ਪੰਜਾਬ ਇੰਜੀਨੀਅਰਿੰਗ ਕਾਲਜ (ਡੀਮਡ ਟੂ ਬੀ ਯੂਨੀਵਰਸਿਟੀ), ਚੰਡੀਗੜ੍ਹ ਵਿੱਚ ਅੱਜ ਇਕ ਸੂਚਨਾਪੂਰਨ ਤੇ ਉਦੇਸ਼ਪੂਰਕ ਜਾਗਰੂਕਤਾ ਸੈਸ਼ਨ ਦਾ ਆਯੋਜਨ ਕੀਤਾ ਗਿਆ। ਇਹ ਸੈਸ਼ਨ ਵੱਖ-ਵੱਖ ਪੈਨਸ਼ਨ ਯੋਜਨਾਵਾਂ ਯੂਨੀਵਰਸਲ ਪੈਨਸ਼ਨ ਸਕੀਮ (UPS), ਓਲਡ ਪੈਨਸ਼ਨ ਸਕੀਮ (OPS) ਅਤੇ ਨੈਸ਼ਨਲ ਪੈਨਸ਼ਨ ਸਿਸਟਮ (NPS) ਸੰਬੰਧੀ ਜਾਣਕਾਰੀ ਅਤੇ ਸਮਝ ਨੂੰ ਵਧਾਉਣ ਵਾਸਤੇ ਰੱਖਿਆ ਗਿਆ ਸੀ।
ਇਸ ਮੌਕੇ ‘ਯੂਟੀਆਈ ਪੈਨਸ਼ਨ ਫੰਡ’ ਦੇ ਸੀਨੀਅਰ ਵਾਈਸ ਪ੍ਰੈਸੀਡੈਂਟ ਸ਼੍ਰੀ ਅੰਕਿਤ ਦਿਕਸ਼ਿਤ ਮੁੱਖ ਵਕਤਾ ਵਜੋਂ ਹਾਜ਼ਰ ਹੋਏ। ਕਾਲਜ ਦੇ ਡਾਇਰੈਕਟਰ ਪ੍ਰੋ. ਰਾਜੇਸ਼ ਭਾਟੀਆ ਵਲੋਂ ਉਨ੍ਹਾਂ ਦਾ ਗਰਮਜੋਸ਼ੀ ਨਾਲ ਸਵਾਗਤ ਕੀਤਾ ਗਿਆ। ਕਾਲਜ ਦੇ ਫੈਕਲਟੀ ਮੈਂਬਰਾਂ ਅਤੇ ਸਟਾਫ ਨੇ ਵੀ ਪੂਰੇ ਉਤਸ਼ਾਹ ਨਾਲ ਹਿੱਸਾ ਲਿਆ।ਸੈਸ਼ਨ ਦੀ ਸ਼ੁਰੂਆਤ ਪੈਨਸ਼ਨ ਯੋਜਨਾ ਦੀ ਲੋੜ ਅਤੇ ਮਹੱਤਤਾ ਨੂੰ ਸਮਝਾਉਂਦੇ ਹੋਏ ਹੋਈ, ਜਿਸ ਵਿੱਚ ਇਹ ਉਲੇਖ ਕੀਤਾ ਗਿਆ ਕਿ ਰਿਟਾਇਰਮੈਂਟ ਦੀ ਸਮੇਂ ਸਿਰ ਯੋਜਨਾ ਬਣਾਉਣ ਨਾਲ ਕਿਸ ਤਰ੍ਹਾਂ ਭਵਿੱਖ ਵਿਚ ਆਰਥਿਕ ਸਥਿਰਤਾ ਬਣਾਈ ਰੱਖੀ ਜਾ ਸਕਦੀ ਹੈ।
ਸ਼੍ਰੀ ਦਿਕਸ਼ਿਤ ਨੇ UPS, OPS ਅਤੇ NPS ਦੀਆਂ ਵਿਸ਼ੇਸ਼ਤਾਵਾਂ, ਲਾਭਾਂ ਅਤੇ ਮੂਲ ਅੰਤਰਾਂ ਨੂੰ ਬਹੁਤ ਹੀ ਸੌਖੀ ਅਤੇ ਰੁਚਿਕਰ ਭਾਸ਼ਾ ਵਿੱਚ ਸਮਝਾਇਆ। ਉਨ੍ਹਾਂ ਨੇ ਵਿਸ਼ੇਸ਼ ਤੌਰ ‘ਤੇ ਯੂਨੀਵਰਸਲ ਪੈਨਸ਼ਨ ਸਕੀਮ (UPS) ਉੱਤੇ ਫੋਕਸ ਕਰਦਿਆਂ ਇਸ ਦੀ ਵਿਆਪਕ ਪਹੁੰਚ ਅਤੇ ਸਰਲ ਪ੍ਰਬੰਧਨ ਦੀਆਂ ਖੂਬੀਆਂ ਉਜਾਗਰ ਕੀਤੀਆਂ। ਇਹ ਸੈਸ਼ਨ ਮਹੱਤਵਪੂਰਨ ਜਾਣਕਾਰੀਆਂ ਨਾਲ ਸਮਾਪਤ ਹੋਇਆ, ਜਿਸ ਨਾਲ ਸਾਰਿਆਂ ਨੂੰ ਪੈਨਸ਼ਨ ਯੋਜਨਾਵਾਂ ਅਤੇ ਰਿਟਾਇਰਮੈਂਟ ਯੋਜਨਾ ਬਣਾਉਣ ਬਾਰੇ ਵਧੇਰੇ ਸਾਫ਼ ਅਤੇ ਵਿਸ਼ਵਾਸਯੋਗ ਜਾਣਕਾਰੀ ਮਿਲੀ।