ਕੁਰਾਲੀ ਦੇ ਉੱਗੇ ਫੁਟਬਾਲ ਖਿਡਾਰੀ ਜਸਮੇਤ ਸਿੰਘ ਮਿੰਟੂ ਪਿਛਲੇ ਲੰਮੇ ਅਰਸੇ ਤੋਂ ਫੁਟਬਾਲ ਖੇਡ ਦੇ ਮਿਆਰ ਨੂੰ ਉੱਚਾ ਚੁੱਕਣ ਵਿੱਚ ਯਤਨਸ਼ੀਲ ਹਨ। ਜਿਸ ਦੇ ਨਤੀਜੇ ਵਜੋਂ ਉਹਨਾਂ ਦੀ ਮਿਹਨਤ ਨੂੰ ਉਦੋਂ ਬਲ ਮਿਲਿਆ ਜਦੋਂ ਉਹਨਾਂ ਦੀ ਚੋਣ ਭਾਰਤੀ ਫੁਟਬਾਲ ਟੀਮ ਅੰਡਰ 16 ਉਮਰ ਵਰਗ ਲੜਕੀਆਂ ਦੇ ਕੋਚ ਵਜੋਂ ਕੀਤੀ ਗਈ । ਗੱਲਬਾਤ ਦੌਰਾਨ ਜਸਮੀਤ ਸਿੰਘ ਨੇ ਦੱਸਿਆ ਕਿ ਉਹਨਾਂ ਨੂੰ ਵੀ ਅਚਾਨਕ ਹੀ ਆਲ ਇੰਡੀਆ ਫੁਟਬਾਲ ਐਸੋਸੀਏਸ਼ਨ ਵੱਲੋਂ ਪੰਜਾਬ ਫੁਟਬਾਲ ਐਸੋਸੀਏਸ਼ਨ ਦੁਆਰਾ ਦੇਰ ਰਾਤ ਇੱਕ ਪੱਤਰ ਪ੍ਰਾਪਤ ਹੋਇਆ ਸੀ ਜਿਸ ਵਿੱਚ ਉਹਨਾਂ ਦੀ ਚੋਣ ਬਾਰੇ ਜ਼ਿਕਰ ਕੀਤਾ ਗਿਆ ਸੀ।
ਜਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਜਸਮੀਤ ਸਿੰਘ ਫੁਟਬਾਲ ਦੇ ਸੰਬੰਧਿਤ ਕਈ ਕੈਂਪ ਅਤੇ ਟੂਰਨਾਮੈਂਟ ਕੁਰਾਲੀ ਵਿਖੇ ਕਰਵਾ ਚੁੱਕੇ ਹਨ । ਉਹਨਾਂ ਕਿਹਾ ਕਿ ਕਾਫੀ ਤਕਨੀਕੀ ਪਹਿਲੂਆਂ ਨੂੰ ਵਿਚਾਰਦੇ ਹੋਏ ਤਕਨੀਕੀ ਟੀਮ ਦੁਆਰਾ ਉਹਨਾਂ ਦੀ ਚੋਣ ਕੀਤੀ ਗਈ ਹੈ । ਜਿਸਦੇ ਚਲਦੇ ਉਹ 14 ਜਨਵਰੀ ਨੂੰ ਗੋਆ ਵਿਖੇ ਜਾ ਰਹੇ ਹਨ । ਇਸ ਮੌਕੇ ਵੱਖ-ਵੱਖ ਰਾਜਨੀਤਿਕ ਧਾਰਮਿਕ ਅਤੇ ਸਮਾਜਿਕ ਆਗੂਆਂ ਨੇ ਜਸਮੀਤ ਸਿੰਘ ਨੂੰ ਮਿਲੀ ਇਸ ਵੱਡੇ ਜਿੰਮੇਵਾਰੀ ਕਾਰਨ ਉਹਨਾਂ ਨੂੰ ਮੁਬਾਰਕਾਂ ਵੀ ਦਿੱਤੀਆਂ।