ਸੀਨੀਅਰ ਕਪਤਾਨ ਪੁਲਿਸ ਰੂਪਨਗਰ ਸ਼੍ਰੀ ਵਿਵੇਕ ਐਸ ਸੋਨੀ ਦੇ ਆਦੇਸ਼ ਅਨੁਸਾਰ ਪੀ.ਪੀ.ਐਸ ਕਪਤਾਨ ਪੁਲਿਸ (ਇੰਨਵੈਸਟੀਗੇਸਨ) ਰੂਪਨਗਰ ਸ ਨਵਨੀਤ ਸਿੰਘ ਅਤੇ ਉਪ ਕਪਤਾਨ ਪੁਲਿਸ ਸਬ ਡਵੀਜਨ ਸ੍ਰੀ ਅਨੰਦਪੁਰ ਸਾਹਿਬ ਸ਼੍ਰੀ ਅਜੈ ਕੁਮਾਰ ਦੇ ਦਿਸ਼ਾ ਨਿਰਦੇਸ਼ਾ ਹੇਠ ਭੈੜੇ ਅਨਸਰਾਂ ਨੂੰ ਨੱਥ ਪਾਉਣ ਸਬੰਧੀ ਉਹਨਾ ਦੇ ਖਿਲਾਫ ਕਾਰਵਾਈ ਕਰਨ ਸਬੰਧੀ ਜਾਰੀ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਇੰਸਪੈਕਟਰ ਗੁਰਪ੍ਰੀਤ ਸਿੰਘ ਮੁੱਖ ਅਫਸਰ ਥਾਣਾ ਨੂਰਪੁਰ ਬੇਦੀ ਦੀ ਅਗਵਾਈ ਹੇਠ ਥਾਣਾ ਨੂਰਪੁਰਬੇਦੀ ਦੀ ਪੁਲਿਸ ਪਾਰਟੀ ਨੇ ਸ਼ਰਾਰਤੀ ਅਨਸਰ ਪ੍ਰਦੀਪ ਕੁਮਾਰ ਉਰਫ ਦੀਪਾ ਅਤੇ ਭੁਪਿੰਦਰ ਸਿੰਘ ਨੂੰ ਗ੍ਰਿਫਤਾਰ ਕਰਕੇ ਸਫਲਤਾ ਪ੍ਰਾਪਤ ਕੀਤੀ।
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਇੰਸਪੈਕਟਰ ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਮਿਤੀ 26 ਜੂਨ ਨੂੰ ਥਾਂ ਧਰਮਪਾਲ ਸਮੇਤ ਪੁਲਿਸ ਪਾਰਟੀ ਬਾਏ ਗਸਤ ਸ਼ੱਕੀ ਵਾਹਨਾ ਤੇ ਕਲਮਾ ਮੌਜੂਦ ਸੀ ਤਾਂ ਵਕਤ ਕਰੀਬ ਸ਼ਾਮ 7:05 ਦਾ ਹੋਵੇਗਾ ਥਾ ਧਰਮਪਾਲ ਪਾਸ ਮੁੱਖਬਰ ਖਾਸ ਨੇ ਇਤਲਾਹ ਦੀ ਕਿ ਪ੍ਰਦੀਪ ਕੁਮਾਰ ਉਰਫ ਦੀਪਾ ਅਤੇ ਭੁਪਿੰਦਰ ਸਿੰਘ ਵਾਸੀਆਨ ਬੂਥਗੜ੍ਹ ਥਾਣਾ ਨੂਰਪੁਰ ਬੇਦੀ ਜ਼ਿਲ੍ਹਾ ਰੂਪਨਗਰ ਜਿਨ੍ਹਾਂ ਪਾਸ ਨਜਾਇਜ ਗੈਰ ਕਾਨੂੰਨੀ ਹਥਿਆਰ ਹਨ ਜਿਹਨਾਂ ਦੀ ਆੜ ਵਿਚ ਓਹ ਗੈਰ ਕਾਨੂੰਨੀ ਵਾਸਤੂਆਂ ਦੀ ਸਮਗਲਿੰਗ ਵੀ ਕਰਦੇ ਹਨ ਜੋ ਇਸ ਵਕਤ ਆਪਣੇ ਘਰ ਤੋਂ ਇੱਕ ਬਿਨਾਂ ਨੰਬਰੀ ਮੋਟਰਸਾਇਕਲ ਤੇ ਕਿਸੇ ਗੈਰ ਕਾਨੂੰਨੀ ਕੰਮ ਲਈ ਨੂਰਪੁਰ ਬੇਦੀ ਆਉਣ ਦੀ ਤਿਆਰੀ ਕਰ ਰਹੇ ਹਨ ਜਰਕ ਹੁਣ ਹੀ ਉਕਤਾਨ ਦੇ ਘਰ ਵਿੱਚ ਰੇਡ ਕੀਤੀ ਜਾਵੇ ਤਾ ਉਕਤਾਨ ਦੋਨੋ ਨਜਾਇਜ਼ ਅਸਲੇ ਸਮੇਤ ਕਾਬੂ ਆ ਸਕਦੇ ਹਨ।
ਜਿਸ ਅਧੀਨ ਉਕਤਾਨ ਪ੍ਰਦੀਪ ਕੁਮਾਰ ਉਰਫ ਦੀਪਾ, ਭੁਪਿੰਦਰ ਸਿੰਘ ਵਾਸੀ ਪਿੰਡ ਬੂਥਗੜ ਦੇ ਖਿਲਾਫ ਅ/ਧ 25-54-59 ਮੁੱਕਦਮਾ ਦਰਜ ਕਰਵਾਉਣ ਰੁੱਕਾ ਘਲਿਆ ਗਿਆ ਜਿਸ ਤੋਂ ਬਾਅਦ ਥਾ ਧਰਮਪਾਲ ਸਮੇਤ ਪਾਰਟੀ ਪਿੰਡ ਬੂਥਗੜ ਲਈ ਰਵਾਨਾ ਹੋਏ ਜਦੋਂ ਪਿੰਡ ਬੂਥਗੜ੍ਹ ਦੋ ਚਰਸਤੇ ਪੁੱਜੇ ਤਾਂ ਬੂਥਗੜ ਸਾਇਡ ਤੇ ਦੋ ਮੋਨੇ ਨੌਜਵਾਨ ਬਿਨਾ ਨੰਬਰੀ ਮੋਟਰਸਾਈਕਲ 'ਤੇ ਆਉਦੇ ਦਿਖੇ ਜਿਸ ਤੇ ਥਾ ਧਰਮਪਾਲ ਪਾਸ ਰੋਕਣ ਦਾ ਇਸ਼ਾਰਾ ਕੀਤਾ ਗਿਆ ਜੋ ਮੋਟਰਸਾਈਕਲ ਦੇ ਚਾਲਕ ਵੱਲੋਂ ਮੋਟਰਸਾਈਕਲ ਪਿਛੇ ਨੂੰ ਮੋੜਨ ਲੱਗਾ ਉਕਤ ਮੋਰਟਸਾਈਕਲ ਦੇ ਪਿਛੇ ਬੈਠਾ ਨੋਜਵਾਨ ਮੌਕੇ ਤੋਂ ਫਰਾਰ ਹੋ ਗਿਆ ਮੋਰਟਸਾਈਕਲ ਚਾਲਕ ਨੂੰ ਸਾਥੀ ਕਰਮਚਾਰੀਆ ਦੀ ਮੱਦਦ ਨਾਲ ਕਾਬੂ ਕਰ ਲਿਆ ਗਿਆ ਜਿਸ ਦਾ ਨਾਮ ਪਤਾ ਪੁਛਣ ਤੋਂ ਆਪਣਾ ਨਾਮ ਭੂਪਿੰਦਰ ਸਿੰਘ ਪੁੱਤਰ ਦਿਲਵਾਗ ਰਾਏ ਵਾਸੀ ਪਿੰਡ ਬੂਥਗੜ ਅਤੇ ਫਰਾਰ ਹੋਏ ਨੋਜਵਾਨ ਦਾ ਨਾਮ ਪ੍ਰਦੀਪ ਕੁਮਾਰ ਉਰਫ ਦੀਪਾ ਪੁੱਤਰ ਦਿਲਵਾਗ ਰਾਏ ਦੱਸਿਆ ਗਿਆ।
ਜਿਸ ਦੀ ਤਲਾਸ਼ੀ ਲੈਣ ਉੱਤੇ ਪਿਸਟਲ ਬਿਨਾ ਮਾਰਕਾ ਜਿਸ ਦਾ ਮੈਗਜ਼ੀਨ ਖਾਲੀ ਪਾਇਆ ਗਿਆ ਅਤੇ ਫਰਾਰ ਹੋਏ ਵਿਆਕਤੀ ਦੀ ਭਾਲ ਜਾਰੀ ਹੈ ਜਿਸ ਨੂੰ ਜਲਦੀ ਗ੍ਰਿਫਤਾਰ ਕਰਕੇ ਅਗਲੀ ਤਫਤੀਸ਼ ਅਮਲ ਵਿਚ ਲਿਆਦੀ ਜਾਵੇਗੀ। ਉਨ੍ਹਾਂ ਦੱਸਿਆ ਉਕਤ ਦੋਸ਼ੀ ਨੂੰ ਅਦਾਲਤ ਵਿੱਚ ਪੇਸ਼ ਕਰਕੇ ਪੁਲਿਸ ਰਿਮਾਂਡ ਹਾਸਲ ਕਰਕੇ ਡੂੰਘਾਈ ਨਾਲ ਪੁੱਛ ਗਿੱਛ ਕੀਤੀ ਜਾ ਰਹੀ ਹੈ ਜਿਸ ਪਾਸੋ ਹੋਰ ਵੀ ਵੱਡੇ ਖੁਲਾਸੇ ਹੋਣ ਦੀ ਉਮੀਦ ਹੈ।