ਅੱਜ ਲੁਧਿਆਣਾ ਦੇ ਫਾਈਵ ਸਟਾਰ ਹੋਟਲ ਹਯਾਤ ਵਿੱਚ ਲੁਧਿਆਣਾ ਦੇ ਹੋਲਸੇਲ ਰੈਡੀਮੇਡ ਗਾਰਮੈਂਟਸ ਟਰੇਡ ਫੇਯਰ ਦਾ ਰਸਮੀ ਉਦਘਾਟਨ ਬੀਜੇਪੀ ਦੇ ਸੀਨੀਅਰ ਨੇਤਾ ਸ. ਸੁਖਵਿੰਦਰ ਸਿੰਘ ਬਿੰਦਰਾ ਸਾਬਕਾ ਚੇਅਰਮੈਨ ਯੂਥ ਵਿਕਾਸ ਤੇ ਖੇਡ ਵਿਭਾਗ (ਪੰਜਾਬ ਸਰਕਾਰ) ਵਲੋਂ ਕੀਤਾ ਗਿਆ। ਇਸ ਹੋਲਸੇਲ ਰੈਡੀਮੇਡ ਗਾਰਮੈਂਟਸ ਟਰੇਡ ਫੇਯਰ ਦੌਰਾਨ ਹਜਾਰਾਂ ਦੀ ਗਿਣਤੀ ਵਿਚ ਦੇਸ਼ ਵਿਦੇਸ਼ ਤੋਂ ਵਪਾਰੀ ਆਉਂਦੇ ਹਨ।
ਇਹ ਫੇਅਰ ਪੂਰੇ ਭਾਰਤ ਵਿਚ ਆਪਣਾ ਅਹਿਮ ਸਥਾਨ ਰੱਖਦਾ ਹੈ। ਇਸ ਮੌਕੇ ਹੋਲਸੇਲ ਰੈਡੀਮੇਡ ਗਾਰਮੈਂਟਸ ਟਰੇਡ ਫੇਯਰ ਦੀ ਟੀਮ ਦੇ ਮੁੱਖ ਅਹੁਦੇਦਾਰ ਨਵਜੋਤ ਸਿੰਘ, ਤਨਵੀਰ ਸਿੰਘ, ਰਿੰਕਲ ਸਿੰਘ, ਸੰਜੀਵ ਗਾਬਾ , ਗੌਤਮ ਭਾਟੀਆ ਅਤੇ ਹੋਰ ਮੈਂਬਰ ਹਾਜ਼ਿਰ ਸਨ। ਇਸ ਮੌਕੇ ਬਿੰਦਰਾ ਨੇ ਕਿਹਾ ਕਿ ਪੂਰੇ ਦੇਸ਼ ਵਿੱਚ ਲੁਧਿਆਣਾ ਹੌਜ਼ਰੀ ਦਾ ਗੜ੍ਹ ਹੈ। ਸਾਰੇ ਵਰਲਡ ਦੇ ਬਰਾਂਡ ਇਥੋਂ ਹੀ ਸਪਲਾਈ ਹੁੰਦੇ ਹਨ।
ਇਸ ਮੇਲੇ ਵਿੱਚ ਹਜ਼ਾਰਾਂ ਵਪਾਰੀ ਦੇਸ਼ਾਂ ਵਿਦੇਸ਼ਾਂ ਤੋਂ ਹਰ ਸਾਲ ਆਉਂਦੇ ਹਨ। ਇਹੋ ਜਿਹੇ ਵਪਾਰਕ ਮੇਲਿਆਂ ਨਾਲ ਸ਼ਹਿਰ ਦਾ ਨਾਮ ਵੀ ਉੱਚਾ ਹੁੰਦਾ ਹੈ।ਬਿੰਦਰਾ ਨੇ ਕਿਹਾ ਕਿ ਕੇਂਦਰ ਦੀ ਮੋਦੀ ਸਰਕਾਰ ਵਪਾਰੀ ਵਰਗ ਦੇ ਨਾਲ ਹੈ। ਪੰਜਾਬ 'ਚ ਭਾਜਪਾ ਦੀ ਸਰਕਾਰ ਆਉਣ 'ਤੇ ਵਪਾਰੀ ਵਰਗ ਦਾ ਖਾਸ ਖਿਆਲ ਰੱਖਿਆ ਜਾਵੇਗਾ।ਉਨ੍ਹਾਂ ਨੇ ਅਮਿਤ ਸ਼ਾਹ ਅਤੇ ਗਜੇਂਦਰ ਸ਼ਿਖਾਵਤ ਦਾ ਵੀ ਧੰਨਵਾਦ ਕੀਤਾ।