ਮੁੱਖ ਖੇਤੀਬਾੜੀ ਅਫਸਰ ਸ਼੍ਰੀ ਮੁਕਤਸਰ ਸਾਹਿਬ ਦੇ ਦਿਸ਼ਾ ਨਿਰਦੇਸ਼ਾ ਅਤੇ ਡਾ. ਪਰਮਿੰਦਰ ਸਿੰਘ ਧੰਜੂ ਬਲਾਕ ਖੇਤੀਬਾੜੀ ਅਫਸਰ ਮਲੋਟ ਦੀ ਯੋਗ ਅਗਵਾਈ ਹੇਠ ਨਰਮੇ ਦੀ ਫਸਲ ਸਬੰਧੀ ਚਲਾਈ ਗਈ ਮੁਹਿੰਮ ਤਹਿਤ ਪਿੰਡ ਘੁਮਿਆਰ ਖੇੜਾ (ਸਰਕਲ ਕੋਲਿਆਵਾਲੀ) ਬਲਾਕ ਮਲੋਟ ਵਿਖੇ ਕਿਸਾਨ ਸਿਖਲਾਈ ਕੈਂਪ ਲਗਾਇਆ ਗਿਆ।
ਇਸ ਕੈਂਪ ਵਿੱਚ ਸ਼੍ਰੀ ਅਮ੍ਰਿਤ ਕਿਰਪਾਲ ਸਿੰਘ ਖੇਤੀਬਾੜੀ ਵਿਸਥਾਰ ਅਫਸਰ ਵੱਲੋ ਨਰਮੇ ਦੀ ਫਸਲ ਸਬੰਧੀ ਕੈਂਪ ਲਗਾਇਆ ਗਿਆ ਕੈਂਪ ਦੌਰਾਨ ਉਹਨਾਂ ਨੇ ਕਿਹਾ ਕਿ ਨਰਮੇ ਦੀ ਫਸਲ ਉਪਰ ਹਾਨੀਕਾਰਕ ਕੀੜੇ ਜਿਵੇ ਕਿ ਗੁਲਾਬੀ ਸੰੁਡੀ, ਚਿੱਟੇ ਮੱਖੀ, ਭੂਰੀ ਜੂੰ ਅਤੇ ਹਰੇ ਤੇਲੇ ਦੀ ਰੋਕਥਾਮ ਲਈ ਕਿਸਾਨਾ ਨੂੰ ਲਗਾਤਾਰ ਆਪਣੇ ਨਰਮੇ ਵਾਲੇ ਖੇਤਾ ਦਾ ਨਿਰੀਖਣ ਕਰਨ ਲਈ ਕਿਹਾ ਗਿਆ।
ਉਹਨਾਂ ਦੱਸਿਆ ਕਿ ਗੁਲਾਬੀ ਸੰੁਡੀ ਲਈ ਰੋਕਥਾਮ ਲਈ ਹਰ ਰੋਜ 100 ਫੁੱਲਾ ਦੀ ਜਾਂਚ ਕਰੋ ਜੇਕਰ 5% ਤੋਂ ਜਿਆਦਾ ਫੁੱਲਾ ਤੇ ਗੁਲਾਬੀ ਸੰੁਡੀ ਦਾ ਹਮਲਾ ਹੁੰਦਾ ਹੈ ਜਾਂ 20 ਹਰੇ ਟੀਡਿਆ ਵਿੱਚੋਂ ਇਕ ਟੀਡੇ ਤੋਂ ਵੱਧ ਟੀਡਿਆ ਵਿੱਚ ਗੁਲਾਬੀ ਸੰੁਡੀ ਮਿਲਦੀ ਹੈ ਤਾਂ ਵਿਭਾਗ ਵੱਲੋ ਸਿ਼ਫਾਰਿਸ਼ ਕੀਤੀਆ ਗਈਆ ਕੀਟਨਾਸ਼ਕ ਦਵਾਈਆ ਜਿਵੇ ਕਿ ਪ੍ਰੋਫੇਨੋਫਾਸ 50 ਈ.ਸੀ. 500 ਮਿਲੀ. ਲੀਟਰ ਜਾਂ ਪ੍ਰੋਕਲੇਮ 5 ਐਸ ਜੀ (ਐਮਾਮੈਕਟਿਨ ਬੋਨਜੋਏਂਟ) ਜਾਂ 200 ਐਮੀ. ਐਲ ਇੰਡੋਕਸਾਕਾਰਬ 15 ਐਸ.ਸੀ (ਅਵਾਂਟ) ਜਾਂ 250 ਗ੍ਰਾਮ ਥਾਟਿੳਡੀਕਾਰਬ 75 ਡਬਲਯੂ ਪੀ (ਲਾਰਵਿਨ) ਪ੍ਰਤੀ ਏਕੜ ਦਾ ਛਿੜਕਾਅ ਕਰੋ ਅਤੇ ਲੋੜ ਪੈਣ ਤੇ 7 ਦਿਨਾ ਬਾਅਦ ਇਹਨਾਂ ਵਿੱਚੋ ਬਦਲ ਕੇ ਦੁਬਾਰਾ ਕੀਟਨਾਸ਼ਕ ਦਵਾਈ ਦਾ ਛਿੜਕਾਅ ਕੀਤਾ ਜਾਵੇ।
ਚਿੱਟੀ ਮੱਖੀ ਦੀ ਰੋਕਥਾਮ ਲਈ ਖੇਤਾ ਦਾ ਨਿਰੀਖਣ ਸਵੇਰੇ 8 ਵਜੇ ਤੋ ਲੈ ਕੇ 10 ਵਜੇ ਤੱਕ ਕੀਤਾ ਜਾਵੇ ਅਤੇ ਖੇਤ ਵਿੱਚੋ ਵੱਖ-ਵੱਖ ਥਾਵਾ ਤੋਂ 10 ਬੂਟਿਆ ਦੇ ਪ੍ਰਤੀ ਬੂਟਾ 3 ਉਪਰਲੇ ਪੂਰੇ ਖੁੱਲੇ੍ਹ ਕੁੱਲ 30 ਪੱਤੇ ਦੇਖੇ ਜਾਣ ਅਤੇ ਜੇਕਰ ਪ੍ਰਤੀ ਪੱਤਾ ਚਿੱਟੀ ਮੱਖੀ 6 ਜਾਂ 6 ਤੋ ਉੱਪਰ ਦਿਖਾਈ ਦਿੰਦੀ ਹੈ ਤਾਂ ਊਸ਼ੀਨ (ਡਾਇਨੋਟੇਫੂਰਾਨ) 60 ਗ੍ਰਾਮ ਜਾਂ ਉਲਾਲਾ 80 ਗ੍ਰਾਮ (ਫਲੋਨਿਕਾਮਿਡ) ਇਨ੍ਹਾਂ ਦਵਾਈਆ ਨਾਲ ਚਿੱਟੀ ਮੱਖੀ ਅਤੇ ਹਰੇ ਤੇਲੇ ਨੂੰ ਕੰਟਰੋਲ ਕੀਤਾ ਜਾ ਸਕਦਾ ਹੈ।ਚਿੱਟੀ ਮੱਖੀ ਦੀ ਮਾਤਰਾ ਜਿਆਦਾ ਹੋਣ ਤੇ ਸਫੀਨਾਂ 50 ਡੀ.ਸੀ (ਅਫਿਡੋਪਾਇਰੋਪਿਨ) ਮਾਤਰਾ 400 ਗ੍ਰਾਮ ਦੀ ਸਪ੍ਰੇਅ ਕਰਕੇ ਚਿੱਟੀ ਮੱਖੀ ਨੂੰ ਕੰਟਰੋਲ ਕੀਤਾ ਜਾ ਸਕਦਾ ਹੈ।
ਇਸ ਮੋਕੇ ਸ਼੍ਰੀਮਤੀ ਪਰਦੀਪ ਕੌਰ ਖੇਤੀਬਾੜੀ ਉਪ-ਨਿਰੀਖਕ, ਸਰਕਲ ਕੋਲਿਆਵਾਲੀ ਅਤੇ ਮਨਵੀਰ ਸਿੰਘ ਸੁਪਰਵਾਇਜ਼ਰ ਅਤੇ ਹਰਨੇਕ ਸਿੰਘ ਕਿਸਾਨ ਮਿੱਤਰ ਸਮੇਤ ਪਿੰਡ ਦੇ ਹੋਰ ਮੋਹਵਾਰ ਕਿਸਾਨਾਂ ਨੇ ਭਾਗ ਲਿਆ।