ਹਰਿਆਣਾ ਦੇ ਲੋਕਨਿਰਮਾਣ ਮੰਤਰੀ ਰਣਬੀਰ ਗੰਗਵਾ ਨੇ ਕਿਹਾ ਕਿ ਸੂਬੇ ਦੀ ਤਮਾਮ ਸੜਕਾਂ ਦੇ ਮਜਬੂਤੀਕਰਣ ਲਈ ਲਗਾਤਾਰ ਸਰਕਾਰ ਕੰਮ ਕਰ ਰਹੀ ਹੈ। ਹਾਲ ਹੀ ਵਿੱਚ 15 ਹਜਾਰ ਕਿਲੋਮੀਟਰ ਸੜਕਾਂ ਦੇ ਪੈਚਵਰਕ ਦਾ ਕੰਮ ਕੀਤਾ ਗਿਆ ਹੈ।ਕੈਬੀਨੇਟ ਮੰਤਰੀ ਸ੍ਰੀ ਰਣਬੀਰ ਗੰਗਵਾ ਵਿਧਾਇਕ ਸ੍ਰੀ ਰਾਮਕੁਮਾਰ ਗੌਤਮ ਵੱਲੋਂ ਜੀਂਦ ਤੋਂ ਪਾਣੀਪਤ ਤੱਕ ਸੜਕ ਨਿਰਮਾਣ ਦੇ ਸਬੰਧ ਵਿੱਚ ਪੁੱਛੇ ਗਏ ਸੁਆਲ ਦਾ ਜਵਾਬ ਦੇ ਰਹੇ ਸਨ।
ਉਨ੍ਹਾਂ ਨੇ ਕਿਹਾ ਕਿ ਇਸ ਸੜਕ ਦੇ ਚੌੜਾਕਰਣ ਅਤੇ ਮਜਬੂਤੀਕਰਣ ਦਾ ਕੰਮ ਸੀਆਰਆਈਐਫ ਯੋਜਨਾ ਤਹਿਤ ਮੰਜੂਰ ਕੀਤਾ ਗਿਆ ਹੈ। ਟੈਂਡਰ ਮੰਗੇ ਜਾ ਚੁੱਕੇ ਹਨ ਅਤੇ ਕੰਮ ਦਸੰਬਰ, 2025 ਤੱਕ ਸ਼ੁਰੂ ਹੋਣ ਅਤੇ ਜੂਨ, 2027 ਤੱਕ ਪੂਰਾ ਹੋਣ ਦੀ ਸੰਭਾਵਨਾ ਹੈ। ਸ੍ਰੀ ਗੰਗਵਾ ਨੇ ਜੀਂ ਤੋਂ ਹਾਂਸੀ ਦੇ 7 ਮੀਟਰ ਦੇ ਰੋਡ ਨੂੰ ਜਲਦੀ ਚੌੜਾ ਕਰਨ ਦਾ ਵੀ ਭਰੋਸਾ ਦਿੱਤਾ। ਨਾਲ ਹੀ ਉਨ੍ਹਾਂ ਨੇ ਨਾਰਨੌਂਦ ਬਾਈਪਾਸ ਵਾਲੀ ਸੜਕ ਨੂੰ ਲੈ ਕੇ ਕਿਹਾ ਕਿ ਈ-ਭੂਮੀ ਪੋਰਟਲ 'ਤੇ ਇਸ ਦੇ ਲਈ ਜਮੀਨ ਮੰਗੀ ਹੋਈ ਹੈ।