ਕੇਂਦਰੀ ਸੂਚਨਾ ਅਤੇ ਪ੍ਰਸਾਰਣ ਤੇ ਸੰਸਦੀ ਮਾਮਲੇ ਰਾਜ ਮੰਤਰੀ ਡਾ. ਐਲ. ਮੁਰੂਗਨ ਨੇ ਕੱਲ੍ਹ ਮੁੰਬਈ ਵਿੱਚ ਚੱਲ ਰਹੇ ਵੇਵ ਸਮਿਟ ਵਿੱਚ ਪੰਜ ਮਹੱਤਵਪੂਰਨ ਰਿਪੋਰਟਾਂ ਜਾਰੀ ਕੀਤੀਆਂ, ਜੋ ਸਮੂਹਿਕ ਤੌਰ 'ਤੇ ਭਾਰਤ ਦੇ ਗਤੀਸ਼ੀਲ ਅਤੇ ਤੇਜ਼ੀ ਨਾਲ ਵਿਕਸਿਤ ਹੋ ਰਹੇ ਮੀਡੀਆ ਅਤੇ ਮਨੋਰੰਜਨ ਈਕੋਸਿਸਟਮ ਦਾ ਵਿਆਪਕ ਸੰਖੇਪ ਜਾਣਕਾਰੀਆਂ ਪੇਸ਼ ਕਰਦੀਆਂ ਹਨ।
ਪ੍ਰਤਿਸ਼ਠਿਤ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਏਜੰਸੀਆਂ ਦੁਆਰਾ ਤਿਆਰ ਕੀਤੀਆਂ ਗਈਆਂ ਇਹ ਰਿਪੋਰਟਾਂ ਕ੍ਰਿਏਟਰ ਅਰਥਵਿਵਸਥਾ, ਸਮੱਗਰੀ ਉਤਪਾਦਨ, ਕਾਨੂੰਨੀ ਢਾਂਚੇ, ਲਾਈਵ ਈਵੈਂਟ ਉਦਯੋਗ, ਅਤੇ ਡੇਟਾ-ਸਮਰਥਿਤ ਨੀਤੀ ਸਮਰਥਨ ਬਾਰੇ ਕੀਮਤੀ ਜਾਣਕਾਰੀ ਪ੍ਰਦਾਨ ਕਰਦੀਆਂ ਹਨ।
ਮੀਡੀਆ ਅਤੇ ਮਨੋਰੰਜਨ ‘ਤੇ ਅੰਕੜਾ ਹੈਂਡਬੁੱਕ 2024-25
ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਦੁਆਰਾ ਤਿਆਰ ਕੀਤੀ ਗਈ ਅੰਕੜਾ ਹੈਂਡਬੁੱਕ ਡੇਟਾ-ਸੰਚਾਲਿਤ ਨੀਤੀ ਅਤੇ ਫੈਸਲੇ ਲੈਣ ਲਈ ਇੱਕ ਜ਼ਰੂਰੀ ਸਰੋਤ ਵਜੋਂ ਕੰਮ ਕਰਦੀ ਹੈ। ਇਹ ਖੇਤਰੀ ਰੁਝਾਨਾਂ, ਦਰਸ਼ਕਾਂ ਦੇ ਵਿਵਹਾਰ, ਰੈਵੇਨਿਊ ਵਾਧਾ ਪੈਟਰਨਾਂ ਅਤੇ ਖੇਤਰੀ ਅਤੇ ਰਾਸ਼ਟਰੀ ਚਾਲ-ਚਲਣਾਂ ਨੂੰ ਦਰਸਾਉਂਦਾ ਹੈ।
ਇਹ ਹੈਂਡਬੁੱਕ ਭਵਿੱਖ ਦੀ ਨੀਤੀ ਨਿਰਮਾਣ ਅਤੇ ਉਦਯੋਗ ਰਣਨੀਤੀਆਂ ਨੂੰ ਸੂਚਿਤ ਕਰਨ ਅਤੇ ਮਾਰਗਦਰਸ਼ਨ ਕਰਨ ਲਈ ਤਿਆਰ ਕੀਤੀ ਗਈ ਹੈ, ਇਹ ਯਕੀਨੀ ਬਣਾਉਣ ਲਈ ਕਿ ਉਹ ਅਨੁਭਵੀ ਸਬੂਤਾਂ ਅਤੇ ਵਿਵਹਾਰਿਕ ਹਕੀਕਤਾਂ 'ਤੇ ਅਧਾਰਿਤ ਰਹਿਣ। ਹੈਂਡਬੁੱਕ ਦੀਆਂ ਮੁੱਖ ਵਿਸ਼ੇਸ਼ਤਾਵਾਂ ਇਸ ਪ੍ਰਕਾਰ ਹਨ:
ਪੀਆਰਜੀਆਈ ਨਾਲ ਰਜਿਸਟਰਡ ਪ੍ਰਕਾਸ਼ਨ: 1957 ਵਿੱਚ 5,932 ਤੋਂ ਵਧ ਕੇ 2024-25 ਵਿੱਚ 154,523 ਹੋ ਗਏ, ਜਿਸ ਦੀ ਮਿਸ਼ਰਿਤ ਸਾਲਾਨਾ ਵਿਕਾਸ ਦਰ (ਸੀਏਜੀਆਰ) 4.99 ਪ੍ਰਤੀਸ਼ਤ ਸੀ।
ਪ੍ਰਕਾਸ਼ਨ ਵਿਭਾਗ ਦੁਆਰਾ ਪ੍ਰਕਾਸ਼ਿਤ ਕਿਤਾਬਾਂ: 2024-25 ਵਿੱਚ ਬਾਲ ਸਾਹਿਤ, ਇਤਿਹਾਸ, ਸੁਤੰਤਰਤਾ ਸੰਗ੍ਰਾਮ, ਵਿਗਿਆਨ, ਵਾਤਾਵਰਣ ਅਤੇ ਜੀਵਨੀ ਜਿਹੇ ਵਿਸ਼ਿਆਂ 'ਤੇ 130 ਕਿਤਾਬਾਂ ਪ੍ਰਕਾਸ਼ਿਤ ਕੀਤੀਆਂ ਜਾਣਗੀਆਂ।
ਦੂਰਦਰਸ਼ਨ ਫ੍ਰੀ ਡਿਸ਼: 2004 ਵਿੱਚ 33 ਚੈਨਲਾਂ ਤੋਂ 2025 ਵਿੱਚ 381 ਤੱਕ ਵਿਸਤਾਰ ਕੀਤਾ ਜਾਵੇਗਾ।
ਡੀਟੀਐੱਚ ਸੇਵਾ: ਮਾਰਚ 2025 ਤੱਕ 100 ਪ੍ਰਤੀਸ਼ਤ ਭੂਗੋਲਿਕ ਕਵਰੇਜ ਹਾਸਲ ਕਰਨਾ।
ਆਲ ਇੰਡੀਆ ਰੇਡੀਓ (ਏਆਈਆਰ):
ਹੁਣ ਇਹ ਭਾਰਤ ਦੀ 98% ਜਨਸੰਖਿਆ ਤੱਕ ਪਹੁੰਚ ਗਿਆ ਹੈਂ। (ਮਾਰਚ 2025 ਤੱਕ) ।
ਆਲ ਇੰਡੀਆ ਰੇਡੀਓ ਸਟੇਸ਼ਨਾਂ ਦੀ ਸੰਖਿਆ 2000 ਵਿੱਚ 198 ਤੋਂ ਵਧ ਕੇ 2025 ਵਿੱਚ 591 ਹੋ ਜਾਵੇਗੀ।
ਨਿਜੀ ਸੈਟੇਲਾਈਟ ਟੀਵੀ ਚੈਨਲ: 2004-05 ਵਿੱਚ 130 ਤੋਂ ਵਧ ਕੇ 2024-25 ਵਿੱਚ 908 ਹੋ ਗਏ।
ਨਿਜੀ ਐੱਫਐੱਮ ਸਟੇਸ਼ਨਾਂ ਦੀ ਸੰਖਿਆ 2001 ਵਿੱਚ 4 ਤੋਂ ਵਧ ਕੇ 2024 ਤੱਕ 388 ਹੋ ਗਈ; ਰਿਪੋਰਟ ਵਿੱਚ 31 ਮਾਰਚ, 2025 ਤੱਕ ਦੇ ਰਾਜ-ਵਾਰ ਵੇਰਵੇ ਦਿੱਤੇ ਗਏ ਹਨ।
ਕਮਿਊਨਿਟੀ ਰੇਡੀਓ ਸਟੇਸ਼ਨ (ਸੀਆਰਐੱਸ): 2005 ਵਿੱਚ 15 ਤੋਂ ਵਧਾ ਕੇ 2025 ਵਿੱਚ 531 ਕੀਤਾ ਜਾਵੇਗਾ, ਜਿਸ ਵਿੱਚ ਰਾਜ/ਜ਼ਿਲ੍ਹਾ/ਸਥਾਨ ਅਨੁਸਾਰ ਵੇਰਵੇ ਸ਼ਾਮਲ ਹੋਣਗੇ।
ਫਿਲਮ ਸਰਟੀਫਿਕੇਸ਼ਨ: ਪ੍ਰਮਾਣਿਤ ਭਾਰਤੀ ਫੀਚਰ ਫਿਲਮਾਂ ਦੀ ਸੰਖਿਆ 1983 ਵਿੱਚ 741 ਤੋਂ ਵਧ ਕੇ 2024-25 ਵਿੱਚ 3,455 ਹੋ ਗਈ, ਜਿਸ ਵਿੱਚ 2024-25 ਤੱਕ ਕੁੱਲ 69,113 ਫਿਲਮਾਂ ਪ੍ਰਮਾਣਿਤ ਹੋਣਗੀਆਂ।
ਫਿਲਮ ਸੈਕਟਰ ਦਾ ਵਿਕਾਸ: ਇਸ ਵਿੱਚ ਪੁਰਸਕਾਰਾਂ, ਅੰਤਰਰਾਸ਼ਟਰੀ ਫਿਲਮ ਸਮਾਰੋਹਾਂ ਅਤੇ ਐੱਨਐੱਫਡੀਸੀ ਦੁਆਰਾ ਨਿਰਮਿਤ ਦਸਤਾਵੇਜ਼ੀ ਫਿਲਮਾਂ ਦੇ ਅੰਕੜੇ ਸ਼ਾਮਲ ਹਨ।
ਡਿਜੀਟਲ ਮੀਡੀਆ ਅਤੇ ਕ੍ਰਿਏਟਰ ਇਕੌਨਮੀ: ਇਸ ਵਿੱਚ ਵੇਵਸ ਓਟੀਟੀ ਦੇ ਅਧੀਨ ਉਪਲਬਧੀਆਂ, ਇੰਡੀਅਨ ਇੰਸਟੀਟਿਊਟ ਆਫ਼ ਕ੍ਰਿਏਟਿਵ ਟੈਕਨੋਲੋਜੀ (ਆਈਆਈਸੀਟੀ) ਦੀ ਸਥਾਪਨਾ ਅਤੇ ਕ੍ਰਿਏਟ ਇਨ ਇੰਡੀਆ ਚੈਲੇਂਜ (ਸੀਆਈਸੀ) ਨੂੰ ਸ਼ਾਮਲ ਕੀਤਾ ਗਿਆ ਹੈ।
ਇਤਿਹਾਸਿਕ ਘਟਨਾਕ੍ਰਮ: ਇਸ ਵਿੱਚ ਸੂਚਨਾ ਅਤੇ ਪ੍ਰਸਾਰਣ ਖੇਤਰ ਵਿੱਚ ਮਹੱਤਵਪੂਰਨ ਉਪਲਬਧੀਆਂ ਸ਼ਾਮਲ ਹਨ, ਜਿਨ੍ਹਾਂ ਵਿੱਚ ਪੀਆਰਜੀਆਈ, ਆਕਾਸ਼ਵਾਣੀ ਦੂਰਦਰਸ਼ਨ, INSAT ਅਧਾਰਿਤ ਟੀਵੀ ਸੇਵਾਵਾਂ ਅਤੇ ਨਿਜੀ ਐੱਫਐੱਮ ਰੇਡੀਓ ਦੀ ਸਥਾਪਨਾ ਸ਼ਾਮਲ ਹੈ।
ਕੌਸ਼ਲ ਪਹਿਲਕਦਮੀਆਂ: ਮੰਤਰਾਲੇ ਅਧੀਨ ਟ੍ਰੇਨਿੰਗ ਅਤੇ ਸਮਰੱਥਾ ਨਿਰਮਾਣ ਪ੍ਰੋਗਰਾਮਾਂ ਦੀ ਜਾਣਕਾਰੀ।
ਕਾਰੋਬਾਰ ਕਰਨ ਵਿੱਚ ਸੌਖ: ਮੀਡੀਆ ਅਤੇ ਸਮੱਗਰੀ ਨਿਰਮਾਤਾਵਾਂ ਲਈ ਸਰਲ ਅਤੇ ਪਾਰਦਰਸ਼ੀ ਪ੍ਰਕਿਰਿਆਵਾਂ ਨੂੰ ਸੁਵਿਧਾਜਨਕ ਬਣਾਉਣ ਲਈ ਉਪਾਅ ਲਾਗੂ ਕੀਤੇ ਗਏ।
'ਕੰਟੈਂਟ ਤੋਂ ਕਾਮਰਸ ਤੱਕ: ਭਾਰਤ ਦੀ ਕ੍ਰਿਏਟਰ ਅਰਥਵਿਵਸਥਾ ਦਾ ਮੈਪ' – ਬੋਸਟਨ ਕੰਸਲਟਿੰਗ ਗਰੁੱਪ (ਬੀਸੀਜੀ) ਦੀ ਰਿਪੋਰਟ
ਰਿਪੋਰਟ ਡਿਜੀਟਲ ਯੁਗ ਵਿੱਚ ਭਾਰਤ ਦੀ ਕ੍ਰਿਏਟਰ ਅਰਥਵਿਵਸਥਾ ਦੇ ਬੇਮਿਸਾਲ ਪੈਮਾਨੇ ਅਤੇ ਪ੍ਰਭਾਵ ਨੂੰ ਉਜਾਗਰ ਕਰਦੀ ਹੈ। 2 ਤੋਂ 2.5 ਮਿਲੀਅਨ ਸਰਗਰਮ ਡਿਜੀਟਲ ਕ੍ਰਿਏਟਰਸ ਦੇ ਨਾਲ, ਭਾਰਤ ਦੁਨੀਆ ਦੇ ਸਭ ਤੋਂ ਤੇਜ਼ੀ ਨਾਲ ਵਧਦੇ ਕ੍ਰਿਏਟਰ ਈਕੋਸਿਸਟਮ ਵਿੱਚੋਂ ਇੱਕ ਹੈ। ਇਹ ਕ੍ਰਿਏਟਰ ਪਹਿਲਾਂ ਤੋਂ ਹੀ ਸਾਲਾਨਾ ਖਪਤਕਾਰ ਖਰਚ ਵਿੱਚ 350 ਬਿਲੀਅਨ ਡਾਲਰ ਤੋਂ ਵੱਧ ਨੂੰ ਪ੍ਰਭਾਵਿਤ ਕਰਦੇ ਹਨ - ਇਹ ਅੰਕੜਾ 2030 ਤੱਕ ਤਿੰਨ ਗੁਣਾ ਵਧ ਕੇ 1 ਟ੍ਰਿਲੀਅਨ ਡਾਲਰ ਤੋਂ ਵੱਧ ਹੋਣ ਦਾ ਅਨੁਮਾਨ ਹੈ।
ਰਿਪੋਰਟ ਵਿੱਚ ਹਿਤਧਾਰਕਾਂ ਨੂੰ ਸੰਖਿਆਤਮਕ ਮੀਟ੍ਰਿਕ ਤੋਂ ਪਰੇ ਦੇਖਣ ਅਤੇ ਕਹਾਣੀਕਾਰਾਂ, ਸੱਭਿਆਚਾਰ-ਨਿਰਮਾਤਾਵਾਂ ਅਤੇ ਆਰਥਿਕ ਚਾਲਕਾਂ ਵਜੋਂ ਕ੍ਰਿਏਟਰਸ ਦੀ ਉਭਰਦੀ ਭੂਮਿਕਾ ਨੂੰ ਸਵੀਕਾਰ ਕਰਨ ਦੀ ਤਾਕੀਦ ਕੀਤੀ ਗਈ ਹੈ। ਕਾਰੋਬਾਰਾਂ ਲਈ, ਇਸ ਬਦਲਾਅ ਦਾ ਅਰਥ ਹੈ ਲੈਣ-ਦੇਣ ਸੰਬੰਧੀ ਪ੍ਰਭਾਵਸ਼ਾਲੀ ਜੁੜਾਅ ਤੋਂ ਦੂਰ ਜਾਣਾ ਅਤੇ ਪ੍ਰਮਾਣਿਕਤਾ, ਵਿਸ਼ਵਾਸ ਅਤੇ ਰਚਨਾਤਮਕ ਕੁਸ਼ਲਤਾ ‘ਤੇ ਅਧਾਰਿਤ ਲੰਬੇ ਸਮੇਂ ਦੀ ਸਾਂਝੇਦਾਰੀ ਦਾ ਨਿਰਮਾਣ ਕਰਨਾ।
ਅਰਨਸਟ ਐਂਡ ਯੰਗ ਦੁਆਰਾ 'ਏ ਸਟੂਡੀਓ ਕਾਲਡ ਇੰਡੀਆ' - ਭਾਰਤ ਨੂੰ ਇੱਕ ਗਲੋਬਲ ਕੰਟੈਂਟ ਹੱਬ ਵਜੋਂ ਦੇਖਦਾ ਹੈ
ਰਿਪੋਰਟ ਭਾਰਤ ਨੂੰ ਸਿਰਫ਼ ਕੰਟੈਂਟ ਦੀ ਖਪਤ ਕਰਨ ਵਾਲੇ ਦੇਸ਼ ਵਜੋਂ ਹੀ ਨਹੀਂ, ਸਗੋਂ ਦੁਨੀਆ ਲਈ ਇੱਕ ਸਟੂਡੀਓ ਵਜੋਂ ਵੀ ਪੇਸ਼ ਕਰਦੀ ਹੈ। ਇਹ ਭਾਰਤ ਦੀ 'ਸ਼ਕਤੀ - ਭਾਸ਼ਾਈ ਵਿਭਿੰਨਤਾ, ਸੱਭਿਆਚਾਰਕ ਸਮ੍ਰਿੱਧੀ ਅਤੇ ਤਕਨੀਕੀ ਤੌਰ 'ਤੇ ਨਿਪੁੰਨ ਪ੍ਰਤਿਭਾਵਾਂ ਨੂੰ ਰੇਖਾਂਕਿਤ ਕਰਦੀ ਹੈ- ਜੋ ਦੇਸ਼ ਨੂੰ ਸਰਹੱਦਾਂ ਤੋਂ ਪਾਰ ਬਿਰਤਾਂਤ ਲਿਖਣ ਦੀ ਸਥਿਤੀ ਵਿੱਚ ਰੱਖਦੇ ਹਨ।
ਭਾਰਤ ਐਨੀਮੇਸ਼ਨ ਅਤੇ VFX ਸੇਵਾਵਾਂ ਵਿੱਚ 40 ਪ੍ਰਤੀਸ਼ਤ ਤੋਂ 60 ਪ੍ਰਤੀਸ਼ਤ ਲਾਗਤ ਲਾਭ ਪ੍ਰਦਾਨ ਕਰਦਾ ਹੈ, ਜਿਸ ਨੂੰ ਇੱਕ ਵੱਡੇ, ਹੁਨਰਮੰਦ ਕਾਰਜਬਲ ਦੁਆਰਾ ਸਮਰਥਿਤ ਕੀਤਾ ਜਾਂਦਾ ਹੈ। ਰਿਪੋਰਟ ਵਿੱਚ ਭਾਰਤੀ ਕਹਾਣੀ ਸੁਣਾਉਣ ਦੀ ਵਧਦੀ ਅੰਤਰਰਾਸ਼ਟਰੀ ਅਪੀਲ ‘ਤੇ ਵੀ ਧਿਆਨ ਦਿੱਤਾ ਗਿਆ ਹੈ, ਜਿਸ ਵਿੱਚ ਭਾਰਤੀ OTT ਸਮੱਗਰੀ 'ਤੇ 25 ਪ੍ਰਤੀਸ਼ਤ ਤੱਕ ਵਿਊ ਹੁਣ ਵਿਦੇਸ਼ੀ ਦਰਸ਼ਕਾਂ ਤੋਂ ਆਉਂਦੇ ਹਨ।
ਇਹ ਘਟਨਾ ਸਿਰਫ਼ ਵਪਾਰਕ ਨਹੀਂ ਹੈ - ਇਹ ਸੱਭਿਆਚਾਰਕ ਕੂਟਨੀਤੀ ਦੇ ਇੱਕ ਪਲ ਨੂੰ ਦਰਸਾਉਂਦਾ ਹੈ, ਜਿਸ ਵਿੱਚ ਭਾਰਤ ਦੀਆਂ ਕਹਾਣੀਆਂ ਮਹਾਦ੍ਵੀਪਾਂ ਵਿੱਚ ਭਾਵਨਾਤਮਕ ਅਤੇ ਸੱਭਿਆਚਾਰਕ ਸਬੰਧ ਬਣਾ ਰਹੀਆਂ ਹਨ।
ਖੇਤਾਨ ਐਂਡ ਕੰਪਨੀ ਦੁਆਰਾ ' ਲੀਗਲ ਕਰੰਟਸ: ਏ ਰੈਗੂਲੇਟਰੀ ਹੈਂਡਬੁੱਕ ਔਨ ਇੰਡੀਯਾਜ਼ ਮੀਡੀਆ ਐਂਡ ਐਂਟਰਟੇਨਮੈਂਟ ਸੈਕਟਰ 2025
ਇਹ ਮੰਨਦੇ ਹੋਏ ਕਿ ਰਚਨਾਤਮਕਤਾ ਨੂੰ ਰੈਗੂਲੇਟਰੀ ਸਪਸ਼ਟਤਾ ਨਾਲ ਪੂਰਾ ਕੀਤਾ ਜਾਣਾ ਚਾਹੀਦਾ ਹੈ, ਖੇਤਾਨ ਐਂਡ ਕੰਪਨੀ ਨੇ ਮੀਡੀਆ ਅਤੇ ਮਨੋਰੰਜਨ ਖੇਤਰ ਲਈ ਇੱਕ ਵਿਸਤ੍ਰਿਤ ਕਾਨੂੰਨੀ ਅਤੇ ਰੈਗੂਲੇਟਰੀ ਹੈਂਡਬੁੱਕ ਤਿਆਰ ਕੀਤੀ ਹੈ। ਨਿਰਮਾਤਾਵਾਂ, ਸਟੂਡੀਓਜ਼, ਪ੍ਰਭਾਵਸ਼ਾਲੀ ਵਿਅਕਤੀਆਂ ਅਤੇ ਪਲੈਟਫਾਰਮਾਂ ਲਈ ਇੱਕ ਵਿਵਹਾਰਿਕ ਗਾਈਡ ਵਜੋਂ ਤਿਆਰ ਕੀਤੀ ਗਈ ਇਹ ਹੈਂਡਬੁੱਕ ਵਿੱਚ ਕਈ ਪ੍ਰਮੁੱਖ ਕਾਨੂੰਨੀ ਮੁੱਦਿਆਂ ਨੂੰ ਸ਼ਾਮਲ ਕੀਤਾ ਗਿਆ ਹੈ ਜਿਵੇਂ ਕਿ:
ਘਰੇਲੂ ਅਤੇ ਵਿਦੇਸ਼ੀ ਦੋਵਾਂ ਸੰਸਥਾਵਾਂ ਲਈ ਪਾਲਣਾ ਦੇ ਮਾਪਦੰਡ
ਅੰਤਰਰਾਸ਼ਟਰੀ ਪੇਸ਼ਕਾਰੀਆਂ ਲਈ ਪ੍ਰੋਤਸਾਹਨ ਯੋਜਨਾਵਾਂ
ਪ੍ਰਭਾਵਸ਼ਾਲੀ ਮਾਰਕੀਟਿੰਗ ਅਤੇ ਡਿਜੀਟਲ ਸਮੱਗਰੀ ਨਾਲ ਸਬੰਧਿਤ ਕਾਨੂੰਨੀ ਢਾਂਚੇ
ਗੇਮਿੰਗ ਸੈਕਟਰ ਵਿੱਚ GST ਸਮੇਤ ਪਰਿਭਾਸ਼ਾਵਾਂ ਅਤੇ ਟੈਕਸ ਪ੍ਰਭਾਵ
ਸੈਲਿਬ੍ਰਿਟੀ ਅਧਿਕਾਰਾਂ ਦੀ ਸੁਰੱਖਿਆ
ਏਆਈ-ਤਿਆਰ ਕੀਤੀ ਸਮੱਗਰੀ ਦੇ ਨੈਤਿਕ ਵਿਚਾਰ ਅਤੇ ਰੈਗੂਲੇਟਰੀ ਇਲਾਜ
ਇਸ ਹੈਂਡਬੁੱਕ ਦਾ ਉਦੇਸ਼ ਹਿਤਧਾਰਕਾਂ ਨੂੰ ਰਚਨਾਤਮਕ ਅਰਥਵਿਵਸਥਾ ਵਿੱਚ ਆਤਮਵਿਸ਼ਵਾਸਪੂਰਨ, ਅਨੁਪਾਲਣ ਪੂਰਨ ਅਤੇ ਜ਼ਿੰਮੇਵਾਰ ਭਾਗੀਦਾਰੀ ਲਈ ਸਾਧਨ ਪ੍ਰਦਾਨ ਕਰਨਾ ਹੈ।
ਭਾਰਤ ਦੇ ਲਾਈਵ ਈਵੈਂਟਸ ਇੰਡਸਟ੍ਰੀ ਬਾਰੇ ਵ੍ਹਾਈਟ ਪੇਪਰ
ਭਾਰਤ ਦੀ ਲਾਈਵ ਈਵੈਂਟਸ ਇੰਡਸਟ੍ਰੀ ਬਾਰੇ ਵ੍ਹਾਈਟ ਪੇਪਰ ਇਸ ਸੈਕਟਰ ਦੇ ਮਜ਼ਬੂਤ ਵਾਧੇ ਅਤੇ ਬਦਲਦੇ ਖਪਤਕਾਰ ਗਤੀਸ਼ੀਲਤਾ ਨੂੰ ਉਜਾਗਰ ਕਰਦਾ ਹੈ। 15 ਪ੍ਰਤੀਸ਼ਤ ਸਾਲ-ਦਰ-ਸਾਲ ਵਾਧਾ ਦਰ ਦੇ ਨਾਲ, ਉਦਯੋਗ ਨੇ ਇਕੱਲੇ 2024 ਵਿੱਚ 13 ਬਿਲੀਅਨ ਡਾਲਰ ਦਾ ਰੈਵੇਨਿਊ ਜੋੜਿਆ।
ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਲਗਭਗ ਪੰਜ ਲੱਖ ਪ੍ਰਸ਼ੰਸਕ ਹੁਣ ਸਮਾਗਮਾਂ ਵਿੱਚ ਹਿੱਸਾ ਲੈਣ ਲਈ ਸ਼ਹਿਰਾਂ ਦਰਮਿਆਨ ਯਾਤਰਾ ਕਰ ਰਹੇ ਹਨ, ਜੋ ਭਾਰਤ ਵਿੱਚ ਈਵੈਂਟ-ਅਧਾਰਿਤ ਟੂਰਿਜ਼ਮ ਦੇ ਵਾਧੇ ਦੀ ਪੁਸ਼ਟੀ ਕਰਦਾ ਹੈ। ਪ੍ਰੀਮੀਅਮ ਅਤੇ ਕਿਉਰੇਟਿਡ ਅਨੁਭਵਾਂ ਦੀ ਮੰਗ ਵੱਧ ਰਹੀ ਹੈ, ਅਤੇ ਸ਼ਿਲੌਂਗ, ਵਡੋਦਰਾ ਅਤੇ ਜਮਸ਼ੇਦਪੁਰ ਜਿਹੇ ਟੀਅਰ-2 ਸ਼ਹਿਰ ਸੱਭਿਆਚਾਰਕ ਕੇਂਦਰਾਂ ਵਜੋਂ ਉਭਰ ਰਹੇ ਹਨ।
ਇਸ ਗਤੀ ਨੂੰ ਸਮਰਥਨ ਦੇਣ ਅਤੇ ਵਧਾਉਣ ਲਈ ਵ੍ਹਾਈਟ ਪੇਪਰ ਹੇਠ ਲਿਖੀਆਂ ਗੱਲਾਂ ਦੀ ਜ਼ਰੂਰਤ ਨੂੰ ਉਜਾਗਰ ਕਰਦਾ ਹੈ:
ਉੱਨਤ ਈਵੈਂਟ ਬੁਨਿਆਦੀ ਢਾਂਚਾ
ਸੁਚਾਰੂ ਅਤੇ ਸਰਲ ਲਾਇਸੈਂਸ ਪ੍ਰਕਿਰਿਆਵਾਂ
ਵਧੇਰੇ ਸਸ਼ਕਤ ਅਤੇ ਪਾਰਦਰਸ਼ੀ ਸੰਗੀਤ ਅਧਿਕਾਰ ਢਾਂਚਾ
MSME ਅਤੇ ਰਚਨਾਤਮਕ ਅਰਥਵਿਵਸਥਾ ਨੀਤੀਆਂ ਦੇ ਤਹਿਤ ਲਾਈਵ ਈਵੈਂਟਸ ਸੈਕਟਰ ਨੂੰ ਰਸਮੀ ਮਾਨਤਾ।
ਰਿਪੋਰਟ ਵਿੱਚ ਭਾਰਤ ਨੂੰ ਗਲੋਬਲ ਸੱਭਿਆਚਾਰਕ ਖੇਤਰ ਵਿੱਚ ਸਿਰਫ ਇੱਕ ਦਰਸ਼ਕ ਵਜੋਂ ਹੀ ਨਹੀਂ ਸਗੋਂ ਅੰਤਰਰਾਸ਼ਟਰੀ ਸੁਰਖੀਆਂ ਵਿੱਚ ਇੱਕ ਪ੍ਰਮੁੱਖ ਪਲੈਟਫਾਰਮ ਵਜੋਂ ਰਣਨੀਤਕ ਤੌਰ 'ਤੇ ਮੁੜ ਕਲਪਨਾ ਕਰਨ ਦੀ ਮੰਗ ਕਰਦੀ ਹੈ।
ਇਸ ਲਾਂਚ ਸਮਾਗਮ ਵਿੱਚ ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਦੇ ਸਕੱਤਰ ਸ਼੍ਰੀ ਸੰਜੈ ਜਾਜੂ, ਐੱਮਆਈਬੀ ਦੇ ਸੀਨੀਅਰ ਆਰਥਿਕ ਸਲਾਹਕਾਰ ਸ਼੍ਰੀ ਆਰਕੇ ਜੇਨਾ, ਐੱਮਆਈਬੀ ਦੀ ਸੰਯੁਕਤ ਸਕੱਤਰ ਸ਼੍ਰੀ ਮੀਨੂੰ ਬੱਤਰਾ ਅਤੇ ਅਤੇ ਐੱਨਐੱਫਡੀਸੀ ਦੇ ਐੱਮਡੀ ਸ਼੍ਰੀ ਪ੍ਰਿਥੁਲ ਕੁਮਾਰ ਸ਼ਾਮਲ ਹੋਏ।
ਨਾਲੇਜ ਪਾਰਟਨਰਸ ਦੀ ਨੁਮਾਇੰਦਗੀ ਕਰਦੇ ਹੋਏ ਬੋਸਟਨ ਕੰਸਲਟਿੰਗ ਗਰੁੱਪ ਦੇ ਮੈਨੇਜਿੰਗ ਡਾਇਰੈਕਟਰ ਅਤੇ ਪਾਰਟਨਰ ਸ਼੍ਰੀ ਵਿਪਿਨ ਗੁਪਤਾ, ਬੋਸਟਨ ਕੰਸਲਟਿੰਗ ਗਰੁੱਪ ਦੀ ਪਾਰਟਨਰ ਸ਼੍ਰੀਮਤੀ ਪਾਇਲ ਮਹਿਤਾ, ਅਰਨਸਟ ਐਂਡ ਯੰਗ ਦੇ ਪਾਰਟਨਰ ਸ਼੍ਰੀ ਆਸ਼ੀਸ਼ ਫੇਰਵਾਨੀ, ਅਰਨਸਟ ਐਂਡ ਯੰਗ ਦੇ ਪਾਰਟਨਰ ਸ਼੍ਰੀ ਅਮੀਆ ਸਵਰੂਪ, ਅਨਰਸਟ ਐਂਡ ਯੰਗ ਦੇ ਪਾਰਟਨਰ ਸੁਸ਼੍ਰੀ ਤਨੂ ਬੈਨਰਜੀ, ਖੇਤਾਨ ਐਂਡ ਕੰਪਨੀ ਦੀ ਟੈਕਨੋਲੋਜੀ ਅਤੇ ਮੀਡੀਆ ਪਾਰਟਨਰ ਸ਼੍ਰੀ ਈਸ਼ਾਨ ਜੌਹਰੀ, ਖੇਤਾਨ ਐਂਡ ਕੰਪਨੀ ਦੇ ਪਾਰਟਨਰ ਸ਼੍ਰੀ ਵਿਨੋਦ ਜਨਾਰਦਨ, ਈਵੈਂਟਸਐੱਫ ਏ.ਕਿਊਜ਼ ਲਾਈਵ ਦੇ ਡਾਇਰੈਕਟਰ ਸ਼੍ਰੀ ਦੀਪਕ ਚੌਧਰੀ ਵੀ ਮੁੰਬਈ ਵਿੱਚ ਆਯੋਜਿਤ ਸਮਾਗਮ ਵਿੱਚ ਸ਼ਾਮਲ ਹੋਏ।