ਡਾ. ਰਵਜੋਤ ਗਰਵਾਲ, ਆਈ.ਪੀ.ਐਸ, ਸੀਨੀਅਰ ਕਪਤਾਨ ਪੁਲਿਸ, ਜਿਲ੍ਹਾ ਫਤਹਿਗੜ੍ਹ ਸਾਹਿਬ ਜੀ ਦੇ ਦਿਸ਼ਾ ਨਿਰਦੇਸਾ ਅਤੇ ਸ੍ਰੀ ਰਕੇਸ਼ ਯਾਦਵ ਕਪਤਾਨ ਪੁਲਿਸ ਇੰਨਵੈਸਟੀਗੇਸ਼ਨ ਜੀ ਦੀ ਰਹਿਨੁਮਾਈ ਹੇਠ ਸ: ਜਗਜੀਤ ਸਿੰਘ ਉਪ ਕਪਤਾਨ ਪੁਲਿਸ ਸਬ ਡਵੀਜਨ ਅਮਲੋਹ ਦੀ ਜੇਰ ਸਰਕਰਦਗੀ ਅਧੀਨ ਸ੍ਰੀ ਹਰਤੇਸ਼ ਕੋਸ਼ਿਕ ਪ੍ਰੋਬੇਸ਼ਨਰ ਡੀ.ਐਸ.ਪੀ. ਮੁੱਖ ਅਫਸਰ ਥਾਣਾ ਅਮਲੋਹ ਸਮੇਤ ਐਸ.ਆਈ. ਸਾਹਿਬ ਸਿੰਘ ਸਮੇਤ ਪੁਲਿਸ ਪਾਰਟੀ ਨੇ ਮੁਕੱਦਮਾ ਨੰਬਰ 97 ਮਿਤੀ 20.07.20123 ਆਈ.ਪੀ.ਸੀ. ਦੀ ਧਾਰਾ 302, 307 ਅਤੇ ਆਰਮਜ਼ ਐਕਟ ਦੀ ਧਾਰਾ 25,27 ਅਧੀਨ ਥਾਣਾ ਅਮਲੋਹ ਦੇ ਕਥਿਤ ਦੋਸ਼ੀ ਕੁਲਦੀਪ ਸਿੰਘ ਪੁੱਤਰ ਗੁਰਚਰਨ ਸਿੰਘ ਵਾਸੀ ਰਾਮਗੜ੍ਹ ਥਾਣਾ ਅਮਲੋਹ ਜਿਲਾ ਫਤਿਹਗੜ੍ਹ ਸਾਹਿਬ ਨੂੰ ਮਿਤੀ 20-07-2023 ਨੂੰ ਹੀ ਮੁਕਦਮਾ ਦਰਜ ਹੋਣ ਦੇ ਤੁਰੰਤ ਮੁਕੱਦਮਾ ਵਿਚ ਗ੍ਰਿਫਤਾਰ ਕੀਤਾ ਗਿਆ ਹੈ।
ਇਹ ਜਾਣਕਾਰੀ ਜ਼ਿਲ੍ਹਾ ਪੁਲਿਸ ਮੁਖੀ ਡਾ: ਰਵਜੋਤ ਗਰੇਵਾਲ ਨੇ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਵਿਖੇ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਦਿੱਤੀ। ਮੁਦਈ ਸੱਜਣ ਸਿੰਘ ਪੁੱਤਰ ਚੰਦ ਸਿੰਘ ਵਾਸੀ ਰਾਮਗੜ ਥਾਣਾ ਅਮਲੋਹ ਨੇ ਸਬ ਇੰਸਪੈਕਟਰ ਸਾਹਿਬ ਸਿੰਘ ਪਾਸ ਆਪਣਾ ਬਿਆਨ ਤਹਿਰੀਰ ਕਰਵਾਇਆਂ ਕਿ ਅਜ ਮੁਦਈ ਸਮੇਤ ਆਪਣੇ ਭਰਾ ਕਰਨੈਲ ਸਿੰਘ ਅਤੇ ਆਪਣੇ ਪਰਿਵਾਰਕ ਮੈਬਰਾਂ ਦੇ ਸੁਰਿੰਦਰ ਸਿੰਘ ਸਾਬਕਾ ਸਰਪੰਚ ਵਾਲੀ ਸਲਾਣਾ ਦੁੱਲਾ ਸਿੰਘ ਵਾਲਾ ਦੀ ਅੰਤਿਮ ਅਰਦਾਸ ਵਿੱਚ ਸ਼ਾਮਲ ਹੋਣ ਲਈ ਆਇਆ ਸੀ।
ਜਿੱਥੇ ਕਰਤਾਰ ਸਿੰਘ ਪੁੱਤਰ ਗੁਰਮੇਲ ਸਿੰਘ ਵਾਸੀ ਗੋਬਿੰਦਗੜ ਜੋ ਕਿ ਮੁਦੱਈ ਦੇ ਭਰਾ ਕਰਨੈਲ ਸਿੰਘ ਨਾਲ ਜੀ.ਐਸ. ਫੋਰਜਿੰਗ ਫੈਕਟਰੀ ਗੰਜੂ ਸ਼ਾਹ ਰੋਡ, ਅਲੌੜ, ਖੰਨਾ ਵਿਚ ਹਿੱਸੇਦਾਰ ਹੈ, ਵੀ ਭੋਗ ਪਰ ਆਇਆ ਸੀ। ਭੋਗ ਪੈਣ ਉਪਰੰਤ ਮੁਦਈ ਦਾ ਭਰਾ ਕਰਨੈਲ ਸਿੰਘ ਅਤੇ ਉਸਦਾ ਹਿੱਸੇਦਾਰ ਅਤੇ ਹੋਰ ਪਰਿਵਾਰਕ ਮੈਂਬਰ ਬਾਹਰ ਨਿਕਲ ਰਹੇ ਸੀ, ਜੋ ਮੁਦਈ ਤੋਂ ਥੋੜਾ ਅੱਗੇ ਸਨ ਅਤੇ ਮੁਦੱਈ ਆਪਣੇ ਭਰਾ ਦੇ ਸਾਲੇ ਪਰਮਜੀਤ ਸਿੰਘ ਅਤੇ ਉਸਦੇ ਚਾਚੇ ਦੇ ਲੜਕੇ ਜਰਨੈਲ ਸਿੰਘ ਨਾਲ ਥੋੜਾ ਪਿੱਛੇ ਹੀ ਪਰਿਵਾਰ ਦੇ ਮੈਂਬਰਾਂ ਨਾਲ ਬਾਹਰ ਨੂੰ ਆ ਰਹੇ ਸੀ ਤਾਂ ਵਕਤ ਕਰੀਬ 01:45 ਪੀ.ਐਮ ਦਾ ਹੋਵੇਗਾ ਤਾਂ ਇਕਦਮ ਸੱਜੇ ਪਾਸੇ ਤੋਂ ਕੁਲਦੀਪ ਸਿੰਘ ਪੁੱਤਰ ਗੁਰਚਰਨ ਸਿੰਘ ਵਾਸੀ ਪਿੰਡ ਰਾਮਗੜ੍ਹ ਹਾਲ ਅਬਾਦ ਕ੍ਰਿਸ਼ਨਾ ਨਗਰ ਖੰਨਾ ਨੇ ਆਪਣੇ ਦਸਤੀ ਪਿਸਟਲ ਨਾਲ ਮੁਦਈ ਦੇ ਭਰਾ ਕਰਨੈਲ ਸਿੰਘ ਅਤੇ ਉਸਦੇ ਹਿੱਸੇਦਾਰ ਕਰਤਾਰ ਸਿੰਘ ਤੇ ਸਿੱਧੇ ਫਾਇਰ ਜਾਨੋਂ ਮਾਰ ਦੇਣ ਦੀ ਨੀਅਤ ਨਾਲ ਕੀਤੇ ਜੋ ਕਰਨੈਲ ਸਿੰਘ ਧਰਤੀ ਪਰ ਗਿਰ ਗਿਆ ਜਿਸ ਤੇ ਕੁਲਦੀਪ ਸਿੰਘ ਨੇ ਆਪਣੇ ਦਸਤੀ ਪਿਸਟਲ ਨਾਲ ਗਿਰੇ ਪਏ ਦੇ ਸਿਰ ਤੇ ਮੂੰਹ ਵਿਚ ਕਾਫੀ ਫਾਇਰ ਮਾਰ ਪਿਸਟਲ 32 ਬੋਰ ਖਾਲੀ ਹੋ ਜਾਣ ਤੇ ਮੌਕਾ ਪਰ ਕੁਲਦੀਪ ਸਿੰਘ ਵੱਲੋਂ ਹੀ ਸੁੱਟ ਗਿਆ ਦਿੱਤਾ ਅਤੇ ਫਿਰ ਆਪਣੇ ਡੱਬ ਵਿਚੋਂ ਰਿਵਾਲਵਰ ਕਢ ਕੇ ਰਿਵਾਲਵਰ ਨਾਲ ਵੀ ਕਰਨੈਲ ਸਿੰਘ ਅਤੇ ਕਰਤਾਰ ਸਿੰਘ ਪਰ ਫਾਇਰ ਕੀਤੇ ਜੋ ਕਰਨੈਲ ਸਿੰਘ ਦੀ ਮੌਕਾ ਪਰ ਹੀ ਗਲੀਆਂ ਲੱਗਣ ਕਾਰਨ ਮੌਤ ਹੋ ਗਈ ਤੇ ਕਰਤਾਰ ਸਿੰਘ ਜਿਸਦੇ ਵੀ 3-4 ਗੋਲੀਆਂ ਲੱਗੀਆਂ ਜੋ ਆਪਣੀ ਜਾਨ ਬਚਾਉਂਦਾ ਹੋਇਆ ਲੋਕਾਂ ਵਿੱਚ ਭੱਜ ਜੋ ਲੁਕ ਗਿਆ।
ਇਤਨੇ ਵਿੱਚ ਮੌਕਾ ਤੇ ਚੀਕ ਚਿਹਾੜਾ ਪੈਣ ਕਾਰਨ ਮੁਦਈ ਨੇ ਬਚਾਉ-ਬਚਾਉ ਦਾ ਰੋਲਾ ਪਾਇਆ ਤਾਂ ਕੁਲਦੀਪ ਸਿੰਘ ਆਪਣੇ ਦਸਤੀ ਰਿਵਾਲਵਰ ਸਮੇਤ ਖੰਨਾ ਤੋਂ ਖਿਸਕ ਗਿਆ। ਜ਼ਿਲ੍ਹਾ ਪੁਲਿਸ ਮੁਖੀ ਨੇ ਦੱਸਿਆ ਕਿ ਵਜਾ ਰੰਜਿਸ ਇਹ ਹੈ ਕਿ ਜਦੋਂ ਸਾਲ 2005-2006 ਵਿੱਚ ਕਰਨੈਲ ਸਿੰਘ ਨੇ ਜੀ.ਐਸ. ਫੋਰਜਿੰਗ ਫੈਕਟਰੀ ਲਗਾਈ ਸੀ ਤਾਂ ਹੋਰ ਹਿੱਸਦਾਰਾਂ ਸਮੇਤ ਉਕਤ ਕੁਲਦੀਪ ਸਿੰਘ ਵੀ ਹਿੱਸੇਦਾਰ ਸੀ ਜਿਸਨੇ ਬਾਅਦ ਵਿਚ ਆਪਣਾ ਹਿੱਸਾ ਕੱਢ ਲਿਆ ਸੀ ਤੇ ਕੁਲਦੀਪ ਸਿੰਘ ਨੇ ਆਪਣਾ ਵੱਖਰੀ ਮਿੱਲ ਲਗਾ ਲਈ ਸੀ।
ਉਸ ਸਮੇਂ ਤੋਂ ਹੀ ਕੁਲਦੀਪ ਸਿੰਘ ਕਰਨੈਲ ਸਿੰਘ ਤੇ ਉਸਦੇ ਹਿੱਸੇਦਾਰ ਕਰਤਾਰ ਸਿੰਘ ਨਾਲ ਲੈਣ ਦੇਣ ਕਾਰਨ ਖਾਰ ਰੱਖਦਾ ਸੀ।ਜਿਸ ਕਾਰਨ ਕੁਲਦੀਪ ਸਿੰਘ ਨੇ ਸਾਰੀ ਘਟਨਾ ਨੂੰ ਅੰਜਾਮ ਦਿੱਤਾ। ਕਥਿਤ ਦੋਸ਼ੀ ਵਲੋਂ ਵਾਰਦਾਤ ਵਿਚ ਵਰਤੇ 32 ਬੋਰ ਰਿਵਾਲਵਰ ਅਤੇ 32 ਬੋਰ ਪਿਸਟਲ ਬਰਾਮਦ ਕਰ ਲਏ ਗਏ ਹਨ।
ਇਹ ਵੀ ਜਿਕਰਯੋਗ ਹੈ ਕਿ ਉਪਰੋਕਤ ਕੇਸ ਵਿਚ ਅਮਲੋਹ ਪੁਲਿਸ ਨੇ ਆਧੁਨਿਕ ਤਰੀਕੇ ਨਾਲ ਸੈਂਟਾਫਿਕ ਅਤੇ ਨਵੀਨਤਮ ਸਾਧਨਾ ਦੇ ਜਰੀਏ ਫੋਰੈਂਸਿਕ ਟੀਮ ਫਿੰਗਰ ਪ੍ਰਿੰਟ, ਫੋਟੋਗ੍ਰਾਫੀ ਦੀਆ ਟੀਮਾ ਆਦਿ ਦੀ ਮਦਦ ਨਾਲ ਤਫਤੀਸ ਅਮਲ ਵਿਚ ਲਿਆ ਰਹੀ ਹੈ, ਜੋ ਸਲਾਘਾਯੋਗ ਹੈ ਜੋ ਮੁਲਜਮ ਨੂੰ ਅਦਾਲਤ ਵਿਚ ਵੱਧ ਤੋਂ ਵੱਧ ਸਜਾ ਦਿਵਾਉਣ ਵਿਚ ਸਹਾਈ ਹੋਵੇਗੇ| ਮੁਕੱਦਮੇ ਦੇ ਕਥਿਤ ਦੋਸ਼ੀ ਕੁਲਦੀਪ ਸਿੰਘ ਨੂੰ ਮਾਨਯੋਗ ਅਦਾਲਤ ਵਿਚ ਪੇਸ਼ ਕਰਕੇ ਪੁਲਿਸ ਰਿਮਾਂਡ ਹਾਸਲ ਕੀਤਾ ਜਾਵੇਗਾ।