ਸਥਾਨਕ ਸ਼ਹਿਰ ਦੇ ਖਾਲਸਾ ਅਕਾਲ ਪੁਰਖ ਕੀ ਫੌਜ ਗਤਕਾ ਅਖਾੜਾ ਦੇ ਬੱਚਿਆ ਨੇ ਹਰਿਆਣਾ ਵਿਖੇ ਜਿੱਤ ਦਰਜ ਕਰ ਇੱਕ ਵਾਰ ਫਿਰ ਸ਼ਹਿਰ ਦਾ ਨਾਮ ਰੌਸ਼ਨ ਕੀਤਾ ਹੈ ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਅਖਾੜਾ ਦੇ ਪ੍ਰਧਾਨ ਜਗਦੀਸ਼ ਸਿੰਘ ਅਤੇ ਬੀਬਾ ਪਰਵਿੰਦਰ ਕੌਰ ਨੇ ਦੱਸਿਆ ਕਿ ਹਰਿਆਣਾ ਦੇ ਪਿੰਜਰੇ ਵਿਖੇ ਡੀ ਐਸ ਐਮ ਅਕੈਡਮੀ ਦਵਾਰਾ ਗੱਤਕੇ ਦੀ ਲੀਗ ਕਾਰਵਾਈ ਗਈ ਜਿਸ ਵਿੱਚ ਪੰਜਾਬ,ਹਰਿਆਣਾ,ਹਿਮਾਚਲ ਦੀਆ ਤਕਰੀਬਨ 10 ਟੀਮਾਂ ਨੇ ਸ਼ਮੂਲੀਅਤ ਅਤੇ ਇਹਨਾਂ ਮੁਕਾਬਲਿਆ ਦੌਰਾਨ ਕੁਰਾਲੀ ਦੇ ਇਸ਼ਵਿੰਦਰ ਸਿੰਘ, ਜਪਜੀਤ ਸਿੰਘ ਅਤੇ ਪਰਮਜੀਤ ਸਿੰਘ ਨੇ ਅੰਡਰ 14 ਉਮਰ ਵਰਗ ਵਿੱਚ ਖੇਡ ਦੇ ਹੋਏ ਦੂਸਰਾ ਸਥਾਨ ਹਾਸਿਲ ਕੀਤਾ ਹੈ ।
ਓਹਨਾ ਬੱਚਿਆ ਨੂੰ ਮੁਬਾਰਕਾ ਦਿੰਦੇ ਹੋਏ ਦੱਸਿਆ ਕਿ ਅੱਜ ਗਤਕਾ ਬਹੁਤ ਵਧੀਆ ਮੁਕਾਮ ਹਾਸਿਲ ਕਰ ਚੁੱਕਿਆ ਹੈ ਜਿਸਦੇ ਚਲਦੇ ਹੁਣ ਜਲਦ ਹੀ ਗਤਕਾ ਖੇਡ ਨੂੰ ਭਾਰਤੀ ਓਲੰਪਿਕ ਐਸੋਸੀਏਸ਼ਨ ਦਵਾਰਾ ਵੀ ਬਾਕੀ ਖੇਡਾਂ ਵਾਂਗ ਮਾਨਤਾ ਦਿੱਤੀ ਜਾਏਗੀ। ਓਹਨਾ ਦੱਸਿਆ ਕੀ ਪਹਿਲਾ ਵੀ ਇਹ ਬੱਚੇ ਖੇਡਾਂ ਵਤਨ ਪੰਜਾਬ ਦੀਆ ਅਤੇ ਨੈਸ਼ਨਲ ਪੱਧਰੀ ਮੁਕਾਬਲਿਆਂ ਵਿੱਚ ਕੁਰਾਲੀ ਦਾ ਨਾਮ ਰੁਸਨਾ ਚੁੱਕੇ ਹਨ। ਇਸ ਮੌਕੇ ਹਰਮਨਜੋਤ ਸਿੰਘ,ਰਾਜਵੀਰ ਸਿੰਘ,ਰਘੁਬੀਰ ਸਿੰਘ,ਗੁਰਪ੍ਰੀਤ ਸਿੰਘ,ਤਲਵਿੰਦਰ ਸਿੰਘ,ਵਿਕਾਸ,ਹਰਮੀਤ ਸਿੰਘ,ਰਮਨਦੀਪ ਸਿੰਘ, ਜਗਦੀਪ ਸਿੰਘ,ਦਿਲਜੀਤ ਸਿੰਘ,ਕੁਲਬੀਰ ਸਿੰਘ ਮੌਜੂਦ ਸਨ।