ਹਰਿਆਣਾ ਦੇ ਸਿਹਤ ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਸ੍ਰੀ ਸੁਧੀਰ ਰਾਜਪਾਲ ਨੇ ਆਯੂਸ਼ ਵਿਭਾਗ ਦੇ ਡਾਕਟਰਾਂ ਨੂੰ ਵੀ ਨਿਰਦੇਸ਼ ਦਿੱਤੇ ਕਿ ਉਹ ਅਵੈਧ ਰੂਪ ਨਾਲ ਵਿਕਣ ਵਾਲੇ ਐਮਟੀਪੀ (ਮੈਡੀਕਲ ਟਰਮੀਨੇਸ਼ਨ ਆਫ ਪ੍ਰੈਗਨੈਂਸੀ) ਕਿੱਟ ਦੇ ਮਾਮਲੇ ਵਿੱਚ ਨਜ਼ਰ ਰੱਖਣ। ਉਹ ਅੱਜ ਇੱਥੇ ਲਿੰਗਨੁਪਾਤ ਵਿੱਚ ਸੁਧਾ ਨਾਲ ਸਬੰਧਿਤ ਸਟੇਟ ਟਾਸਕ ਫੋਰਸ ਦੀ ਹਫਤਾਵਾਰ ਮੀਟਿੰਗ ਦੀ ਅਗਵਾਈ ਕਰ ਰਹੇ ਸਨ।
ਮੀਟਿੰਗ ਵਿੱਚ ਜਾਣਕਾਰੀ ਦਿੱਤੀ ਗਈ ਕਿ ਪਿਛਲੇ ਸਾਲ 31 ਅਗਸਤ ਨੂੰ ਜਿੱਥੇ ਲਿੰਗਨੁਪਾਤ 901 ਸੀ, ਉੱਥੇ ਇਸ ਸਾਲ 31 ਅਗਸਤ 2025 ਨੂੰ ਲਿੰਗਨੁਪਾਤ 907 ਰਿਹਾ ਹੈ।ਸ੍ਰੀ ਸੁਧੀਰ ਰਾਜਪਾਲ ਨੇ ਆਯੂਸ਼ ਡਾਕਟਰਾਂ ਨੂੰ ਇਹ ਵੀ ਨਿਰਦੇਸ਼ ਦਿੱਤੇ ਕਿ ਉਹ ਆਪਣੇ ਨੇੜੇ ਦੇ ਚਾਰ-ਚਾਰ ਪਿੰਡਾਂ ਵਿੱਚ ਧਿਆਨ ਰੱਖਣ ਕਿ 12 ਹਫਤੇ ਤੋਂ ਵੱਧ ਸਮੇਂ ਦੇ ਗਰਭ ਵਾਲੀ ਕੋਈ ਜਣੇਪਾ ਮਹਿਲਾ ਅਵੈਧ ਰੂਪ ਨਾਲ ਗਰਭਪਾਤ ਨਾ ਕਰਵਾ ਲੈਣ।
ਵਧੀਕ ਮੁੱਖ ਸਕੱਤਰ ਨੇ ਪਿਛਲੇ ਹਫਤੇ ਵਿੱਚ ਲੋੜੀਂਦੇ ਲਿੰਗਨੁਪਾਤ ਸੁਧਾਰ ਨਾ ਕਰਨ ਵਾਲੇ ਜਿਲ੍ਹਿਆਂ ਅੰਬਾਲਾ, ਭਿਵਾਨੀ, ਚਰਖੀ ਦਾਦਰੀ, ਕਰਨਾਲ, ਸਿਰਸਾ ਅਤੇ ਪਲਵਲ ਦੇ ਮੁੱਖ ਮੈਡੀਕਲ ਅਧਿਕਾਰੀਆਂ ਤੋਂ ਜਵਾਬ ਤਲਬ ਕਰਨ ਲਈ ਜਲਦੀ ਹੀ ਇੱਕ ਮੀਟਿੰਗ ਬੁਲਾਉਣ ਦੇ ਨਿਰਦੇਸ਼ ਵੀ ਦਿੱਤੇ। ਉਨ੍ਹਾਂ ਨੇ ਅਧਿਕਾਰੀਆਂ ਨੂੰ ਕਿਹਾ ਕਿ ਐਮਟੀਪੀ ਕਿੱਟ ਵੇਚਣ ਵਾਲੇ ਹੋਲਸੇਲਰਸ ਅਤੇ ਐਮਟੀਪੀ ਸੈਂਟਰਾਂ ਦੀ ਮਾਨੀਟਰਿੰਗ ਕੀਤੀ ਜਾਵੇ।
ਇੰਪੈਕਸ਼ਨ ਦੌਰਾਨ ਜੇਕਰ ਇਹ ਪਾਇਆ ਜਾਦਾਂ ਹੈ ਕਿ ਜਿਸ ਭਰੂਣ ਦਾ ਗਰਭਪਾਤ ਕੀਤਾ ਗਿਆ ਹੈ ਉਹ ਭਰੂਣ ਕੁੜੀ ਦਾ ਸੀ ਤਾਂ ਉਸ ਗਰਭਪਾਤ ਨਾਲ ਸਬੰਧਿਤ ਅਲਟਰਾਸਾਊਂਡ ਦੀ ਜਾਂਚ ਕੀਤੀ ਜਾਵੇ। ਇਸ ਮਾਮਲੇ ਵਿੱਚ ਕੋਈ ਗੜਬੜੀ ਪਾਈ ਜਾਂਦੀ ਹੈ ਤਾਂ ਪੁਲਿਸ ਵਿੱਚ ਸ਼ਿਕਾਇਤ ਦਰਜ ਕਰਵਾਉਣ। ਸ੍ਰੀ ਸੁਧੀਰ ਰਾਜਪਾਲ ਨੂੰ ਇਹ ਵੀ ਜਾਣੂ ਕਰਵਾਇਆ ਗਿਆ ਕਿ ਆਪਣਾ ਕੰਮ ਜਿਮੇਵਾਰੀ ਲਾਲ ਨਾ ਕਰਨ ਦੇ ਕਾਰਨ ਦੋ ਆਸ਼ਾ ਵਰਕਰਾਂ ਨੂੰ ਨੋਕਰੀ ਤੋਂ ਹਟਾਇਆ ਗਿਆ ਹੈ।
ਇੰਨ੍ਹਾਂ ਵਿੱਚ ਸੋਨੀਪਤ ਦੀ ਇੱਕ ਆਸ਼ਾ ਵਰਕਰ ਦਾ ਪਤੀ ਦਿੱਲੀ ਤੋਂ ਐਮਟੀਪੀ ਕਿੱਟ ਲਿਆ ਕੇ ਸੋਨੀਪਤ ਜਿਲ੍ਹਾ ਵਿੱਚ ਅਵੈਧ ਰੂਪ ਨਾਲ ਵੇਚਦਾ ਸੀ, ਸ਼ਿਕਾਇਤ ਮਿਲਣ 'ਤੇ ਦੋਨਾਂ ਦੇ ਖਿਲਾਫ ਕੇਸ ਦਰਜ ਕਰਵਾਇਆ ਗਿਆ, ਜਿਸ 'ਤੇ ਪੁਲਿਸ ਨੇ ਉਨ੍ਹਾਂ ਨੂੰ ਗਿਰਫਤਾਰ ਵੀ ਕਰ ਲਿਆ। ਇਸੀ ਤਰ੍ਹਾ, ਪੰਚਕੂਲਾ ਵਿੱਚ ਪਹਿਲਾਂ ਤੋਂ ਤਿੰਨ ਕੁੜੀਆਂ ਦੀ ਮਾਂ ਜਣੇਪਾ ਮਹਿਲਾ ਦੀ ਮੌਤ ਹੋ ਗਈ ਅਤੇ ਆਸ਼ਾ ਵਰਕਰ ਵੱਲੋਂ ਉਸ ਜਣੇਪਾ ਮਹਿਲਾ ਦੀ ਸਹੀ ਨਾਲ ਨਿਗਰਾਨੀ ਨਾ ਕਰਨ ਦੇ ਕਾਰਨ ਉਸ ਨੂੰ ਵੀ ਨੌਕਰੀ ਤੋਂ ਹਟਾ ਦਿੱਤਾ ਗਿਆ ਹੈ।
ਮੀਟਿੰਗ ਵਿੱਚ ਇਹ ਵੀ ਜਾਣਕਾਰੀ ਦਿੱਤੀ ਗਈ ਕਿ ਜੀਂਦ ਜਿਲ੍ਹਾ ਵਿੱਚ 12 ਹਫਤੇ ਤੋਂ ਵੱਧ ਸਮੇਂ ਦੀ ਇੱਕ ਜਣੇਪਾ ਮਹਿਲਾ ਨੇ ਐਮਟੀਪੀ ਕਿੱਟ ਖਾਲੀ ਜਿਸ ਦੇ ਕਾਰਨ ਉਸ ਦਾ ਬਹੁਤ ਵੱਧ ਖੂਨ ਵਹਿ ਰਿਹਾ ਸੀ, ਉਸ ਮਹਿਲਾ ਦੀ ਨਾਜੁਕ ਹਾਲਤ ਨੂੰ ਦੇਖਦੇ ਹੋਏ ਡਾਕਟਰਾਂ ਨੂੰ ਮਹਿਲਾ ਦੀ ਬੱਚੇਦਾਨੀ ਕੱਢਣੀ ਪਈ, ਭਵਿੱਖ ਵਿੱਚ ਉਹ ਅਗਲੇ ਬੱਚੇ ਨੂੰ ਕਦੀ ਵੀ ਜਨਮ ਨਹੀਂ ਦੇ ਸਕੇਗੀ। ਸਿਹਤ ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਸ੍ਰੀ ਸੁਧੀਰ ਰਾਜਪਾਲ ਨੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਉਹ ਐਮਟੀਪੀ ਕਿੱਟ ਖਰੀਦਣ ਵਾਲੇ ਲੋਕਾਂ 'ਤੇ ਨਜਰ ਰੱਖਣ।
ਮੁੰਡੇ ਦੀ ਚਾਹ ਰੱਖਣ ਵਾਲੀ ਜਣੇਪਾ ਮਹਿਲਾਵਾਂ ਜਿੱਥੇ ਗਰਭ ਵਿੱਚ ਕੰਨਿਆ ਭਰੂਣ ਹਤਿਆ ਕਰ ਪਾਪ ਦੀ ਭਾਗੀਦਾਰ ਬਣ ਰਹੀ ਹੈ, ਉੱਥੇ ਡਾਕਟਰਾਂ ਦੀ ਸਲਾਹ ਦੇ ਬਿਨ੍ਹਾਂ ਐਮਟੀਪੀ ਕਿੱਟ ਖਾ ਕੇ ਉਹ ਆਪਣੀ ਜਾਨ ਨੂੰ ਵੀ ਜੋਖਿਮ ਵਿੱਚ ਪਾ ਰਹੀ ਹੈ।ਇਸ ਮੋਕੇ 'ਤੇ ਮਹਿਲਾ ਅਤੇ ਬਾਲ ਵਿਕਾਸ ਵਿਭਾਗ ਦੀ ਨਿਦੇਸ਼ਕ ਮੋਨਿਕਾ ਮਲਿਕ ਤੋਂ ਇਲਾਵਾ ਡਾ. ਕੁਲਦੀਪ ਸਿੰਘ ਅਤੇ ਟਾਸਕ ਫੋਰਸ ਦੇ ਹੋਰ ਮੈਂਬਰ ਮੌਜੂਦ ਸਨ।