Web Admin

5 ਦਰਿਆ ਨਿਊਜ਼ (ਅਜੈ ਪਾਹਵਾ)

ਲੁਧਿਆਣਾ , 28 Apr 2014

ਲੋਕ ਸਭਾ ਹਲਕਾ ਲੁਧਿਆਣਾ ਤੋ ਆਜ਼ਾਦ ਉਮੀਦਵਾਰ ਸਿਮਰਜੀਤ ਸਿੰਘ ਬੈਂਸ ਨੇ ਹਲਕੇ ਅੰਦਰ ਤੂਫਾਨੀ ਦੌਰੇ ਕਰਕੇ ਚੋਣ ਪ੍ਰਚਾਰ ਕੀਤਾ। ਅੱਜ ਹਲਕਾ ਪੱਛਮੀ ਵਿਖੇ ਸ. ਬੈਂਸ ਨੇ ਚੋਣ ਮੀਟਿੰਗਾਂ ਕਰਕੇ ਵੋਟਾਂ ਮੰਗੀਆਂ। ਇਸ ਮੌਕੇ ਇਲਾਕਾ ਨਿਵਾਸੀਆਂ ਨੂੰ ਸੰਬੋਧਨ ਕਰਦਿਆਂ ਸ. ਬੈਂਸ ਨੇ ਇਲਾਕੇ ਵਿੱਚ ਬੇਹਤਰ ਸੁਵਿਧਾਵਾਂ ਦਾ ਆਨੰਦ ਮਾਨਣ ਲਈ ਉਹਨਾਂ ਦੇ ਹੱਕ ਵਿੱਚ ਵੋਟਾਂ ਮੰਗੀਆਂ। ਉਹਨਾਂ ਕਿਹਾ ਕਿ ਸਮੇ ਦੀਆਂ ਸਰਕਾਰਾਂ 'ਚੋ ਕਿਸੇ ਨੇ ਵੀ ਸੂਬੇ ਦੀ ਬੇਹਤਰੀ ਲਈ ਯੋਗ ਕਦਮ ਨਹੀ ਚੁੱਕੇ ਸਗੋ ਜਿਹੜੇ ਵੀ ਨੁਮਾਇੰਦੇ ਵੋਟਰਾਂ ਨਾਲ ਵਾਅਦੇ ਕਰਕੇ ਇੱਕ ਵਾਰ ਚੁਣੇ ਗਏ ਉਹਨਾਂ ਮੁੜ ਕੇ ਸੂਬਾ ਨਿਵਾਸੀਆਂ ਦੀ ਸਾਰ ਨਹੀ ਲਈ। ਸ. ਬੈਂਸ ਨੇ ਕਿਹਾ ਕਿ ਅਕਾਲੀ ਉਮੀਦਵਾਰ ਵਿਕਾਸ ਦੇ ਨਾਂ ਤੇ ਵੋਟਾਂ ਮੰਗ ਰਹੇ ਹਨ ਪਰੰਤੂ ਉਹਨਾਂ ਦੇ ਆਪਣੇ ਵਿਧਾਨ ਸਭਾ ਹਲਕਾ ਦਾਖਾ  ਦੇ ਲੋਕ ਵਿਕਾਸ ਕਾਰਜਾਂ ਦੇ ਦਾਅਵੇ ਖੋਲਦਿਆਂ ਅਕਾਲੀ ਵਿਧਾਇਕ ਅਤੇ ਸਰਕਾਰ ਖਿਲਾਫ ਨਾਅਰੇਬਾਜੀ ਕਰ ਰਹੇ ਹਨ। ਬਲਵਿੰਦਰ ਸਿੰਘ ਬੈਂਸ ਨੇ ਇਸ ਮੌਕੇ ਇਲਾਕਾ ਨਿਵਾਸੀਆਂ ਨੂੰ ਅਪੀਲ ਕਰਦਿਆਂ ਆਉਣ ਵਾਲੀ 30 ਅਪ੍ਰੈਲ ਨੂੰ ਲੈਟਰ ਬਾਕਸ ਦਾ ਬਟਨ ਦਬਾ ਕੇ ਸੱਚ ਨੂੰ ਜਿਤਾਓ। ਇਸ ਮੌਕੇ ਇਲਾਕਾ ਨਿਵਾਸੀਆਂ ਨੇ ਸ. ਬੈਂਸ ਦੇ ਹੱਕ ਵਿੱਚ ਆਵਾਜ਼ ਬੁਲੰਦ ਕਰਨ ਦਾ ਭਰੋਸਾ ਦਵਾਇਆ। ਮੀਟਿੰਗ ਵਿੱਚ ਸੁਖਦੇਵ ਸੋਢੀ, ਵਿਨੋਦ ਸ਼ਰਮਾ, ਲੱਖਪਤ ਰਾਏ ਸਰਮਾ, ਰਾਕੇਸ਼ ਸੂਦ, ਨੀਟਾ, ਕੁਲਵਿੰਦਰ ਰਾਹੁਲ ਸੂਦ, ਗੁਰਪ੍ਰੀਤ ਰਾਜਾ, ਡਾ. ਸੰਜੀਵ, ਦਲਜੀਤ ਸਿੰਘ, ਲਾਲੀ ਪਨੇਸਰ, ਬਿੱਟੂ ਬਾਂਸਲ, ਅਨਿਲ ਸੂਦ, ਹਰਬੰਸ ਸਿੰਘ, ਸੁਰਜੀਤ ਸਿੰਘ ਆਦਿ ਤੋ ਇਲਾਵਾ ਵੱਡੀ ਗਿਣਤੀ 'ਚ ਇਲਾਕਾ ਨਿਵਾਸੀ ਹਾਜ਼ਿਰ ਸਨ।