾਂ ਨੇ ਕਿਹਾ ਕਿ ਕ੍ਰਿਕੇਟ ਖਿਡਾਰੀ ਸ਼ੈਫ਼ਾਲੀ ਵਰਮਾ ਨੇ ਵਿਸ਼ਵਕਪ ਦੇ ਮੁਕਾਬਲਾਂ ਦੌਰਾਨ ਸਭ ਤੋਂ ਵੱਧ ਪ੍ਰਦਰਸ਼ਨ ਕਰ ਦੇਸ਼ ਅਤੇ ਸੂਬੇ ਲਈ ਮਾਣ ਦਾ ਕੰਮ ਕੀਤਾ ਹੈ। ਉਨ੍ਹਾਂ ਨੇ ਪਰਿਜਨਾਂ ਦੀ ਸਲਾਂਘਾ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਨੇ ਸ਼ੈਫ਼ਾਲੀ ਵਰਮਾ ਨਾਲ ਖੜੇ ਰਹਿ ਕੇ ਉਨ੍ਹਾਂ ਨੂੰ ਹੌਂਸਲਾ ਦਿੱਤਾ ਜਿਸ ਦੇ ਨਤੀਜੇ ਵੱਜੋਂ ਅੱਜ ਉਹ ਵਿਸ਼ਵਕਪ ਵਿੱਚ ਮਿਲੀ ਜਿੱਤ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾ ਪਾਈ ਹਨ।
ਮੌਜ਼ੂਦਾ ਸਰਕਾਰ ਖਿਡਾਰਿਆਂ ਨੂੰ ਦੇ ਰਹੀ ਬੇਹਤਰ ਸਹੂਲਤਾਂ
ਸ੍ਰੀ ਬੇਦੀ ਨੇ ਕਿਹਾ ਕਿ ਮੌਜ਼ੂਦਾ ਸਰਕਾਰ ਵੱਲੋਂ ਕੌਮਾਂਤਰੀ ਕੰਪੀਟਿਸ਼ਨਾਂ ਵਿੱਚ ਹਿੱਸਾ ਲੈਣ ਵਾਲੇ ਖਿਡਾਰਿਆਂ ਨੂੰ ਵੀ ਨਕਦ ਰਕਮ ਦਿੱਤੀ ਜਾਂਦੀ ਹੈ। ਸਰਕਾਰ ਵੱਲੋਂ ਸੂਬੇ ਵਿੱਚ ਗ੍ਰਾਮੀਣ ਅਤੇ ਸ਼ਹਿਰੀ ਖੇਤਰਾਂ ਵਿੱਚ ਬੇਹਤਰ ਖੇਡ ਸਹੂਲਤਾਂ ਮੁਹੱਈਆ ਕਰਵਾਈ ਜਾ ਰਹੀਆਂ ਹਨ ਅਤੇ ਕੌਮਾਂਤਰੀ ਕੰਪੀਟਿਸ਼ਨਾਂ ਵਿੱਚ ਤਗਮੇ ਜਿੱਤਣ ਵਾਲੇ ਖਿਡਾਰਿਆਂ ਦਾ ਖੇਡ ਨੀਤੀ ਅਨੁਸਾਰ ਨਕਦ ਇਨਾਮ ਅਤੇ ਰੁਜਗਾਰ ਦੇ ਕੇ ਉਨ੍ਹਾਂ ਦੇ ਭਵਿੱਖ ਨੂੰ ਸੁਰੱਖਿਅਤ ਕਰ ਰਹੀ ਹੈ।
ਸ਼ੈਫ਼ਾਲੀ ਵਰਮਾ ਨੇ ਜਿੱਤ ਦਾ ਸੇਹਰਾ ਦਿੱਤਾ ਪਰਿਜਨਾਂ ਨੂੰ
ਕ੍ਰਿਕੇਟ ਖਿਡਾਰੀ ਸ਼ੈਫ਼ਾਲੀ ਵਰਮਾ ਨੇ ਵਿਸ਼ਵਕਪ ਵਿੱਚ ਪ੍ਰਾਪਤ ਜਿੱਤ ਦਾ ਸੇਹਰਾ ਪਰਿਜਨਾਂ ਨੂੰ ਦਿੰਦੇ ਹੋਏ ਕਿਹਾ ਕਿ ਉਨ੍ਹਾਂ ਦੇ ਮਾਂ-ਪਿਓ ਦਾ ਆਸ਼ੀਰਵਾਦ ਹਮੇਸ਼ਾ ਉਨਾਂ੍ਹ ਨਾਲ ਰਿਹਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਵਿਸ਼ਵਕਪ ਮੈਚਾਂ ਵਿੱਚ ਰਣਨੀਤੀ ਤਹਿਤ ਬੱਲੇਬਾਜੀ ਅਤੇ ਗੇਂਦਬਾਜੀ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਸਚਿਨ ਤੇਂਦੁਲਕਰ ਤੋਂ ਮਿਲਣ ਤੋਂ ਬਾਅਦ ਉਨ੍ਹਾਂ ਦੇ ਹੌਂਸਲੇ ਹੋਰ ਬੁਲੰਦ ਹੋਏ ਅਤੇ ਉਨ੍ਹਾਂ ਵਿੱਚ ਜਿੱਤ ਦੇ ਜੋਸ਼ ਦਾ ਸੰਚਾਰ ਹੋਇਆ।
ਉਨ੍ਹਾਂ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨੇ ਟੀਮ ਦੀ ਖਿਡਾਰਿਆਂ ਨਾਲ ਆਪਣੇ ਬਿਜ਼ੀ ਸਮੇ ਵਿੱਚੋਂ ਦੋ ਘੰਟੇ ਦਾ ਸਮਾਂ ਕੱਡੀਆ ਅਤੇ ਖਿਡਾਰਿਆਂ ਦੀ ਇਸ ਸ਼ਾਨਦਾਰ ਉਪਲਬਧੀ 'ਤੇ ਵਧਾਈ ਅਤੇ ਸ਼ੁਭਕਾਮਨਾਵਾਂ ਦਿੱਤੀ।
ਕ੍ਰਿਕੇਟ ਖਿਡਾਰੀ ਸ਼ੈਫ਼ਾਲੀ ਵਰਮਾ ਖੁਲੀ ਜੀਪ ਵਿੱਚ ਸਵਾਰ ਹੋ ਕੇ ਸ਼ਹਿਰ ਤੋਂ ਹੁੰਦੀ ਹੋਈ ਪਹੁੰਚੀ ਘਰ
ਇਸ ਤੋਂ ਬਾਅਦ ਕ੍ਰਿਕੇਟ ਖਿਡਾਰੀ ਸ਼ੈਫ਼ਾਲੀ ਵਰਮਾ ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ ਮੁਹੱਈਆ ਕਰਵਾਈ ਗਈ ਖੁਲੀ ਜੀਪ ਵਿੱਚ ਸਵਾਰ ਹੋ ਕੇ ਸ਼ਹਿਰ ਤੋਂ ਗੁਜਰਦੇ ਹੋਏ ਘਰ ਪਹੁੰਚੀ। ਮੰਤਰੀ ਕ੍ਰਿਸ਼ਣ ਕੁਮਾਰ ਬੇਦੀ, ਸਾਬਕਾ ਮੰਤਰੀ ਮਨੀਸ਼ ਕੁਮਾਰ ਗ੍ਰੋਵਰ, ਡਿਪਟੀ ਕਮੀਸ਼ਨਰ ਸਚਿਨ ਗੁਪਤਾ, ਖਿਡਾਰੀ ਦੇ ਦਾਦਾ ਸੰਤਲਾਲ ਅਤੇ ਭਾਈ ਸਾਹਿਲ ਵੀ ਖਿਡਾਰੀ ਨਾਲ ਖੁਲੀ ਜੀਪ ਵਿੱਚ ਸਵਾਰ ਹੋਕੇ ਨਾਗਰਿਕ ਅਭਿਨੰਦਨ ਵਿੱਚ ਸ਼ਾਮਲ ਹੋਏ।