ਚੰਡੀਗੜ੍ਹ ਗਰੁੱਪ ਆਫ਼ ਕਾਲਜਿਜ਼, ਝੰਜੇੜੀ ਮੋਹਾਲੀ ਵੱਲੋਂ ਆਪਣੇ ਪ੍ਰਸਿੱਧ ਸਾਹਿੱਤ ਮਹੋਤਸਵ ਸਾਹਿਤਯਮ 2025 ਦੌਰਾਨ ਪ੍ਰਸਿੱਧ ਲੇਖਕਾ, ਆਨਲਾਈਨ ਕਨਟੈਂਟ ਨਿਰਮਾਤਾ ਅਤੇ ਡਿਜੀਟਲ ਪਲੇਟਫ਼ਾਰਮ ਤੇ ਨੌਜਵਾਨਾਂ ਵਿਚ ਪ੍ਰਸਿੱਧ ਪ੍ਰਾਜਕਤਾ ਕੋਲੀ ਦੀ ਮੇਜ਼ਬਾਨੀ ਕੀਤੀ ਗਈ ।
ਇਸ ਦੌਰਾਨ ਆਪਣੀ ਦਿਲਚਸਪ ਲੇਖਣੀ ਅਤੇ ਮਨਮੋਹਕ ਸ਼ਖ਼ਸੀਅਤ ਲਈ ਮਸ਼ਹੂਰ ਪ੍ਰਾਜਕਤਾ ਨੇ ਆਪਣੀ ਪਹਿਲੀ ਰੋਮਾਂਟਿਕ ਨਾਵਲ 'ਟੂ ਗੁੱਡ ਟੂ ਬੀ ਟ੍ਰੂ' ਵਿਚ ਦਰਸਾਏ ਗਿਆਨਵਾਨ ਵਿਚਾਰਾਂ ਦੇ ਸਹੀ ਅਰਥਾਂ ਅਤੇ ਜੀਵਨ ਦੇ ਵੱਖ-ਵੱਖ ਪਹਿਲੂਆਂ 'ਤੇ ਚਰਚਾ ਕਰਕੇ ਹਾਜ਼ਰ ਦਰਸ਼ਕਾਂ ਨੂੰ ਮੋਹ ਲਿਆ।
ਇਸ ਸੈਸ਼ਨ ਦੌਰਾਨ ਪ੍ਰਾਜਕਤਾ ਨੇ ਵਿਦਿਆਰਥੀਆਂ ਅਤੇ ਹਾਜ਼ਰੀਨ ਨਾਲ ਗੱਲਬਾਤ ਕਰਦੇ ਹੋਏ ਆਪਣੀ ਲਿਖਣ ਦੀ ਯਾਤਰਾ ਅਤੇ ਡਿਜੀਟਲ ਦੁਨੀਆ ਦੇ ਆਪਣੇ ਖੱਟੇ ਮਿੱਠੇ ਤਜਰਬਿਆਂ ਨੂੰ ਸਾਂਝਾ ਕੀਤਾ। ਇਸ ਦੇ ਨਾਲ ਹੀ ਉਨ੍ਹਾਂ ਆਧੁਨਿਕ ਰਿਸ਼ਤਿਆਂ, ਆਤਮ-ਚੇਤਨਾ, ਅਤੇ ਸਚਾਈ ਤੇ ਕਲਪਨਾ ਦੇ ਸੰਤੁਲਨ ਬਾਰੇ ਅਹਿਮ ਵਿਚਾਰ ਸਾਂਝੇ ਕੀਤੇ, ਜੋ ਕਿ ਨਵੀਂ ਪੀੜ੍ਹੀ ਲਈ ਪ੍ਰੇਰਣਾਦਾਇਕ ਸਿੱਧ ਹੋਏ।
ਇਸ ਮੌਕੇ ਤੇ ਸੀ ਜੀ ਸੀ ਮੋਹਾਲੀ ਦੇ ਐਮ ਡੀ ਅਰਸ਼ ਧਾਲੀਵਾਲ ਨੇ ਦੱਸਿਆਂ ਕਿ ਸਾਹਿਤਯਮ 2025 ਇੱਕ ਵਿਅਕਤੀਗਤ ਅਤੇ ਸਾਂਝੀ ਰਚਨਾਤਮਿਕਤਾ ਨੂੰ ਉਤਸ਼ਾਹਿਤ ਕਰਨ ਵਾਲਾ ਵੱਡਾ ਸਾਹਿੱਤ ਉਤਸਵ ਮੰਚ ਬਣ ਗਿਆ ਹੈ, ਜੋ ਉੱਘੇ ਲੇਖਕਾਂ, ਜਾਗਰੂਕ ਪਾਠਕਾਂ ਅਤੇ ਬਿਹਤਰੀਨ ਲਿਖਾਰੀਆਂ ਨੂੰ ਇਕ ਪਲੇਟਫਾਮ ਤੇ ਇਕੱਠਾ ਕਰਦਾ ਹੈ।
ਇਸ ਦੌਰਾਨ ਪ੍ਰਾਜਕਤਾ ਕੋਲੀ ਨੇ ਸ਼ਮੂਲੀਅਤ ਦੌਰਾਨ ਇਸ ਮਹੋਤਸਵ ਵਿਚ ਜਿੱਥੇ ਨੌਜਵਾਨਾਂ ਵਿਚ ਨਵੀਂ ਊਰਜਾ ਭਰੀ, ਉੱਥੇ ਹੀ ਉਸ ਨੇ ਦੱਸਿਆਂ ਕਿ ਆਪਣੀਆਂ ਕਹਾਣੀਆਂ ਲਿਖਣ ਅਤੇ ਆਪਣੇ ਵਿਚਾਰ ਸਾਂਝੇ ਕਰਨ ਲਈ ਲਿਖਣਾ ਵੀ ਇਕ ਬਿਹਤਰੀਨ ਪਲੇਟਫ਼ਾਰਮ ਹੈ, ਜੋ ਸਮਾਜ ਵਿਚ ਉਨ੍ਹਾਂ ਨੂੰ ਇਕ ਬਿਹਤਰੀਨ ਪੁਜ਼ੀਸ਼ਨ ਤੇ ਲੈ ਕੇ ਜਾਂਦਾ ਹੈ ।