ਵਿਧਾਇਕ ਹਲਕਾ ਰੂਪਨਗਰ ਐਡਵੋਕੇਟ ਦਿਨੇਸ਼ ਚੱਢਾ ਨੇ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕੀ ਵਿਧਾਇਕ ਹਲਕਾ ਬਲਾਚੌਰ ਦੇ ਨੁਮਾਇੰਦਿਆਂ ਨਾਲ ਮਿਲਕੇ ਸਵਰਾਜ ਮਾਜਦਾ ਕੰਪਨੀ ਨਜ਼ਦੀਕ ਸਥਿਤ ਨਿਸ਼ਾਨ-ਏ-ਖਾਲਸਾ ਦੀ ਸੰਭਾਲ ਲਈ ਦੌਰਾ ਕੀਤਾ ਸੀ ਜਿਸ ਉਪਰੰਤ ਅੱਜ ਮਹਾਰਾਜਾ ਰਣਜੀਤ ਸਿੰਘ ਜੀ ਦੇ ਰਾਜ ਦੀ ਨਿਸ਼ਾਨੀ ਵਾਲੇ ਸਥਾਨ ਦੀ ਨਿਸ਼ਾਨਦੇਹੀ ਮੁਕੰਮਲ ਕੀਤੀ ਗਈ।
ਉਨ੍ਹਾਂ ਕਿਹਾ ਕਿ ਸੰਗਤਾਂ ਦੇ ਜਾਣ ਲਈ ਇਕੋ ਰਾਹ ਜੋਂ ਕੀ ਸਵਰਾਜ ਮਾਜਦਾ ਕੰਪਨੀ ਅੰਦਰੋਂ ਲੰਘਦਾ ਹੈ ਜਿਸ ਕਾਰਨ ਕਈ ਵਾਰ ਉਥੇ ਜਾਣ ਵਿੱਚ ਕੰਪਨੀ ਦੇ ਨਿੱਜੀ ਕਾਰਨਾਂ ਕਰਕੇ ਮੁਸਕਿਲ ਪੇਸ਼ ਆਉਂਦੀ ਹੈ ਜਲਦ ਇਸ ਦਾ ਹੱਲ ਕਰਦੇ ਹੋਏ ਸੰਗਤਾਂ ਦੇ ਪਹੁੰਚ ਕਰਨ ਲਈ ਫੈਕਟਰੀ ਦੇ ਬਾਹਰੋ ਰਾਹ ਕੱਢਿਆ ਜਾਵੇਗਾ। ਐਡਵੋਕੇਟ ਦਿਨੇਸ਼ ਚੱਢਾ ਨੇ ਵਿਸ਼ਾਵਸ਼ ਦਿਵਾਉਂਦਿਆਂ ਕਿਹਾ ਕਿ ਵਰਖਾ ਦੇ ਪਾਣੀ ਨਾਲ ਖੌਰਾ ਪੈਣ ਕਾਰਨ ਨੁਕਸਾਨੀ ਜਗ੍ਹਾ ਨੂੰ ਵੀ ਜਲਦ ਠੀਕ ਕੀਤਾ ਜਾਵੇਗਾ।
ਦਿਨੇਸ਼ ਚੱਢਾ ਨੇ ਕਿਹਾ ਮੁੱਖ ਮੰਤਰੀ ਪੰਜਾਬ ਸ੍ਰ ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਵਾਲੀ ਪੰਜਾਬ ਸਰਕਾਰ ਆਪਣੇ ਇਤਹਾਸ ਤੇ ਵਿਰਸੇ ਦੀ ਸੰਭਾਲ ਲਈ ਵਚਨਬੱਧ ਹੈ ਜਿਸ ਨੂੰ ਆਉਣ ਵਾਲਿਆਂ ਪੀੜ੍ਹੀਆਂ ਦੇ ਮਾਰਗਦਰਸ਼ਨ ਲਈ ਕਾਇਮ ਰੱਖਣਾ ਜਰੂਰੀ ਹੈ। ਇਸ ਮੌਕੇ ਧਾਰਮਿਕ ਜਥਬੰਦੀਆਂ ਦੇ ਨੁਮਾਇੰਦੇ ਅਤੇ ਪਤਵੰਤੇ ਸੱਜਣ ਹਾਜ਼ਰ ਸਨ।