ਚਿਤਕਾਰਾ ਯੂਨੀਵਰਸਿਟੀ, ਪੰਜਾਬ ਨੇ ਏਮ ਏਸ ਈ ਏਮ ਮੰਤਰਾਲੇ ਅਧੀਨ ਨੈਸ਼ਨਲ ਐਜੂਟਰਸਟ ਆਫ਼ ਇੰਡੀਆ ਦੁਆਰਾ ਆਯੋਜਿਤ ਸਸਟੇਨੇਬਿਲਟੀ ਐਕਸੀਲੈਂਸ ਅਵਾਰਡਾਂ ਵਿੱਚ ਸਭ ਤੋਂ ਵਧੀਆ ਪ੍ਰਦਰਸ਼ਨ ਕਰਨ ਵਾਲੀਆਂ ਸੰਸਥਾਵਾਂ ਵਿੱਚੋਂ ਉੱਭਰ ਕੇ ਓਵਰਆਲ ਸਸਟੇਨੇਬਿਲਟੀ ਐਕਸੀਲੈਂਸ ਅਵਾਰਡ 2025-26 ਪ੍ਰਾਪਤ ਕੀਤਾ ।ਚਿਤਕਾਰਾ ਯੂਨੀਵਰਸਿਟੀ ਕੈਂਪਸ ਵਿੱਚ ਆਯੋਜਿਤ ਇਸ ਪੁਰਸਕਾਰ ਸਮਾਰੋਹ ਵਿੱਚ ਪੰਜਾਬ ਭਰ ਦੇ 430 ਤੋਂ ਵੱਧ ਉੱਚ ਸਿੱਖਿਆ ਸੰਸਥਾਵਾਂ ਨੇ ਭਾਗ ਲਿਆ, ਜਿਨ੍ਹਾਂ ਵਿੱਚੋਂ ਸਿਰਫ਼ 13 ਨੂੰ ਅੰਤਿਮ ਸਨਮਾਨਾਂ ਲਈ ਸ਼ਾਰਟਲਿਸਟ ਕੀਤਾ ਗਿਆ।
ਚਿਤਕਾਰਾ ਯੂਨੀਵਰਸਿਟੀ ਕਈ ਰਾਸ਼ਟਰੀ ਮਾਨਤਾਵਾਂ ਦੇ ਨਾਲ ਉੱਭਰੀ, ਜਿਨ੍ਹਾਂ ਵਿਚ ਓਵਰਆਲ ਸਸਟੇਨੇਬਿਲਟੀ ਐਕਸੀਲੈਂਸ ਅਵਾਰਡ 2025-26, ਜ਼ਿਲ੍ਹਾ ਗ੍ਰੀਨ ਚੈਂਪੀਅਨਸ਼ਿਪ ਅਵਾਰਡ 2025, ਜ਼ੀਰੋ-ਵੇਸਟ ਕੈਂਪਸ ਅਵਾਰਡ 2025 ਅਤੇ ਵਾਟਰ ਗਾਰਡੀਅਨਜ਼ ਅਵਾਰਡ 2025 ਸ਼ਾਮਲ ਸਨ।ਇਸ ਸਮਾਗਮ ਨੇ ਸਥਿਰਤਾ ਵਿੱਚ ਵਿਅਕਤੀਗਤ ਲੀਡਰਸ਼ਿਪ ਦਾ ਵੀ ਜਸ਼ਨ ਮਨਾਇਆ। ਡਾ. ਮਧੂ ਚਿਤਕਾਰਾ, ਸਹਿ-ਸੰਸਥਾਪਕ ਅਤੇ ਪ੍ਰੋ-ਚਾਂਸਲਰ- ਚਿਤਕਾਰਾ ਯੂਨੀਵਰਸਿਟੀ, ਨੂੰ ਯੂਨੀਵਰਸਿਟੀ ਵਿੱਚ ਹਰੀ ਨਵੀਨਤਾ ਅਤੇ ਅਕਾਦਮਿਕ ਪਰਿਵਰਤਨ ਦੀ ਅਗਵਾਈ ਕਰਨ ਲਈ ਵਿਜ਼ਨਰੀ ਲੀਡਰਸ਼ਿਪ ਅਵਾਰਡ ਫਾਰ ਐਕਸੀਲੈਂਸ ਇਨ ਸਸਟੇਨੇਬਿਲਟੀ ਐਂਡ ਐਜੂਕੇਸ਼ਨ ਨਾਲ ਸਨਮਾਨਿਤ ਕੀਤਾ ਗਿਆ।
ਸੈਂਟਰ ਆਫ਼ ਐਕਸੀਲੈਂਸ ਫਾਰ ਸਸਟੇਨੇਬਿਲਟੀ ਦੀ ਚੇਅਰਪਰਸਨ, ਸਕੁਐਡਰਨ ਲੀਡਰ (ਡਾ.) ਰੀਨਾ ਏਂਜਲ, ਨੂੰ ਵਾਤਾਵਰਣ ਪ੍ਰਤੀ ਜਾਗਰੂਕ ਪਹਿਲਕਦਮੀਆਂ ਅਤੇ ਕੈਂਪਸ-ਵਿਆਪੀ ਵਾਤਾਵਰਣਕ ਸ਼ਮੂਲੀਅਤ ਨੂੰ ਚਲਾਉਣ ਵਿੱਚ ਉਨਾਂ ਦੀ ਸਰਗਰਮ ਭੂਮਿਕਾ ਲਈ ਸਰਵੋਤਮ ਪ੍ਰਿੰਸੀਪਲ ਅਵਾਰਡ ਪ੍ਰਾਪਤ ਹੋਇਆ।ਇਸ ਉਪਲਬਧੀ 'ਤੇ ਖੁਸ਼ੀ ਜਤਾਉਂਦੇ ਹੋਏ, ਡਾ. ਮਧੂ ਚਿਤਕਾਰਾ ਨੇ ਨੈਸ਼ਨਲ ਐਜੂਟਰੱਸਟ ਆਫ਼ ਇੰਡੀਆ ਦੇ ਸੀ ਈ ਓ ਸ਼੍ਰੀ ਸਮਰਥ ਸ਼ਰਮਾ ਦਾ ਉੱਚ ਸਿੱਖਿਆ ਸੰਸਥਾਵਾਂ ਦੇ ਸਥਿਰਤਾ ਯਤਨਾਂ ਨੂੰ ਸਵੀਕਾਰ ਕਰਨ ਲਈ ਧੰਨਵਾਦ ਕੀਤਾ।
ਉਨਾਂ ਨੇ ਵਿਕਸਤ ਭਾਰਤ 2047 ਦੇ ਦ੍ਰਿਸ਼ਟੀਕੋਣ ਨਾਲ ਜੁੜੇ ਪ੍ਰਭਾਵਸ਼ਾਲੀ ਹਰੀ ਪਹਿਲਕਦਮੀਆਂ ਦੀ ਅਗਵਾਈ ਜਾਰੀ ਰੱਖਣ ਲਈ ਯੂਨੀਵਰਸਿਟੀ ਦੀ ਵਚਨਬੱਧਤਾ ਦੀ ਪੁਸ਼ਟੀ ਕੀਤੀ।ਅਵਾਰਡਾਂ ਵਿੱਚ ਚਿਤਕਾਰਾ ਯੂਨੀਵਰਸਿਟੀ ਦਾ ਮਜ਼ਬੂਤ ਪ੍ਰਦਰਸ਼ਨ ਸਥਿਰਤਾ-ਅਧਾਰਤ ਸਿੱਖਿਆ ਵਿੱਚ ਇੱਕ ਰਾਸ਼ਟਰੀ ਹੋਂਦ ਬਣਾਉਣ ਕਰਕੇ ਆਪਣੀ ਸਥਿਤੀ ਨੂੰ ਹੋਰ ਮਜ਼ਬੂਤ ਕਰਦਾ ਹੈ।