ਹਰਿਆਣਾ ਦੇ ਸੂਚਨਾ, ਜਨਸੰਪਰਕ ਅਤੇ ਭਾਸ਼ਾ ਵਿਭਾਗ ਦੇ ਕਮਿਸ਼ਨਰ ਅਤੇ ਸਕੱਤਰ ਡਾ. ਅਮਿਤ ਅਗਰਵਾਲ ਨੇ ਕਿਹਾ ਕਿ ਆਮਰਪਾਲੀ ਮੁਹਿੰਮ ਸਮਾਜ ਨੂੰ ਵਾਤਾਵਰਣ ਅਤੇ ਰਿਵਾਇਤ ਨਾਲ ਜੋੜਦਾ ਹੈ ਜਿਸ ਨਾਲ ਸਾਡੇ ਸੰਸਕਾਰਾਂ ਦੀ ਨੀਂਹ ਮਜਬੂਤ ਹੁੰਦੀ ਹੈ। ਡਾ. ਅਗਰਵਾਲ ਅੱਜ ਇੱਥੇ ਆਮਰਪਾਲੀ ਸਮਾਰਿਕਾ ਦੇ ਵਿਮੋਚਨ ਸਮਾਰੋਹ ਮੌਕੇ 'ਤੇ ਬਤੌਰ ਮੁੱਖ ਮਹਿਮਾਨ ਸੰਬੋਧਿਤ ਕਰ ਰਹੇ ਹਨ।
ਇਸ ਤੋਂ ਪਹਿਲਾਂ, ਸੂਚਨਾ, ਜਨਸੰਪਰਕ ਅਤੇ ਭਾਸ਼ਾ ਵਿਭਾਗ ਦੇ ਕਮਿਸ਼ਨਰ ਅਤੇ ਸਕੱਤਰ ਡਾ. ਅਮਿਤ ਅਗਰਵਾਲ ਅਤੇ ਵਧੀਕ ਨਿਦੇਸ਼ਕ ਸ੍ਰੀਮਤੀ ਵਰਸ਼ਾ ਖੰਗਵਾਲ ਨੇ ਆਮਰਪਾਲੀ ਸਮਾਰਿਕਾ ਦਾ ਵਿਮੋਚਨ ਕੀਤਾ। ਸਮਾਰਿਕਾ ਦਾ ਪ੍ਰਕਾਸ਼ਨ ਮਹਾਰਾਣੀ ਲੱਛਮੀਬਾਈ ਕਾਲਜ, ਭਿਵਾਨੀ ਰੋਹਿੱਲਾ, ਹਿਸਾਰ ਵੱਲੋਂ ਕੀਤਾ ਗਿਆ ਹੈ।
ਡਾ. ਅਮਿਤ ਅਗਰਵਾਲ ਨੇ ਕਾਲਜ ਦੀ ਪ੍ਰਿੰਸੀਪਲ ਡਾ. ਸ਼ਮੀਮ ਸ਼ਰਮਾ ਦੇ ਯਤਨਾਂ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਨੇ ਜੋ ਆਮਰਪਾਲੀ ਯਾਨੀ ਅੰਬ ਓਗਾਓ, ਆਮਦਨੀ ਵਧਾਓ ਵਾਤਾਵਰਣ ਬਚਾਓ ਮੁਹਿੰਮ ਸ਼ੁਰੂ ਕੀਤੀ ਹੈ ਉਹ ਜਿੱਥੇ ਸਾਡੇ ਵਾਤਾਵਰਣ ਨੂੰ ਸੰਤੁਲਿਤ ਕਰਨ ਵਿੱਚ ਮਦਦਗਾਰ ਸਾਬਤ ਹੋਵੇਗਾ ਉੱਥੇ ਹੀ ਕਿਸਾਨਾਂ ਨੂੰ ਆਰਥਕ ਰੂਪ ਨਾਲ ਖੁਸ਼ਹਾਲ ਕਰਨ ਵਿੱਚ ਵੀ ਸਹਾਇਕ ਹੋਵੇਗਾ।
ਉਨ੍ਹਾਂ ਨੇ ਗ੍ਰਾਮੀਣ ਆਂਚਲ ਵਿੱਚ ਮਹਾਰਾਣੀ ਲੱਛਮੀਬਾਈ ਕਾਲਜ ਸ਼ੁਰੂ ਕਰਨ ਦੇ ਕਦਮ ਦੀ ਪ੍ਰਸੰਸਾਂ ਕਰਦੇ ਹੋਏ ਕਿਹਾ ਕਿ ਇਸ ਨਾਲ ਪਿੰਡ ਦੀ ਕੁੜੀਆਂ ਨੂੰ ਉਨ੍ਹਾਂ ਦੇ ਘਰ ਦੇ ਕੋਲ ਸਿਖਿਆ ਲੈਣ ਵਿੱਚ ਆਸਾਨੀ ਹੋਵੇਗੀ। ਉਨ੍ਹਾਂ ਨੇ ਕਿਹਾ ਕਿ ਸੂਬਾ ਸਰਕਾਰ ਵੀ ਕੁੜੀਆਂ ਦੀ ਸਿਖਿਆ ਲਈ ਗੰਭੀਰ ਹੈ ਅਤੇ ਹਰੇਕ 20 ਕਿਲੋਮੀਟਰ ਦੀ ਦੂਰੀ 'ਤੇ ਕੰਨਿਆ ਕਾਲਜ ਖੋਲ ਰਹੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਅੱਜ ਹਰਿਆਣਾ ਦੀ ਕੁੜੀਆਂ ਕਿਸੇ ਵੀ ਖੇਤਰ ਵਿੱਚ ਪਿੱਛੇ ਨਹੀਂ ਹਨ, ਚਾਹੇ ਖੇਡ ਹੋਵੇ ਜਾਂ ਪੜਾਈ ਜਾਂ ਫਿਰ ਹੋਰ ਖੇਤਰ ਵਿੱਚ, ਅੱਜ ਉਹ ਹਰ ਥਾਂ ਆਪਣੀ ਪ੍ਰਤਿਭਾ ਦੇ ਝੰਡੇ ਗੱਡ ਰਹੀਆਂ ਹਨ।
ਸੂਚਨਾ, ਜਨਸੰਪਰਕ ਅਤੇ ਭਾਸ਼ਾ ਵਿਭਾਗ ਦੀ ਵਧੀਕ ਨਿਦੇਸ਼ਕ ਸ੍ਰੀਮਤੀ ਵਰਸ਼ਾ ਖੰਗਵਾਲ ਨੇ ਪ੍ਰੋਗਰਾਮ ਦੀ ਅਗਵਾਈ ਕਰਦੇ ਹੋਏ ਆਮਰਪਾਲੀ ਮੁਹਿੰਮ ਨੂੰ ਸਮਾਜ ਲਈ ਪ੍ਰੇਰਣਾਸਰੋਤ ਦਸਿਆ ਅਤੇ ਕਿਹਾ ਕਿ ਇਹ ਸਾਡੇ ਵਾਤਾਵਰਣ ਦੇ ਪ੍ਰਤੀ ਆਪਣੀ ਜਿਮੇਵਾਰੀਆਂ ਦਾ ਅਹਿਸਾਸ ਦਿਲਾਉਂਦਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਵਿਰਾਸਤ ਸਿਰਫ ਜਮੀਨ ਦੀ ਨਹੀਂ ਹੁੰਦੀ, ਸਗੋ ਹਰਿਆਲੀ ਦੀ ਵੀ ਹੁੰਦੀ ਹੈ। ਸਾਡੇ ਬਜੁਰਗਾਂ ਤੋਂ ਜੋ ਹਰਾ-ਭਰਿਆ ਵਾਤਾਵਰਣ ਮਿਲਿਆ ਏ ਉਹ ਅਗਲੀ ਪੀੜੀ ਨੂੰ ਸਪੁਰਦ ਕਰਨ ਦਾ ਸਾਡਾ ਫਰਜ਼ ਬਣਦਾ ਹੈ।
ਉਨ੍ਹਾਂ ਨੇ ਆਮਰਪਾਲੀ ਮੁਹਿੰਮ ਲਈ ਡਾ. ਸ਼ਮੀਮ ਸ਼ਰਮਾ ਨੂੰ ਵਧਾਈ ਤੇ ਸ਼ੁਭਕਾਮਨਾਵਾਂ ਵੀ ਦਿੱਤੀਆਂ। ਮਹਾਰਾਣੀ ਲੱਛਮੀਬਾਈ ਕਾਲਜ, ਭਿਵਾਨੀ ਰੋਹਿੱਲਾ, ਹਿਸਾਰ ਦੀ ਪ੍ਰਿੰਸੀਪਲ ਡਾ. ਸ਼ਮੀਮ ਸ਼ਰਮਾ ਨੇ ਆਮਰਪਾਲੀ ਮੁਹਿੰਮ ਦੇ ਵਿਚਾਰ ਰੂਪੀ ਬੀਜ ਤੋਂ ਲੈ ਕੇ ਇਸ ਦੇ ਦਰਖਤ ਬਨਣ ਤੱਕ ਦੇ ਸਫਰ 'ਤੇ ਵਿਸਤਾਰ ਨਾਲ ਚਾਨਣ ਪਾਇਆ। ਉਨ੍ਹਾਂ ਨੇ ਦਸਿਆ ਕਿ ਕਾਲਜ ਦੇ ਕੁੱਝ ਵਿਦਿਆਰਥੀਆਂ ਨੂੰ ਪ੍ਰੋਤਸਾਹਿਤ ਕਰ ਕੇ ਉਨ੍ਹਾਂ ਨੇ ਅੰਬ ਦੇ ਪੌਧੇ ਲਗਾਉਣ ਦੀ ਮੁਹਿੰਮ ਸ਼ੁਰੂ ਕੀਤੀ ਹੈ।
ਇਹ ਪੌਧਾ ਪੇੜ ਬਣ ਕੇ ਲਗਭਗ ਪੰਜ ਸਾਲ ਵਿੱਚ ਫੱਲ ਦੇਣ ਲਗਦਾ ਹੈ। ਘਰ-ਆਂਗਨ ਵਿੱਚ ਉਗਾ ਕੇ ਇਸ ਤੋਂ ਆਪਣੇ ਫੱਲ ਖਾਣ ਦੀ ਤ੍ਰਿਪਤੀ ਪੂਰੀ ਕੀਤੀ ਜਾ ਸਕਦੀ ਹੈ। ਜੇਕਰ ਕਿਸਾਨ ਇੰਨ੍ਹਾਂ ਨੂੰ ਆਪਣੇ ਖੇਤਾਂ ਜਾਂ ਬਾਗ-ਬਗੀਚਿਆਂ ਵਿੱਚ ਉਗਾਉਂਦਾ ਹੈ ਤਾਂ ਚੰਗੀ-ਖਾਸੀ ਆਮਦਨੀ ਵੀ ਕਮਾ ਸਕਦਾ ਹੈ। ਉਨ੍ਹਾਂ ਨੇ ਦਸਿਆ ਕਿ ਇੰਨ੍ਹਾਂ ਖੁਸ਼ੀਆਂ ਦੀ ਬਦੌਲਤ ਹੀ ਆਮਰਪਾਲੀ ਮੁਹਿੰਮ ਨੂੰ ਅੰਬ ਊਗਾਓ-ਆਮਦਨੀ ਵਧਾਓ ਵਾਤਾਵਰਣ ਬਚਾਓ ਦਾ ਨਾਰਾ ਦਿੱਤਾ ਗਿਆ ਹੈ।
ਆਮਰਪਾਲੀ ਸਮਾਰਿਕਾ ਦੇ ਵਿਮੋਚਨ ਦੇ ਮੌਕੇ 'ਤੇ ਹਰਿਆਣਾ ਸਾਹਿਤ ਅਕਾਦਮੀ ਦੇ ਨਿਦੇਸ਼ਕ ਡਾ. ਚੰਦਰ ਤ੍ਰਿਖਾ, ਸੂਚਨਾ, ਜਨਸੰਪਰਕ ਅਤੇ ਭਾਸ਼ਾ ਵਿਭਾਗ ਦੀ ਸੰਯੁਕਤ ਨਿਦੇਸ਼ਕ ਸ੍ਰੀਮਤੀ ਉਰਵਸ਼ੀ ਰੰਗਾਰਾ, ਸੂਚਨਾ, ਜਨਸੰਪਰਕ ਅਤੇ ਭਾਸ਼ਾ ਵਿਭਾਗ ਦੇ ਸੰਯੁਕਤ ਨਿਦੇਸ਼ਕ ਸ੍ਰੀ ਰਾਜ ਸਿੰਘ ਕਾਦਿਆਨ, ਮਹਾਰਾਣੀ ਲੱਛਮੀਬਾਈ ਕਾਲਜ ਦੀ ਨਿਦੇਸ਼ਕ ਡਾ. ਨੀਲਮ ਪ੍ਰਭਾ, ਇਤਿਹਾਸ ਦੇ ਸੇਵਾਮੁਕਤ ਪ੍ਰੋਫੈਸਰ ਸ੍ਰੀ ਐਮਐਮ ਜੁਨੇਜਾ, ਡਾ. ਆਸ਼ਾ ਤੋਂ ਇਲਾਵਾ ਕਈ ਅਧਿਕਾਰੀ ਅਤੇ ਸਾਹਿਤਕਾਰ ਮੌਜੂਦ ਸਨ।