30 ਜਨਵਰੀ ਨੂੰ ਚੰਡੀਗੜ੍ਹ ਨਗਰ ਨਿਗਮ ਦੇ ਲਈ ਮੇਅਰ, ਸੀਨੀਅਰ ਡਿਪਟੀ ਮੇਅਰ ਅਤੇ ਡਿਪਟੀ ਮੇਅਰ ਦੀ ਚੋਣ ਵਿੱਚ ਬੀਜੇਪੀ ਵਲੋਂ ਆਪਣੇ ਨੋਮੀਨੇਟਿਡ ਕੌਂਸਲਰ ਅਨਿਲ ਮਸ਼ੀਹ (ਪ੍ਰੀਜਾਇਡਿੰਗ ਅਫਸਰ) ਅਤੇ ਕੌਸਲਰਾਂ ਦੁਆਰਾ ਕੀਤੀ ਗਈ ਲੋਕਤੰਤਰ ਦੀ ਕੀਤੀ ਗਈ ਹੱਤਿਆ ਨੂੰ ਸਾਰਿਆਂ ਦੇ ਸਾਹਮਣੇ ਲਿਆਉਣ ਦੇ ਲਈ ਅੱਜ ਆਮ ਆਦਮੀ ਪਾਰਟੀ ਚੰਡੀਗੜ੍ਹ ਵਲੋਂ ਵੱਡੀ ਸਕਰੀਨ ਤੇ ਵੀਡਿਓ ਚਲਾ ਕੇ ਪ੍ਰੈਸੱ ਕਾਨਫਰੰਸ ਕੀਤੀ ਗਈ।
ਕਾਨਫਰੰਸ ਨੂੰ ਪੰਜਾਬ ਜਲ ਸਪਲਾਈ ਅਤੇ ਸੀਵਰੇਜ ਬੋਰਡ ਦੇ ਚੇਅਰਮੈਨ ਅਤੇ ਕੋ–ਇੰਚਾਰਜ ਆਪ ਚੰਡੀਗੜ੍ਹ ਡਾ. ਐਸ.ਐਸ. ਆਹਲੂਵਾਲੀਆ ਨੇ ਸੰਬੋਧਨ ਕੀਤਾ। ਇਸ ਮੌਕੇ ਉਤੇ ਆਪ ਦੇ ਸੀਨੀਅਰ ਆਗੂ ਮੀਨਾ ਸ਼ਰਮਾਂ, ਆਭਾ ਬੰਸਲ ਅਤੇ ਕੌਂਸਲਰ ਕੁਲਦੀਪ ਕੁਮਾਰ, ਜਸਵੀਰ ਸਿੰਘ ਲਾਡੀ, ਦਮਨਪ੍ਰੀਤ ਸਿੰਘ, ਰਾਮਚੰਦਰ ਯਾਦਵ, ਪੇ੍ਰਮ ਲਤਾ, ਮਨੋਵਰ, ਸੁਮਨ ਸ਼ਰਮਾਂ, ਜਸਵਿੰਦਰ ਕੌਰ, ਨੇਹਾ ਮੁਸਾਵਤ ਅਤੇ ਯੋਗੇਸ਼ ਢੀਂਗਰਾ ਵੀ ਮੌਜੂਦ ਰਹੇ।
ਡਾ. ਐਸ.ਐਸ. ਆਹਲੂਵਾਲੀਆ ਨੇ 30 ਜਨਵਰੀ ਚੋਣਾਂ ਵਾਲੇ ਦਿਨ ਦੀ ਵੀਡਿਓ ਦਿਖਾਉਂਦੇ ਹੋਏ ਕਿਹਾ ਕਿ ਵੀਡਿਓ ਵਿੱਚ ਸਾਫ਼ ਨਜ਼ਰ ਆ ਰਿਹਾ ਹੈ, ਕਿ ਉਸ ਦਿਨ 20 ਵੋਟਾਂ ਆਪ ਅਤੇ ਕਾਂਗਰਸ ਦੇ ਸਾਂਝੇ ਉਮੀਦਵਾਰ ਕੁਲਦੀਪ ਕੁਮਾਰ ਨੂੰ ਪਈਆਂ ਅਤੇ 16 ਵੋਟਾਂ ਬੀਜੇਪੀ ਦੇ ਉਮੀਦਵਾਰ ਨੂੰ ਪਈਆਂ। ਬੀਜੇਪੀ ਦੇ ਘੱਟ ਗਿਣਤੀ ਸੈਲੱ ਦੇ ਜਨਰਲ ਸਕੱਤਰ, ਨੌਮੀਨੇਟਿਡ ਕੌਂਸਲਰ ਅਤੇ ਪ੍ਰੀਜਾਇਡਿੰਗ ਅਫ਼ਸਰ ਅਨਿਲ ਮਸ਼ੀਹ ਨੇ ਬੀਜੇਪੀ ਦੇ ਉਮੀਦਵਾਰ ਨੂੰ ਜਿਤਾਉਣ ਦੇ ਲਈ ਜਾਣਬੁੱਝ ਕੇ ਕੁਲਦੀਪ ਕੁਮਾਰ ਦੀਆਂ 8 ਵੋਟਾਂ ਨੂੰ ਪੈਨੱ ਚਲਾ ਕੇ ਰੱਦ ਕਰ ਦਿੱਤਾ ਗਿਆ, ਜੋ ਕਿ ਕੈਮਰਿਆਂ ਦੇ ਵਿੱਚ ਕੈਦ ਹੋ ਚੁੱਕਾ ਹੈ।
ਉਨ੍ਹਾਂ ਅੱਗੇ ਕਿਹਾ ਕਿ ਬੀਜੇਪੀ ਵਲੋਂ ਪੂਰੀ ਸਾਜ਼ਿਸ ਦੇ ਤਹਿਤ ਨਗਰ ਨਿਗਮ ਚੋਣਾਂ ਵਿੱਚ ਲੋਕਤੰਤਰ ਦੀ ਹੱਤਿਆ ਕੀਤੀ ਗਈ ਹੈ। ਬੀਜੇਪੀ ਦੇ ਕੌਂਸਲਰ ਕੰਵਰਜੀਤ ਰਾਣਾ, ਨੌਮੀਨੇਟਿਡ ਕੌਂਸਲਰ ਸਤਿੰਦਰ ਸਿੱਧੂ, ਕੌਂਸਲਰ ਹਰਜੀਤ ਸਿੰਘ, ਕੌਂਸਲਰ ਕੁਲਜੀਤ ਸੰਧੂ, ਨੌਮੀਨੇਟਿਡ ਕੌਂਸਲਰ ਅਮਿਤ ਜਿੰਦਲ, ਕੌਂਸਲਰ ਜਸਮਨਪ੍ਰੀਤ ਸਿੰਘ, ਸਾਬਕਾ ਮੇਅਰ ਅਨੂਪ ਗੁਪਤਾ, ਨੌਮੀਨੇਟਿਡ ਕੌਂਸਲਰ ਡਾ. ਰਮਨੀਕ ਬੇਦੀ, ਨੌਂਮੀਨੇਟਿਡ ਕੌਂਸਲਰ ਨਰੇਸ਼ ਪੰਚਾਲ ਅਤੇ ਬੀਜੇਪੀ ਦੇ ਹੋਰ ਕੌਂਸਲਰਾਂ ਵਲੋਂ ਅਨਿਲ ਮਸ਼ੀਹ ਉਤੇ ਲੱਗੇ ਕੈਮਰਿਆਂ ਨੂੰ ਜਬਰਦਸਤੀ ਹਟਵਾਇਆ ਜਾਂਦਾ ਹੈ, ਤਾਂ ਜੋ ਉਨ੍ਹਾਂ ਦੇ ਕਾਲੇ ਕਾਰਨਾਮੇ ਕੈਮਰੇ ਵਿੱਚ ਕੈਦ ਨਾ ਹੋ ਜਾਣ। ਪਰ ਬਦਕਿਸਮਤੀ ਨਾਲ ਕੈਮਰੇ ਕੁੱਝ ਸਮੇਂ ਲਈ ਹਟਣ ਤੋਂ ਬਾਅਦ ਦੁਬਾਰਾ ਚੱਲ ਪੈਂਦੇ ਹਨ ਅਤੇ ਅਨਿਲ ਮਸ਼ੀਹ ਦੁਆਰਾ ਜਾਣ ਬੁੱਝ ਕੇ ਰੱਦ ਕੀਤੀਆਂ 8 ਵੋਟਾਂ ਕੈਮਰੇ ਵਿੱਚ ਕੈਦ ਹੋ ਜਾਂਦੀਆਂ ਹਨ।
ਉਨ੍ਹਾਂ ਅੱਗੇ ਕਿਹਾ ਕਿ ਕੱਲ ਮਾਣਯੋਗ ਸੁਪਰੀਮ ਕੋਰਟ ਦੇ ਚੀਫ਼ ਜਸਟਿਸ ਵਲੋਂ ਵੀ ਅਨਿਲ ਮਸ਼ੀਹ ਉਤੇ ਬਹੁਤ ਹੀ ਜ਼ਿਆਦਾ ਤਲਖ ਟਿੱਪਣੀ ਕਰਦੇ ਹੋਏ ਕਿਹਾ ਗਿਆ ਸੀ, ਕਿ ਚੰਡੀਗੜ੍ਹ ਮੇਅਰ ਚੋਣ ਵਿੱਚ ਲੋਕਤੰਤਰ ਦੀ ਹੱਤਿਆ ਹੋਈ ਹੈ। ਜੋ ਕਿ ਅਨਿਲ ਮਸ਼ੀਹ ਦੁਆਰਾ ਕੀਤੀ ਗਈ ਹੈ। ਇਸਨੂੰ ਕਿਸੇ ਵੀ ਹਾਲਤ ਵਿੱਚ ਬਰਦਾਸਤ ਨਹੀਂ ਕੀਤਾ ਜਾ ਸਕਦਾ ਹੈ। ਮਾਣਯੋਗ ਸੁਪਰੀਮ ਕੋਰਟ ਨੇ ਕਿਹਾ ਹੈ ਕਿ ਅਨਿਲ ਮਸ਼ੀਹ ਉਤੇ ਮੁਕੱਦਮਾ ਚੱਲਣਾ ਚਾਹੀਦਾ ਹੈ ਤਾਂ ਜੋ ਦੁਬਾਰਾ ਕੋਈ ਅਜਿਹੀ ਹਰਕਤ ਨਾ ਕਰ ਸਕੇ। ਉਨ੍ਹਾਂ ਕਿਹਾ ਕਿ ਹੁਣ ਕੈਮਰਿਆਂ ਰਾਂਹੀ ਸਭ ਕੁੱਝ ਲੋਕਾਂ ਦੇ ਸਾਹਮਣੇ ਆ ਗਿਆ ਹੈ। ਦੇਸ ਵਾਸੀਆਂ ਵਿੱਚ ਬੀਜੇਪੀ ਦੇ ਪ੍ਰਤੀ ਬਹੁਤ ਜ਼ਿਆਦਾ ਗੁੱਸਾ ਹੈ। ਲੋਕਾਂ ਵਲੋਂ ਬੀਜੇਪੀ ਦੁਆਰਾ ਚੰਡੀਗੜ੍ਹ ਨਗਰ ਨਿਗਮ ਵਿੱਚ ਧੱਕੇ ਨਾਲ ਬਿਠਾਏ