ਸ਼ਾਮ 7 ਵਜੇ ਸਟੇਜ 'ਤੇ ਵਿਸ਼ੇਸ਼ ਪੰਜਾਬੀ ਮਸ਼ਹੂਰ ਹਸਤੀਆਂ ਪ੍ਰਭ ਗਿੱਲ, ਹਰੀਸ਼ ਵਰਮਾ, ਸ਼ਿਪਰਾ ਗੋਇਲ ਅਤੇ ਕਨਿਕਾ ਮਾਨ ਦੇ ਨਾਲ, ਸਰਪ੍ਰਾਈਜ਼ਿੰਗ ਵੀਕੈਂਡ ਇੱਥੇ ਜ਼ੀ ਪੰਜਾਬੀ ਦੇ ਵਿਸ਼ੇਸ਼ ਚੈਟ ਸ਼ੋਅ, "ਦਿਲ ਦੀਆਂ ਗੱਲਾਂ ਵਿਦ ਸੋਨਮ ਬਾਜਵਾ ਸੀਜ਼ਨ-2" 'ਤੇ।
ਆਪਣੀ ਆਵਾਜ਼ ਅਤੇ ਅਦਾਕਾਰੀ ਨਾਲ ਪੰਜਾਬ ਦੇ ਨੌਜਵਾਨਾਂ ਦਾ ਦਿਲ ਜਿੱਤਣ ਵਾਲੇ ਮਸ਼ਹੂਰ ਗਾਇਕ ਪ੍ਰਭ ਗਿੱਲ ਅਤੇ ਬੇਮਿਸਾਲ ਅਦਾਕਾਰ ਹਰੀਸ਼ ਵਰਮਾ ਨੂੰ ਸ਼ਨੀਵਾਰ ਦੇ ਇਸ ਵਿਸ਼ੇਸ਼ ਐਪੀਸੋਡ ਲਈ ਸੱਦਾ ਦਿੱਤਾ ਗਿਆ ਹੈ।
ਇਹ ਦੋਵੇਂ ਕਲਾਕਾਰ ਪੰਜਾਬੀ ਸਿਨੇਮਾ ਵਿੱਚ ਅਦਾਕਾਰ ਅਤੇ ਗਾਇਕ ਵਜੋਂ ਆਪਣੇ ਕੰਮ ਕਰਕੇ ਜਾਣੇ ਜਾਂਦੇ ਹਨ। ਸੋਨਮ ਬਾਜਵਾ ਕੁਝ ਮਜ਼ੇਦਾਰ ਖੇਡਾਂ ਅਤੇ ਕਲਾਕਾਰਾਂ ਦੇ ਜੀਵਨ ਬਾਰੇ ਇੱਕ ਪ੍ਰਸ਼ਨਾਵਲੀ ਦੇ ਨਾਲ ਵਿਸ਼ੇਸ਼ ਸੈਸ਼ਨ ਦਾ ਆਯੋਜਨ ਕਰੇਗੀ ਤਾਂ ਜੋ ਉਹਨਾਂ ਨੂੰ ਹੋਰ ਵੀ ਚੰਗੀ ਤੌਰ ਤੇ ਜਾਣਿਆ ਜਾ ਸਕੇ।
ਸਟੇਜ 'ਤੇ ਸ਼ਾਨਦਾਰ ਸ਼ਿਪਰਾ ਗੋਇਲ ਅਤੇ ਕਨਿਕਾ ਮਾਨ ਦੇ ਨਾਲ, ਐਤਵਾਰ ਦਾ ਐਪੀਸੋਡ ਹੋਰ ਵੀ ਮਜ਼ੇਦਾਰ ਅਤੇ ਮਨਮੋਹਕ ਹੋਵੇਗਾ। ਜਦੋਂ ਕਨਿਕਾ ਮਾਨ ਆਪਣੇ ਹੁਣ ਤੱਕ ਦੇ ਸਫ਼ਰ ਬਾਰੇ ਦੱਸੇਗੀ ਅਤੇ ਸ਼ਿਪਰਾ ਗੋਇਲ ਆਪਣੀ ਆਵਾਜ਼ ਦਾ ਜਾਦੂ ਸਾਬਤੇ ਬਖੇਰੇਗੀ। ਆਪਣੀ ਬੇਮਿਸਾਲ ਪ੍ਰਤਿਭਾ ਨਾਲ ਇਨ੍ਹਾਂ ਦੋਨਾਂ ਨੇ ਪੰਜਾਬੀ ਇੰਡਸਟਰੀ ਵਿੱਚ ਇੱਕ ਵੱਖਰਾ ਨਾਮ ਸਥਾਪਿਤ ਕੀਤਾ ਹੈ।
ਉਨ੍ਹਾਂ ਨੇ ਆਪਣੀ ਗਾਇਕੀ ਅਤੇ ਅਦਾਕਾਰੀ ਨਾਲ ਸਾਰਿਆਂ ਦਾ ਮਨ ਜਿੱਤ ਲਿਆ ਹੈ, ਅਤੇ ਅੱਜ ਰਾਤ 7 ਵਜੇ, ਦਿਲ ਦੀਆਂ ਗੱਲਾਂ ਸੀਜ਼ਨ 2 ਦੇ ਵਿਸ਼ੇਸ਼ ਸਟੇਜ 'ਤੇ, ਸਾਡੇ ਕੋਲ ਉਨ੍ਹਾਂ ਦੇ ਅਸਲ ਜੀਵਨ ਬਾਰੇ ਹੋਰ ਜਾਣਨ ਦਾ ਮੌਕਾ ਹੋਵੇਗਾ।