ਚਿਤਕਾਰਾ ਯੂਨੀਵਰਸਿਟੀ, ਪੰਜਾਬ ਵਿਖੇ ਚਿਤਕਾਰਾ ਕਾਲਜ ਆਫ਼ ਐਜੂਕੇਸ਼ਨ (ਸੀਸੀਈ) ਨੇ ਆਪਣੇ ਬੀਐੱਡ ਅਤੇ ਐਮਐੱਡ ਦੇ 2023-25 ਬੈਚ ਦੇ ਨਵੇਂ ਵਿਦਿਆਰਥੀਆਂ ਲਈ ਓਰੀਐਂਟੇਸ਼ਨ ਪ੍ਰੋਗਰਾਮ ਆਯੋਜਿਤ ਕੀਤਾ। ਇਸ ਓਰੀਐਂਟੇਸ਼ਨ ਪ੍ਰੋਗਰਾਮ ਦਾ ਉਦੇਸ਼ ਕਾਲਜ ਦੀਆਂ ਸ਼ਾਨਦਾਰ ਪਰੰਪਰਾਵਾਂ ਅਤੇ ਸਿਧਾਤਾਂ ਤੋਂ ਨਵੇਂ ਵਿਦਿਆਰਥੀਆਂ ਨੂੰ ਜਾਣੂ ਕਰਾਉਣਾ ਸੀ।
ਇਸ ਮੌਕੇ ਭਾਰਤੀ ਮਿਥਿਹਾਸਕ ਕਥਾਕਾਰ, ਲੇਖਕ ਅਤੇ ਚਿੱਤਰਕਾਰ ਅਤੇ ਪ੍ਰਸਿੱਧ ਵਕਤਾ ਡਾ ਦੇਵ ਦੱਤ ਪਟਨਾਇਕ, ਸਿੱਖਿਆ ਸਲਾਹਕਾਰ ਅਤੇ ਸਿਟੀ ਯੂਨਿਵਰਸਿਟੀ, ਅਜਮਾਨ ਦੇ ਬਿਜ਼ਨਸ ਸਕੂਲ ਦੇ ਪੂਰਵ ਡੀਨ ਪ੍ਰੋਫੇਸਰ ਡਾ. ਐੱਚ. ਐਸ ਅਨੰਤ ਅਤੇ ਚਿਤਕਾਰਾ ਡਿਜ਼ਾਈਨ ਸਕੂਲ ਦੇ ਐਸੋਸੀਏਟ ਪ੍ਰੋਫੇਸਰ, ਸ਼੍ਰੀ ਆਸ਼ੀਸ਼ ਵਰਮਾ ਨੇ ਮੁਖ ਵਕਤਾ ਵਜੋਂ ਵਿਦਿਆਰਥੀਆਂ ਨੂ ਸੰਬੋਦਿਤ ਇਤਾ।ਪ੍ਰੋਗਰਾਮ ਦੇ ਆਰੰਭ ਵਿੱਚ ਸ਼ਮਾ ਰੌਸ਼ਨ ਕੀਤੀ ਗਈ ਅਤੇ ਕਾਲਜ ਦੇ ਡੀਨ ਵੱਲੋਂ ਮੁੱਖ ਮਹਿਮਾਨ ਦਾ ਸਵਾਗਤ ਕਰਦਿਆਂ ਕਾਲਜ ਬਾਰੇ ਜਾਣਕਾਰੀ ਪੇਸ਼ ਕੀਤੀ ਗਈ।
ਮੁੱਖ ਮਹਿਮਾਨ ਡਾ ਦੇਵ ਦੱਤ ਪਟਨਾਇਕ ਜਿਨ੍ਹਾਂ 15 ਤੋਂ ਵੱਧ ਭਾਸ਼ਾਵਾਂ ਵਿੱਚ 50 ਤੋਂ ਵੱਧ ਪੁਸਤਕਾਂ ਲਿਖੀਆਂ ਹਨ ਨੇ ‘‘ਅਧਿਆਪਨ ਮੰਤਰਾਂ ਵਿੱਚ ਮੁਹਾਰਤ” ਵਿਸ਼ੇ ਤੇ ਸੰਬੋਧਨ ਕੀਤਾ। ਉਨ੍ਹਾਂ ਅਧਿਆਪਨ ਦੇ ਮੁੱਖ ਸਿਧਾਤਾਂ ਸਬੰਧੀ ਗੱਲ ਕਰਦਿਆਂ ਕਲਾਸ ਰੂਮਾਂ ਵਿੱਚ ਇਨ੍ਹਾਂ ਦੀ ਪ੍ਰਭਾਵਸ਼ਾਲੀ ਢੰਗ ਨਾਲ ਪਾਲਣਾ ਸਬੰਧੀ ਜਾਣਕਾਰੀ ਦਿੱਤੀ। ਅਧਿਆਪਨ ਅਭਿਆਸ ਉੱਤੇ ਚਾਨਣਾ ਪਾਉਂਦਿਆਂ ਉਨ੍ਹਾਂ ਮਿਥਿਹਾਸ ਅਤੇ ਪ੍ਰਬੰਧਨ ਦੇ ਖੇਤਰਾਂ ਅਤੇ ਉਹਨਾਂ ਤਰੀਕਿਆਂ ਨੂੰ ਵੀ ਛੋਹਿਆ, ਜਿਨ੍ਹਾਂ ਨੂੰ ਅਧਿਆਪਨ ਸਮੱਗਰੀ ਦੀ ਸਫਲ ਡਿਲੀਵਰੀ ਲਈ ਕਲਾਸਰੂਮਾਂ ਵਿੱਚ ਸ਼ਾਮਲ ਕਰਨ ਦੇ ਤਰੀਕਿਆਂ ਨੂੰ ਵੀ ਛੂਹਿਆ।
ਆਪਣੇ ਸਮਾਪਤੀ ਭਾਸ਼ਣ ਵਿੱਚ ਡਾ. ਦੇਵਦੱਤ ਪਟਨਾਇਕ ਨੇ ਚਿਤਕਾਰਾ ਯੂਨੀਵਰਸਿਟੀ ਦੇ ਕ੍ਰਾਂਤੀਕਾਰੀ ਬੀ.ਐੱਡ. ਅਤੇ ਐਮ.ਐੱਡ. ਪ੍ਰੋਗਰਾਮ ਦੀ ਸਰਾਹਨਾ ਕਰਦਿਆਂ ਕਿਹਾ ਕਿ ਉਦਯੋਗ 4.0 ਦੀਆਂ ਜ਼ਰੂਰਤਾਂ ਦੇ ਅਨੁਸਾਰ ਡਿਜ਼ਾਇਨ ਕੀਤੇ ਗਏ ਇਹ ਪ੍ਰੋਗਰਾਮ ਅਜੋਕੀ ਪੀਡ਼੍ਹੀ ਦੀਆਂ ਸਿੱਖਣ ਦੀਆਂ ਸ਼ੈਲੀਆਂ ਦੀਆਂ ਮੰਗਾਂ ਨੂੰ ਪੂਰਾ ਕਰਦੇ ਹਨ।
ਸਿੱਖਿਆ ਸਲਾਹਕਾਰ ਅਤੇ ਸਿਟੀ ਯੂਨਿਵਰਸਿਟੀ, ਅਜਮਾਨ ਦੇ ਬਿਜ਼ਨਸ ਸਕੂਲ ਦੇ ਪੂਰਵ ਡੀਨ ਪ੍ਰੋਫੇਸਰ ਡਾ. ਐੱਚ. ਐਸ ਅਨੰਤ, ਨੇ ਅਧਿਆਪਕਾਂ ਲਈ ਪ੍ਰਭਾਵਸ਼ਾਲੀ ਸੰਚਾਰ ਕੌਸ਼ਲ ਤੇ ਪ੍ਰਕਾਸ਼ ਪਾਯਾ। ਪ੍ਰੋਫੇਸਰ ਡਾ. ਅਨੰਤ ਨੇ ਵਿਦਿਆਰਥੀਆਂ ਨੂ ਮੌਖਿਕ ਅਤੇ ਗੈਰ-ਮੌਖਿਕ ਸੰਚਾਰ ਦੇ ਮਹੱਤਵ ਤੋਂ ਵੀ ਅਵਗਤ ਕਰਾਯਾ। ਅਲਫ਼ਾ-ਅਧਿਆਪਕਾਂ ਅਤੇ ਅਲਫ਼ਾ-ਮਾਸਟਰਸ ਨੇ ਇੱਕ ਸਟੋਰੀ ਟੈਲੀਂਗ ਦੀ ਸਰਗਰਮੀ ਵਿੱਚ ਵੀ ਭਾਗ ਲਿਆ।
ਇੱਕ ਹੋਰ ਸੈਸ਼ਨ ਚਿਤਕਾਰਾ ਡਿਜ਼ਾਈਨ ਸਕੂਲ ਦੇ ਐਸੋਸੀਏਟ ਪ੍ਰੋਫੇਸਰ, ਸ਼੍ਰੀ ਆਸ਼ੀਸ਼ ਵਰਮਾ ਦੁਆਰਾ 'ਫੋਟੋਗ੍ਰਾਫੀ: ਇੱਕ ਜ਼ਰੂਰੀ ਸਿੱਖਿਆ ਉਪਕਰਨ' ਵਿਸ਼ੇ 'ਤੇ ਆਯੋਜਿਤ ਕੀਤਾ ਗਿਆ। ਉਹਨਾ ਇੱਕ ਯਾਦ “ਡਿਜਿਟਲ ਡਾਇਰੀ” ਦੇ ਰੂਪ ਵਿੱਚ ਫੋਟੋਗ੍ਰਾਫੀ ਦੇ ਮਹੱਤਵ ਉੱਤੇ ਪ੍ਰਕਾਸ਼ ਪਾਯਾ। ਉਨ੍ਹਾਂ ਨੇ ਕਿਹਾ ਹੈ ਕਿ ਫੋਟੋਗ੍ਰਾਫੀ 'ਚ ਵਿਸ਼ਵ ਨੂ ਬਦਲਣ ਦੀ ਸ਼ਕਤੀ ਹੈ ਅਤੇ ਇਹ ਸਿੱਖਿਆ ਦੇ ਨਾਲ-ਨਾਲ ਸਿੱਖਣ ਦੀ ਸ਼ਕਤੀ ਨੂ ਵੀ ਵਧਾਂਦੀ ਹੇ।
ਓਰੀਐਂਟੇਸ਼ਨ ਪ੍ਰੋਗਰਾਮ ਵਿੱਚ ਉਤਸ਼ਾਹਿਤ ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦਿਆਂ ਚਿਤਕਾਰਾ ਯੂਨੀਵਰਸਿਟੀ ਦੀ ਪ੍ਰੋ ਚਾਂਸਲਰ ਡਾ: ਮਧੂ ਚਿਤਕਾਰਾ ਨੇ ਕਿਹਾ, ‘‘ਜਦੋਂ ਅੱਜ ਦੇ ਸਿਖਿਆਰਥੀਆਂ ਨੂੰ ਸਿਖਾਉਣ ਦੀ ਗੱਲ ਆਉਂਦੀ ਹੈ ਤਾਂ ਨਵੀਨਤਮ ਵਿਦਿਅਕ ਰੁਝਾਨਾਂ ਅਤੇ ਤਕਨੀਕਾਂ ਨਾਲ ਤਾਲਮੇਲ ਰੱਖਣਾ ਬਹੁਤ ਮਹੱਤਵਪੂਰਨ ਹੈ। ਅਜੋਕੇ ਸਮੇਂ ਦੇ ਅਧਿਆਪਕ ਦੇ ਅੱਗੇ ਅਜਿਹੇ ਸਿਖਿਆਰਥੀਆਂ ਨੂੰ ਪਡ਼ਾਉਣਾ ਵੀ ਇੱਕ ਚੁਣੌਤੀ ਹੈ, ਜਦੋਂ ਕਿ ਉਹ ਡਿਜੀਟਲ ਮਾਧਿਅਮਾਂ ਰਾਹੀਂ ਬਹੁਤ ਸਾਰੀ ਜਾਣਕਾਰੀ ਪਹਿਲਾਂ ਤੋਂ ਹੀ ਹਾਸਿਲ ਕਰ ਚੁੱਕੇ ਹੁੰਦੇ ਹਨ।
ਉਨ੍ਹਾਂ ਬੀਐੱਡ ਅਤੇ ਐਮਐੱਡ ਦੇ 2023-25 ਬੈਚ ਦੇ ਸਿਖਿਆਰਥੀਆਂ ਨੂੰ ਚਿਤਕਾਰਾ ਕਾਲਜ ਆਫ਼ ਐਜੂਕੇਸ਼ਨ(ਸੀਸੀਈ) ਵਿਖੇ ਉਨ੍ਹਾਂ ਦੀ ਅਕਾਦਮਿਕ ਯਾਤਰਾ ਲਈ ਸ਼ੁਭ ਕਾਮਨਾਵਾਂ ਦਿੱਤੀਆਂ। ਉਨ੍ਹਾਂ ਯੂਨੀਵਰਸਿਟੀ ਵਿਖੇ ਪਹੁੰਚੇ ਮੁੱਖ ਵਕਤਾ ਡਾ ਦੇਵ ਦੱਤ ਪਟਨਾਇਕ, ਸਿੱਖਿਆ ਸਲਾਹਕਾਰ ਪ੍ਰੋਫੇਸਰ ਡਾ. ਐੱਚ. ਐਸ ਅਨੰਤ ਅਤੇ ਚਿਤਕਾਰਾ ਡਿਜ਼ਾਈਨ ਸਕੂਲ ਦੇ ਐਸੋਸੀਏਟ ਪ੍ਰੋਫੇਸਰ, ਸ਼੍ਰੀ ਆਸ਼ੀਸ਼ ਵਰਮਾ ਦਾ ਧੰਨਵਾਦ ਕੀਤਾ, ਜਿਨ੍ਹਾਂ ਨੇ ਨਿਸ਼ਚਿਤ ਰੂਪ ਵਿੱਚ ਸਭ ਤੋਂ ਪ੍ਰਭਾਵਸ਼ਾਲੀ ਢੰਗ ਨਾਲ ਅਧਿਆਪਨ ਦੇ ਸੁਨਹਿਰੀ ਸਿਧਾਤਾਂ ਦਾ ਪਾਲਣ ਕਰਨ ਦੇ ਨਾਲ-ਨਾਲ ਕਾਰਜਸ਼ੀਲ ਅਧਿਆਪਨ ਅਭਿਆਸ ਨੂੰ ਸ਼ੁਰੂ ਕਰਨ ਦੇ ਗੁਣਾਂ ਦਾ ਵਰਨਣ ਕੀਤਾ ਹੈ।”
‘‘ਅਧਿਆਪਨ ਮੰਤਰਾਂ ਵਿੱਚ ਮੁਹਾਰਤ” ਗਿਆਨ ਭਰਪੂਰ ਸਮਾਗਮ ’ਤੇ ਆਪਣੇ ਉਤਸ਼ਾਹ ਅਤੇ ਵਿਚਾਰ ਸਾਂਝੇ ਕਰਦਿਆਂ, ਬੀ.ਐੱਡ ਦੀ ਨਵੇਂ ਬੈਚ ਦੀ ਇੱਕ ਵਿਦਿਆਰਥਣ ਨੇ ਕਿਹਾ ਕਿ ਓਰੀਐਂਟੇਸ਼ਨ ਪ੍ਰੋਗਰਾਮ ਵਿਚ ਸ਼ਾਮਲ ਹੋਣਾ ਇੱਕ ਪਰਿਵਰਤਨਸ਼ੀਲ ਅਨੁਭਵ ਰਿਹਾ ਹੈ। ਅਸੀਂ ਅਜ ਸਿੱਖਿਆ ਕਿ ਸ਼ਿਕ੍ਸ਼ਾ ਪਾਠ ਪੁਸਤਕਾਂ ਅਤੇ ਲੈਕਚਰਾਂ ਦੇ ਨਾਲ ਨਾਲ ਵਿਦਿਆਰਥੀਆਂ ਵਿੱਚ ਰਚਨਾਤਮਕਤਾ, ਸਵੈ-ਪ੍ਰਗਟਾਵੇ ਅਤੇ ਭਾਵਨਾਤਮਕ ਤੰਦਰੁਸਤੀ ਨੂੰ ਉਤਸ਼ਾਹਿਤ ਕਰਨ ਦੇ ਬਾਰੇ ਵੀ ਹੈ। ਉਨੇ ਕਿਹਾ ਕਿ ਇਸ ਪ੍ਰੋਗਰਾਮ ਨੇ ਮੈਨੂੰ ਇੱਕ ਸਕਾਰਾਤਮਕ ਅਤੇ ਸ਼੍ਸ਼੍ਕਤ ਕਲਾਸਰੂਮ ਵਾਤਾਵਰਣ ਪੈਦਾ ਕਰਨ ਦੀ ਮਹੱਤਤਾ ਸਿਖਾਈ ਹੈ।