ਪਿਆਰ-ਮੁਹੱਬਤ ਦੀ ਲੈਅ ਸ਼ੁਰੂ ਹੋਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ ਕਿਉਂਕਿ ਆਤਿਫ਼ ਅਸਲਮ ਦੀ ਰੂਹਾਨੀ ਆਵਾਜ਼ ਵਿੱਚ ਰਿਲੀਜ਼ ਹੋਣ ਜਾ ਰਿਹਾ ਹੈ ਪੰਜਾਬੀ ਫਿਲਮ "ਜੀ ਵੇ ਸੋਹਣਿਆ ਜੀ," ਦਾ ਪਹਿਲਾ ਟਾਈਟਲ ਟ੍ਰੈਕ, ਇਹ ਟ੍ਰੈਕ ਯੂ ਐਂਡ ਆਈ ਦੇ ਬੈਨਰ ਹੇਠ ਰਿਲੀਜ਼ ਹੋਵੇਗਾ। ਫਿਲਮ ਸੰਨੀ ਰਾਜ, ਵਰੁਣ ਅਰੋੜਾ, ਅਮਿਤ ਜੁਨੇਜਾ ਅਤੇ ਡਾ. ਪ੍ਰਭਜੋਤ ਸਿੱਧੂ ਦੁਆਰਾ ਨਿਰਮਿਤ ਅਤੇ ਸਰਲਾ ਰਾਣੀ ਦੁਆਰਾ ਸਹਿ-ਨਿਰਮਿਤ ਹੈ ਤੇ ਫਿਲਮ ਦੂਰਦਰਸ਼ੀ ਨਿਰਦੇਸ਼ਕ ਤੇ ਲੇਖਕ ਥਾਪਰ ਦੁਆਰਾ ਤਿਆਰ ਕੀਤਾ ਗਿਆ ਹੈ। ਫਿਲਮ ਯੂ&ਆਈ ਮੂਵੀਜ਼ ਤੇ ਵੀ. ਐੱਚ.ਐਂਟਰਟੇਨਮੈਂਟ ਦੇ ਸਹਿਯੋਗ ਨਾਲ ਬਣਾਈ ਗਈ ਹੈ ਜੋ ਓਮਜੀ ਗਰੁੱਪ ਦੁਆਰਾ ਦੁਨੀਆ ਭਰ ਵਿੱਚ ਰਿਲੀਜ਼ ਹੋਵੇਗੀ।
ਮਸ਼ਹੂਰ ਗਾਇਕ ਆਤਿਫ ਅਸਲਮ ਨੇ ਆਪਣੀ ਰੂਹਾਨੀ ਬੋਲਾਂ ਦੇ ਨਾਲ ਗੀਤ ਵਿੱਚ ਅਲੱਗ ਜਾਨ ਪਾ ਦਿੱਤੀ ਹੈ ਜੋ ਬੇਸ਼ੱਕ ਰੋਮਾਂਸ ਦੀ ਇੱਕ ਨਵੀ ਕਹਾਣੀ ਬਿਆਨ ਕਰੇਗੀ ਤੇ ਜਿਸ ਵਿੱਚ ਸਿਮੀ ਚਾਹਲ ਤੇ ਇਮਰਾਨ ਅੱਬਾਸ ਦੀ ਆਨ-ਸਕਰੀਨ ਰੋਮੈਂਟਿਕ ਕੈਮਿਸਟਰੀ ਦੇਖਣ ਨੂੰ ਮਿਲੇਗੀ।
ਯੂ&ਆਈ ਮਿਊਜ਼ਿਕ ਦੇ ਮੋਨਿਕਾ ਰਾਣੀ ਨੇ ਸਾਂਝਾ ਕੀਤਾ, "ਅਸੀਂ ਆਉਣ ਵਾਲੀ ਪੰਜਾਬੀ ਫਿਲਮ 'ਜੀ ਵੇ ਸੋਹਣਿਆ ਜੀ' ਦੇ ਟਾਈਟਲ ਟਰੈਕ ਲਈ ਪ੍ਰਤਿਭਾਸ਼ਾਲੀ ਆਤਿਫ ਅਸਲਮ ਨਾਲ ਸਾਡੇ ਸਹਿਯੋਗ ਦਾ ਐਲਾਨ ਕਰਦੇ ਹੋਏ ਬਹੁਤ ਖੁਸ਼ ਹਾਂ। ਅਸੀਂ ਇਸ ਸੰਗੀਤਮਈ ਮਾਸਟਰਪੀਸ ਰਾਹੀਂ ਰੋਮਾਂਸ ਅਤੇ ਪਿਆਰ ਦੀ ਇੱਕ ਮਨਮੋਹਕ ਛੋਹ ਸਾਹਮਣੇ ਲਿਆਵਾਂਗੇ। ਆਤਿਫ ਅਸਲਮ ਦੀ ਰੂਹਾਨੀ ਪੇਸ਼ਕਾਰੀ ਇਮਰਾਨ ਅਤੇ ਸਿਮੀ ਵਿਚਕਾਰ ਆਨ-ਸਕਰੀਨ ਕੈਮਿਸਟਰੀ ਨੂੰ ਰੌਸ਼ਨ ਕਰਨ ਲਈ ਤਿਆਰ ਹੈ।"
ਫਿਲਮ 'ਜੀ ਵੇ ਸੋਹਣਿਆ ਜੀ' ਦੇ "ਨਿਰਮਾਤਾਵਾਂ ਨੇ ਸਾਂਝਾ ਕੀਤਾ, "ਇਹ ਪ੍ਰੋਜੈਕਟ ਪਿਆਰ ਦੀ ਕਹਾਣੀ ਹੈ, ਇੱਕ ਧੁਨ ਹੈ ਜੋ ਨਾ ਸਿਰਫ਼ ਨੋਟਾਂ ਨਾਲ, ਸਗੋਂ ਪੰਜਾਬ ਦੇ ਅਮੀਰ ਸੱਭਿਆਚਾਰ ਅਤੇ ਸਦੀਵੀ ਕਹਾਣੀਆਂ ਦੇ ਸਾਰ ਨਾਲ ਰਚਿਆ ਗਿਆ ਹੈ। ਅਸੀਂ ਉਮੀਦ ਕਰਦੇ ਹਾਂ ਕਿ 'ਜੀ ਵੇ ਸੋਹਣਿਆ ਜੀ' ਦੀ ਕਹਾਣੀ ਨੂੰ ਦਰਸ਼ਕ ਬਹੁਤ ਜਿਆਦਾ ਪਿਆਰ ਦੇਣਗੇ।"
ਫਿਲਮ "ਜੀ ਵੇ ਸੋਹਣਿਆ ਜੀ" 16 ਫਰਵਰੀ 2024 ਨੂੰ ਹੋਵੇਗੀ ਸਿਨੇਮਾ ਘਰਾਂ 'ਚ ਰਿਲੀਜ਼